Aksi foe lésiman

● Soema ben kari ini na agersitori foe den tin wenke (Mattéus 25:1-13): „Drape na bruidegom de! Go na doro go miti en”?

Jezus no ben taki soema ben taki den wortoe disi. Na wan djoe trow-oso, soleki a trow-oso di Jezus e taki foe en ini na agersitori, den dienstknekti nanga mati kande ben waka makandra nanga na bruidegom (Joh. 3:29). Den sma disi ben kan warskow sma di ben wakti te leki na fesa foe na bruidegom ben sa bigin. Ma a no ben de gi Jezus fanowdoe foe taki spesroetoe foe den dienstknekti disi. Na so toe na agersi fasi den no ben sa taki wan sani. A tori ben go dati wan kari ben jere, di ben gi warskow na den wenke èn gi den tranga foe doe wan sani.