Gi leri na wan fasi di makelek fu ferstan

San Yesus du

FELEM: Yesus e ferteri agersitori di e sori taki wi Tata e sorgu wi

1. Luku a FELEM, noso leisi Mateyus 6:25-27. Baka dati luku den aksi disi:

1. Fa Yesus sori taki Yehovah e sorgu wi?

2. Aladi Yesus ben sabi furu sani fu fowru, toku a sori go na wán sani nomo. San na dati? Fu san ede dati ben de wan bun fasi fu gi leri?

San wi kan leri fu Yesus?

2. Te wi e gi leri na wan fasi di makelek fu ferstan, dan sma o memre san wi leri den èn a o naki den ati.

Du leki Yesus

3. No taki tumsi furu. Na presi taki yu ferteri ala san yu sabi fu wan tori, yu musu poti prakseri na a les na ini a studiebuku. Baka te yu poti wan aksi, yu musu wakti nanga pasensi tapu a piki fu yu Bijbelstudie. Efu a no sabi a piki noso efu a e taki wan sani di Bijbel no e leri, dan poti tra aksi di o yepi en fu denki a tori. Te a studie fu yu ferstan a prenspari penti kaba, dan go doro nanga a les.

4. Gebroiki sani di yu Bijbelstudie sabi kba fu yepi en ferstan nyun sani. Fu eksempre, fosi yu bigin nanga a les fu na opobaka, dan kande yu kan luku syatu san a sma leri kba fu san e pasa nanga dedesma.

5. Gebroiki agersitori bun. Efu yu o gebroiki wan agersitori, aksi yusrefi fosi:

1. ‘Na agersitori makelek?’

2. ‘A studie fu mi o man ferstan en krin?’

3. ‘A o yepi a studie fu memre a prenspari penti na presi fu memre soso na agersitori?’