Fu a Frudu teleki a frulusu komoto na Egepte

Soso aiti sma ben pasa a Frudu libilibi, ma baka wan pisi ten den ben kon moro furu, iya, furu dusundusun. Ne, 352 yari baka a Frudu, Abraham mama ben meki en. Wi e leri fa Gado ben hori en pramisi, fu di a ben gi Abraham wan manpikin di ben nen Isak. Dan fu den tu manpikin fu Isak, Gado ben teki Yakob.

Yakob ben abi wan bigi osofamiri fu 12 manpikin nanga wan tu umapikin. Tin fu Yakob manpikin no ben man si den moro yongu brada Yosef na ai, èn den ben seri en leki srafu go na Egepte. Bakaten Yosef ben tron wan prenspari tiriman na Egepte. Di wan bigi angriten ben kon, dan Yosef ben tesi en brada fu si efu den ati ben kenki. Te fu kaba, Yakob ben froisi nanga en heri osofamiri, den Israelsma, go na Egepte. Dati ben de 290 yari baka di Abraham mama ben meki en.

Na ini den 215 yari baka dati, den Israelsma ben libi na Egepte. Baka di Yosef dede, den ben tron srafu drape. Te fu kaba, Moses mama ben meki en, èn Gado ben teki Moses fu frulusu den Israelsma komoto na Egepte. Ala nanga ala, Pisi 2 e taki fu 857 yari historia.