Joe de wan soema di e saka joesrefi loyaal ondro na rigeri foe Gado?
1. Sortoe rigeri joe prakseri ibri soema ben sa wani sote?
EFOE now joe ben abi tapoe grontapoe wan naatsi di ben sa kan dresi hen borgroe krin krin foe siki, en di ben sa kan meki hen lanman kon gosontoe, en di ben sa kan meki na ai foe den breniwan foe hen kon boen baka, en di ben sa kan opo den jesi foe den dofoewan foe hen en di ben sa kan tjari den dedewan foe hen kon baka na libi, dan na rigeri foe so wan naatsi no ben sa meki bigi foe den sortoe wroko disi? En ibri soema na grontapoe no ben sa doe ala san a man wantron wantron foe de seker foe wan presi ondro na rigeri dati? Na so joe ben sa denki. Ma na historia e sori wan heri tra firi foe na sé foe foeroe soema.
2, 3. San ben meki den fosi-eeuw djoe rigeriman nanga den soema di ben de na den ondro, trowe na kownoe foe Gado?
2 Loekoe pikinso na ini na fosi eeuw di Jezus Kristus, di ben poti kaba leki kownoe foe na rigeri foe Gado, ma di no ben tiri ete. ben doe den sortoe wondroe sani disi. Fa den soema ben ontvange hen? Makriki den meki den djoe rigeriman wroko tapoe den en den ben prati ini na loyaliteit foe den. Soleki na bijbel e sori, dan den rigeriman disi ben soekoe foe hori na presi nanga positie foe den ini libisoema rigeri leki den ben abi belangstelling foe doe den moro boen afersi foe na pipel. Wi e lési foe disi:
„Den hépriester nanga den Farisésoema ben kari foe datede na Sanhedrin konmakandra en den taki: ’San wi moe doe, bikasi na soema disi (Jezus) e doe foeroe marki? Efoe wi meki a go so doro, dan ala soema sa poti bribi ini hen, en den Romein soema sa kon en sa poeroe na presi foe wi en na naatsi foe wi.’ Ma wan soema foe den, Kajafas, di ben de na jari dati hépriester, ben taki gi hen: ’Oenoe no sabi troe troe noti, en oenoe no e prakseri dati a de na boen foe oenoe dati wan soema dede foe na boen foe na pipel en na heri naatsi no pori.’ . . . Foe sensi na dé dati den ben meki mofo foe kiri hen.” — Joh. 11:47-53.
3 Den gridi afersi foe den djoe rigeriman no ben tapoe den wawan foe ondersteun na rigeri foe Gado, ma na gridifasi foe den ben abi ooktoe leki bakapisi dati den oen tjari na pipel so fara foe trowe Jezus. Na bijbel e taki, dati na a ten di na Romein tiriman Pontius Pilatus ben tjari Jezus go na dorosé en ben taki gi den djoe „Loekoe! Na kownoe foe joe”, na pipel ben bari ’Komoto na pasi nanga hen! Komoto na pasi nanga hen! Poti hen na wan postoe!’ Pilatus ben taki gi den: ’Mi sa anga na kownoe foe oenoe na wan postoe?’ Den hépriester ben piki: ’Wi no abi no wan — tra kownoe leki caesar.’” Den kerki fesiman ben de soboen den soema di ben kisi den soema so fara dati den ben opo den sten tegen na kownoe nanga na kownoekondre. — Joh. 19:14, 15.
4. Sortoe sé foe teki de na fesi foe ibri soema ini disi ten?
4 Ofoe joe e verstan disi, ofoe joe no e verstan disi, tog now joe e tanapoe na fesi foe, na srefi bosroiti. Joe sa de ofoe wan soema di e saka hensrefi loyaal ondro na rigeri foe Gado ofoe joe o teki na sé foe, den soema di de tegen na rigerimakti foe hen. Dati Jezus Kristus nanga den soema di sa tiri nanga hen sa de ini hemel en no sa de foe si, no e meki den de soema di no de troe troe. Na bewijsi de toemsi bigi: Gado ben opo Kristus baka foe dede, en djonsro hen makandra nanga hen kompe-rigeriman, sa gi jesi na a komando foe Gado foe kon fri foe ala grontapoe nanga soema di o saka na den ondro (Dan. 2:44; 2 Thess. 1:6-9; Openb. 2:25, 27). San de foe datede na bosroiti foe joe sa teki na sé foe rigeri foe libisoema ofoe joe; sa teki na sé foe foe foe Gado?
SABI DE FANOWDOE FOE DE WAN BORGROE
5. Sortoe marki wan bepaalde rigeri e poti gi vreemde soema di wani tron wan borgoe?
5 Joe no kan opo joe anoe soso en taki: „Mi de wani borgroe foe na rigeri foe Gado.” Moro de fanowdoe foe disi. Efoe foe eksempel wan vreemde soema wani de wan borgroe foe Amerkankondre, dan a moe doro bepaalde marki. Ini na World Book Encyclopedia e tjari kon na krin: „Lantiman foe na Immigratie nanga Naturalisatiedienst e ondrosoekoe en aksi na vreemde soema . . . A moe bewijsi dati a kan lési, skrifi en taki eenvoudig Ingrisitongo . . . Na vreemde soema moe bewijsi ooktoe dati a sabi wan sani foe na historia nanga na rigeri foe Amerkankondre.” — Uitg. foe 1973, Deel 14, blz. 52.
6. Sortoe „tongo” wi moe leri te wi wani Gado feni oen boen foe tron wan borgroe foe Gado kownoekondre?
6 Foe Gado kan feni joe boen foe de wan borgroe foe na rigeri foe Gado, dan na den srefi marki joe moe doro. Na a fosi presi joe moe leri na „tongo” foe den soema di sa libi ondro na rigerimakti foe Gado kownoekondre. Jehovah e taki ini hen Wortoe na bijbel: „Bikasi dan mi sa meki pipel go abra foe taki wan soifri tongo, sodati den ala sa kari na nen foe Jehovah, foe dini hen skowroe na skowroe” (Zef. 3:9). Na soifri tongo disi de na waarheid foe Gado foe na bijbel, spesroetoe foe na kownoekondre foe hen, di sa tjari vréde kon tapoe grontapoe. Jezus nanga hen discipel ben taki na soifri „tongo” disi di den ben de tapoe grontapoe. Den ben gi kotoigi foe na waarheid foe na kownoekondre en den ben poti na boskopoe na lesi. Now, den soema di wani de borgroe foe Gado Kownoekondre, moe doe disi ooktoe. — Joh. 18:36; Luk. 8:1; 10:8-11.
7. San de wan toe aksi di borgroe foe Gado rigeri ben sa moe piki? Joe kan gi piki tapoe den?
7 Boiti dati, efoe joe wani Gado feni joe boen foe de wan borgroe foe Gado kownoekondre dan joe, moe sabi wan sani foe na historia en ooktoe foe den rigeriman foe na kownoekondre. Joe kan bewijsi disi nanga na, gi piki tapoe den aksi leki: Oten Gado ben seti sani foe na fosi tron foe na kownoekondre rigeri foe hen? Soema ben de wan toe foe den dienstknegti bifo Kristus di ben loekoe na fesi foe troe borgroe foe na regtvaardiki rigiri foe hen? Fa den ben sori na bribi foe den ini na rigeri dati? Omeni soema sa doe wroko leki rigeriman ini na rigeri foe Gado? Joe kan kari wan toe foe den soema di bijbel e kari en di ben sori dati den boen nofo foe de kompe-rigeri man nanga Kristus? San den ben doe foe bewijsi na getrouwfasi foe den? Fa Jezus, ben doro na marki foe de kownoe? Sortoe fasi foe libi sa de ondro na kownoekondre-rigeri foe Gado, di e sori na lobi foe hen gi libisoema? A de toemoesi prenspari foe sabi den sani disi, bika Jezus taki ini begi gi hen Tata: „Disi wani taki tégo libi, dati den teki sabi alaten ini den foe joe, na wan enkri troe Gado, en foe hen di joe ben seni kon, Jezus Kristus.” — Joh. 17:3.
WAN REGTVAARDIKI WAKA NANGA LIBI DE FANOWDOE
8. San de ete wan marki di wan bepaalde rigeri poti di vreemde soema di wani tron borgroe moe doro?
8 Soleki soema di wani tron borgroe foe wan grontapoe rigeri moe doro tra marki, na so moro marki de foe tron wan borgroe foe na kownoekondre foe Gado. Ini The World Book Encyclopedia den e taki foe wan soema di wani den feni hen boen foe tron wan borgroe foe Amerkankondre: „A moe abi wan boen moreel nen . . . Na wet e verteri dati wan vreemde soema no e abi wan boen moreel nen efoe a de wan droengoeman, e doe hoeroedoe, abi moro leki wan oema, en o sorgoe foe hen libi nanga dobbel” en so moro fara. Den soema di wani de borgroe foe na rigeri foe Gado, den toe moe doro ooktoe den moreel marki. Na bijbel e tjari den disi kon na krin.
9. San de wan toe moreel marki di wan soema moe doro, di wani de wan borgroe foe na rigeri foe Gado?
9 Wan soema di o de ini na ten di e kon wan kownoekondre-erfgenaam foe eksempel moe poti, ini hen libi san na bijbel e taki foe eerlijkheid (opregtifasi). A no kan de wan léman ofoe foefoeroeman (Ef. 4:25, 28; Openb. 21:8). A moe poti prakseri ooktoe tapoe na rai foe na bijbel tapoe na tori foe droengoe (Ef. 5:18; 1 Petr. 4:3, 4). Moro fara hoeroedoe, soetadoe ofoe homoseksualiteit de kontrari den marki foe Gado sodati den soema di e doe den no sa de boen nofo foe libi ondro Gado kownoekondre (1 Kor. 6:18; Hebr. 13:4; Rom. 1:24-27). Den soema di ben doe wan doe den sortoe sani disi ma ben libi den, no sa keur af foe na fositen waka nanga libi foe den (1 Kor. 6:9-11). Na punt de: Gado no sa verdrage espresi pasa foe den wet foe hen; Te soema wani de borgroe foe hen rigeri, dan den moe saka densrefi ondro den moreel marki di poti ini hen Wortoe.
10. Sortoe seti foe tiri, borgroe foe na rigeri foe Gado moe respeki?
10 Disi wani taki, dati den soema di sa libi ondro na kownoekondre foe Gado moe de klari foe fiti densrefi na den sani di Gado Wortoe e taki. Ma moro Gado e aksi ete. Den moe sori ooktoe respeki gi na rai nanga bosroiti foe den soema di Gado ben poti ini frantwortoe positie inisé foe hen kristen gemeente. Den no kan de soema di ’e doe san densrefi wani’, awasi na tiri di komoto foe na „Getrouw nanga voorzigti srafoe”, di Kristus ben gi na loekoe foe den kownoekondre afersi tapoe grontapoe (Matt. 24:45). Na apostel Petrus e skrifi foe bepaalde soema di e afrontoe makti en ben taki foe den sortoe soema disi „leki den di e lon baka skin nanga na lostoe foe doti hen en di e loekoe nanga veragti tapoe regeri-makti”. Te a de skrifi moro fara foe den, na apostel e taki: „Den asranti, tranga-ede, den no e béfi gi den gloriwan (soema di kisi na loekoe tapoe na gemeente foe Gado) ma e taki spotoefasi.” — 2 Petr. 2:10.
11. (a) Sortoe komando foe na kownoe foe Gado ala kownoekondre borgroe moe gi jesi? (b) Fa den e waka baka den komando disi en foe san ede a de so prenspari foe gi jesi na den?
11 Ma foe, den borgroe foe na rigeri foe Gado moro e aksi dan dati den tan farawe foe wan immoreel libi nanga, waka di no e sori respeki. Den moe teki fesi foe sori switi doe gi trawan. Den moe libi akroederi nanga na wet foe Gado ai na kownoe Jezus Kristus ben gi: „Ala sani dan di joe wani dati soema doe joe, joe moe doe ooktoe gi den” (Matt. 7:12). Kristus ben gi na eksempel ini na lobi foe, hen gi trawan; a ben gi hen libi srefi gi libisoema. En a ben gi hen foetoeboi na komando: „Lobi makandra leki fa mi ben lobi oenoe” (Joh. 13:34; 1 Joh. 3:16). Na lobi disi foe offer hensrefi en sorgoe gi trawan sa meki na libi ondro na rigeri-makti foe Gado kownoekondre doe, wan, troe troe switi sani. Na waka nanga libi foe joe de so, dati joe de boen nofo foe libi dan? Joe e doe moeiti foe doe switi doe gi trawan?
GADO E AKSI LOYALE ONDERSTEUNING
12. San de ete wan marki di wan bepaalde rigeri e poti gi vreemde soema di wani tron borgroe foe hen?
12 Dati Jehovah Gado e aksi foe hen borgroe dati den ondersteun loyaal hen kownoekondre-rigeri, no moe froewondroe wi, bikasi libisoema rigeri o aksi disi ooktoe. The World Book Encyclopedia e taki moro fara foe wan vreemde soema di wani tron wan borgroe foe, Amerkankondre: „A de pramisi dati, a sa ondersteun en feti gi a grondwet en dati foe na boen foe Amerkankondre a sa tjari den fetisani.” Moro fara „a de sweri dati a libi ala reti di a abi reti na tapoe ini tra kondre en dati a de sweri dati a no de hori moro na no wan trouw foe sortoe tra kondre”. Ma san de na wani foe Gado foe na . . . fasi fa soema moe ondersteun loyaal na kownoekondre foe hen?
13. San e sori dati a de wan sani di no de joisti gi kristen soema foe stré nanga letterlijke fetisani foe na boen foe na rigeri foe Gado?
13 Disi no e pasa nanga fetisani na skinfasi foe feti foe na boen foe na kownoekondre. Jezus ben, tjari kon na krin gi na Romein tiriman Pontius Pilatus: „Mi kownoekondre no de wan pisi foe disi grontapoe. Efoe mi kownoekondre ben de wan pisi foe disi grontapoe, dan den dinari foe mi ben sa feti, sodati mi no ben gi abra na den djoe. Ma mi kownoekondre no de foe disi fonten” (Joh. 18:36). Fosi dati, di na apostel Petrus ben wani, feti gi hen Méstri, Jezus ben taki gi hen: „Poti joe feti-owroe baka tapoe hen presi, bikasi ala soema di e graboe na feti-owroe, sa lasi gwe nanga na feti-owroe. Ofoe joe denki dati mi no kan aksi mi Tata tapoe na, momenti disi foe gi moro leki twarfoe legioen engel?” (Matt. 26:52, 53). Kristen soema no sa abi wan prati ini na kiri foe den féjanti foe Gado; dati de na wroko foe den hemel fetiman foe Gado. Na bijbel e sori dati kristen no e, teki prati na wan letterlijk feti na skinfasi. — Loekoe 2 Kor. 10:3-5; 2 Tim. 2:24.
14. (a) Sortoe wroko Gado wani dati den kownoekondreborgroe foe hen doe? (b) Fa den ben sori dati den ben gi densrefi abra na hen?
14 Gado e aksi moro foeroe foe hen grontapoe dienstknegti dati den de Takiman foe na boen foe hen rigeri dati den de kownoekondrefetiman ofoe prékiman. Na so fasi den o „meki bekenti nanga mofo ini publiki san e tjari jepi kon” (Rom. 10:10). Moro fara Gado e aksi foe den borgroe foe hen dati den gi densrefi abra na hen en de getrouw na hen. Jezus Kristus ben pristeri hensrefi foe na wani foe Gado en leki wan marki foe disi a ben dopoe (Matt. 3:16, 17; Hebr. 10:5-10). Kristen soema moe handri na a srefi fasi. Baka di den teki ini den na fanowdoe sabi, dan den moe fiti densrefi na den moreel marki en den moe gi densrefi abra na hen en doe disi nanga jepi foe na dopoe ini watra. Dan nanga den heri ati den moe teki prati na a bigi prékiwroko di Jehovah wani moe doe.
15, 16. (a) San ben de na moro prenspari wroko foe Jezus tapoe grontapoe, en fa a ben sori den discipel foe hen dati disi de ooktoe na moro prenspari wroko foe den? (b) Leki fa Jezus ben gi komando, dan pe wi moe go soekoe soema?
15 A de na wani foe Jehovah dati ibri soema sabi san na kownoekondre foe hen wani taki en fa a sa loesoe den problema foe libisoema. Na rigeri dati de wan diri sani gi Gado, foedi a de na wrokosani di a sa gebroiki foe krin hen nen foe ala sjen en gi hen pipel blesi. So na bijbel e taki foe na moro prenspari wroko foe na Manpikin foe, Gado na grontapoe: „Jesus ben bigin foe waka lontoe ala den foto nanga dorpoe, aladi a . . . ben préki na boen njoensoe foe na kownoekondre” (Matt. 9:35). En na wan tra okasi Jezus ben taki: „Mi moe meki ooktoe na tra foto na boen njoensoe foe na kownoekondre foe Gado bekenti, bikasi na foe disi Gado ben seni mi kon.” — Luk. 4:43.
16 Jezus ben leri hen foetoeboi foe doe na srefi wroko. Fosi a ben seni hen twarfoe apostel, nanga na komando: „Préki tapoe joe waka en taki: ’Na kownoekondre foe hemel kon krosibé kaba.’ Sortoe foto ofoe dorpoe joe go na ini, ondrosoekoe, soema drape di warti fo, hen, en tan drape te leki joe gwe. Te joe go ini na oso, taki na osofamiri odi; en efoe na oso no de warti foe dati, dan na vréde di joe wensi gi hen e kon na hen tapoe, ma efoe na oso no de warti foe dati, dan na vréde foe joe e kon baka tapoe joe” (Matt. 10:5-14). Foedi den apostel ben gi jesi na den komando disi, den ben go na den oso foe den soema en den ben tan na den soema di ben warti foe den prati na kownoekondre-boskopoe nanga den. Bakaten, Jezus ben leri sébi-tenti foe hen discipel: „Efoe joe kon na wan foto en den soema ontvange joe, . . . tan taki gi den: ’Na kownoekondre foe Gado kon krosibé foe joe’” (Luk. 10:1-11). Ja Jezus ben seni hen foetoeboi foe wroko foe na kownoekondre.
17. (a) Foe san ede dekati ben de fanowdoe ini na fosi eeuw foe doe na kownoekondre-préki? (b) Fa den fosi kristen ben sori na dekati foe den nanga na préki foe den?
17 Dekati ben de troe troe fanowdoe foe teki prati na a activiteit disi. Foedi den gens man foe na kownoekondre gi tranga meki den ben kiri Jezus en baka wan pisiten den foetoeboi foe hen Stéfanus nanga na apostel Jakobus den ben kiri (Tori foe den Apostel 7:54-60; 12:2). Tog den foetoeboi foe Jezus no ben meki disi tapoe skreki gi den. Srefi baka di den ben krawasi den apostel, den ben tan, soleki na bijbel taki, „leri ibri dé ini na tempel en oso foe oso en meki na boen njoensoe foe na Kristus bekènti” (Tori foe den Apostel 5:42). Jari na baka den oproeroe soema ini Thessalonika ben bari foe na apostel Paulus nanga den kompe foe hen: „Den soema disi e handri kontrari den wet foe caesar, foedi den e taki dati wan tra kownoe de, Jezus” (Tori foe den Apostel 17:7). Ma na vervolgoe disi no ben stop den foe préki. Na bijbel e sori dati Paulus ben go doro „foe meki na boen njoensoe bekenti”. A ben „leri ini publiki en oso foe oso” en a ben gi kotoigi finifini na den djoe nanga trawan di ben moe abi berouw. — Tori foe den Apostel 20:20, 21.
SORTOE STANDPUNT JOE E TEKI NOW?
18, 19. (a) Sortoe wroko Gado wani moe doe now? (b) Te wi hori sortoe sani na prakseri, wi kan kisi jepi foe teki prati na a kownoekondre-préki?
18 Ini na ten disi na srefi dekati de fanowdoe foe de wan faja kownoekondrefetiman. Na gens foe na kownoekondre-boskopoe de now net so hebi leki ini na fosi eeuw. Na aksi de foe datede: Sortoe standpunt joe e teki? Joe sa ondersteun loyaal na kownoekondre foe Gado? A de na wani foe hen dati bifo na kaba wan bigi kownoekondrekotoigi moe gi. Joe sa abi wan prati ini disi? — Matt. 24:14.
19 Kande joe e feni hen wan moeilijk sani foe teki fesi foe verteri trawan foe na rigeri foe Gado. Ma joe kàn doe hen. Te joe doe disi, joe e sori joe lobi gi Jehovah (1 Joh. 5:3). Prakseri pikinso ete Abraham, di Gado ben gi hen na moeiliki wroko foe gi hen manpikin leki wan slagti-ofrandi. Di Abraham ben gi jesi, Gado ben stop hen foe soetoe na slagti-ofrandi kiri en a ben taki gi hen: „Bikasi now mi sabi troe troe dati joe e frede Gado.” Ja, na gi jesi di Abraham ben gi jesi ben sori dati a ben vertrouw Gado sondro foe hori wan sani na baka (Gen. 22:12; Hebr. 11:7-9). Fa so fasi ooktoe wi kan sori Gado nanga na faja kownoekondrepréki foe wi dati wi e ondersteun loyaal na rigeri foe hen, en disi a de aksi ooktoe foe hen borgroe. Na a srefi ten wi e sori nanga disi na lobi nanga sorgoe foe wi gi tra soema, foedi den kan komoto soso foe na pori di e kon esi esi ini na „bigi benawtoe” te den jere na kownoekondre-boskopoe en handri akroederi nanga hen. — Matt. 24:21; 1 Joh. 2:17.
20. Fa na eksempel foe Mozes kan jepi wi foe teki wan koni standpunt tapoe na tori foe moreel marki foe Gado?
20 Ma wi o sori ooktoe na loyaal ondersteuning foe wi foe na rigeri foe Gado te wi hori fasti na den moreel marki foe Gado. Pe wi tanapoe ini na afersi disi? Son soema ini na fosi presi wani foe prisiri densrefi foe „doe san densrefi lostoe”. A de troe dati a kan de toemsi prisiri foe waka nanga soema di ala sani foe den na prisiri en di e libi fa a go a go. Ma na prisiri de foe wan sjatoe ten. Mozes ben de so koni dati a no ben teki so wan fasi foe libi nanga waka. „Nanga bribi Mozes, di a ben gro kon bigi, ben wégri foe den kari hen na manpikin foe na oemapikin foe Farao en a ben verkisi foe moro betre foe den handri hen takroe makandra nanga na pipel foe Gado leki foe njan foe wan pisiten boen foe na sondoe . . . bikasi a ben poti hen prakseri tapoe na paiman” (Hebr. 11:24-26). A de go foe san wi e si leki na moro prenspari sani. Wi wani soso foe prisiri wi égi gridi lostoe? Ofoe wi wani doe san e prisiri na Mekiman foe wi en dini den afersi foe hen kownoekondre-rigeri?
21. (a) Fa Jezus ben taki foe na sé di wi alamala moe teki? (b) Joe teki na fasti bosroiti foe teki sortoe sé?
21 Troe troe, mindri toe sé wi kan teki. Kristus ben agersi na afersi disi nanga na teki mindri toe pasi: Na wan pasi so a ben taki de „bradi en opo”. Den soema di e waka tapoe na pasi disi de fri foe doe „san densrefi lostoe”. Na tra pasi na a tra sé de „smara”. Ja, den soema di e waka na pasi disi, moe hori fasti na a tiri foe Gado. Na moro bigi pisi, so Jezus ben taki, e koti go ini na bradi pasi, soso wan toe e go tapoe na smara pasi. Sortoe pasi joe sa teki? Te joe e teki hori disi ini prakseri: Na bradi pasi wantron wantron sa kon na wan kaba en go ini pori! Na smara pasi na a tra sé sa waka go doro ini Gado njoen seti foe sani, pe joe kan libi foe tégo leki wan loyaal kownoekondreborgroe (Matt. 7:13, 14). Soboen na bosroiti de na joe! San joe sa teki?