San na kroetoedé sa tjari kon?

NA BIJBEL e gi wi wan heri tra prenki foe na Kroetoedé leki den prakseri di foeroe sma abi foe en. A no de wan dé foe skreki ofoe frede. A sa de wan switi ten gi na libisma famiri.

Na bijbel e sori Gado ben poti Jezus Kristus leki Kroetoeman ini na ten foe na Kroetoedé (Tori foe den Apostel 17:31). Èn wi kan abi na froetrow dati a sa hori wan reti èn regtvaardiki kroetoe. — Jes. 11:3-5.

Tra fasi leki fa sma e prakseri, Kristus no sa kroetoe den sma di e kisi opobaka tapoe na gron foe den fosten sondoe foe den, di foeroe foe den ben doe kande sondro foe sabi. Na bijbel e tjari kon na krin dati wan sma te a dede e kon fri ofoe ferloesoe foe ala sondoe di a ben doe. A skrifi: „Na soema di dede, kon fri foe en sondoe” (Rom. 6:17). Disi wani taki dati te wan soema kisi wan opobaka, den e kroetoe en tapoe na gron foe san a de doe ini na ten foe na Kroetoedé, no tapoe na gron foe san a ben doe bifo a ben kisi opobaka.

Na Kroetoedé foe datede no de wan letterlek dé foe 24 joeroe. A sa de doesoen jari. A de den srefi doesoen jari pe Kristus nanga en mede-kownoe sa tiri abra na libisma-famiri di ben bai kon fri (Openb. 20:4, 6). Ini na ten disi, den sma sa wroko makandra foe meki na grontapoe tron wan paradijs. Na a reti ten, den sa bari wan switikon gi den dedewan di ben opobaka na grontapoe. — Luk. 23:43.

Fa kolokoe sa de te famirman di dede ben prati langa ten, sa tjari kon wán baka! Ja, o switi a sa de foe libi ini vréde, foe abi wan boen gosontoe èn foe kisi leri foe Gado prakseri! Ini na ten foe na Kroetoedé, dan ala sma di e libi na grontapoe sa leri moro foe Jehovah Gado nanga en pasi. Den sa abi na okasi foe gi jesi na en èn foe dini en.

Den sma di e teki na besroiti foe dini Jehovah ini na ten foe na Kroetoedé, den sa feni boen foe kisi tego libi. Ma srefi ondro den moro boen omstandigheden disi di joe kan denki, son sma sa wégri foe dini Gado èn drai baka go na ogridoe. Na tekst foe na bijbel e taki foe disi: „Alwasi joe ben sa sori na ogriwan boen-ati, a no sa leri regtvaardiki fasi. Ini na kondre foe opregti fasi a sa doe kroektoedoe” (Jes. 26:10). Ogri sma di e wégri foe kenki den pasi foe den foe datede sa kisi pori. Soso den regtvaardiki wan sa kisi pasi foe njan boen foe tego libi tapoe wan paradijsgrontapoe.