’Go doro foe waka na ini a srefi routine a wan ordefasi’
„Meki wi go doro, na ini a fasi fa wi e go a fesi, foe waka na ini a srefi routine a wan ordefasi.” — FILIPI 3:16.
1, 2. (a) Fa jongoe sma moe di de wan eksempre de wan fonten foe dek’ati? (b) Ma sortoe aksi di e go foe den e kon tog ini wi?
DI ALISA ben de soso toe jari ete, a ben meki ala sma ferwondroe foe di leki wan singi a ben kan taki ala 66 bijbelboekoe, ben kan kari den nen foe den twarfoe apostel èn nanga gebaren ben kan sori den négi froktoe foe a jeje foe Gado (Matt. 10:2-4; Gal. 5:22, 23). Na a ten di a ben de na ini a di foe féfi klas a ben hori wan alawiki bijbelstudie na wan meisje na a di foe dri klas, di foe en sé baka ben man foe meki en moro owroe brada kisi belangstelling gi a bijbel. Alisa nanga a pikin mati foe en ben poti wan marki a den fesi. Den e loekoe a fesi te na ten sa doro drape foe makandra tanapoe leki foeroeten prékiman na ini na speciale pionierdienst.
2 Ibriwan foe wi ben sa feni en wan prisiri sani foe sabi den pikin disi èn kan de séker joe abi na boen ede dati ooktoe. Ma a srefi ten wi no kan jepi foe aksi: Den sa gro kon tron sortoe sma? A jeje gro foe den sa go doro te leki den doro a marki foe den? Ofoe tra sani sa poeroe a prakseri foe den èn saka gwe afpasi?
Go a fesi dorodoro
3. Soema moe go na fesi?
3 A de krin dati den sortoe jongoe pikin disi moe pasa wan boen jeje gro ete bifo den kan doro a marki foe den. Ma na soso den jongoesma ofoe den njoenwan moe go na fesi? Go na fesi te joe loekoe en boen de fanowdoe soso te leki wan sma e kisi jeje lepifasi ofoe ben kisi na bekwaamheid foe doe wan bepaalde grani? Nono. Loekoe pikinso na apostel Paulus. Na presi foe a ben de tevréde nanga san a ben doro, a ben taki na ini en brifi gi den Filipisma: „No dati mi kisi en kaba ofoe dati mi ben tjari kon doro volmaaktifasi, ma mi e feti a baka disi ofoe mi mag graboe ooktoe na sani foe san Kristus ben graboe mi.” — Fil. 3:12.
4. Sortoe „marki” na apostel Paulus ben feti a baka?
4 A de krin dati Paulus ben taki foe na doro foe lepifasi, bika a de sondro degedege dati a ben de wan lepi kristen kaba. Tokoe a ben taki dati a ’ben feti na baka’ wan sani di a no ben ’kisi ete’. San dati ben de dan? Paulus ben taki moro fara: „Mi e feti baka na marki foe na prijs foe a kari na tapsé, di Gado nanga jepi foe Kristus Jezus e meki doe kon” (Fil. 3:14). Na marki di a feti na baka no ben de kristen lepifasi ofoe kon de boen foe de ini wan bepaalde positsi, ma a ben de wan moro bigi sani. Gi en nanga en medekristen a ben de na „kari na tapsé”, na howpoe tapoe hemel libi nanga jepi foe opobaka.
5. (a) Foe san-ede a ben de fanowdoe foe tan gro? (b) San kan de ooktoe na ini na ’frigiti foe den sani di de a wi baka’?
5 Disi e jepi wi foe ferstan foe san-ede wi moe tan gro èn na jejefasi tan go a fesi, awinsi olanga wi de na ini na waarheid. Efoe wan sma ben sa go na fesi wawan te leki a ben doro a punt dati den kan si en leki lepi, ofoe soso te nanga a punt dati a de boen gi wan spesroetoe grani, san ben sa de gi en dan wan winimarki di e tan? Lepifasi nanga spesroetoe grani no djaranti dati wi sa doro te foe kaba na marki — tégo libi. Na presi foe dati wi moe doe a srefi leki na apostel Paulus: ’E frigiti den sani di de na joe baka èn e langa joesrefi go na den sani di de na joe fesi’ (Fil. 3:13). No wawan wi moe libi den soso sani na baka di kande wi ben doe bifo wi ben leri sabi na waarheid, ma wi moe loekoe boen toe dati wi no de tevréde nanga den sani di wi ben doe foe sensi a ten dati. Nanga tra wortoe, wi e kisi na rai foe no go rostoe tapoe den sani di wi ben doro, ma sondro foe stop go a fesi. Joe e doe disi ofoe na wan ofoe tra réde, ben go doe en safrisafri? — Loekoe 1 Korinte 9:26.
6. Te wi teki Filipi 3:12 gersi nanga 3:15, san wi kan taki dan foe a go na fesi?
6 Nanga a mogelekheid disi ini prakseri Paulus e go moro fara: „Meki dan, someni foe wi di de lepi abi na jejefasi disi, èn efoe na ini iniwan fasi den firi trafasi na jejefasi, dan Gado sa tjari na jejefasi disi di kari dja a tapsé kon a krin gi joe” (Fil. 3:15). Fosi dati, na ini vers 12, Paulus ben sori dati a no prakseri foe ensrefi dati a ’ben tjari kon kaba kisi volmaaktifasi’. Tokoe a ben taki dja „someni foe wi moe de lepi”, ofoe „volmaakti” (Kingdom Interlinear). Disi no de kontrari makandra. Moro foeroe a e kon na krin dati srefi lepi kristen, soleki Paulus, moe hori na ini prakseri dati den no doro na troetroe marki te foe kaba ete, èn den moe tan go na fesi foe doro dati. Foe dat’ede a tjari ala sani kon na wán na a fasi disi: „Na ini na marki di wi ben go a fesi meki wi go doro na ini a srefi routine a wan ordefasi. — Fil. 3:16.
Na wan ordefasi
7. Foe waka na baka sortoe „routine” Paulus e gi tranga?
7 Paulus ben taki, di a ben gi tranga na kristensma „foe waka na ini a srefi routine a wan ordefasi” dati den ben moe kweki wan switifasi activiteit èn dan ben moe de tevréde dorodoro nanga dati te leki a ten dati den ben sa kisi a paiman? Wan sma di ben doe disi, ben sa de leki na srafoe na ini na agersitori foe Jezus, di ben beri na wán talenti di en masra ben gi en èn bakadati ben wakti nomo tapoe na drai baka foe na masra (Matt. 25:14-30). Ala di na srafoe no ben lasi na talenti, èn no ben tapoe nanga en dienst, tokoe den ben kari en wan „srafoe di no warti noti” èn di na meester ben trowe. Paulus séker no ben taigi wi, soso foe hori san wi abi foe di wi e frede foe lasi en. A ben taki foe go na fesi. Nanga „routine” Paulus ben méne èn dati de krin wan boewégi go na fesi dorodoro, soleki di foe wan sroedati di e waka go no de ini houding ma e waka go doro.
8. Wi belangstelling moesoe go na sortoe sani ini a tori foe na dienst foe Gado?
8 A rai foe Paulus moe jepl wi foe ferstan o prenspari a de foe doe alaten tranga moeiti foe go na fesi, èn foe doe na dienst foe Jehovah moro betre. ’Ini na marki di wi ben go a fesi ooktoe’, ofoe wi de now owroeman, dinari ini na diniwroko, pionier ofoe prékiman, a moro prenspari belangstelling foe wi moe de foe meki na kwaliteit èn efoe dati kan, na kwantiteit foe a dienst foe wi kon moro hé. Wi moe loekoe boen dati wi no kisi a srefi jejefasi leki den Israëlsma na ini a ten foe Maleachi di ben frigiti den prekti, di ben prakseri dati den ben kan teki na pasi foe tjari ofrandi gi Jehovah di no ben boen. Ma fa Jehovah ben prakseri foe dati? „Ija, oenoe ben tjari leki presenti [na malengri èn siki ofrandi]”, a ben taki, èn a ben taki mora fara: „Mi kan teki dati nanga prisiri foe oenoe anoe?” — Mal 1:13.
9. Fa a rai foe Paulus na ini Romeini 12:6-8, abi foe doe nanga a go a fesi?
9 Na ini a presi foe dati wi moe teki a dienst foe wi gi Gado serjoesoe. Soleki Paulus ben tjari dati kon na ini a prakseri foe den Romeinsma dan awinsi sortoe diniwroko-grani den ben gi wi ooktoe, wi moe ’poti wisrefi a tapoe nanga ala serjoesoefasi èn no doe wi wroko safrisafri’ (Rom. 12:6-8, 11). Na presi foe ’doe en safrisafri’, djaso ben kan tanapoe ooktoe na wakalontoe sondro wan marki na joe fesi, sondro wan bewégi go na fesi na ini na richting foe wan spesroetoe marki. A wan moi sani foe si dati a Griki wortoe di tanapoe djaso wani taki letterlek „lesi” ofoe „leki wan loiri”, wan toemsi moi fasi foe taki en spesroetoe te wi abi ini prakseri na meti di nen so. Wan tori di e meki wi si dati wan loiri di troetroe kan boewégi ensrefi es’esi srefi ini wan pisten foe 168 joeroe 139 joeroe langa ofoe 83% foe a ten ben e sribi ofoe no ben boewégi ensrefi srefsrefi. Foe dat’ede meki wi e kisi a fermane no foe de leki wan „loiri”, ma „foe de faja foe geest” èn ’foe dini Jehovah leki srafoe’! San kan jepi wi foe doe disi?
10. Foe san-ede wi moesoe abi wan belangstelling di de a libi gi na rai di Paulus ben gi na ini 1 Timoteus 4:12-16 na Timoteus?
10 Ini 1 Timoteus 4:12-16 Paulus ben skrifi finifini san Timoteus ben moe doe sodati a go na fesi foe en ’ben sa kon a krin gi ala sma’. Na discipel Timoteus no ben de na a ten dati wan jongoe man moro èn ooktoe a no ben de wan njoen sma. Te joe loekoe en boen dan a ten dati a ben wroko kaba moro leki tin jari krosbé makandra nanga Paulus èn a ben kisi na ini na kristen gemeente boen foeroe frantwortoe nanga makti, èn dati ben de sondro degedege na réde foe na go a fesi te na punt dati. Tokoe Paulus ben gi Timoteus a rai dati. A de krin dati a ben fiti gi wi alamala foe poti boen prakseri na san Paulus ben abi foe taki.
Tron wan eksempre na ini taki èn libifasi
11, 12. (a) San na a fosi kontren di wi moe poti prakseri a tapoe na ini a tori foe na go na fesi? (b) Foe san-ede disi de moro prenspari leki a go na fesi leki na tapoe na kontren foe sabi nanga koni?
11 Ini a fosi presi na ini vers 12, Paulus e taki: „No meki noiti wan sma loekoe na tapoe joe jongoe jari. Ma presi toe dati, tron wan eksempre gi den getrowman na ini taki, na ini libifasi, na ini lobi, na ini bribi, na ini krin libi.” Na kari disi foe sani baka makandra e meki wi prakseri na „den froktoe foe na jeje”, di Paulus ben ferteri foe den krinkrin na ini Galasia 5:22, 23. Soema kan taki dati a no de so dati ibriwan foe wi moe meki den froktoe disi kon moro foeroe na ini en libi? Moro foeroe foe wi e doe foeroe moeiti foe leri na ede den négi froktoe foe na jeje èn foe leri den jongoewan èn njoenwan foe doe disi toe. Ma wi e doe net someni moeiti foe kweki den? Paulus ben meki kon a krin dati den sma di de lepi, moe de na ini den afersi disi wan eksempre. Disi de troetroe wan kontren foe wi libi di wi alamala sondro degedege kan kon na fesi.
12 Te oen loekoe a tori foe wan sé, den égifasi disi kande de wan moro boen meter ete foe marki sani gi wi jeje go na fesi leki sabi nanga koni, bika den fosi égifasi e kon nanga jepi foe a jeje foe Gado, aladi a lasti nofotron abi foe doe nanga wan sma natuurleke bekwaamheid èn a leri di a ben kisi. Den meester foe Wet nanga Farisésma ini a ten foe Jezus ben sabi den Boekoe boen èn den ben doe den finifini sani foe na wet te na ini den puntjes. Tokoe Jezus ben kroetoe den nanga den wortoe: „Heloe foe oenoe, oen meester foe wet nanga Fariséman! bika oenoe e gi a di foe tin pisi foe na munt nanga na dile nanga na komijn, ma den moro prenspari afersi foe na Wet, namkoe geregtigheid nanga sari-ati nanga getrowfasi oen e libi a wan sé” (Matt. 23:23). O toemsi prenspari a de dan dati wi tan go na fesi na ini a kweki foe den „moro prenspari afersi” na ini wi libi!
Poti oensrefi na tapoe na lési, na fermane nanga na gi leri na sma
13. Fa opziener di den poti foe doe wroko kan njan boen foe na rai foe Paulus na ini 1 Timoteus 4:13?
13 Paulus e gi moro fara tranga na Timoteus ’foe tan poti ensrefi na tapoe na lési, na fermane nanga na gi leri na sma’ (1 Tim. 4:13). Na wan tra presi na ini en brifi Paulus ben taki boen gi Timoteus leki wan bekwaam èn getrow bedinari (Fil. 2:20-22; 2 Tim. 1:4, 5). Tokoe a ben gi Timoteus na rai foe tan poti prakseri na den moro toemsi prenspari frantwortoe foe wan opziener. Joe leki wan opziener di den poti na ini na gemeente, joe e tan poti joesrefi a tapoe den sani foe joe wroko? Joe e teki foe eksempre den rai di e gi na ini Anoe boekoe foe na theocratis diniwrokoskoro serjoesoe èn joe e wroko na den swaki punt foe joe ofoe joe e denki dati a rai disi soso de gi den sma di e bigin njoennjoen? Joe e studeri na bijbel èn den boekoe foe na Genootschap finifini, sodati joe „kan fermane nanga ala pasensi nanga kunst foe leri sma”? — 2 Tim. 4:2; Tit. 1:9.
No loekoe na presenti foe na dienst leki wan soso sani
14. Fa wi kan sori na ini wi velddienst dati wi e go na fesi?
14 Aladi soso wantoe sma ben poti foe gi leri na ini na gemeente, tokoe ala kristensma kisi na wroko foe Jezus Kristus foe abi wan prati na a gi foe wan kotoigi foe wan Kownoekondre èn a meki foe discipel (Matt. 24:14; 28:19, 20). Disi e tjari nanga en dati wi moe leri opregti sma na bijbel waarheid èn gi den tranga foe tjari kenki kon na ini den libi èn foe teki a sé foe Jehovah. „Joe e tan poti joesrefi” foe meki den bekwaamheid foe joe tapoe na kontren foe na diniwroko kon moro bigi? Joe e gebroiki nanga joe heri ati den rai di e gi na ini wi Kownoekondredienst èn tapoe na ala wiki dienstkomandra foe ’doe na wroko foe wan evangeliumprékiman èn foe doe joe diniwroko dorodoro’? — 2 Tim. 4:5.
15. San ben de a „presenti” foe Timoteus èn fa disi de na ini disiten?
15 Fos dati Paulus ben gi Timoteus na fermane: „No loekoe na presenti na ini joe leki wan soso sani, di joe ben kisi nanga jepi foe wan taki a fesi foe sani èn di a skin foe owroeman ben poti anoe a tapoe joe” (1 Tim. 4:14). A de krin dati nanga a wroko foe santa jeje den ben teki Timoteus èn poti en foe doe wan spesroetoe dienst na ini na kristen gemeente (1 Tim. 1:18; 2 Tim. 1:6). Na so ini a ten disi foeroe sma na ini na organisaatsi di ben meki den bekwaamheid di den ben kisi foe Gado kon gro, nanga na bakapisi dati den poti den leki opziener di e reis, gewone ofoe speciale pionier, zendeling, owroeman. nanga so moro fara. Awinsi nanga disi wan spesroetoe taki a fesi foe sani no ben de ofoe a poti foe anoe tapoe wan sma no ben abi foe doe nanga a tori, na rai „foe no loekoe na presenti leki wan soso sani”, de net so krakti now.
16. San kan tapoe wi dati wi no loekoe „a presenti” foe wi leki wan soso sani?
16 Loekoe wan sani leki wan soso sani wani taki leki fa na wortoeboekoe e taki libi wan sani na en srefi abra ofoe no poti prakseri na tapoe en. Efoe wan sani e tron wan kewon sani, dan makriki joe e loekoe en leki wan soso sani. Disi kan pasa efoe wi no e go a fesi moro ma e si den wroko foe wi leki wan sani di e kon foe ensrefi. Wi kan njan boen ooktoe foe san Paulus e taki ooktoe foe Kolosse 3:23, 24: „Awinsi san joe e doe, doe joe wroko nanga joe heri sili gi Jehovah èn no gi libisma, bika wi sabi dati wi sa kisi foe Jehovah leki paiman na erfenis. Dini a Masra, Kristus leki srafoe.”
Moeiti di e doe doronomo e tjeri blesi kon
17. Fa wawan wi sa si na boen bakapisi foe den moeiti foe wi?
17 Te wi e poti prakseri finifini a dan afersi di ben taki dja na tapoesé, dan wi kan de séker dati wi no sa fadon go na ini na trapoe foe de tevréde nanga wisrefi. „Go denki dipi foe den sani disi, gi joesrefi krinkrin, sodati a go na fesi foe joe kan de krin gi ala sma”, den wortoe foe Paulus e taki (1 Tim. 4:15). Na „go na fesi” no abi leki marki natuurlek foe prodo ofoe foe meki indruk tapoe trawan. Te wi, ofoe wi de now jongoe ofoe owroe, e gro èn e gro na jejefasi, dan wi de wan fonten foe prisiri nanga dek’ati gi ala sma di abi foe doe nanga wi, net so leki na jongoe Alisa nanga na mati foe en di wi taki foe den na ini na bigin foe na artikel.
18. Sortoe dobroe blesi e wakti wi efoe wi gebroiki na rai foe Paulus fajafaja?
18 Te wi e gebroiki fajafaja na rai foe Paulus, dan wan dobro blesi e wakti wi. „Poti ala den prakseri na joesrefi èn na joe leri,” Paulus ben taki. Tan na den sani disi, bika te joe e doe so, joe sa ferloesoe joesrefi èn den di e arki na joe” (1 Tim. 4:16). Ija, te wi e ondrosoekoe wisrefi alaten foe si ofoe wi e doe wisrefi san wi e leri tra sma, san wani taki foe go na fesi, gro èn f oe gro na jejefasi, dan wi sa komoto na a pasi foe na ranpoe „foe wi no poti na wan sé na wan ofoe tra fasi” (1 Kor. 9:27). Na presi foe dati dan kolokoe ferwakti tapoe libi na ini na pramisi Njoen Seti foe Gado sa de wan séker sani gi wi èn gi den sma di wi kan jepi, wan grani di kan gi oenoe foeroe prisiri. Soboen, leki wan blesi gi wisrefi nanga trawan, èn leki wan prijse gi Jehovah Gado, meki wi „go doro foe waka na ini na srefi routine na tapoe wan ordefasi”! — Fil. 3:16.
Joe e memre disi?
◻ San de na troetroe marki te foe kaba di wi moe hori na ini prakseri? Fa wi e feti a baka? (Fil. 3:12, 13)
◻ San de na „routine” na ini san wi moe waka? (Fil. 3:16)
◻ Foe san-ede wi moe tan go na fesi na ini kristen libifasi èn taki? (1 Tim. 4:12)
◻ Fa owroeman, dinari ini na diniwroko nanga trawan kan go na fesi na ini na leri-bekwaamheid foe den? (1 Tim. 4:13)
◻ San wi moe doe foe no loekoe „na presenti” di wi kisi leki wan soso sani? (1 Tim. 4:14)
[Prenki na tapoe bladzijde 9]
Alisa nanga en bijbelstudi poti na foeroetendienst leki marki na den fesi