Oen masra, oen sori wan lobi di e offer ensrefi
„Oen man, tan lobi oen oema, neleki na Kristus ben lobi na gemeente toe èn a ben gi ensrefi abra foe en ede”. — EFESESMA 5:25.
1. Foe san-ede a no de so wawan taki a e aksi foeroe foe wan kristen trowmasra ma sosrefi toe a abi foeroe winimarki foe sori makti leki edeman?
„NA TROWLIBI! Noti na ini grontapoe e aksi someni foe wan man!” Na so na Noorse poewemaman Ibsen ben skrifi. Te joe loekoe na gronprakseri foe na bijbel, dan joe sa agri nanga joe heri ati. Ma te na kristen makti leki edeman sori na tapoe na joisti fasi, dan a kan meki wan osolibi kon, di de wan boen lanpe foe lobi nanga respeki na a sé foe ala toe sma pe joe ati e feni rostoe. Ma na positsi di Gado gi joe leki edeman e tjari wan moro bigi frantwortoe kon na fesi foe Gado. — Luk. 12:48.
2. A de soso na wroko foe na man foe sorgoe dati wan kolokoe sfeer kon na ini na osofamiri?
2 Disi wani taki dati joe wawan leki trowmasra de frantwortoe dati wan kolokoe sfeer de na ini joe oso? Nono. Èn joe èn joe oema moe doe moeiti dati na sfeer di de drape kon moro boen (Odo 14:1). Dati foeroe foe den sani di o taki na ini na artikel disi abi foe doe nanga na trowmasra, no wani taki dati na trow-oema de mendri onvolmaakti. Ma na prakseri de foe jepi trowman foe libi akroederi den marki foe na kristen makti leki edeman. Fa joe moesoe sori na makti leki edeman eigenlek? Disi de wan afersi di ala kristen — srefi den di no trow — moe sabi.
Sori lobi soleki Kristus ben lobi na gemeente
3. Fa Efesesma 5:25 e sori foe na joisti fasi foe sori makti foe edeman, èn san disi wani taki?
3 „Oen man, tan lobi oen oema, neleki na Kristus ben lobi na gemeente toe èn ben gi ensrefi abra foe en ede”, na apostel Paulus ben skrifi (Ef. 5:25). Foe di trowman abi na reti foe na bijbel foe teki definitief bosroiti na ini na oso dan a kan psa makriki dati joe meki gridifasi boro kon na ini. A de so kaba dati bosroiti na ini na osofamiri foe a moro bigi pisi de afersi pe na persoonlek lobi foe wan sma e pré wan rol. Joe égi lobi di joe abi gi wa sani, alaten e poti na fesi te bijbel gronprakseri no de ini a tori? Loekoe dati wan trowmasra moe waka baka na lobi foe Jezus di ben offer ensrefi. A ben gi ensrefi abra foe en pipel ede. „Kristus no ben plisi ensrefi” (Rom. 15:3). Offer joesrefi wani taki dati wa sma foe na boen foe tra sma e gi wan pisi prisiri abra ofoe e pasa moeilekheid ofoe ongemak foe na boen foe tra sma.
4. Na sortoe fasi Jezus sori en broko-ede gi en discipel?
4 Na belangstelling foe Jezus e go krinkrin foe jepi en pipel na jeje fasi. Aladi a ben teki wan krakti standpunt gi regtvaardikifasi, tokoe a no ben de srapoe nanga tranga te en discipel ben tjari wan fowtoefasi foe si sani kon na fesi ofoe te den ben de asranti, esi foe doe sani, ofoe ben sori lagifasi foe ati (Matt. 18:1-3; Luk. 22:24-26, 47-51, 59-62). ’Nanga jepi foe na Wortoe foe Gado èn nanga jepi foe en eksempre a ben jepi en discipel foe wini bigi swakifasi, sodati den leki groepoe ben sa de santa èn sondro flaka’. — Ef. 5:26, 27.
5, 6. Fa wan trowman kan teki na eksempre foe Jezus ini en lobi foe offer ensrefi, èn oten disi moeiliki spesroetoe?
5 Joe e sori sowan lobi di e offer ensrefi? Son man abi na prakseri dati den offer bigi nofo kaba te na skinfasi den e sorgoe gi den oema. A de troe dati na wroko disi moeilek èn wi moe warderi dati srefsrefi. Tokoe na eksempre foe Jezus e sori dati aparti foe en sorgoe gi en disipel na skinfasi, en moeiti, ben de spesroetoe foe sorgoe gi den fanowdoe na jejefasi èn den firi. Wi kan ferstan dati foeroe man, baka ala grontapoe broko-ede foe sorgoe fi den osofamiri na skinfasi, no wani dati moeiti e aksi ooktoe foe den na oso. Aladi na fasi disi de gewoon ini osofamiri di no e proberi fu libi akroederi na bijbel, meki wan kristen oema srefi ben moe taki na ini fertrow: „Mi man noiti ben tiri mi. Te wan tron mi taki kande san de na ini mi ati foe kisi tiri na ini bepaalde afersi, dan en prakseri gewoon ben de na wan tra presi.”
6 Lobi di e gi ensrefi abra de a piki. Na presi dati joe poeroe joe oema na joe tapoe nanga jepi foe wan wortoe ofoe wan fesi, te a e broko en ede nanga wan problema di e gens en, dan a lobi disi sa boewégi joe foe tak-go-tak-kon nanga pasensi foe na afersi nanga en. Joe sa broko joe ede srefsrefi gi en jejefasi, è disi sa boewégi joe foe stoederi na bijbel nanga en èn makandra teki prati na a santa dienst. Joe no sa meki a teki hebi bosroiti di de nanga reti joe frantwortoe. Joe sa loekoe toe boen dati a abi na okasi foe ontspan en srefi èn rostoe pikinso (Mark. 6:31). Sowan teki fesi na ini sani e gi wan oema respeki foe ensrefi èn troetroe sékerfasi.
Sakafasi foe ati
7. Sortoe égifasi de fanowdoe foe hori balans ini na fasi foe sori makti leki edeman?
7 Mansma nofotron abi moeiti foe feni balans na ini na tori foe de makti leki edeman. Sontron mansma e firi srefi dati den de ini gefar te den wefi e gi wan rai ofoe e feni fowtoe. Jezus, na model kristen osofamiri-edeman ben taki: „Mi abi safri fasi èn sakafasi foe ati” (Matt. 11:29). Na sakafasi foe en no ben de frafra èn no ben de soboen sodra wan sma ben denki tra fasi leki en.
8, 9. (a) Foe san Sara ben gi Abraham fowtoe, èn foe sanede? (b) Foe san-ede Abraham no ben broko en saka ofoe a no gi en wan hebi piki?
8 Abraham ben de sosrefi toe wan eksempre foe sakafasi. Na oemafoetoeboi foe Sara Hagar ben wisiwasi Abraham oema Sara. A kan de dati Abraham no ben si na bigimemrefasi disi, aladi a ben kan misi foe opo doe wan sani gawgaw. „Na ogri di doe na mi moe de na joe tapoe”, Sara ben taki. „Misrefi ben gi joe mi oemafoetoeboi na ini joe bere èn mi ben tron wan wisiwasi sani na ini en ai. Meki Jehovah kroetoe na mindri mi nanga joe.” — Gen. 16:5.
9 Fa den wortoe dati ben moesoe foe kon hebi! Abraham ben lobi Sara srefsrefi èn no ben sa wani noiti dati ogri ben miti en. Aladi Sara ben kan abi réden foe gi Abraham na fowtoe foe na takroe situwasi foe en, dan a kan dati a taki toemsi hebi, bika srefi Gado a kari na ini a tori foe jepi, neleki Abraham no ben sa de regtvaardiki. We, Abraham foe verdedig en positsi leki edeman ben bigin bari Sara? A ben feni dati a no ben saka ensrefi na en ondro? A ben sabi dati Sara foe na boen reactie foe en tapoe na tiri foe Gado ben libi wan moi oso na ini Ur na baka èn moro leki 10 jari ben libi na ini tenti. Dati ben de na saka na ondro makti! Foe na saka di a saka ensrefi na ondro Abraham èn na sondro gridifasi jepi di a ben gi en, meki Abraham ben kon lobi en srefsrefi (1 Petr. 3:5, 6). „Loekoe! Joe oemafoetoeboi de gi joe”, ben de na safoe piki foe en. „Doe nanga en san boen na ini joe ai” (Gen. 16:6). Abraham ben de nanga sakafasi. Fa a ben de wan man!
10. (a) Fa wan trowman kan teki Abraham eksempre? (b) Disi sa waka boen alaten?
10 Efoe joe oema e gi joe na fowtoe foe wan bepaalde problema proberi foe de leki Abraham. Wawantron joe sa misi. Ma arki èn proberi foe ferstan na sani di a e taki èn kroetoe en na a joisti waarde. Na ini wan broko kon na doro foe firi, dan wan trow-oema kande no e gebroiki alaten den joisti wortoe. Neleki Sara a ben sa kan tiri toemsi hebi. Proberi foe sabi fa ala toe kan loesoe na afersi.
11. Foe san-ede wan trowman no mag loekoe en wefi leki wan „tweederangs”-sma?
11 A troe dati wan trowman kan meki èn proberi difrenti regels gi na osofamiri (Rom. 7:2). Ma joe oema a no wan pikinnengre ofoe „tweederangs” sma. Jehovah ben taki: „Mi sa meki wan jepi [na man] leki wan sani di e anga na en [letterlek: Wan sma neleki en”] (Gen. 2:18). Eva ben sa abi na srefi ferstan leki Abraham; a ben sa de a sma di e anga na en, èn troetroe ben sa tan foe jepi en foe doe en wroko di Gado ben gi.
12. (a) Fa sani ben waka di wan trowman ben leri foe sori safri-ati? (b) Fa safri-ati e jepi foe kolokoe kon ini na trowlibi?
12 Na kapabel wefi di Odo 31 e skrifi foe en, en trowman ben e fertrow. A ben bai goedoe èn a ben prani srefi wan froktoedjari „foe na froktoe foe en anoe” — dati no ben de wan pikin wroko! En masra ati ben bron foe dati, nanga a prakseri dati en positsi leki edeman e kon ini gefar? Nono, a ben gafa en! (Den vers 10, 11, 16, 28). Sowan srefi fasi kan jepi joe foe lon komoto gi kesekese di no de fanowdoe. Wan trowman nanga oema ben meki trobi alaten. A no ben de wan sani foe taki dati a ben sori en makti leki edeman na tapoe wan fasi leki „basi”, ma baka wan ondrosoekoe foe ensrefi na ini begi a ben wini en hémemre di no ben de joisti. A ben bigin kroetoe na rai foe en oema na a joisti fasi. Te foe kaba a ben libi srefi wantoe moni-afersi abra gi en oema. A e taki now: „A de kefarlek san a e doe!” Na oema e taki foe disi: „Mi ben wani kisi na firi wawan dati a e fertrow mi. A boen foe firi na inisé foe joe dati joe man e poti fertrow na ini joe.” Ini Odo 13:10 tanapoe foe dat’ede na warskow: „Nanga prefoeroefasi wan sma e meki soso stré kon, ma na den di e takmakandra, koni de.” Wan trowman di noiti e poti ensrefi na fesi èn di de sabisabi foe en beperking, e prisiri na ini den koni foe en oema sodati a e sori taki a de safri foe ati. — Odo 11:2.
Gi grani na a ’swaki patoe’
13. (a) San wan trowman moe doe soleki 1 Petr. 3:7 e taki? (b) Sortoe firi di de fanowdoe e meki wan oema tron na ’swaki patoe’?
13 „Oen man”, na apostel Petrus skrifi, „tan libi na (oen oema) akroederi nanga sabi, gi en grani leki na wan moro swaki patoe, na oemasmafasi” (1 Petr. 3:7). Joe moe abi sabi foe den firi foe joe oema, foe di te joe loekoe en boen na den dati de frantwortoe foe san-ede den e loekoe en leki na moro swaki patoe. Wan trow-oema moe firi dati en man lobi en èn dati a de diri na en. Awinsi a abi someni goedoe na skinfasi srefi, tokoe a sa firi ensrefi sondro na wán sani disi leki a no de boen dorodoro. A moe abi na overtoigi dati en man e denki net so foe a tori leki na trowman foe owroeten di ben taigi en oema: „Foeroe oemapikin de di sori dati den de kapabel, ma joe — joe e psa go re na tapoesé foe alamala.” — Odo 31:28, 29.
14. San e gi wan oema sékerfasi na a sé foe en firi?
14 ’Mi oema moe sabi dati mi lobi en. Mi ben trow tokoe nanga en, a no so?’ son man ben sa kan denki. Ma oemasma e gro na tapoe a lobi di den kisi. Na getrow man Izaäk ben firi esesi na fanowdoe disi. Di a ben trow 35 jari, dan wan sma di ben loekoe en ben si dati a ben sori lobi gi en oema (Gen. 26:8). Doe disi sosrefi toe. Meki a sabi, nanga na prakseri di joe e poti na en tapoe, dati joe ati de na en èn dati na ini joe ai a ’e psa go tapoe ala oema’.
15. Foe san trowman moe loekoe boen — te den wani sori taki den prakseri den oema èn foe san-ede disi de prenspari?
15 Foe sori switifasi gi wan sma e kostoe ten nanga prakseri. Son trowman e feni en moro makriki foe sori switifasi gi wan sma di njoen èn kan de wan span sani. Disi ben psa na ini Israël na ini a ten foe Maleachi. Jehovah ben taki gi den man di ben prakseri densrefi nomo, di ben handri feraderlek nanga den oema: „Joe moe loekoe boen nanga joe ferstan” (Mal. 2:13-16). Ija, den man disi ben moe kibri densrefi ofoe ben moe de na ai ini na tori foe den firi. Foe di na tapoe wi wroko ofoe pe wi e libi wi e kon kande ini naw kontakti nanga tra oemasma dan wi moe disi disi sosrefi toe. Krakti, moeiti nanga dwengi wisrefi de fanowdoe foe meki dati na lobi foe wisrefi, ferferifasi ofoe gridi foe sabi sani tjari kenki kon na ini wi ferstan ofoe inisé firi gi joe oema. — Matt. 5:27-30.
San na trow-oema „moe kisi”
16. Na sortoe kontren foe na trowlibi foeroe problema e kon, èn na sondro gridifasi e kon na fesi ini 1 Korintesma 7:3, 4?
16 Na offer di joe e offer joesrefi de spesroetoe fanowdoe na ini na tori foe na doe joe trowplekti ofoe na gi san na trowpatna „moe kisi” „a man moe gi en srefi san a moe kisi, ma meki na oema doe nasrefi nanga a man. Na oema no abi makti abra en égi skin; sotoe na man no abra makti abra en égi skin ma na oema” (1 Kor. 7:3, 4). Den problema de boen foeroe na tapoe na kontren foe den matifasi disi pe sani e firi esesi. Son ondrosoekoe sori, dati afoe foe ala trowman nanga oema ini wan pisten foe den trowlibi sa ondrofeni bigi seksueel problema.
17. (a) San moe de na ini toe foe san moe gi na a trow-oema ini na trowlibi? (b) San wán ondrosoekoeman e ferklari foe den fanowdoe foe wan trow-oema?
17 Foeroe trowman foeroetron e prakseri dati den fanowdoe foe den oema na ini na tori foe san (a moe kisi) na seks kontren, e akroederi nanga di foe en. Na tapoe wan heri tra kontren Paulus ben sori dati a no ala sani san tra sma moe kisi de a srefi leki di foe makandra. Leki fa Romeini 13:7 e taki dan son tiriman moe kisi belasting, trawan schatting èn trawan baka grani. Nasani di den moe kisi e anga foe na aparti fanowdoe ofoe na aksi foe na sma na ini a tori. Na ini a tori foe na trowplekti di joe habi na fesi foe joe oema, moro de fanowdoe leki wan kon de wán-makandra na skinfasi. Na ini The Family, Society, and the Individual (Na osofamiri, na maatschappij èn na sma), na ondrosoekoeman William M. Kephart e taki: „Na mama foe na oemasma seksualiteit wi kan taki foe dat’ede moro boen foe en na ini wortoe foe lobi . . . Na ini na ten foe seksactiviteit na gemiddelde oemasma e broko en ede kande net someni foe amoureus libifasi — dati a kisi wan brasa, wan fasi, wan bosi, . . . a gersi leki a de ini na fasi foe den oemasma foe denki foe seks na ini wortoe foe safoefasi èn lobi na presi foe leki wan geïsoleerd sori foe skinfasi foe tranga firi.”
18. San an fasi foe prakseri joesrefi wawan alaten kan meki pasa?
18 Den firi foe joe oema leki „na moro swaki patoe”, e aksi dati joe offer joesrefi èn joe no e broko joe ede foe soso foe na satisfaksi foe joe. Te joe boiti dati e foeroe joe prakseri nanga materiaal pe seks e teki wan prenspari presi, dan disi kan meki wan „seks lostoe” doe kon di no fiti èn di kan meki wan denki na joesrefi wawan doe kon, sodati nasani di moe de heri moi, e tron wan aladé èn grofoe sani. Tan farawe foe den materiaal disi leki wan plaag di e pori sani! (Kol. 3:5). Ma gi joe oema nanga pasensi, èn nanga jepi foe sori foe safoe-fasi foe lobi san a moe kisi dorodoro. — 1 Kor. 10:24.
Offer joesrefi e naki a ati
19. Wan kristen trow-oema moe meki misbruik foe di en masra e sori wan lobi pe a e offer ensrefi?
19 Foe di sowan krakti e poti na tapoe na offer di na trowman e offer ensrefi, dan na prakseri ben kan kon na joe: ’Trowoema no sa misbruik disi foe di ala ten den o tanapoe a tapoe dati san den wani moe psa?’ Disi no moe de so! Kristen oema di trow moe doe net soleki na gemeente ben doe tapoe na lobi foe Kristus di a ben offer ensrefi. Paulus e skrifi: „Na lobi di na Kristus abi e poesoe wi . . . èn a ben de leki ala sma, sodati den di e libi, no ben sa libi moro langa gi densrefi” (2 Kor. 5:14, 15). Na so joe oema moe de toe sondro gridifasi. Wan kolokoe kristenoema ben taki foe na pisi tori disi: „Mi e wroko te foe dede gi mi man, sodati wi kan tan ini wan toemsi moeiliki theocratis wroko, foe di mi sabi taki a lobi mi.”
20. (a) Fa na ini Genesis 3:16 e kon na krin dati, te wi e prakseri foe na tekst disi, dati soboen trowman leki trow-oema kan lasi balans? (b) Foe san-ede trow-oema no moe de gaw foe sori tapoe den fowtoe foe den trowmasra?
20 Ija, trow-oema, a de fanowdoe dati foe joe sé joe sori wan fasi pe gridi no de na ini. Neleki wan man kan misbruik en positsi leki edeman foe di na tapoe wan gridifasi a e basi en oema, na so wan trow-oema na tapoe wan fasi di psa marki kan aksi a prakseri foe en man (Gen. 3:16). Balans fasi no de wan makriki sani. Te wi e loekoe den foeroe sani di e taki na ten foe joe man, makandra nanga hebi gemeente ferplekti, dan wawantron séker a kan psa dati a no kan miti ala joe fanowdoe na ini na tori foe firi. „Efoe joe ben sa poti prakseri na tapoe fowtoe, o Jah, o Jehovah, soema ben sa kan tan tanapoe?” a psalmsingiman ben taki. Nowan sma foe wi! (Ps. 130:3). Neleki fa joe man moe gi frantwortoe na Jehovah, na so joe toe sa moe doe dati. Ma na a momenti di a e doe, makandra nanga sar’atifasi, joe man no wawan sa si den, ma den sa seki en ati toe.
Jepi foe tapsé
21. Sortoe jepi Gado e gi? Gi wan eksempre.
21 A no de foe taki dati den frantwortoe disi kan gersi bigi kefarlek. Ma Gado sa jepi joe ’foe kon de makti na a sma di joe de a inisé, nanga krakti foe en jeje’. Na inisé krakti disi kan jepi joe foe tjari ala lai, bika Jehovah man nanga jepi foe en krakti foe „doe foeroe moro psa marki leki ala sani san wi e aksi di wi kan tjari kon na ini wi prakseri” (Ef. 3:16, 20). Wan kristen man nanga oema di ben trow ben gwe libi makandra foe problema ede. Baka wan pisten, dan den ben sidon nanga makandra foe taki foe meki en boen baka. Den ben bigin foe bari tégen makandra baka. Ne na trowman taki foe den ben go begi makandra. „Dati ben de na troetroe problema na ini wi trowibi”, na man ben taki ini wan fertrow takmakandra. „Wi ben proberi alaten foe ben loesoe wi problema tapoe wi égi fasi na presi dati wi ben kon sabi Jehovah na ini. Èn no wan sani ben luk oiti.” Baka moro leki féfijari di den ben kon na makandra baka, na oema ben taki: „A e go alaten moro boen. O moro wi e poti na waarheid foe na bijbel ini wi libi o moro kolokoe wi kon de. Now wi e proberi foe poti Jehovah na ini ibri pisi foe wi trowlibi. Wi e feni en sowan switi sani ini a prékiwroko foe wroko nanga makandra.”
22, 23. (a) San moe de na mindripisi foe wan kristen trowlibi? (b) Foe san-ede foeroe trow-oema moe kisi prijse di e komoto foe sma ati?
22 Ija, na ini na trowlibi foe wan kristen en matifasi nanga Jehovah èn no wawan na prisiri foe en patna moe de na mama foe a tori. Paulus be skrifi foe disi: „Meki den di abi wan oema, de leki den no ben abi wan” (1 Kor. 7:29). A no de foe taki dati Paulus no ben komanderi trowman dati den ben verwaarloos den oema. A de soso wan joisti sani dati wan trowman wani foe „kisi na boen-ati foe en oema” (1 Kor. 7:33). Ma te wan man na jejefasi e go na fesi èn e sori den égifasi foe wan boen trowman dan séker a sa poti ini wroko foe sorgoe gi grani dienst na ini na gemeente. Dati sa teki pikinso foe na ten di fosten a ben de nanga en oema, aladi a no mag lasi en balans. Ma tokoe wawantron a sa psa dati na oema moesoe de sondro na prakseri di a man e poti na en dorodoro.
23 Èn trow-oema, foeroe foe oenoe na difrenti okasi sondro gridifasi ben wakti wan boen pisiten aladi joe man ben moe handri fanowdoe gemeente afersi. Disi de wan sani di de foe prijse! Na pasensi ondersteuning foe joe joe man nanga Jehovah e warderi srefsrefi. Joe de precies san na bijbel e taki: „wan kroon” gi joe man èn wan sma di e kisi boen wani foe Jehovah! — Odo 12:4; 18:22.
24. San soboen na trowman soleki na trow-oema densrefi ibriwan foe den moe meki moeiti foe doe?
24 Soboen, trowman, tan sori wan lobi pe joe e offer joesrefi. Oen trowoema, tan gi wan ondersteuning sondro gridifasi. Bow joe trowlibi lontoe joe matifasi nanga Gado èn meki wi lobi Tata blesi bigi joe moeiti!
Joe kan memre den sani disi ete?
□ Fa ’wan man e lobi en oema neleki Kristus ben lobi na gemeente’?
□ Fa wan man kan waka baka na saka fasi ati foe Abraham?
□ Fa wan man e gi en oema grani leki wan moro swaki patoe?
□ Fa trow-oema moe teki sowan sortoe offer fa man e offer densrefi?
[Prenki na tapoe bladzijde 8]
WAN TROWMAN MOE TEKI NA TIRI
na ini velddienst
na ini ontspanning
na ini a seti foe osofamiri afersi