Jehovah markitiki e jepi wi

„Meki a gi na joe akroederi joe ati, èn meki a meki ala joe rai kon troe.” — PSALM 20:4.

1. Sortoe markitiki ofoe norm de algemeen? (Deut. 25:15)

Na INI 1266 kownoe Hendrik III foe Engeland ben bepaal dati wan penny ben moe de a srefi hebi leki 32 ai tarwe. Na sofasi a ben poti wan markitiki ofoe norm. Na foeroe sani di lontoe wi, markitiki, standard ofoe norm de sosrefi toe na ini a tori. Wi e poti wi radio ofoe televisie na wan bepaalde station ofoe kanaal foe wan uitzending tapoe wan faste frequentie. Norm de sosrefi toe gi a koni foe doe sani; na koni foe lési foe wan sma di e kisi leri den kan kroetoe na a anoe foe wan norm ofoe markitiki foe san a kan doe.

2. Sortoe markitiki no de so foeroe foe feni na a tra sé, èn foe san-ede?

² Ma moro prenspari den markitiki ofoe norm de na tapoe kontren foe morele waarde èn fasi foe waka nanga libi. Sondro den markitiki disi, dan den norm disi (ofoe markitiki) di kari dja na tapsé no ben sa wani taki wan sani. Wan college foe curatoren ben kon si foe eksempre dati foe 25.000 studenti pikinmoro vijftig procent ben taki dati den kompe-studenti no ben slaag foe di den studeer, ma foe di den no ben de eerlek na fesi foe den tentamen. Fa a de nanga den markitiki foe sma di abi wan publikiwroko? Den disiten jongoesma kan leri san de den joisti markitiki foe moreel waarde te den waka na baka na a moro bigi pisi foe den disiten tiriman? Na oema historiaskrifiman Barbara Tuchman ben taki disi: „Sma e poti na moreel tirimanwroko na wan sé foe di den moro foeroe no wani foe poti markitiki.”

3. Foe san-ede wi moe froewakti dati Jehovah ben poti morele markitiki?

³ Ma fa a de nanga Jehovah Gado? A abi markitiki neleki wan libisma tata abi markitiki — morele waarde nanga norm. — na ini a tori foe fasi foe libi na ini na oso èn na a fasi fa wi moe handri nanga trawan. Jehovah, na universele Kroetoeman, Sma di e gi wet èn Kownoe, e gi na ini na bijbel wet, regel ofoe krin gronprakseri di a poti èn di e sori san en moreel markitiki de èn san a e froewakti foe libisma — richtlijn ini a tori fa wi moe tjari wisrefi. — Ps. 25:4, 5; 86:10, 11; Jes. 33:22.

4. Foe san-ede wi moe gridi foe kon sabi san de den réde foe san-ede moesoe teki Gado markitiki?

⁴ Soema na mindri wi ben sa wani poti Jehovah markitiki na wan sé? Tokoe den ben kan de wan tergi sani gi wi te den de kontrari na wan ofoe tra persoonlek lostoe. Wi ben sa si en markitiki leki wan pikin sani ofoe ben kan meki oproeroe tegen den foe di wi e prakseri dati wi situwasi de wan aparti wan afoe e meki a de fanowdoe dati den régel moe fiti densrefi. Meki wi go loekoe foe dat’ede wan tra réde foe san-ede wi moe teki moreel maatstaf èn fa wi kan njan boen foe den.

Den markitiki foe Gado te wi teki den gersi nanga di foe libisma

5, 6. San wi kan leri foe na sani di Jehovah ben meki doe kon ini na ten foe den siksi mekidé?

⁵ Na a kaba foe den siksi meki-dé Gado ben taki dati en wroko ben de „heri boen” (Gen. 1:31). Ala sani ben meki na ini logische volgorde sondro a ben mankeri wan sani. Den bon nanga meti alamala ben boen dorodoro gi na kontren pe den e poti na ini èn den ben meki densrefi kon moro foeroe na a sortoe foe den, sondro dati den ben abi fanowdoe foe evolueer na ini njoen sortoe (Gen. 1:25). Aksi joesrefi pikinso: Soema ofoe san Jehovah ben moe go na en foe kisi tiri na a mekiwroko disi. A de krin dati na sabi èn koni foe meki ala den sani disi doe kon ben didon na ini en (Jehovah) srefi. No wawan foe doe en ma foe doe en volmaakti, na tapoe wan fasi sodati natuurkundige normen (markitiki) ben poti (Jes. 40:12-14). Tapoe na fundamenti foe den norm (markitiki) di Gado ben poti meki wi kan poti den foeroe sortoe bon, fisi, fowroe nanga meti di e libi na tapoe doti na ini groepoe èn bepaal a sortoe.

⁶ Jehovah ben aksi wan lo aksi wan dé di kan jepi wi foe teki en sabi, en koni nanga markitiki gersi nanga di foe libisma. Gado ben aksi Job: „Pe joe ben de, di mi ben poti grontapoe tapoe en fundamenti? Ferteri mi dati, efoe joe sabi troetroe na ferstan”. Koniman soso kan schat na owroe di na universum owroe. A de krin na a ten dati libisma no ben de ete, sodati den ben kan sabi o ten Gado ben meki na grontapoe ofoe fa a ben doe disi. „Joe ben gi”, Gado ben aksi, „sensi joe dé komando na a mamanten? Joe ben meki moesoedé kon sabi en presi?” Natuurkundigen e stoeka na drai di grontapoe e drai lontoe, e proeberi foe doe na smelter foe sani di e meki a son foe wi meki energie kon fri di e hori na libi èn e wroko tranga nanga moeilek formule foe bodoi na fasi foe sowan gewoon sani leki leti. San na sani di den e doe e gersi nanga di foe Gado? Jehovah ben taki moro fara: ’Joe ben kon sabi den wet foe hemel? Joe kan opo joe sten srefi bari gi na workoe, sodati wan bigi watra leki skwala sa tapoe joe? Joe kan seni meki faja koti na tapoe?’ Te foe kaba Job ben moe piki: „Loekoe mi ben kon tron noti. San mi sa piki joe?” „Mi ben kon sabi dati joe kan doe ala sani èn no wan denki de di de wan sani di joe no kan doro”. Joe e denki a srefi fasi foe disi? — Job 38:4, 12, 33-35; 40:4; 42:2.

7, 8. Fa joe leki libisma mekisani e kotoigi foe Jehovah wroko?

⁷ Libisma ben de na kroon foe den sani di Gado ben meki na grontapoe. Na moro boen modern fototoestel de wan lagi sani di den meki foe wan meesterwroko foe hé gehalte, joe ai. Joe spijsverteringssystema èn joe stofwisseling e psa ala sani san scheikundigen nanga biologen oiti ben meki doe kon. Aladi wi na wi kenki foe makandra, tokoe wi toemsi moi skin e sori dati toemsi prenspari markitiki ofoe norm de. Efoe wan datra di e koti sma opo ben sa moe opereer joe na joe blindedarm, joe ben sa moe broko joe ede dan dati a sa feni joe amandra ofoe ede-tonton na ini joe bere? Nono, na normalisatie (na ini Gado mekisani) e meki a de mogelek gi wan datra di e koti foe stoeka anatomie, sodati a kan doe den fanowdoe operatie.

⁸ Na ini joe edekrabasi, èn no na ini joe bere, joe abi wan komputer di foe na foeroe sani di a kan doe èn na powa foe en de moro superieur leki na moro modern elektronis computer. Joe edetonton e meki joe kan loekoe doen èn ferwondroe na Gado mekisani pe joe abi a ini miljardmiljard son èn miljoenmiljoen merkipasi sistema foe na hemeltenti. Gado ben poti wet foe na ordelek èn joisti bewégi foe den hemelskin, sodati wi kan gebroiki den leki markitiki na a poti foe a ten foe wi — foe bepaal dé nanga neti èn pisiten nanga jari. — Gen. 1:14; Ps. 8:3, 4.

9. Sortoe bosroiti wi ben sa kan teki te wi ben sa agersi den wroko foe Jehovah nanga di foe libisma?

⁹ Teki Gado wroko pikinso gersi nanga san libisma ben doe. Aladi foeroe norm de foe seti sani di den tiri ben meki, tog libisma ben doti na watra nanga na loktoe, kiri boen foeroe wilder sortoe meti poeroe, prati den folkoe na tapoe politik, kerki nanga raciaal gebied èn ben tjari na libismalo kon ini wan positsi foe broko ede foe oorlokoe doti foe na milieu ofoe angri sa tjari wan kaba kon krinkrin na a libismalibi na grontapoe. Gado séker no ben djaf di a ben taki ini a tori foe libisma: „Soleki den hemel hé moro leki na grontapoe na so mi pasi moro hé leki oenoe pasi èn mi prakseri hé moro leki oenoe prakseri” (Jes. 55:9). A no foe dat’ede wan sani di fiti, na presi foe fertrow na tapoe libisma fasi foe loekoe sani ini a tori foe markitiki di wi moe doro, foe abi belangstelling gi den wet di Jehovah e gi ofoe den markitiki di a ben poti? — Odo 16:25; Jes. 30:21.

10. San na mekiseni di ai kan si e sori na a sé foe loekoe na Jehovah foe en moreel markitiki?

¹⁰ Den mekisani di meki foe stof e sori taki a de so dati Gado „de volmaakti [na ini] ala en activiteit”. Tokoe Deuteronomium 32:4 e ferteri moro fara foe Jehovah moreel libifasi. Te wi loekoe den wondroewroko èn norm leki markitiki na ini en mekisani di meki foe stof foe den ster te go miti den atoom èn foe micro-organisme na ini wi libismaskin srefi dan wi no moe loekoe nanga fertrow na en na ini na tori foe moreel markitiki? Na troe tori namkoe e sori ensrefi dati a ben gi toemsi moi moreel markitiki di nanga jepi foe den wi kan meki den tjari wi na ini wi matifasi nanga en èn wi kompe libisma. — Micha 6:6-8.

11. Na sortoe kontren Gado markitiki kan de foe joe wini?

¹¹ Jehovah no e poti en rai nomo te na wan smara pisi foe na libi, soleki bepaalde leri nanga overtoigi ofoe ceremoniële riten e doe. En moreel markitiki abi foe doe nanga ala pisi foe na libi, den osofamiri-afersi toe, na fasi fa joe e doe bisnis, wi fasi foe loekoe sani èn wi libi nanga waka na fesi sma foe na tra sekse, na fasi fa wi de nanga kompe kristen èn na fasi fa wi e teki prati na a anbegi (Jes. 48:17; Jak. 1:25). Na ini Jesaja 55:11 Jehovah ben taki dati ’na wortoe, di e komoto foe mi mofo kon na doro, séker sa abi winimarki’. Net so séker wi sa abi moro winimarki, meki moro boen moe kon èn feni moro kolokoe, te wi feti opregti na en baka foe libi akroederi en markitiki.

Den boen èn séker wet foe Gado de wan jepi gi wi

12, 13. Fa wan ontwikkeling ini a ten di psa sjatoe kaba e go makandra nanga Gado markitiki foe na sé foe na seksuele moraal?

¹² Wi kan kisi jepi foe Gado markitiki na tapoe foeroe direkt fasi èn skinfasi. Na ini The New York Times Magazine (6 februari 1983) foe eksempre den ben taki foe wan njoen siki di ’ondrosoekoeman foe datra wroko ben kari na moro ogri pestsiki foe na jarhondro’. Disi de na immuniteitsiki AIDS (Acquired Immune Deficiency Syndrome), sosrefi toe den e kari en na syndroom foe na kisi foe wan siki gawgaw. Na siki disi e broko na krakti di skin abi foe kakafoetoe gi siki èn e meki a sma kan kisi esesi fasi foe kanker di joe no e kisi esesi, (na sracoom foe Kaposi), longontsteking nanga tra aparti siki. O keferlek AIDS de foe tjari dede kon? Te joe teki en foe toe jari langa leki fa den taki dan na nomroe foe sma di dede de moro leki 65%.

¹³ Ondrosoekoeman e bribi dati den sani di e komoto foe joe skin (moro spesroetoe skiti) èn broedoe e tjari AIDS go abra na wan tra sma. Te so fara dan moro foeroe homoseksueel kisi na siki leki wan bakapisi foe na immoreeel kontakti foe den nanga den foeroe patna di den e kenki, ala di na siki panja ensrefi go sosrefi toe na na heteroseksuele patna. Wan homoseksueel man piki: „A de leki na ini oorlokoeten: Wi no sabi oten na bom sa fadon. Na ini na jari di psa dan tina-aiti mati foe mi dede, èn afoe foe den leki wan bakapisi foe AIDS. Twarfoe trawan e siki now trangatranga. Na ini na artikel tanapoe moro fara: „Aladi den e dré gwe, dan foeroe AIDS-patiënt e denki foe den libi, aladi den abi na firi dati foe den mi-no-ke hedonistis libifasi den kisi strafoe.” Degedege no de na ini, dati Gado moreel markitiki sa jepi wi, soleki di e kari na ini 1 Korintesma 6:9, 10. Den e kibri wi!

14. Na sortoe tra fasi na AIDS-problema e poti krakti na tapoe na prenspari fasi foe Gado markitiki? (Deut. 12:23-25)

¹⁴ Moro de ini na tori. Wi e feni AIDS na foeroe sma di e libi na ini na Kribisikontren. Dr. Sheldon Landesman tjari kon na krin: ’Wi sabi dati foeroe foe wi patiënt foeroetron abi foe doe nanga voudou nanga afkodré.’ A de krin dati AIDS e tjari kon abra tapoe wan tra sma na ini den ritueel foe den. Na siki abi foe doe sosrefi toe nanga broedoe transfusie èn nanga broedoeprodukten, AIDS e kon leti na baka a moro prenspari oorzaak foe dede baka broedoe di joe no kan tapoe na hemoliliepatiënt (sma di e broedoe dede), èn no so langa psa kaba dan toe operatie-patiënt di ben kisi wan broedoetransfusie, kisi AIDS, leki wan bakapisi di e meki son sma di e loekoe sani, kon frede na ini a tori foe broedoe-voorraad foe na naatsi.” Na ten di wan sma kisi a siki èn a broko kon na doro foe na siki de a mindri den siksi moen èn toe jari. Soboen na a ten di son sma e go denki dati den abi AIDS, „dan sondro foe den sabi den kan gi hondrohondro tra sma na siki — nanga jepi foe seksueel kontakti, nanga jepi foe broedoe foe trasma ofoe na wan tra fasi di den no kon sabi ete foe kisi a siki.” Na markitiki foe Gado na ini a tori foe seksueel moraal, na tan farawe foe afkodré, ’hori joesrefi fara foe broedoe, e jepi wi foe tan fri foe den siki disi èn tra kwaal’. — Deut. 18:10-12; Odo 5:18-23; Tori. 15:29; 21:25.

15. Fa Jehovah markitiki na ini a tori foe sopi e sori dati a boen?

¹⁵ Prakseri dati Jehovah e kroetoe droengoefasi, leki ete wan bewijsi foe en boen markitiki. A no e feni en boen srefsrefi te wan sma „gi ensrefi abra na foeroe win” (1 Tim. 3:3, 8; Rom. 13:13). Foeroe sma di e poti Gado markitiki na wan sé e kisi siki di dringi sopi psa merki e meki doe kon. Son kristen di no e teki Paulus rai foe dringi pikinso win („wan pikinso win”), meki a de wan gwenti foe dringi hebi foe ’kisi jepi foe ontspan densrefi nanga dati’ (1 Tim. 5:23). Safrisafri na chronis kwaal foe de wan srafoe foe sopi (nanga skin èn firi èn moreel pisi foe en) kan gro kon. Den problema di e komoto foe disi de bigi, makandra nanga na lasi foe respeki, span na ini na osofamirilibi, (ofoe srefi wan osofamiri di broko), na pori foe na moni di den wroko èn a lasi foe wroko. Den markitiki foe Gado na ini a tori foe na gebroiki foe sopi no de wan kibri na a kontren disi?

16. Fa den markitiki foe Gado ben jepi Jehovah Kotoigi na ekonomiasé?

¹⁶ Sosrefi toe na ini ekonomia afersi Gado markitiki de praktis. Den e gi tranga na kristen foe de eerlek èn foe wroko tranga. (Ef. 4:28; Kol. 3:23; teki gersi Lukas 16:10-12). Ini na heri grontapoe njoensoe e sori dati foeroe kotoigi foe Jehovah ben kan hori den wroko aladi trawan lasi den wroko, èn sontron den kisi wan moro hé wroko foe di den de eerlek èn e wroko tranga. Joe sabi dja kande eksempre foe disi? A de taki foe ensrefi dati te wan sma abi en wroko, dan na ini moeiliki ten a abi en pikinso moro mendri hebi. Sosrefi toe a e tjari winimarki kon na monisé te a e tan farawe foe gwenti di no e akroederi nanga bijbel èn srafoe foe sani. Moro bodoi ini a tori disi wi e feni na ini na boekoe Na pasi di e tjari go na troe kolokoea èn dati de na ini na kapiter „San de wan jepi na ini problema a monisé?” Sondro joe degedege joe kan prakseri moro eksempre ete foe na praktis boen foe Gado markitiki tapoe ekonomiakontren.

17. San Gado e taki ini a tori foe a poti foe wan sma na dorosé foe a gemeente, èn foe san-ede disi de wan ferstan sani?

¹⁷ Jehovah markitiki na ini a tori foe na kristen gemeente sosrefi toe de ferstandiki èn boen. Gado e skrifi foe eksempre dati wan kristen di no abi beraw moe poti dorosé foe a gemeente. Trawan no moe „de moro langa ini gezelschap foe wan sma di den e kari wan brada, ma di de wan hoeroeman ofoe wan bidrigiman ofoe wan skempiman ofoe wan droengoeman ofoe wan afkodréman ofoe wan gridiman èn nanga sowan sma joe no moe njan srefi”. Aladi disi leki fa den markitiki foe son sma taki kande gersi a de sondro lobi, tog Gado sabi moro betre. Na a fasi disi na krin gemeente e feni kibri tapoe wan lobifasi, bika ’wan pikinso sroedeki e meki na heri deki swa’ (1 Kor. 5:11, 6). Wan sani di Dr. A.L. McGinnis, skrifiman foe The Friendship Factor (Na matifasifactor) ben taki, e sori na koni foe san Gado e taki foe a no njan makandra foe wan sma di poti dorosé foe na gemeente:

„Wan foe den moro boen fasi foe kan meki wan matifasi kon moro dipi, de foe njan makandra. A abi pikinmoro wan sani di de wan santa sani foe broko brede makandra nanga wan tra sma. Joe ben si oiti foe eksempre o moeiliki a de foe njan makandra nanga wan féjanti èn foe tan féjanti?”

18. Fa a markitiki foe Gado na ini a tori foe sma di fadon komoto na bribi ben sori dati a boen?

¹⁸ Te wi e hori na a markitiki foe Gado, dan disi e meki dati na panja foe falsi leri nanga fasi foe loekoe sani no e go doro. Na ini na fosi jarhondro Himenéüs nanga Filétus ben fadon komoto na bribi èn den ben proeberi foe njan na bribi foe tra sma na ondro. Gado markitiki ben de: ’Tan farawe foe den sortoe babari disi di e doe ogri na den sani dl de santa’ (2 Tim. 2:16-19). Kristen di e hori densrefi na a markitiki dati, no ben sa abi belangstelling foe arki na den sma di fadon komoto na bribi ofoe kisi pori boekoe di den sma disi ben sa panja „foe oneerlek wini ede”. Foe san-ede den ben sa gi moni na ogridoe foe go bai den boekoe foe den? (Tit. 1:11) Meki wi hori tranga leki loyaal kristen na den markitiki foe Gado, gi wi ferstan njanjan nanga san de troe èn regtvaardiki èn loyaal èn hori tranga nanga warderi na a kanari di ben meki na bijbel waarheid kon na wi biginbigin — teki gersi 1 Timotéus 4:16.

19. Na tapoe sortoe tra kontren Jehovah markitiki e gi wi jepi?

¹⁹ Den markitiki foe Gado e jepi Jehovah Kotoigi na tapoe foeroe moro fasi. Na ini na trowlibi wi e kisi tranga foe sori lobi, respeki èn wánfasi na ini wan ten pe moreel mi-no-ke-fasi èn na kari foe moro bigi fri e meki moro hé brokotrow cijfer kon. Den markitiki foe Jehovah e jepi kristen pikin foe teki na tiri foe den papa nanga mama èn no de gaw foe meki oproeroe tegen disi, soleki skoromati foe den. Na presi foe jongoe sma di e warderi Gado markitiki, ati e bron nanga na makti foe den papa nanga mama na den tapoe, e gwe biten libi a oso, den e feni en wan switi sani foe njan boen foe den rai di abi den fundamenti na ini na bijbel èn jepi di kristen papa nanga mama sa gi. — Kol. 3:8-21.

Teki èn gi jesi na Jehovah markitiki

20-22. San joe moe hori na prakseri foe den markitiki foe Gado?

²⁰ Foeroe moro okasi wi ben sa kan taki foe den pe Gado markitiki sa jepi wi. Kande joe abi wantoe spesroetoe punt na ini prakseri foe na fasi fa den ben jepi joe persoonlek. Moi so! Disi na boen sani di e gi dek’ati èn di joe kan taki foe en nanga tra kristen.

²¹ Ma wi alamala moe hori na ini prakseri dati a de toemsi makriki foe kori komoto foe den markitiki foe Gado. Kari pikinso kon ini prakseri san Jehovah Gado ben taki na a bergi Sinaï gi den Israëlsma: „Efi oen sa gi jesi na mi sten soifri èn troetroe sa hori mi ferbontoe dan oenoe séker sa tron mi spesroetoe goedoe foe ala tra volkoe.” Den ben piki nanga faja: „Ala san Jehovah ben taki, wi de klari foe doe.” Ma fa den ben waka na wan libifasi kontrari disi na ini den jari na baka! — Exodus 19:5, 8; Numeri 14:1-4, 10,

²² Meki wi teki foe dat’ede Jehovah markitiki èn hori wisrefi na dati! Wi e waka séker na baka wan ferstan libifasi di sa meki wi de kolokoe, te wi hori tranga na den markitiki di no abi den speri èn di Jehovah ben gi foe jepi wi tiri wi libi. — Psalm 19:7-11.

[Foetoewortoe]

Joe kan memre disi ete?

□ Sortoe bewijsi den mekisani foe stof e gi foe di Jehovah de wan fonten foe markitiki?

□ Foe san-ede wi moe loekoe na Jehovah ini a tori foe morele markitiki?

□ Sortoe eksempre joe ben sa kan gi foe sori fa Jehovah markitiki ben sa kan jepi joe?

□ Fa joe e prakseri foe na poti foe Jehovah markitiki ini joe libi?

[Prenki na tapoe bladzijde 2]

Mekisani foe na moro pikinwan te go doro na a moro bigiwan e bewijsi a makti foe Jehovah foe sorgoe gi markitiki