Langa pasensi

1. Yehovah, Tiriman f’ wi,

Ab faya gi En santa nen.

A nen dat A wan krin bun

Fu puru ala takru syen.

Yehovah hor pasensi

Furu dusun yari psa.

A sor langa pasensi

Gi wi lek libisma.

A wani gi frulusu

Na ala sortu sma lek wi.

A ab langa pasensi,

Mek wini fu En wi sa si.

2. Pasensi de fanowdu

Fu hori Gado pasi bun.

Pasensi bun g’a ati,

E pur na atibron fu un.

Pasens e si bun f’ trawan,

E gi w’ howpu ala ten.

Ae mek wi hor balansi

Te sma wan gi wi syen.

So nanga fasi di bun,

Di santa yeye nom’ e gi,

Fu ab langa pasensi,

Sa yep wi f’ gers a Gado f’ wi.