„Tan krin”!
„Komoto gwe, komoto gwe, no meri nowan dotisani; komoto na den mindri gwe, hori oensrefi krin, oenoe di e tjari den wrokosani foe Jehovah.” — JESAJA 52:11.
1, 2. (a) San e sori dati a moro bigi pisi foe den sma e warderi krinfasi? (b) Foe san-ede krinfasi na skinfasi de so prenspari?
LEKI fa wan odo foe na owroe grontapoe taki, dan ’krinfasi nanga frede foe Gado e waka anoe nanga anoe makandra’. Ija, a moro bigi pisi foe sma e warderi krinfasi na skinfasi. Dati de na réde foe san-ede dati na ini supermarkt nanga drogisterij wan sma ’kan bai sopo, sani foe wasi sani èn deodorant. Na foe dat’ede wi abi presi foe wasi krosi, bedrijf foe krin oso nanga tra sani, èn tra dienst foe krin presi. Kon wi teki dati joe go na ini wan boen restaurant (wan koeksjap) èn a tafra doekoe foeroe nanga flaka, den preti fisti èn a sma di e tjari a njan e waka na ini wan dot’doti japon lontoe! Joe no ben sa lasi joe lostoe foe njan? Sondro degedege, dati ben sa de so. Foe di dotifasi e troesoe joe gwe.
2 Ma krinfasi no de Soso wan aferei foe moifasi. Dotifasi de na algemene oorzaak foe foeroe siki. Leki fa son datra taki dan a kon moro foeroe foe jari ini na libiten foe den modern libisma e kon moro foeroe foe na go na fesi foe krinfasi. Ma moro leki dati, barinen ecoloog e taki dati dotifasi na ini a vorm foe a morsoe foe sani de wan gefar gi noti mendri leki na tan na libi foe na libisma-lo.
Jehovab nanga en organisaatsi, santa èn krin
3, 4. (a) Fa Jehovah Gado e si jeje dotifasi? (b) San Jehovah e aksi foe en pipel leki a santa Gado?
3 Ala di krinfasi na skinfasi de toemsi prenspari gi na moro bigi pisi foe libisma tog jeje krinfasi de srefi moro prenspari gi den. Na ini na fosi presi a de so dati jeje dotifasi de wan tegoe sani gi Jehovah Gado. A de wan afrontoe gi en majesteit di e gi joe frede, a de wan fasi foe oproeroe tegen en regtvaardiki markitiki. Te joe loekoe en boen, den sortoe foe dotifasi disi de wan fasi foe deloyaliteit tegen en leki persoon. Jeje dotifasi, efoe a de ini na tori foe leri ofoe moreel kontren e meki pratifasi kon èn abi wan krakti di e morsoe sani. A de tjari broeja kon èn a de meki dede kon. Èn a no de wan ferwondroe sani dati Jehovah Gado na wan krakti fasi de so tegen en. Foe dat’ede a ben gi komando na en pipel foe owroeten, den Israëlsma: „Joe moe sori dati joe de santa, bika mi de santa.” (Lev. 11:44, 45). Dati de ook toe na réde foe san-ede Gado ben aksi jeje krinfasi foe en pipel di ben kisi fri, den wan di ben go foe Babylon na Jeruzalem èn di ben teki nanga den, den wrokosani foe gebroiki na ini en anbegi. Na ini wortoe di abi wan sani foe taki na profétifasi, ook toe gi Jehovah Kotoigi na ini disi ten, Gado e taki: „Komoto gwe, komoto gwe, gwe foe drape, no meri no wan doti sani; komoto na den mindri gwe, hori oensrefi krin, oenoe di e tjari den wrokosani foe Jehovah.” — Jes. 52:11.
4 Jehovah Gado e komanderi dati wi moe hori wisrefi krin leki kotoigi, dati wani taki dati, wi tan santa èn soifri, regtvaardiki èn krin. Disi no de wan sani di wi kan taki foe Jehovah srefi? Ija, alaten baka den e taki foe en leki „na Santawan foe Israël”! (Jes. 12:6; 29:19; 41:14; Jer. 51:55) A de wan sani di fiti dati wi e lési na ini Openbaring 4:8: „Santa, santa, santa Jehovah Gado de, na Almaktiwan.”
5. (a) San wi kan taki foe santafasi foe Jezus Kristus, den regtvaardiki engel, Gado wroko krakti èn en Wortoe? (b) Sortoe komando Jehovah Gado e poti tapoe en dienstknegti dja na grontapoe foe dat’ede?
5 Boiti dati, na Manpikin foe Gado, Jezus Kristus, den no e kari „na Santawan foe Gado”? (Joh. 6:69) Èn den no e kari hemel dinari foe Gado „santa engel”? (Mark. 8:38) Den no e kari na wroko krakti foe Gado en santa jeje? Èn den no e sori nanga reti tapoe a Wortoe foe Gado leki „den santa boekoe”? (2 Tim. 3:15) A de foe dat’ede krin dati wi, leki Jehovah Kotoigi moe de ooktoe krin èn santa, precies soleki 1 Petrus 1:15, 16 e komanderi wi: „Oenoe srefi toe, moe kon de santa na ini oenoe heri libifasi, na ini akroederi nanga na Santawan di ben kari oenoe, bika boekoe skrifi: ’Oenoe moe de santa, bika mi de santa.’”
6. (a) Fa a doe kon dati kristen ben meki kon krin? (b) Foe san-ede a de wan fanowdoe sani dati Jehovah pipel tan santa èn krin?
6 Wi ben kon foe de krin na ini Gado ai, foe wi beraw, wi bekering èn wi bribi ede na ini na broedoe foe Jezus Kristus di ben trowe (1 Kor. 6:11; Openb. 7:14). Wi moe tan na ini na toestand disi foe no lasi na boen-ati foe Gado (Ps. 15:1, 2). Moro leki dati, wi moe tan krin foe kan abi krakti na tapoe ala sma di lobi waarheid nanga regtvaardikifasi foe hari den kon èn di e sari foe den ogri, doti toestand di den e si na grontapoe (Ezech. 9:4). Moro fara a de tranga fanowdoe dati wi tan santa èn krin foe no meki wi kompebribiman stotoe-foetoe fadon. Na apostel Paulus ben memre den kristen na ini Filippi na a sani disi: „Disi mi e tan begi, dati a lobi foe oenoe kon moro nanga moro foeroe psa marki nanga soifri sabi èn na powa foe si boen nanga ogri dorodoro, dati oen man foe kan si den moro prenspari sani, sodati te na a dé foe Kristus oenoe kan de sondro fowtoe èn no meki trawan stotoe-foetoe fadon.” — Fil. 1:9, 10; teki gersi Mattéüs 18:6.
Son sma ben kon ini trapoe
7, 8. (a) San e sori dati son wan no ben ferstan dati a de fanowdoe foe tan krin leki Gado dienstknegti? (b) Sortoe warskow e kisi dja krakti?
7 Na wan sari sani foe taki dati sonwan foe wi fosten mati ben misi foe tan krin èn santa leki tjariman foe Jehovah wroko-sani. Foe dat’ede meki den ben poeroe den foe na kristen gemeen te foe difrenti bijbel réde ede. Trawan kisi piri-ai bika den no ben libi akroederi bijbelgronprakseri, Na mindri ala den sma disi joe ben abi wantoe pikin foe geordineerde bedinari, sosrefi toe wantoe opziener nanga dinari na ini na diniwroko.
8 A de krin dati ala den sma disi te na wan séker marki ben fadon go na ini wan trapoe foe Satan. Foe di den ben e proberi foe tjari Jehovah wrokosani, ala di den no ben kibri den jeje krinfasi, den ben poti, na gebod foe Jesaja 52:11, na wan sé, èn disi den no ben kan doe sondro den kisi strafoe. (Teki gersi Job 9:1-4.) Fa na wan krakti fasi prakseri e poti na tapoe na prenspari fasi foe na warskow di wi e feni ini 1 Korintesma 10:12: „Na sma di e denki dati a tanapoe, moe loekoe boen dati a no fadon”!
Foe san-ede na problema
9. (a) Foe sortoe 3 féjanti ede meki a de wan tjalansi foe tan krin na jeje fasi? (b) Foe san-ede meki Satan nanga en ogri jeje de so wan gevaar gi kristen?
9 Foe san-ede a de so wan tjalansi foe tan krin na jejefasi? Na foe di dri krakti féjanti tanapoe na wi fesi — Satan nanga en ogri jeje, en organisaatsi di wi kan si, èn wi sondoe-skin swakifasi. Foe bigin joe abi Satan nanga en ogri jeje. Den no de doti èn pori? Ija, séker. Den e sori na tapoe den ogri jeje leki den „doti jeje”. — Matt. 10:1.
10, 11. San na ini na tori foe Satan orga di wi e si e meki a de moeilek gi kristen foe dini Gado tapoe wan santa, krin fasi?
10 Na ini di foe toe presi Satan organisaatsi di wi e si de wi féjanti. Degedege no de na ini, dati den kerki grontapoe-makti de doti na jeje fasi. A srefi wi kan taki foe na tra pisi foe grontapoe di didon na ini en makti (1 Joh. 5:19; Openb. 16:13; 17:4; 18:2). Te wi wani dati Gado teki wi anbegi, dan wi moe „kibri wisrefi sondro flaka foe na grontapoe” foe dat’ede. — Jak. 1:27.
11 Sosrefi toe foeroe sani de di de doti èn di den e pristeri wi na ini grontapoe koranti, tijdschrift, televisieprogramma èn ini kino. Na samenstelling foe foeroe televisieprogramma moro nanga moro foe eksempre e kon moro doti. Jari psa kaba dan doti film ben de wan aparti sani, ma na a momenti den de wan regel. Moro nanga moro fisti tijdschrift e kon na wowojo. Wi abi na ini den „laatste dé” disi séker foe doe nanga „moeiliki ten . . . di moeilek foe psa”. — 2 Tim. 3:1-5.
12. Tége sortoe féjanti di de na inisé foe wi, wi moe feti leki kristen foe tan santa èn krin?
12 Wi égi fadon-skin firi e meki ensrefi moro moeilek foe tan krin (Gen. 8:21; Rom. 5:12). Foe dat’ede meki wi alamala moe doe ala moeiti foe doe san boen èn foe tan krin leki tjariman foe Jehovah wrokosani (Rom. 7:13-25). Ma san sa jepi wi foe tan santa èn krin?
No wani foe si na ai ala s di takroe!
13. San wi moe leri foe na boen foe krin fasi?
13 Efoe wi wani tan santa èn krin leki sma ’di lobi Jehovah’, dan na a fosi presi „wi no moe wani foe si ogri na ai”. Ija, wi moe ’tegoe gi san de ogri’ (Ps. 97:10; Rom. 12:9). Na ini a tori foe ogri sani wi moe abi wan tegoe, awansi o switi a kan de kande gi wi fadon skin na a momenti disi. Wi moe tan poti na wi froestan dati a de wan lasi gi wi te wi no e tan krin (Gal. 6:7, 8). Sosrefi toe wi moe hori na prakseri sortoe ogri a de tjari gi trawan te wi doe bigi sondoe. Moro foeroe wi no moe wani si na ai ala sani di de takroe èn komoto na den pasi sodati wi no tjari sjen kon na tapoe Jehovah Gado.
14. (a) Foe san wi moe loekoe boen foe kibri wi moreel krinfasi? (b) Sortoe verplekti sisa abi na ini disi?
14 Foe tan krin, dan wi moe loekoe boen toe gi den sortoe sani disi leki na abi foe hoeroedoe prakseri èn fréri nanga sma di no de wi trowpatna. Akroederi na rai di Paulus ben gi na ini 1 Timóteüs 5:1, 2, dan kristen man moe behandel den owroe jeje sisa leki mama èn den jongoe jeje sisa leki den skin sisa, nanga ala krinfasi. Ma na ini ala disi wi sisa abi ook toe na frantwortoe namkoe „foe weri krosi na wan fasi di fiti èn boen, no nanga pranpran èn gesontoe ferstan” (1 Tim. 2:9, 10). Te oemasma e loekoe na ini spigri, dan den sabi heri boen efoe den de nanga pranpran ofoe dati den krosi nanga fasi e wiki firi foe trawan tapoe wan ofoe tra fasi. Safrifasi de a tra sé foe grontapoefasi. — Micha 6:8.
Sabi joe jeje nowtoe!
15. Sortoe positief stap wi moe doe foe tan krin?
15 Ma no wani si ogri na ai, de soso wan negatief fasi foe tan krin èn santa. Wi moe doe positief stap toe. Wi moe sabi ala ten wi jeje nowtoe (Matt. 5:3). Ma a de toemsi prenspari dati ’sma di lobi Jehovah’ moe gi densrefi alaten njanjan nanga en Wortoe! (Ps. 119:105-112) Wi moe teki na toemsi boen rai na ati di tanapoe na ini Filippi 4:8 èn foeroe wi ferstan nanga krin prakseri di e bow. Wan bigi jepi na ini disi de na leri na wi ede foe tekst èn den wortoe foe den kownoekondre singi. Disi sa kon foe densref ini wi ede, te wi de fri foe wi wroko ofoe kande de nanga ai na neti. — Ps. 63:6; 77:6.
16. Foe demakandra nanga wi brada nanga sisa kan de wan jepi foe tan santa nanga krin?
16 Efoe wi sabi wi jeje nowtoe dan wi sa de alaten na wi gemeente komakandra pe wi kan gi makandra tranga foe sori lobi èn doe boen wroko (Hebr. 10:23-25). Neleki takroe mati kan doti wi, na so boen demakandra kan jepi wi foe tan krin na jejefasi. Foe loekoe boen nanga wi demakandra na ini ten foe ontspanning, de ook toe toemsi prenspari foe kibri jeje krinfasi. — 1 Kor. 15:33.
17. Foe san-ede begi kan jepi wi foe tan krin?
17 Sosrefi toe wi no moe loekoe psa na jepi foe begi. Wi e kisi na rai foe ’hori doro na ini begi’ èn ’begi sondro foe stop’ (Rom. 12:12; 1 Thess. 5:17). Noiti wi moe abi toemsi foeroe foe doe foe no begi. Meki wi begi foe koni, foe krakti, foe Gado santa jeje. Te moro fara wi moe wroko na a sani di wi e begi foe en, dan wi sa abi „na vréde foe Gado” di sa kibri wi ati èn wi jejefasi èn di sa jepi wi foe tan santa èn krin. — Fil. 4:6, 7.
18. Fa a abi foeroe foe doe na ini na dienst foe Jehovah kan jepi wi?
18 Ete wan bigi jepi foe tan santa èn krin, de, foe taki nanga trawan foe Gado kownoekondre èn foe abi foeroe foe doe ini Jehovah dienst. Boen foeroe sma di ben kon ini wan takroe libifasi, ben kon na ini di den ben e ontspan densrefi soleki na ini na ten foe fakansi. Fa wi moe teki wan warskow eksempre na ini na sma foe kownoe David! Na baka jari ben doro, te kownoe na ini algemeen e hari go na feti, ma David ben tan na baka èn ben doe en na wan makriki fasi leki fa a ben de. Na ini a ten dati a ben kon ini moeilekheid na ini a tori foe Bathséba (2 Sam. 11:1-4). A de foe dat’ede krin toe dati, te wi wani tan de krin leki tjariman foe Jehovah wrokosani, wi moe loekoe boen alaten.
19. Foe san-ede meki dwengi joesrefi de so prenspari foe kan tan krin?
19 Dwengi joesrefi de toemsi prenspari efoe wi wani dati Jehovah Gado tan gebroiki wi foe tjari en wrokosani (Gal. 5:22, 23; 1 Kor. 9:27). Wi moe gi wi ferstan tranga-leri èn kibri wi ati foe poti ala kori na wan sé èn foe kiri ibri firi foe go denki doti sani. Soleki Jezus Kristus ben taki en, dan wi moe de klari na jejefasi foe hari wan ai poeroe ofoe koti wan anoe ofoe foetoe poeroe efoe disi ben sa kan meki wi stotoe foetoe fadon (Mark. 9:43-48). Paulus e gi wi na ini na tori disi boen rai na ini Efesesma 4:29-5:5.
20, 21. (a) Fa lobi gi Jehovah Gado kan jepi wi foe tan krin? (b) Fa lobi gi wi brada nanga sisa nanga trawan kan jepi wi foe tan krin na jeje fasi?
20 Spesroetoe lobi gi Jehovah sa jepi wi foe tan krin. Wi de troetroe sma ’di lobi Jehovah’? Wi abi warderi foe ala sani di a de doe gi wi èn e doe ete gi wi? Wi teki na faste besroiti foe waka nanga en, soleki den getrow man na owroeten ben doe disi? (Gen. 5:24; 6:9) Efoe dati de so, dan loyaal lobi gi Jehovah Gado sa jepi wi foe tan krin èn santa. Efoe wi lobi en troetroe nanga wi heri ati, wi sili, wi ferstan, èn wi krakti, dan wi sa frede foe no plisi en. Meki foe dat’ede wi no drai baka noiti ofoe gi pasi noiti dati na grontapoe ofoe wi égi fadon firi doti wi leki sma di ’lobi Jehovah’. — Mark. 12:29, 30; Hebr. 10:38, 39.
21 Sosrefi toe wan opregti, lobi sondro gridifasi sa jepi wi brada nanga sisa séker foe tan santa èn krin. Efoe wi abi troetroe belangstelling gi wi jeje tanboen, dan wi sa loekoe boen dati wi no meki den stotoefoetoe ofoe meki dati den firi densrefi doti leki wan bakapis foe wi dot-mofo, foe wi doti-fasi foe loekoe sani, foe wi fréri ofoe foe di wi e sondoe wisrefi na wan doti libifasi. Hori na ini prakseri dati lobi ’no e prisiri foe onregtvaardikifasi’ (1 Kor. 13:4, 6). Lobi sondro gridifasi gi Gado nanga wi naaste sa tapoe wi foe sondoe na den fasi disi. A sa tjari wi so fara foe dwengi wisrefi èn ’foe meki reti pasi gi wi foetoe’. — Hebr. 12:13.
Den paiman foe na kibri foe krinfasi
22, 23. San na wantoe foe den paiman di wi sa kisi persoonlijk te wi kibri wi krinfasi?
22 San de den paiman te wi leki tjariman foe Jehovah wrokosani tan krin? Na ini disi de wan „boen konsensi” èn wan „krin ati” (1 Tim. 1:5). Vréde gi wi ferstan de ook toe wan paiman. Foe di wi e tan krin na jejefasi, dan noiti wi sa firi na pen di e kon foe wan takroe konsensi — na ongolokoe firi na neti sondro sribi, na frede dati den kisi wi ofoe na poeroe foe wi bere kon na doro. Ija, foe di wi e tan krin, dan noiti wi sa tron hoigriman di e proeberi foe kibri wan sani. De fri foe den sortoe sani disi de troetroe wan bigi paiman.
23 Ete wan paiman di wi e kisi de te wi tan santa èn krin, dati wi sa de na ini wan boen matifasi nanga wi brada nanga sisa, wi égi osofamiriman èn sma na dorosé. Wi no sa abi en na tapoe wi konsensi dati wi ben meki wan sma stotoe foetoe fadon, dan boiti dati wi sa man foe bow makandra nanga jepi foe lobi (1 Kor. 8:1). Na so fasi wi e tesi na moro bigi kolokoe di e kon foe gi sani èn foe di wi ben meki na jeje tanboen foe tra sma doe kon. — Tori 20:35.
24. San de no moro bigi èn moro boen réde foe san-ede wi leki na pipel foe Jehovah wani foe sorgoe dati wi tan krin na jeje fasi?
24 Foe di wi e tan krin leki tjariman foe Jehovah wrokosani, dan moro foeroe wi sa prisiri na ati foe wi hemel Tata èn wi sa meki a gi wan piki na Satan, di e kosi en (Odo 27:11). Te wi loekoe ala den sani di Jehovah ben doe gi wi; dan séker wi ferprekti foe doe disi gi en. Soboen meki wi alamala tan krin èn santa leki Jehovah getrow kotoigi, di e tjari en wrokosani. Meki wi loekoe a tapoe dati wi tan krin sodati Gado kisi glori, grani, èn prijse èn foe wi bow wi brada èn sisa èn osofamiriman èn nanga wi tégo ferloesoe na prakseri!
Joe kan memre den sani disi?
□ San Jehovah e aksi, foe di en pipel de santa, foe en pipel?
□ Na prenspari fasi foe sortoe warskow di na apostel Paulus ben gi, krakti e poti a tapoe, dati son sma no ben tan krin leki Jehovah dienstknegti?
□ Sortoe dri féjanti de frantwortoe dati a de wan tjalansi gi wi foe tan krin na jejefasi?
□ Sortoe positief stap wi moe doe foe tan krin na jejefasi?
□ Fa wi kan kisi jepi foe kibri wi krinfasi, foe di wi e tan abi foeroe foe doe na ini Jehovah dienst?
□ San de na moro prenspari réde foe tan krin leki kotoigi foe Jehovah?