Na toemsi boen herder nanga „na koi disi” foe en
1, 2. (a) Fa kownoe David ben skrifi foe Jehovah na ini Psalm 23:1? (b) Foe san-ede a ben fiti foe gersi Jehovah nanga wan herder èn Israël nanga en skapoe?
JEHOVAH na mi Herder. Noti sa mankeri mi. Na ini sabana foe grasi a e meki mi didon; na boen foeroe presi nanga watra a e tjari mi go. Nanga den wortoe dati na fosten herderboi nanga harpoeman, di bakaten ben tron kownoe foe na naatsi Israël, ben bigin wan foe en lobi singi. — Psalm 23:1, 2.
2 Gi no wan tra naatsi leki soso na Israël foe owroeten wan tra psalmsingiman ben kan taki den wortoe di e kon now: „Meki wi kindi gi Jehovah, wi Mekiman, bika en de Gado èn wi na a pipel foe en sabana èn den skapoe foe en anoe” (Psalm 95:6, 7). Aladi na libisma kownoe foe Israël ben kan teki gersi nanga wan herder, nanga srefi ben kan teki gersi nanga skapoe di ben abi Jehovah Gado leki na moro boen Herder. En na a Moro Boen Herder èn na moro boen bigi eksempre di man di e doe wroko leki agersi herder ini gemeente foe Jehovah pipel di gi densrefi abra kan waka na en baka.
3. Fa a ben de wan sani di ben fiti na ini na tori foe Jezus foe kari Jehovah wan Herder?
3 Kownoe David ben de wan prenki foe Jezus Kristus, aladi Jezus ben de moro bigi leki David foe owroeten, en kownoe fosten tata. Nanga reti a ben kan teki den wortoe foe David di taki: „Jehovah na mi Herder”. Na sma di ben waka na en fesi, Johannes na Dopoeman, no ben sori den arkiman di ben lontoe en tapoe na Jezus Kristus di ben e kon nanga den wortoe: „Loekoe na Lam foe Gado, di ben e tjari na sondoe foe grontapoe gwe”? (Johannes 1:29, 36) Di Johannes ben e taki foe Jezus leki wan lam ofoe wan jongoe skapoe, kande a ben abi den wortoe foe Jesaja 53:7 na ini prakseri: „Leki wan skapoe den ben tjari en go foe srakti.” Moro fara na ini na laatste boekoe foe na bijbel, foe bigin nanga Openbaring 5:6, dan 28 tron den e taki foe na glori Jezus Kristus leki wan agersi Lam.
4. Fa Jezus ben tron leki wan skapoe na ini wan skapoekoi, èn san ben de na skapoekoi dati?
4 Nanga wan wondroe gebortoe na grontapoe a ben kon de wan pisi foe na naatsi Israël na ini na jari 2 bifo G.T. Na so a ben kon na ondro na Wetsverbontoe di Jehovah na Herder foe Israël ben sroto nanga na pipel di a ben teki foe en. Na proféti Mozes ben doe wroko foe na boen foe na naatsi Israël leki Mindriman foe na verbontoe dati nanga en Tin Komando (Galaciasma 4:4, 5). Jezus ben gebore leki wan foe den agersi skapoe foe soema Jehovah ben de na Granherder. Jezus srefi ben de soboen na ini wan agersi skapoekoi, na grani matifasi nanga na Gado-Herder, di ben gi kibri nanga na Wetsverbontoe foe Mozes di ben de leki wan skotoe.
5. San ben de a réde foe wan prakseri di ben kenki foe na skapoekoi foe Johannes 10:1?
5 Wi e taki dja taki na „skapoekoi” foe Johannes 10:1 de a srefi leki na seti foe na Wetsverbontoe foe Mozes? Ja séker! Na fosten bodoi taki na skapoekoi abi foe doe nanga na verbontoe foe Abraham ben abi leki fundamenti na fasi foe loekoe sani dati Johannes 10 e kari direkt soso wán koi, èn efoe soso wán koi moe de, dan na verbontoe foe Abraham ben sa de na logise verklari. Ma wan studi di ben meki moro fara foe a kapitel disi sori taki Jezus foe troe ben taki foe moro leki wán skapoekoi. Soleki wi sa si, dan wan kenki ini na bodoi foe dat’ede ben de wan sani di fiti.
6. Fa joe e denki foe den sortoe kenki dati na ini a ferstan foe punt foe a bijbel?
6 Den kenki disi ten a ten de fanowdoe, bika Odo 4:18 e ferteri wi dati „na pasi foe den regtvaardikiwan de leki na brenki leti, di e kon moro krin te leki a dé kon de krin”. O ja, gensman foe fadon komoto foe na waarheid, ’e kawtifi’ na den sortoe progressief openbaring disi, ma dati no e trobi wi (Tori foe den Apostel 7:54). Na presi foe doe dati wi e taki Jehovah tangi, taki „leti ben opo kon gi na regtvaardikiwan” èn prisiri srefi gi den opregtiwan foe ati (Psalm 97:11). Wi abi na overtoigi dati a sa de wan prisiri di joe moe sabi san na agersitori disi foe den skapoekoi wani taki now gi joe èn gi ala tra kotoigi foe Jehovah.
Wan fosten skapoekoi, ondro na Wet
7. Fa Jezus ben go de ini wan njoen rol ini 29 G.T. na ini a tori foe na skapoekoi foe Israël?
7 Fa a de now dan nanga na skapoekoi dati na ondro na Wetsverbontoe foe Mozes? Bakadi Masra Jezus ben kisi dopoe foe Johannes na Dopoeman, ben kisi salfoe nanga Jehovah santa jeje èn ben ondrofeni wan fotenti dé tesi na ini na sabana foe Judéa, dan Jezus Kristus kon na ini na jari foe 29 G.T. leki wan jeje herder na na skapoekoi foe Israël. Jezus Kristus ben taki taki den ben seni en spesroetoe go na den lasi skapoe foe Israël (Mattéus 10:6; 15:24). Te nanga na ten foe en dopoe a ben de eenvoudig wan foe den Israëlsma na skinfasi di ben e libi na ini na skapoekoi-seti foe na Wetsverbontoe foe Mozes. Ma now di Jezus ben kisi salfoe èn di Jehovah jeje ben meki a gebore njoen, dan a ben kan go na ini en njoen rol leki „na Toemsi Boen Herder” na a skapoekoi dati. — Johannes 10:11.
8. Soema ben de na agersi dorowaktiman foe Johannes 10:3?
8 Johannes na Dopoeman ben de na fosi wan di ben herken èn erken Jezus leki na Boen Herder di na Granherder, Jehovah Gado, ben poti na wroko. Jezus no ben kon foe foefoeroe sani na ini na skapoekoi, ma nanga wan wettig prakseri. Nanga respeki a ben kan pristeri ensrefi leki wan jeje herder na den skapoe na ini na skapoekoi ini na naatsi Israël. Ini akroederi nanga na tori ini Maleachi 4:5 (Teki gersi Matteus 11:12-14; Lukas 1:13-17) dan na Granherder, Jehovah Gado, ben poti Johannes leki na agersi „dorowaktiman” foe na skapoekoi foe Israël (Johannes 1:15, 17, 19-28; 10:3). Johannes ben erken den bribibrifi foe Jezus Kristus leki na Ondroherder foe Jehovah Gado èn now a ben de klarklari wantewante foe gi en pasi èn foe meki sma kon sabi en leki na Messias-Herder di den ben taki na fesi foe en èn di ben sa kari en „skapoe” na den nen èn ben sa tjari den go na doro foe njan grasi.
9, 10. Fa Jezus ben fiti wan herder leki fa en égi wortoe ben taki, èn fa den herder foe Israël ben wroko nanga den skapoe?
9 Jezus Kristus ben miti a marki foe a fasi fa ensrefi ben skrifi foe na Troe èn Toemsi Boen Herder, soleki disi tanapoe na ini Johannes 10:1-5: „Foe troe, foe troe, mi e taki gi joe: Na sma di no e psa na ini na doro foe na skapoekoi, ma na tapoe wan tra presi e kren go na loktoe, en na wan foefoeroeman èn wan sma di e plunder sani. Na sma di e psa ini na doro go na inisé, en na a herder foe den skapoe. Na dorowaktiman e opo doro gi en èn den skapoe e arki na en sten, èn ái kari en égi skapoe na den nen èn a e tjari den go na dorosé. Te a ben tjari den alamala di de foe en go na dorosé, dan a e waka na den fesi, èn den skapoe e waka na en baka, foe di den sabi en sten. Den no sa waka kwetkweti na baka wan freemde sma, ma den sa lon gwe libi en, foe di den no sabi na sten foe freemde sma.”
10 Na herder na ini na Israël foe owroeten ben kon sabi en skapoe heri boen. Leki fa na gwenti de dan a ben abi wan bepaalde kari di soso en wawan abi èn nanga dati a ben kari ala en skapoe kon na wan foe poti persoonlek prakseri na den. Boiti foe dati, a ben gi ibriwan foe en skapoe wan égi nen. Ibri skapoe e doe wan sani èn e gi jesi te den ben kari en nen. Den skapoe ben sabi na spesroetoe sortoe sten foe den herder, den no ben doe soboen wan sani tapoe na sten foe wan freemde sma.
11. Fa wi moe denki persoonlek foe na rol foe Jezus leki herder?
11 Parallel nanga disi, fa a de wan prakseri di e gi trowstoe dati wi kan de séker dati wi jeje herder sabi wi persoonlek na wi nen èn e gi wi persoonlek sorgoe nanga e poti prakseri na wi! Meki wi no de so leki den arkiman na ini Jezus ten di no ben ferstan san den agersitori disi ben wani taki. Leki wan warskow eksempre gi wi meki den skrifi na sani di skrifi ini Johannes 10:6: „Na gersitori disi Jezus ben taki gi den [den djoe arkiman foe en]; ma den no ben sabi san den sani ben wani taki di a ben taki nanga den.”
12. Soema ben de den „freemde sma” foe soema Jezus ben taki foe den, èn foe san-ede dati ben de so?
12 Tra Israëlsma di ben kon pristeri densrefi èn di ben taki taki den ben de na pramisi Messias ofoe Kristus Jezus ben sori tapoe den leki freemde sma. „Na dorowaktiman”, Johannes, na soema Jezus ben go foe ben kisi dopoe srefi, no ben tjari den kon na den sma leki Jehovah Messiaans herder. Jezus no ben meki wan fowtoe (Mattéus 3:1-7; Markus 1:1-7; Lukas 3:1-9). Foe kan kibri na pipel, Jezus ben feni en now wan koni sani foe meki sma kon sabi en srefi leki na sma di Jehovah ben seni gi den foe den doe wroko leki den jeje Herder foe den èn foe poeroe na bere foe den herder kon na doro.
Wan njoen koi na ondro na Toesi Boen Herder
13. Sortoe kenki Gado ben tjari kon na ini a tori foe en skapoekoi?
13 Foe san a tori e go, na dati wan sma e kon a ini a joisti koi èn disi ben de na a ten dati net so prenspari leki now. Disi wani taki dati wan tra skapoekoi kan kon di Jehovah e feni boen? Ija. Den tra wortoe foe Jezus na ini Johannes kapitel 10, èn ooktoe den historia troetori, e sori taki Gado ben sa poti na ini a presi foe na skapoekoi foe Israël di de na ondro na Wet wan njoen koi. Poti prakseri tapoe disi te wi o loekoe den wortoe foe Jezus moro fara.
14, 15. Foe san-ede Jezus ben sori na ini Johannes 10:7-10 na wan njoen skapoekoi soleki a kon na krin?
14 „Foe dat’ede leki Jezus taki moro fara”, na ini Johannes 10:7-10, „’Foe troe, foe troe, mi e taki gi oenoe: Mi de na doro foe den skapoe, ala sma di kon na a presi foe mi, de foefoeroeman èn sma di e plunder, ma den skapoe no ben arki den. Mi de na doro; ala sma di psa mi go na ini, sa kisi loesoe, èn sa go na ini foe kon na doro èn feni sabana. Na foefoeroeman e kon wawan foe foefoeroe èn foe srakti èn foe pori. Mi ben kon sodati den ben sa abi libi èn den ben sa abi en psa marki.’”
15 Loekoe na ini den wortoe disi dati Jezus e kari ensrefi na doro foe na skapoekoi foe san ai go ferteri now; a ben de na doro di e gi pasi foe go na a koi foe na tra Herder Jehovah Gado. Jezus no ben de na agersi doro di e gi pasi foe go na a pasi foe Israël na skinfasi, bika na tapoe na fundamenti foe en gebortoe foe na djoe wenke Maria a ben de ini na koi dati. Jezus no ben de wan mindriman foe na Wetsverbontoe di ben gersi wan doro nanga jepi foe soema na naatsi Israël ben tjari kon na ini wan aparti matifasi nanga Jehovah Gado. Langa bifo Jezus gebortoe dja na grontapoe Jehovah Gado ben taki gi na naatsi Israël: „Oenoe wawan mi ben sabi foe ala den famiri foe gontapoe” (Amos 3:2). Komoto foe na agersi djoe skapoekoi a troe Ondroherder foe Jehovah Gado ben kari den fosi skapoe foe en ipi kon foe tjari den go a wan spesroetoe jeje sabana gron. Jezus ben bigin foe taki now soboen foe wan njoen skapoekoi foe san en, na toemsi Boen Herder, ben de a doro na ini wan tra betekenis.
16. (a) Fa fosten kaba den ben sori dati Jehovah ben sa abi wan njoen skapoekoi? (b) Fa Jezus ben sori dati na njoen skapoekoi ben de na tapoe na punt foe kon?
16 Den djoe di ben wégri foe tron discipel di gersi skapoe, ben abi na prakseri dati a skapoekoi foe den na ini na ai foe Jehovah ben de na wan enkri wan èn dati sondro degedege a sa tan te ten di no abi marki na ini a ten di o kon. Den no ben hori na prakseri na „njoen verbontoe” di Jehovah Gado ben pramisi dati a ben sa meki soleki na profétitori na ini Jeremia 31:31-34 e taki. Disi ben wani taki wan njoen matifasi nanga Jehovah Gado èn foe dat’ede wan njoen agersi skapoekoi. Jezus Kristus no ben de na doro di e go na wan skapoekoi di te foe kaba no ben sa de moro, no ben sa lontoe moro nanga a skotoe foe a kibri foe Jehovah (Hebrewsma 8:7-13). Na tapoe na neti di Jezus ben hori na laatste pascha nanga den djoe disipel, a ben wani taki wantoe wortoe di wani taki foeroe di a ben meki na pascha win waka lontoe a den. A ben gi wan symbolise betekenis na a win nanga den wortoe: „Na beker disi wani taki na njoen verbontoe na ini na krakti foe mi broedoe di sa fadon foe na boen foe oenoe.” — Lukas 22:20; Mattéus 26:27-29.
17, 18. (a) San ben de na njoen skapoekoi disi foe san Jezus ben de na Toemsi Boen Herder? (b) Fa den ben kan teki gersi ooktoe nanga na doro foe na njoen koi disi?
17 Jezus Kristus ben sa de na doro di e go na wan skapoekoi di ben sa tan, wan skapoekoi di ben sa teki a presi foe na fosten skapoekoi foe den Israëlsma na skinfasi na ondro na Wetverbontoe foe Mozes. Jezus ben libi en discipel djaso na baka a grontapoe èn ben opo go na hemel fotenti dé baka di a ben opo komoto foe dede, a ben abi ete na reti tapoe volmaakti libi, wan reti di a no ben meki lasi gwe nanga a doe foe Wan sondoe di a ben de na ini libisma skin (Jesaja 53:10-12; Tori foe den Apostel 8:30-35). Foe dat’meki a ben de srekasreka foe dini leki Mindriman èn na reti disi tapoe libi, di na broedoe foe en ben de wan symbool, foe poti wan ségelmarki tapoe wan njoen èn moro betre verbontoe foe na boen foe en discipel dja na grontapoe. Disi a ben doe a moro lati na a dé foe na Pinksterfesa foe na dé foe 33 G.T. di a santa jeje ben kanti kon tapoe en djoe discipel di ben de na ini Jeruzalem e wakti èn ben gi en jesi.
18 Den discipel disi ben tjari kon na ini na njoen verbontoe disi na a fasi disi, èn wan njoen skapoekoi ben kon, wan matifasi nanga Jehovah tapoe na fundamenti foe na njoen verbontoe, di ben kisi wan ségel-marki nanga na broedoe foe Jezus Kristus. Den agersi skapoe na ini na njoen koi ben kon njoen gebore nanga na jeje foe Jehovah èn ben kisi salfoe nanga en jeje. Kristus ben de na doro di ben e gi pasi foe go na a koi, a ben de toe Jehovah Herder di ben poti tapoe den skapoe di ben de drape na ini.
19. Fa na profétitori na Zacharia 13:7 ben kon troe?
19 Na ini den pisi foe dri dé di Jezus ben kan de bezig nanga en skapoe, foe di den ben hori en fosi na strafoe èn baka dati a ben kon dede na ini na grebi, a ben moesoe gi na sorgoe foe en discipel di ben gersi skapoe krinkrin abra na a Gran Herder Jehovah Gado. Ne den wortoe foe Jehovah na ini Zacharia 13:7 ben kon troe, namkoe: „Naki na herder, èn meki den skapoe foe na ipi panja; èn séker mi sa meki mi anoe drai kon abra den di no de wan sani.” Na anoe foe na Almakti Herder Jehovah, drai kon baka tapoe den disi di no ben de wan sani te leki den ben gi abra na a Ondroherder, Jezus Kristus, di ben opo baka foe dede. — Mattéus 26:31, 32.
20. Fa Johannes 10:16 e meki na froewakti kon dati ete wan koi ben sa kon, èn foe san-ede disi moesoe abi wi belangstelling?
20 Ma loekoe pikinso, nanga na njoen skapoekoi a ondro na Toemsi Boen Herder na ini prakseri taki Jezus ben taki na ini Johannes 10:16: „Mi abi tra skapoe ete di no de foe disi koi; den dati toe mi moe tjari.” Disi no e sori a tapoe dati a abi ete wan tra koi, wan tweede wan foe san en ben sa de a Toemsi Boen Herder? Efoe dati de so, oten a koi disi ben sa de dan? Soema ben sa de drape na ini leki skapoe? Disi na toemsi moi aksi di de foe a ten disi, èn na piki a tapoe sa abi langalanga foe doe nanga na howpoe foe joe èn joe froewakti foe tégo libi. Meki wi go ondrosoekoe na afersi boen.
San joe ben sa piki?
◻ Fa Jezus nanga en gebortoe ben kon na ini wan agersi skapoekoi, èn soema ben de na Herder?
◻ Na ini sortoe njoen rol Jezus ben kon ini 29 G.T.?
◻ Na ini sortoe fasi tapoe na tori foe na skapoekoi foe Israël Johannes na Dopoeman ben e dini?
◻ San ben de na njoen skapoekoi foe san Jezus ben de na Toemsi Boen Herder?
◻ Fa disi e sori taki ete wan tra skapoekoi ben sa kon?
[Prenki na tapoe bladzijde 3]
Leki na agersi waktiman foe a doro, Johannes a Dopoeman ben gi a Heri Boen Herder, Jezus, wan switi kon
[Prenki na tapoe bladzijde 5]
Jezus ben tjari en skapoe go na ini wan tra skapoepen. San disi ben agersi?