Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • lfb les 14 blz. 40-blz. 41 par. 2
  • Wan srafu di ben e gi yesi na Gado

Felem no de na a pisi disi.

Sorry, wan sani no go bun di wi pruberi fu drai a felem.

  • Wan srafu di ben e gi yesi na Gado
  • Moi les di yu kan leri fu Bijbel
  • A srefi sortu tori
  • „Fa mi kan du so wan bigi ogri?”
    A Waktitoren—A e taki fu Yehovah Kownukondre 2014
  • Yosef brada no man si en na ai
    Mi buku nanga Bijbel tori
  • Yehovah o meki sani waka bun gi yu
    A Waktitoren—A e taki fu Yehovah Kownukondre (Studie-Waktitoren)—2023
  • Den poti Yosef na ini dungru-oso
    Mi buku nanga Bijbel tori
Moro sani
Moi les di yu kan leri fu Bijbel
lfb les 14 blz. 40-blz. 41 par. 2
Yosef e lon gowe gi a frow fu Potifar

LES 14

Wan srafu di ben e gi yesi na Gado

Yosef ben de wan fu den yongu manpikin fu Yakob. Den bigi brada fu Yosef ben si taki den papa ben lobi Yosef moro den. Fa yu denki den ben e firi? Den ben dyarusu tapu Yosef èn den ben teige en. Wan leisi Yosef kisi wan tu aparti dren èn a fruteri den brada fu en san a dren. Den dren ben e sori taki den o boigi gi Yosef wan dei. A sani disi meki taki den ati ben bron moro nanga en!

Den brada fu Yosef e trowe en na ini wan peti

Wan dei den brada fu Yosef ben e luku den skapu fu den papa krosibei fu a foto Sikem. Yakob seni Yosef fu go luku fa a e go nanga den. Yosef ben de farawe ete, di den si taki a e kon. Den taigi makandra: ’A man di e dren den bigi dren e kon. Kon meki wi kiri en.’ Den grabu en èn den trowe en go na ini wan dipi peti. Ma Yuda, wan fu den brada fu en taki: ’No kiri en, ma meki wi seri en leki wan srafu.’ Na so den seri Yosef gi bisnisman fu Midian gi 20 pisi solfru. Den man disi ben e go na Egepte.

Baka dati den brada fu Yosef dopu a langa krosi fu en na ini brudu fu wan bokoboko. Den seni en gi den papa, dan den taki: ’Disi a no a krosi fu yu manpikin?’ Yakob ben denki taki wan ogri meti kiri Yosef. A ben sari srefisrefi. Nowan sma ben kan trowstu en.

Yosef na ini strafu-oso

Di den bisnisman fu Midian doro na Egepte, den seri Yosef leki srafu gi Potifar, wan man di ben e wroko gi a kownu fu Egepte. Ma Yehovah ben de nanga Yosef. Potifar si taki Yosef ben e du en wroko bun èn taki a ben kan frutrow en. Dati meki heri esi Potifar gi Yosef a frantwortu fu luku ala den sani di a ben abi.

A frow fu Potifar ben si taki Yosef moi èn taki a tranga. Ala dei a ben e aksi Yosef fu kon didon nanga en. San Yosef du? A no ben wani. A taigi a frow: ’Nôno! A sani disi no mag. Mi basi e frutrow mi èn yu na en frow. Efu mi didon nanga yu, dan mi o sondu teige Gado!’

Wan dei a frow fu Potifar ben wani dwengi Yosef fu didon nanga en. A grabu en krosi hori, ma Yosef lon gowe. Di Potifar doro na oso en frow taigi en taki Yosef ben pruberi fu didon nanga en. Ma a frow ben e lei. Potifar kisi wán bigi ati bron. Dati meki a poti Yosef na strafu-oso. Ma Yehovah no ben frigiti Yosef.

„Sobun, saka unsrefi na ondro a bigi èn makti Gado, so taki a kan hei unu na a reti ten.”​—1 Petrus 5:6

Aksi: San den brada fu Yosef du nanga en? Fa a du kon taki Yosef doro na ini strafu-oso?

Genesis 37:1-36; 39:1-23; Tori fu den apostel 7:9

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma