Na joisti pasi moe teki now
1, 2. (a) Soleki na bijbel taki, dan sortoe grontapoe sa de eri esi tapoe na tori foe aanbegi? (b) Foe sainde a de now na tranga fanowdoe ten foe teki wan bosroiti tapoe na tori foe sortoe fasi foe doe di moe teki?
SOLEKI den troe tori di skrifi na boekoe e sori, dan na moro bigi pisi foe libisma no e aanbegi na Gado foe na bijbel. Ini na eri ten foe na historia di pasa kaba, na moro bigi pisi foe den sma foe grontapoe no ben doe dati. Na Georganiseerde Religie foe na kristenheid e taki dati den e doe disi wel. Wan toe tra kerki seti sa taki disi ooktoe, foedi den e hori pikinso na wan pisi foe na bijbel. Ma a sa meki wan bigi difrenti te ala sma di taki dati den de ini wan religie, kisi pori ofoe e kisi dwengi foe libi na aanbegi foe den? Sortoe grontapoe dati sa de dan? A sa de na sortoe foe grontapoe di leki na bijbel taki sa kon eri esi, wan grontapoe sondro kerki di sa tan sjatoe.
2 Ma moro krin leki oiti a sa aanbegi „na Gado foe na seti foe sani” en na bijbel di e meki wi kon sabi na „gado” disi e taki dati a de na bigi stréman foe Jehovah, Satan na Didibri (2 Kor. 4:4). Jezus Kristus ben kari hen na „tiriman foe na grontapoe disi” (Joh. 12:31; 16:11). Te eri esi na eri grontapoe sa kisi dwengi foe aanbegi na falsi „Gado”, san wan soema sa doe dan di na prakseri disi froewondroe hen? Foe san a sa abi na krakti foe kerki? Te wi loekoe hen boen dan a de now na toemsi fanowdoe ten foe teki wan bosroiti!
3. O langa na fesi Jehovah ben teki hen bosroiti bifo a ben tjari disi kon tapoe den naatsi?
3 Joël 3:14 e taki na fesi: „Ipi, ipi, de ini na lagi-presi foe bosroiti, bikasi na dé foe Jehovah kon krosibé ini na lagipresi foe bosroiti”. The Living Bible e gi wan moro bradi loekoe tapoe Joël 3:14 en e taki: „Ipi, ipi, di e wakti ini na lagi-presi tapoe na kroetoe foe na pori foe den! Bikasi na dé foe Masra kon krosibé kaba, ini na Lagipresi foe kroetoe.” The living Bible foe Byington e taki foe „Lagipresi foe bosroiti”. Na proféti Joël ben klari na boekoe foe hen ini 820 bifo G.T. Disi ben de so wan moro leki 200 jari bifo Jehovah ben tjari hen agersi „bosroiti” kon tapoe den naatsi ini den owroe ten dati.
4. (a) Fa Jehovah ben gi wi ini disi wan boen eksempel? (b) Fa Baruch, na manpikin foe Neria, ben gi wi wan boen eksempel?
4 Jehovah ben gi wi wan boen eksempel. A ben teki na fesi hen bosroiti en meki disi bekenti na publiki. Now, ini wan ten di no de mendri moeiliki, ibriwan foe wi moe teki wan égi bosroiti bifo na grontapoe rampoe kon. A de wan kefarlek kori foe hensrefi foe prakseri dati wan sma wantron wantron ben sa kan kenki na fasi foe doe di a ben horidoro na ini en ben kan teki a joisti bosroiti, di sa meki a lon komoto foe na rampoe. Baruch na manpikin foe Neria, ben de wan eksempel, foedi a ben doe na joisti sani 18 jari bifo na internationaal rampoe di a ben kisi foe jere foe hen ini 625 bifo G.T. Na jari 625 bifo G.T. ben de na di foe fo jari foe na rigeri foe na bifo toe laatste kownoe foe na Jeruzalem di ben sa go ini pori. Na nen foe hen ben de Jojakim, na manpikin foe Josia. A ben kon tapoe na troon ini 628 bifo G.T., baka di Farao Necho foe Egypte ben poeroe hen moro jongoe brada na a troon en tjari hen gwe na Egypte.
5, 6. (a) Foe sainde na jari di Jehovah wortoe di ben kon na Jeremia gi Baruch, ben de wan moeiliki jari? (b) Fa Baruch ben firi hensrefi na a ten dati, leki fa Jeremia 45:1-3 e taki?
5 Baka di Jojakim ben tiri dri jari leki wan kownoe ondro Egypte, dan na proféti-priester Jeremia ben kisi wan boskopoe foe Jehovah gi hen sekretarsi, Baruch na manpikin foe Neria. Gi kownoe Jojakim na di foe fo jari foe hen rigeri ben doro. Dati ben de wan moeiliki jari, bika ini na jari dati (625 bifo G.T.) Nebukadnezar, na manpikin foe Nabopolassar, ben tron kownoe foe Babylon. Na kownoe foe Babylon ben sa moe hori na prakseri na tiriman foe na di foe dri Grontapoemakti, Babylon, na winiman foe na Assyria-kownoekondre. Meki wi go lési now ini na tori disi Jeremia 45:1-3:
6 „Na wortoe di na proféti Jeremia ben taki gi Baruch, na manpikin foe Neria, di a ben skrifi den wortoe disi foe na mofo foe Jeremia ini na di foe fo jari foe Jojakim, na manpikin foe Josia, na kownoe foe Juda, taki: ’Disi Jehovah, na Gado foe Israël ben taki foe joe, o Baruch: „Joe ben taki: ’Eroe foe mi tog, bika Jehovah ben poti sari tapoe a sari foe mi! Mi kon weri foe na soktoe foe mi, en wan rostoepresi mi no ben feni.’”’”
7. Fa Baruch ben kan ben firi hensrefi di den toestand ini Jeruzalem ben kon moro ogri, en sortoe krakti den boskopoe foe pori di Jeremia ben taki alaten nomo, ben kan abi tapoe Baruch?
7 Wi no sabi o langa Baruch ben de, na sekretarsi foe Jeremia kaba na a pisi ten dati ma ini na tori foe hen no mindri leki 18 jari ben de na hen fesi ete, di a ben sa de wan mati foe na proféti. Sortoe „sari” a ben firi di a ben si fa na toestand foe Juda ben kon moro ogri, wi no kan kon sabi, ma te joe libi dati na wan sé, a ben moe skrifi now na sari boskopoe foe pori, soleki Jeremia ben taigi hen foe skrifi. A ben sa firi hensrefi leki na proféti Jeremia di a ben skrifi na boekoe „Kragisingi”, baka di na kownoe foe Babylon ben pori Jeruzalem ini 607 bifo G.T. Den profétitori foe Jeremia foe na rampoe di kon krosibé di ben tan go doro en di ben taki ete wan tron nomo ben kan weri Baruch.
8. Sortoe prakseri Jehovah tjari kon na krin now gi Baruch, ma san Baruch ben soekoe gi hensrefi?
8 Baruch no ben abi na hen fesi wan „rostoepresi” gi hensrefi. Jehovah ben si na inisé firi foe Baruch en A ben taigi Jeremia foe taki: „Disi Jehovah ben taki: ’Loekoe! San mi ben bow, mi e broko, en san mi ben prani mi e roetoe poeroe, ja srefi na heri kondre. Ma foe joe sé, joe e tan soekoe bigi sani gi joesrefi. No tan foe soekoe den.’” — Jer. 45:4, 5.
9, 10. Foe sainde nanga reti Jehovah no ben feni hen boen dati Baruch ben soekoe „bigi sani” gi hensrefi na a ten dati?
9 Baruch ben sabi gi hensrefi sortoe „bigi sani” a ben soekoe gi hensrefi, aladi Jehovah no e kari den na nen gi hen. A de krin dati Jehovah no ben prisiri nanga den en foe datede meki a no ben moe soekoe den moro langa. Foe sainde Jehovah no ben prisiri nanga den?
10 Disi ben de foe na wantewante prakseri di Jehovah ben abi. Ini na srefi jari dati a ben meki Nebukadnezar kon leki kownoe foe Babylon en na hen a ben wani gebroiki leki na soema di ben sa tjari na strafoe foe na kroetoe kon tapoe na pipel foe Baruch. Spesroetoe sensi den dé foe kownoe David (1077-1037 bifo G.T.) Jehovah ben bow na kownoekondre foe Israël, en now a ben de so fara foe gebroiki Nebukadnezar foe broko na kownoe rigeri dati en meki a no wroko moro 2520 jari ofoe te 1914 ini na eeuw foe wi. Ini 1473 bifo G.T. Jehovah ben prani na naatsi ini na Pramisi Kondre, ma now, baka 800 jari, a ben de so fara foe roetoe hen poeroe. Sébi-tenti jari langa joe ben sa abi ini na kownoekondre Juda, no djoe noso osometi, aladi den sma foe hen ben de leki katiboman ini na kondre foe Nebukadnezar. A ben de gi wan sma di ben sabi san ben de foe pasa, foedi a ben sabi na prakseri foe Jehovah soleki Jeremia ben meki dati bekenti, na joisti ten foe soekoe „bigi sani” gi hensrefi? Kwetkweti!
11. San ben tai ini na tori foe Baruch ini na teki foe wan joisti bosroiti, en oten a ben moe teki na bosroiti dati?
11 Foe datede Jehovah ben taigi hen, dati a ben moe stop foe soekoe den sortoe sani disi. En efoe Baruch ben sa go doro foe soekoe den sortoe sani disi foe hensrefi now? A ben sa kan agri nanga hen heri ati nanga na boskopoe, di den ben gebroiki hen foe skrifi en foe meki bekenti? Nono! Dan troetroe wan bepaalde prati ben sa kon mindri hen nanga Jehovah proféti Jeremia. Efoe Baruch nanga hen heri ati ben wani tanapoe baka Jeremia nanga na boskopoe foe hen, dan a ben moe poti hen égi gridi afersi na baka. Ete 18 jari ben moe pasa, bifo na rampoe di taki na fesi ben sa kon, ma tog a ben de fanowdoe dati Baruch ben teki now wan bosroiti. Noti moro leki hen libi, ofoe hen „sili” ben tai nanga disi efoe a ben sa teki na joisti bosroiti en hori ensrefi na dati. A ben moe teki na bosroiti disi efoe a no ben wani dati den banti foe hen nanga Jeremia no ben sa broko.
12. Foe sainde a de gi wi, soleki a ben de gi Baruch, no wan verstan sani now foe soekoe „bigi sani” gi wi srefi ini disi grontapoe?
12 Fa na moeiliki situatie pe wi, di abi sabi foe den sani disi en pe wi de now na ini, e akroederi nanga di foe Baruch! En disi de spesroetoe so sensi na jari 1914, bikasi foe sensi na ten dati Jehovah Kotoigi ben préki, dati na kristenheid, na disiten model foe na ontrouw Jeruzalem, ben sa pori nanga anoe foe wan sma di moro bigi leki Nebukadnezar, na hemel kownoe di e rigeri now, Jezus Kristus. Soboen, a no de troetroe wan verstan sani, te wan sma di de ini wan verbontoe nanga Gado, ben sa soekoe now „bigi sani” ini so wan moeiliki ten ini na seti foe sani di e broko gwe moromoro. A ben sa sori dati a no e verstan dati wi e libi ini na „ten foe na kaba”. A ben sa sori dati a no abi bribi nanga vertrouw ini na joistifasi nanga actualiteit foe na boskopoe foe na Jeremiaklasse di e meki bekenti na pori foe na owroe seti foe sani di moe kon na wan kaba. Na libi, na „sili” foe so wan sma di gi hensrefi abra na Gado de foe lasi! Jehovah de now so fara foe doe hen wroko foe hari trowe en foe broko nanga jepi foe wan sma di abi moro makti leki Nebukadnezar. Wi wani foe dede makandra nanga na disiten eksempel foe na Jeruzalem, di fadon komoto na bribi, na kristenheid? Efoe wi no wani dati, dan wi moe teki wi bosroiti, di ten de ete foe doe san Jehovah ben taigi na sekretarsi foe Jeremia, Baruch, foe doe: stop foe soekoe „bigi sani” ini na grontapoe disi.
13. Ini san makandra nanga na Jeremiaklasse wi moe teki prati now?
13 Meki ibriwan foe wi aparti libi akroederi na boskopoe di na Jeremiaklasse e meki bekenti. Meki wi libi den afersi foe wi égi lostoe en no poti na lobi foe wi tapoe den sani foe na grontapoe disi di sa pori. Disi wani taki gi wi, dati makandra nanga na Jeremia-klasse nanga dekati wi moe teki prati na a warskowwroko foe na „dé foe refrensi” foe Jehovah di e kon krosibé. — Jes. 61:1, 2.
14, 15. (a) San Baruch ben sa abi leki wan paiman foedi a gi jesi? (b) Disi pasa ooktoe?
14 Sortoe winimarki a abi foe doe disi? Disi e tjari kon na krin ini san Jeremia ben moe taki gi Baruch: „’Bikasi loekoe, mi e tjari wan rampoe kon tapoe ala skin’, so Jehovah taki, ’en mi wani gi joe joe sili leki wan paiman ini ala den presi pe joe mag foe go.’” — Jer. 45:5b.
15 A ben pasa troetroe so nanga Baruch. Nanga disi na bewijsi e gi dati a no wakti langa foe teki na joisti bosroiti. Disi e kon na krin ini wan kapitel na fesi, ini Jeremia 43:5-7, pe tanapoe san ben pasa, baka di Jeruzalem ben pori ini 607 bifo G.T. Wi e lési dati di den djoe di ben tan na baka en di ben kon frede en lowe komoto foe na kondre Juda en hari go na Egypte, den ben teki go nanga den „na proféti Jeremia nanga Baruch, na manpikin foe Neria. Te foe kaba den ben kon ini na kondre Egypte, bikasi den no ben arki na sten foe Jehovah, en safri safri den kon te na Tachpanhes” ini na noordsé foe Egypte. Ma baka dati Jeremia ben tan préki gi den trangajesi djoe dati. — Jer. 43:8-44:30.
16. San Baruch ben kan verwakti foe na kownoe foe Babylon efoe a ben de na libi ete disi disi ben wini Egypte?
16 Den tranga-ede djoe no ben man foe poeroe densrefi langa foe na rigerimakti foe na Babylon grontapoemakti, bikasi baka wan pisi ten dan Nebukadnezar ben meki Egypte tron wan pisi foe na gebied foe hen kownoekondre. Efoe Jeremia nanga Baruch ben si na teki disi di Babylon teki Egypte, den no ben ondrofeni ogri foe na ati-bron foe Nebukadnezar. A ben abi reden foe prakseri boen foe den. Foe na pramisi foe Jehovah, ini Jeremia 45:5 kon reti, dan Baruch ben sa abi hen sili ete leki „paiman”. Dan a ben kan verstan krinkrin fa a ben handri koni nanga joisti foe stop na soekoe foe „bigi sani.”
17. Sortoe boen wi kan njan foe na gi jesi foe Baruch en san wi sa doe tapoe na gron foe na agersitori di a ben gi?
17 Wi kan njan boen troetroe now foe na gi jesi nanga saka hen srefi foe Baruch na a rai foe Jehovah? Ja! Wans o krosibé wi tai nanga na Jeremia-klasse, dan tog wi de waka baka na fasi foe libi di Jehovah e feni boen te ini den laatste dé disi foe na kristenheid wi no e proberi foe kisi „bigi sani” gi wi srefi. Na „sili” foe wi, na libi foe wi leki wan persoon, abi moro foeroe waarde leki „bigi sani” di moesoe foe lasi gwe nanga na grontapoe disi di ogri, te iniwan sma sa lasi ala sani boiti hen „sili”. Foe Gado feni joe boen en foe tan na libi leki wan „sili” sa de moro bigi leki foe abi now foe wan pisi ten sortoe sani toe di sa pori foe na kristenheid nanga ala Georganiseerde Religie.
LON KOMOTO FOE WAN VLOEKOE FOE NA NO GEBROIKI FOE NA „FETI-OWROE” EDE
18, 19. Foe sainde na „dé foe refrensi” foe Jehovah, no ben pasa nanga na rampoe di ben kon tapoe Juda nanga Jeruzalem?
18 Baruch nanga Jeremia ben sari foe na pori foe Jeruzalem en na poeroe gwe foe na pipel foe na kondre. Ma den heiden naatsi di ben de krosibé ben prisiri foe na rampoe foe na verbontoe-pipel foe Jehovah (Ps. 83:6-8; 137:7). A no de foe taki dati Egypte no ben prisiri nanga disi, foedi na naatsi disi ben bréti dati Juda nanga Jeruzalem ben saka na hen ondro en ben tai nanga den. Boiti dati, Juda ben de leki wan bufferzone mindri Egypte nanga a kefarlek grontapoemakti Babylon. Tog Egypte ben bow wan sjen bericht gi hensrefi ini na matifasi foe hen nanga Juda nanga na mamafoto foe Juda Jeruzalem, pe den kownoe foe na famirilin foe David ben sidon tapoe na „troon foe Jehovah”. Na takroe-ati di den naatsi ben firi gi na verbontoe-pipel foe Jehovah, no ben de wan di pasa sondro foe a si, foedi na aanbegi foe hen ben de ini na tori.
19 Di Jehovah ben gebroiki na kownoe foe Babylon leki na wrokosani foe trowe na gron na kownoekondre Juda, soboen dan na „dé foe refrensi” foe hen no ben kaba. Na beker foe nationale rampoe di Juda nanga Jeruzalem ben kisi foe dringi, nanga reti ben moe gi abra na den ogri ati naatsi, leki bakapisi dati den ben sa trowe na gron leki ogri-atiman foe Jehovah.
20. (a) Sortoe profétitori foe Jehovah, Jeremia ben moe taki gi den takroe-ati naatsi dati? (b) Gi soema Jeremia 48:10 ben taki, en den bewijsi dati den verdini na vloekoe?
20 Soboen Jehovah ben gi Jeremia nanga jepi foe hen jeje tranga foe kon na wan kaba nanga hen profétitori foedi a ben taki na fesi na trowe na gron nanga tranga foe den sortoe ogri naatsi leki Egypte, Filistea, Moab, Ammon, Edom, Kedar en srefi Elam (Jer. 46:1-49:39; 25:15-33). Jehovah ben poti ini hen prakseri foe gebroiki den Babylonsoema ondro kownoe Nebukadnezar leki den sma di ben sa swai na kiri-„feti-owroe” tegen den naatsi, di ben tergi na troe Gado. Foe datede meki Jehovah krakti foe hen jeje meki Jeremia taki foe den legre dati foe kiri: „Vloekoe moe kisi na sma di no e doe na komando foe Jehovah, en vloekoe moe kisi na sma di e hori hen feti-owroe foe no kisi broedoe!” (Jer. 48:10). No den Babylonsma, no kownoe Nebukadnezar ben kon ondro na vloekoe dati, bikasi den no ben libi na „komando” foe Gado na wan sé foe de hen finifini.
21. (a) Jeremia nanga Baruch ben kisi vloekoe foedi den no ben gebroiki wan letterlijk „feti-owroe”? (b) A sa de Jehovah Kotoigi di sa ferloesoe densrefi foe na kristenheid, ofoe sma sa doe disi?
21 Fa a de nanga wi ini na ten disi? Wi ben sa kan kon ondro wan srefi vloekoe foedi wi e libi na komando foe wi na wan sé foe doe en foedi wi ben sa drai drai tapoe na tori foe na „feti-owroe”? Wi sabi dati no Jeremia, no Baruch no ben gebroiki wan letterlijk feti-owroe gi den féjanti naatsi dati. Dati no ben de na „komando” foe den. A ben de den Babylonsma ondro na tiriman foe den Nebukadnezar di ben poti pas tapoe na troon, di ben kisi so wan komando. Den memre foe na Jeremiaklasse ini disi ten leki Jehovah Kotoigi no sa opo wan anoe nanga tranga gi na kristenheid, na model foe na Jeruzalem di fadon komoto foe bribi nanga na kondre di tai nanga dati. Den fositen politiek mati foe na kristenheid, makandra nanga tra godlosoe elementi, sa verloesoe densrefi foe hen sondro sari, soleki den naatsi di ben tan abra ini owroeten ben prisiri foe ben fri densrefi foe na Jeruzalem nanga na kownoekondre foe hen. — Openb. 17:12-18.
22. Soema no sa teki prati ini den verwakti foe den sma di sa trowe na Georganiseerde Religie na gron, en sortoe fasi den sa teki na fesi den njoen rigerimakti?
22 San sa tan abra tapoe grontapoe baka na pori foe na kristenheid nanga ala tra pisi foe na grontapoekownoekondre foe falsi religie? Den politiek krakti di no de foe kerki, di sa teki ala libisma afersi abra! Den sa verwakti foeroe foe na troe troe winimarki foe den moeiti foe den, aladi den sa firi prisiri, dati den no abi foe doe moro langa leki fa na Georganiseerde Religie taki. (Vergelijk Ezechiël kapitel 23). Den memre foe na Jeremia-klasse nanga den mati foe den no sa teki prati ini den sortoe verwakti disi di e tergi Gado, wans den e saka densrefi ondro den njoen rigeri makti, leki den njoen „superieure makti” tapoe wan relatief fasi (dati wani, taki so langa a no de kontrari na wet foe Gado). — Rom. 13:1, 2.
23. Leki wan bakapisi foe san, meki na tra pisi foe Jehovah „dé foe refrensi” sa kon troe ooktoe?
23 „Na dé foe refrensi” foe na sé foe Jehovah sa bigin dan kaba, ma disi no e kon na wan kaba nanga na pori foe na Georganiseerde Religie. Na dé disi sa go doro te leki na „refrensi” foe Gado sa kanti trowe tapoe ala den gensman foe na universele soevereiniteit foe Jehovah. Fosi den sa proberi foe tjari na Jeremiaklasse nanga den mati foe hen so fara dati den skeki densrefi sondro foe hori wan sani na baka na a godlosoe seti foe sani, soleki Johanan nanga hen bakaman ben kisi Jeremia nanga Baruch en nanga tranga ben tjari den go na Egypte. Foedi den no sa man foe doe dati, dati meki den sa fadon kon krin krin tapoe den stanvaste aanbegiman dati foe Jehovah. Soleki den internationaal troepoe ondro Gog foe na kondre Magog, na so den sa proberi foe fadon kon inisé foe na jeje paradijs foe na fikapisi foe Jehovah nanga den mati foe den di tan hori na den. Foe di na tapoe disi fasi den poti ini den ede foe abi den wawan grontapoemakti, dan den e bewijsl nanga dati, dati a de na paiman di den verdini, dati Jehovah kanti trowe hen refrensi tapoe den. — Ezech. 38:1–39:20.
24. Soema sa bigin nanga wan tegenaanval en den sa tjari kon tapoe den wan floekoe, foedi den ben hori densrefi na baka foe doe san den ben moe doe?
24 San e kon baka dati? Openbaring 19:11-21 e sori, dati Jezus Kristus, wan winiman di bigi moro kownoe Nebukadnezar, nanga hen legre foe engel sa doe wan tegenaanval. Den no sa kon ondro wan vloekoe foedi den no ben doe na komando foe Jehovah. Den no sa verdini wan vloekoe, foedi na kiri-feti-owroe foe den ben tan na baka foe trowe broedoe foe na féjanti (Jer. 48:10). Den sa meki na refrensi foe Jehovah kon tapoe den agressieve naatsi. Leki wan paiman foe dati, den sa kisi blesi foe wan glori wini, meki Jehovah Gado kisi reti foe tégo.
25. Fa Jehovah Kotoigi moe waka baka Jeremia, baka di den ben srepi hen go na a kondre di a ben taki profétitori tegen hen?
25 Sensi na jari 1914 wi e libi ini „na ten foe na kaba” (Dan. 12:4). Foe datede meki den memre foe na Jeremiaklasse nanga den mati foe den di gi densrefi abra na Gado moe tan poti now na prakseri foe na grontapoe tapoe na „feti-owroe” di e kon, na wrokosani di Jehovah sa gebroiki ini na „bigi benawtoe” di e kon, foe kiri hen féjanti (Matt. 24:21). Den moe waka baka Jeremia, di, baka di nanga tranga den ben srepi hen komoto foe na kondre Juda, ben meki bekenti dati na „feti-owroe” foe kownoe Nebukadnezar ben sa drai go tapoe na kondre di den ben tjari hen go aladi a no ben wani, da foe taki Egypte, en ooktoe tapoe Filistea, Moab, Ammon, Edom, nanga tra féjanti kondre. Srefi now, bifo na „bigi benawtoe” broko kon, den ben kisi na komando foe Gado foe bari na „dé foe refrensi foe na sé foe wi Gado”, di sa kon tapoe na Georganiseerde Religie nanga ala tra grontapoe naatsi (Jer. 46:1-49:30). Na „komando” foe den de foe meki sma jere na warskow boskopoe: „Jehovah abi wan dé foe refrensi, wan jari foe paiman foe na kroetoe foe Sion.” — Jes. 34:8.
26, 27. Sortoe wortoe di Ezechiël ben taki leki Waktiman, na Jeremiaklase moe teki now na ati?
26 Now den proféti wortoe foe Jezus ini Lukas 21:22 e kon troe: „Disi de dé pe Gado e hori na geregtigheid, sodati ala sani di skrifi kon troe.” Gi na Jeremia-klasse spesroetoe na ten doro foe teki den wortoe na ati di Jehovah ben taki gi Ezechiël, di ben bigin foe taki profétitori ini 613 bifo G.T., 7 jari bifo den ben teki Jeremia sondro dati a ben wani go na Egypte:
27 „’Foe na sé now foe na waktiman, efoe a si na feti-owroe e kon en a no bron troetroe tapoe na toetoe en na pipel no e kisi sref-srefi wan warskow en wan feti-owroe kon en teki wan sili foe den, dan disi srefi moe teki poeroe foe na égi sondoe foe hen ede, ma na broedoe foe hen mi sa aksi baka foe na anoe foe na waktiman srefi.’ En foe joe sé now, o libisma-pikin, leki wan waktiman mi ben poti joe gi na oso foe Israël, en foe na mofo foe mi joe moe jere na wortoe en warskow den foe mi ede. Te mi taki gi wan godlosoe sma taki: ’O godlosoe sma, joe sa dede troetroe!’ ma joe no taki troetroe fri foe warskow na godlosoe sma foe hen pasi, dan hensrefi leki wan godlosoe sma sa dede ini hen égi sondoe, ma hen broedoe mi sa aksi baka foe joe égi anoe. Ma foe joe sé, efoe troetroe joe warskow wan godlosoe sma foe hen pasi, sodati a drai baka foe dati, ma a no drai hen baka troetroe gi hen pasi, dan hensrefi sa dede ini hen égi sondoe, aladi joesrefi sa verloesoe troetroe joe égi sili.” — Ezech. 33:6-9; loekoe Ezechiël 9:2-10.
28. Sortoe lostoe na Jeremiaklasse nanga den mati foe den e firi ini disi, ma san ben sa kan pasa en san disi ben sa wani taki gi den?
28 Den memre foe na Jeremia-klasse ini disi ten nanga den boen-wani kompe-wrokoman foe den no wani poti tapoe so wan fasi broedoe-paiman na den tapoe. Ma disi ben sa kan pasa esi. Efoe den ben sa hori den srefi na baka foe verteri ala volkoe foe na „feti-owroe” foe Jehovah „dé foe refrensi”, foedi den frede libisma, en tapoe na fasi dati no e doe na „komando” foe den, dan den ben sa sori dati den verdini foe Gado vloekoe den. Disi ben sa wani taki gi den taki, den no ben boen foe tan na libi foedi den no doe san den ben moe doe.
29. Sortoe bosroiti den sma di e soekoe na libi, moe teki now efoe den no wani go ini na pasi di mi-no-ke sma sa teki baka na pori foe na Georganiseerde Religie?
29 Te ini na „bigi benawtoe” di e kon esesi na „feti-owroe” foe na refrensi foe Gado naki trowe ala Georganiseerde Religie, dan den sma di no ben poti prakseri tapoe den wortoe foe Jehovah „waktiman”, na Jeremiaklasse, sa soekoe kibri na den politiek elementi di moe kon na wan kaba — en disi sa abi leki bakapisi na troetroe pori foe den ini na „feti foe na bigi dé foe Gado na Almaktiwan” ini Har-mágeddon (Openb. 16:14, 16). Efoe wi no wani foe koti go nanga den ini na srefi pasi, dan wi moe teki na joisti route now, aladi na bosroiti disi kan meki ete. Te den sma di e soekoe na libi, koti go ini na pasi disi, dan nooiti den nafoe foe kenki hen.