Kolokoe den sma de di e tan na ai

„Kolokoe den srafoe de di na méstri e feni na ai te a kon!” — LUKAS 12:37.

1. Foe san-ede Jehovah dienstknegti ’ben tan alaten foe ferwakti en’, ma sortoe aksi wi kan aksi foe den kerki foe na kristenheid?

„JEHOVAH na wan Gado foe na kroetoe. Kolokoe alasma de di e tan ferwakti en” (Jes. 30:18). Foe sensi a momenti di Jehovah ben meki na lasi te foe kaba foe na Sneki èn na kon fri nanga jepi foe na Pramisi Siri bekenti, den getrow dienstknegti foe en ben loekoe nanga foeroe ferwakti na a kontroe foe na pramisi dati (Gen. 3:15). Ma den theoloog foe na kristenheid e jepi den kerki sma foe den foe tan na ai e loekoe na a ten di te foe kaba den sa kon fri foe Satan nanga en siri?

2. Foe san-ede den „naatsi” moe loekoe na a kon foe „Silo”?

² Na ini en dedebediprofétitori Jakob ben taki a fesi dati na Siri foe na pramisi ben sa kon via a lo foe Juda. Jakob ben gi na Siri na agersi nen Silo èn ben taki na a ten dati: „Na en na gi jesi foe den pipel de.” Leki fa na Griki Septuaginta-vertaling taki dan Silo „sa de na ferwakti foe den naatsi” (Gen. 49:10). Den „naatsi” abi moro réde ete foe loekoe na Silo, bika Jehovah ben taigi Jakob grantata Abraham: „Nanga jepi foe joe siri ala naatsi foe grontapoe sa blesi densrefi” (Gen. 22:18). Ma fosi na Siri dati, Silo, ofoe na Messias, ben moe kon leki wan foe den bakapikin foe Abraham èn gebore ini na lo foe Juda.

Wan djoe fikapisi di ben de na ai

3. San Lukas e ferteri foe na ferwakti foe na djoe pipel na ini 29 G.T., è na historia e bewijsi disi?

³ Na djoe historiaskrifiman Lukas e ferteri dati „na ini na di foe tina féfi jari foe a tiri foe Tiberius Caesar [29 G.T.]”, „a pipel ben de foeroe nanga ferwakti èn ala sma ben prakseri na ini en ati foe Johannes [na Dopoeman]: ’Na en ben sa de kande na Kristus [Hebrew: Masjiach, Messias]?’” (Lukas 3:1, 15) Na historia foe grontapoe e akroederi nanga na ferklari disi foe Lukas? Na ini na njoen Ingrisi uitgave foe Emil Schürer’s History of the Jewish People in the Age of Jesus Christ na aksi e poti: „Na howpoe disi [na Messias ferwakti] tan libi alaten na mindri na pipel?” Tapoe disi na piki di e kon ben gi: „Na ini den laatste jarhondro bifo Kristus, èn spesroetoe na ini na fosi jarhondro A.D., a ben kon tranga baka na libi, soleki e kon troetroe na krin na ini pseudepigraven [djoe apocalyptische boekoe], Qumran [den boekoe foe na Dede-Segemeenschap], Josephus nanga den Evangeliën. . . . Den visioen na ini na boekoe foe Daniël . . . ben abi wan bigi krakti tapoe na prakseri di sma ben abi foe wan Messias.”

4, 5. (a) Foe san-ede den djoe ben ferwakti na Messias na ini a ten dati, èn fa bewijsi e gi foe disi? (b) Sortoe Messias foeroe djoe ben ferwakti, ma na soema Jehovah ben tjari na kon foe na troe Messias kon na krin gi den?

⁴ Na ini wan commentaar tapoe Mattéus 2:2 wan sabiman ben skrifi: „Na ini a ten dati na ini algemeen na ferwakti ben de dati djonsro wan aparti sma ini Judéa ben sa sori ensrefi. Den djoe ben loekoe nanga span na a kon foe na Messias. Nanga wan berekening di Daniël ben gi [Kapitel 9:25-27], den ben sabi dati na ten ben e kon krosbé te na Messias ben sa moesoe sori ensrefi.” Wan moi sani di de foe taki troe de dati den Romeini historiaskrifiman Suetonius nanga Tacitus, èn ooktoe den djoe historiaskrifiman Josephus nanga Philo, e ferteri foe den ferw akti disi alaten, na ini san den djoe ben de naini a ten dati. Na kranti Manuel Biblique, foe na anoe foe Bacuez nanga Vigouroux (Deel 3, blz. 191), e taki dati disi de so èn e taki: „Den sma ben sabi dati den sébi-tenti jari disi di Daniël ben skrifi poti tapoe papira ben kon na wan kaba; nowan sma ben ferwondroe foe jere Johannes na Dopoeman e taki dati na Kownoekondre foe Gado ben kon krosbé.”

⁵ Foe dat’ede meki historia bewijsi de dati den djoe ben loekoe nanga foeroe ferwakti na a kon foe na Messias ofoe na Pramisi Siri, èn dati na ferwakti disi ben moesoe kon foe di den ben loekoe na a kontroe foe wan profétitori di ben abi foe doe nanga a tena (Dan. 9:24-27). A de troe dati moro foeroe djoe ini a fosi jarhondro di ben de wan pisi foe den difrenti sekte foe na Judaïsme, ben poti den howpoe na tapoe wan politiek Messias, di, soleki The Concise Jewish Encyclopedia e ferklari „ben sa maskaderi den feanti foe Israël èn ben sa tjari wan volmaakti pisiten foe vrede nanga volmaaktifasi kon”. Ma wan fikapisi foe getrow djoe ben e loekoe na a kon foe na troe Messias. A mindri den joe ben abi Zacharias nanga Elisabeth, na papa nanga mama foe Johannes na Dopoeman, èn ooktoe Simeon, Anna, Jozef nanga Maria (Matt. 1:18-21; Luk. 1:5-17, 30, 31, 46, 54, 55; 2:25, 26, 36-38). Na fesi foe den sma disi, a no na fesi foe den kerki tiriman foe a djoe bribi, Jehovah ben poti krakti tapoe a sani di den ben kan loekoe foe kon tapoe a gron foe na profétitori foe Daniël di abi foe doe nanga ten, namkoe na pramisi Siri, ofoe na Messias, „te na reti ten ben doro”. — Gal. 4:4.

A de na ai foe fosi kristensma

6. Fa den ben kweki djoe jongoewan, èn fa wan toe ben kisi jepi nanga disi foe tron Jezus discipel?

⁶ Jozef nanga Maria ben sabi dati a pikin Jezus di den ben kweki, ben tron na Messias. Foe na kweki The New Encyclopædia Britannica e taki: „Jezus ben gro èn dati de séker so na ini a santafasi di ben de na ini na osofamiri nanga na ini na djoe kerki (nanga jepi foe bijbelstudi, gi jesi na a wet, begi nanga ferwakti foe na kon foe na Messias te foe kaba).” Tra jongoewan di den ben kweki na ini na osofamiri foe na getrow djoe fikapisi veb spikri a howpoe foe na Messias go na ini den èn tangi foe na ferwakti disi, di ben fiti, moro pikinso wan toe foe den ben kan teki na kari foe tron Jezus discipel. — Markus 1:17-20; Joh. 1:35-37, 43, 49.

7. (a) Jezus ben leri dati na kownoekondre ben de na ini sé foe ibri aparti kristen? (b) Na san kristensma ben moe tan na ai e loekoe foe a kon?

⁷ Na a kaba foe en grontapoe diniwroko Jezus ben leri en discipel foe loekoe na en „de-noja” di ben o kon èn foe na kon foe en Kownoekondre èn foe de na ai. Ma Britannica e taki: „Den sani disi leki fa a gwenti de, leki na kaba foe na grontapoe, na laatste kroetoe èn Gado njoen grontapoe, no e mankeri na ini den sani di Jezus ben taki èn di tan kibri na ini na Evangelium di wi kisi. Jezus no ben kenki kwetkweti ooktoe na Kownoekondre foe Hemel na ini wan soifri kerki ondrofeni foe na libisma sili foe ibri wan sma, èn ooktoe a no ben gi na a djoe eschatologische ferwakti na betékenis foe wan evolutieproces di frekti go na ini a grontapoe ofoe foe wan marki di joe e doro nanga na moeiti foe libisma. . . . A no ben teki prati na a howpoe foe wan nationaal Messias ofoe no ben gl dek’ati foe dati èn ooktoe a no ben horibaka gi den proberi foe den Zelootsma foe meki na kon foe na Kownoekondre foe Gado kon moro esi.” Nono, a ben gi kristensma wan marki di ben abi foeroe pisi èn di nanga jepi foe dati den ben sa kan erken ini a fosi presi na pori foe Jeruzalem èn nanga jepi foe dati moro fara den ben sa kan si moro lati, ’en de-noja èn na bosroiti foe a seti foe sani’. — Matt. 24:3-25:46; Luk. 21:20-22.

8. San e sori dati Jezus no ben pramisi dati heri esi a ben sa kon na ini en kownoekondre èn sortoe rai a ben gi en bakaman foe dat’ede?

⁸ Fridenkiman èn srefi son theoloog foe na kristenheid e taki dati den fosten kristen e bribi dati kristus parousia ben sa feni presi na ini a ten foe den. Sonwan e tjari srefi na prakseri kon na fesi, dati Jezus srefi ben e bribi dati a ben sa kon heri esi na ini en Kownoekondre. Ma na ini en agersitori foe den talenti èn den mine Jezus ben meki kon na krin dati a ben sa drai kon baka na ini kownoekondre makti pas „baka wan langa ten” èn ben sa aksi frantwortoe na en srafoe na soema a ben gi en goedoe (Matt. 25:14, 19; Luk. 19:11, 12, 15). Na ini en profétitori di ben go foe na ’marki foe en de-noja èn foe na bosroiti foe na seti foe sani’, a ben piki dati nowan sma . . . „no den engel foe hemel, no na Manpikin, leki na Tata wawan” ’ben sabi na dé èn na joeroe’ di na kaba ben sa kon. A ben taki moro fara „tan na ai foe dat’ede bika oenoe no sabi tapoe sortoe dé oen masra e kon.” — Matt. 24:3-14, 36, 42.

9. Na apostel Paulus e meki wi denki dati a ben prakseri dati Kristus de-noja ben de a mofo-doro na ini en ten? Tjari disi kon na krin.

⁹ Foe taki foe na bribi foe den fosten kristensma dati a de-noja foe Kristus ben de na mofo-doro na wetenschappelijk boekoe ben tjari kon na krin: „Na argument gi den prakseri dati Paulus wortoe na ini 1 Thessalonika ben sa sori dati a ben e ferwakti a parousia heri esi kaba, no ben tapoe so kefarlek dati watra no ben kan psa. Soleki e kon na krin na ini 1 Thessalonika 5:10, dan Paulus ben hori na ini a ten dati na prakseri, na mogelekheid dati a ben sa dede. Wi no moe poti en leki wan sani di no kan na wan sé dati di Paulus na ini 1 Thessalonika 4:15 nanga 17 ben taki foe ’wi’, a ben firi ensrefi wan nanga na laatste geslagti, sondro foe prakseri dati ensrefi ben sa de a mindri den.” Na ini en tweede brifi gi Timotéus Paulus ben tjari kon na krin dati a ben ferwakti foe kisi en paiman „tapoe a dé dati”, na dé foe Kristus „sori ensrefi” na ini en kownoekondre, pe A ben sa kroetoe den ’libiwan nanga den dedewan’. — 2 Tim. 4:18.

10. Fa na tan na ai foe fosi jarhondro kristen ini Judéa ben ferloesoe a libi foe den?

¹⁰ Kristensma ben moe tan na ai ala di den ben e wakti na de-noja foe Jezus Kristus èn na kon foe en kownoekondre. Den kristen na ini Judéa di ben tan na ai na a fasi disi ben kan si na marki di Jezus ben gi foe na pori foe Jeruzalem di ben e kon krosbé (Luk. 21:20, 24). Di Cestius Gallus na ini 66 G.T. ben fadon kon feti nanga Jeruzalem, dan kristensma di ben de na ai ben meki gebroiki foe na hari di a hari ensrefi poeroe gwe wantronso sondro wan ferklari foe ben lowe komoto foe na foto èn den kontren foe Judéa a lontoe. Leki fa na fosten kerkihistoriaman Hegesippus, Eusebius nanga Epiphanius ben taki den kristensma foe Judéa ben soekoe kibri na a abrasé foe na Jordaan na ini wan presi di ben nen Pella. Foe di den ben de na ai na jejefasi, meki den ben feni kibri gi na dede ofoe na katibo di den Romein legre na ini 70 G.T. na ondro generaal Titus ben drai kon baka èn ben pori Jeruzalem. Fa den kristen disi ben moesoe de kolokoe dati den ben tan na ai!

Na ferwakti foe wan kristen baka 70 G.T.

11, 12. San ben moesoe de gi kristensma baka na tori foe Jerusalem na ini 70 G.T. na joisti jejefasi, èn foe san disi ben sa kibri den?

¹¹ San ben moesoe de na joisti jejefasi gi kristensma baka na pori foe Jeruzalem na ini 70 G.T. èn baka den jarhondro te go miti a ten foe na kaba, foe di a de-noja foe Kristus ben sa feni presi pas „baka wan langa ten”? Na ferwakti foe wan kristen ben moesoe kon kowroe, te joe loekoe en leti, „poti go na ini na ijskasi”? Nono! Den dri brifi nanga na Openbaring ofoe Apocalyps foe na apostel Johannes alamala ben skrifi baka 70 G.T. Na ini en fosi brifi Johannes e warskow foe den „antichrist” èn e taki gi den kristen dati den ben moe tan ini wanfasi nanga Kristus e wakti en „de-noja” èn a sori foe ensrefi (1 Joh. 2:18, 28; 3:2). Na ini ala den dri brifi Johannes e warskow foe sma di ben o fadon komoto na bribi. Foe na sé foe na Openbaring, na ini dati foe bigin go te na a kaba prakseri e poti na tapoe Kristus kon na ini glori foe en kownoekondre. A vers fosi a lasti wan e kaba srefi nanga den wortoe: „Amen! Kon, Masra Jezus.” — Openb. 22:20.

¹² Kristensma den prakseri ben moe de tapoe na parousia. Dati wani taki, dé na dé na ini foeroe ferwakti den moe e loekoe na a denoja foe Kristus. Ernst Benz, héleriman na ini a kerkihistoria, e skrifi: „Den ’laatste sani’ ben de gi den bribiwan foe na kerki ini wortoe foe a tranga fanowdoe foe na ten den fosi sani. Na ini a bribi foe den èn na ini a howpoe foe den na kownoekondre foe Gado di e kon ben de na mama sani.” Srefi efoe na Kownoekondre no ben sa kon na ini den dé foe a libi foe den, dan na jejefasi disi foe ferwakti èn di ben fiti ben sa kibri kristensma foe fadon na sribi na jejefasi èn foe ben fadon go ini na trapoe foe a grontapoe foe Satan. — 1 Joh. 2:15-17.

13, 14. Sortoe toe uitersten ben de na ini na di foe toe èn na di foe dri jarhondro G.T. a mindri den kristen di ben fadon komoto na bribi?

¹³ Oen moe taki dati a de so dati di baka a dede foe den apostel na fadon komoto foe bribi ben bigin gro, dan na sowan den fowtoe prakseri foe na krosbé fasi foe a kon foe Kristus na ini en kownoekondre ben go ini den denki. Na ini en boekoe The Early Church and the World C. J. Cadoux e skrifi: „Trenæus [di foe toe jarhondro G.T.] èn Hippolytus [na kaba na di foe toe, bigin foe a di foe dri jarhondro G.T.] ala toe ben prakseri dati a ben kan nanga wan marki foe soifri fasi foe bereken na ten dati a kaba sa kon.” Sonwan ben denki, tapoe a gron foe berekéning foe a teri f’a ten di no ben de so soifri, dati pikinmoro 6000 jari libisma historia ben pse kaba èn dati a di foe sébi millennium ben de so fara foe kon. Den ben fowtoe. Ma tokoe den ben e proberi foe tan na ai na jejefasi.

¹⁴ Na a tra sé a moro bigi pisi foe kristensma di ben fadon komoto na bribi ben lasi ala ferstan foe na tranga fanowdoe foe na ten èn na Kownoekondreferwakti ben kon krinkrin a baka. Na Theological Dictionary of the New Testament e taki foe dati: „Na ondro akti foe na metafysica [na filosofie] foe Plato èn na ethiek foe den stoïcijnsma, dan den kristen apologeten [a di foe toe — èn bigin foe a di foe dri jarhondro kerki-„tata”] ben gebroiki pikinso nomo a wortoe kownoekondre foe Gado. Foe sofara den ben abi kaba wan eschatologie (a leri foe den laatste sani), dan a prakseri foe na kon volmaakti foe aparti kristen ben e poti a fesi foe dati. . . . Den Griki denki foe no dede noiti moro, tégo libi nanga sabi de moro prenspari leki na bijbel denki foe na [kownoekondre foe Gado]. . . . Ooktoe na Origenes [ca. 185 te ca. 254 G.T.], . . . presi pikinmoro no ben de gi na bijbelboskopoe foe na kownoekondre foe Gado.”

15. Sortoe fasi den gevestigde kerki ben teki na ini a tori foe na leri foe den „laatste sani” di na fadon foe na bribi ben e gro?

¹⁵ Dati ben de na bigi na fasi di baka den jarhondro ben kon moro na fesi na ini den so kari kristen kerki. Na Encyclopædia Britannica e tjari kon na krin: „Sensi na ten foe na Romeini keizer Constatijn (di ben dede ni ini 337) na politiek erkening foe na kristendom sma ben si leki wan kon troe foe a howpoe tapoe a kownoekondre foe Kristus. Wan eschatologie (leri foe den laatste sani) foe a ten di e kon ben tan foe de na den ondrogron sekte di den ben e kwinsi”. „Na ini a pisten bifo na di foe 16 jarhondro Reformatie ketterse groepoe ben gi . . . na lomsoe kerki nen, foe ben tori na fosfosi eschatologische . . . ferwakti.”

Kolokoe den sma di e tan na ai

16. Sortoe groepoe ben kon na ini na di foe ti-na négi jarhondro, èn san sowan foe den ben bribi?

¹⁶ Foe di „den moro gevestigde kristenkerki” no de na ai e loekoe na a kon foe a de-noja foe Jezus èn na a ten te a ben sa kisi kownoekondremakti, meki disi ben libi abra na san den kerki dati ben kari „ketterse groepoe” (wan sma di prakseri kenki foe san sma e bribi ini algemeen). Na ini a di foe tina négi jarhondro difrenti foe den sortoe groepoe disi ben sori densrefi na ini kondre pe na bijbel èn boekoe foe studeri a bijbel ben de ini a bereik foe na gewoon pipel. Den moro prenspari kerki pe ibri leri foe den „laatste dé” ben lasi den betekenis, ben kari den groepoe disi na wan spotoe fasi adventistsma ofoe millennaristsma, foe di den groepoe dati den e loekoe na a di foe toe advent ofoe kon foe Kristus èn ben e bribi dati Kristus ben sa tiri doesoen jari. Foeroe foe den groepoe disi ben ferwakti dati Kristus ben sa drai kon baka na grontapoe foe opo en doesoen jari kownoekondre. Sonwan ben bereken dati Kristus di foe toe kon ben sa feni presi ini 1835 (den Irvingiaansma na ini Engeland), na ini 1836 (den bakaman foe Bengel ini Duitsland), ini 1845 (den bakaman foe Miller ini den Verenigde Staten foe Amerkan kondre) ofoe na ini 1889 (wan groepoe di ben abi dopoe leki marki na ini Rusland).

17, 18. San den gevestigde kerki foe na kristenheid ben doe, ma soleki Jezus ben taki na san a ben o loekoe te a ben „kon”?

¹⁷ A no de foe taki, dati den „moro gevestigde kristen” ben prisiri di den profétitori disi ben sori taki den no ben de joisti. Na Katholiek nanga na Orthodox kerki èn den moro prenspari protestant kerki séker no ben meki den sortoe fowtoe disi. Gi den a leri foe „laatste sani” ben de wan soso sani. Den ’no ben de na ai’ moro srefsrefi. — Mark. 13:37.

¹⁸ Tokoe Jezus ben taigi en discipel: „Kolokoe den srafoe de di na méstri te a kon feni den na ai! Soema de troetroe na getrow, èn koni beheerder, di en méstri sa poti a tapoe a skin foe foetoeboi foe gi den na a reti ten a marki foe njanjnjan di den abi fanowdoe? Kolokoe a srafoe dati de te en masra feni en de bezig na a ten foe en kon!” — Luk. 12:37-43.

19, 20. (a) Sortoe groepoe ben kon na ini den jari 70 foe na jarhondro di psa, èn foe san-ede den ben loesoe den srefi poeroe foe den tra groepoe? (b) Sortoe tijdschrift ben tron na officiële orgaan foe na groepoe disi, èn fa na tijdschrift disi ben jepi wan groepoe foe troe kristen di e gro dé foe dé?

¹⁹ A mindri den so kari ketterse groepoe di ini den jari 70 foe a di foe ti-na négi jarhondro ben de na ai e loekoe na marki foe Kristus kon baka, joe ben abi wan bijbelstudieklas na ondro tiri foe Charles Russell ini Pittsburgh (Amerkankondre). Russell ben skrifi: „Den jari 1870 te go miti 1875 ben de wan ten foe doronomo gro ini boen ati nanga sabi nanga lobi gi Gado nanga en Wortoe. . . . Ma wi ben bigin na a ten dati soso nomo na ini bigi lin foe ferstan wan sani foe na plan foe Gado èn ben moe si na fowtoe fasi foe foeroe dwaling foe langa ten pasa kaba. . . . Wi ben firi sari srefsrefi foe na dwaling foe na Second Adventists, di ben e ferwakti Kristus na ini skin.”

²⁰ Russell nanga en kompe ben di esesi kaba dati Kristus de-noja ben sa de wan sani di no de foe si nanga ai. Den ben loesoe densrefi poeroe foe tra groepoe èn ben bigin na ini 1879 foe tjari jeje njanjan kon na doro na ini Zion’s Watch Tower and Herald of Christ Presence (Zion’s Wachttoren nanga Bariwrokoman foe na De-noja foe Kristus). Foe sensi na fosi jari di na tijdschrift disi ben tjari kon na doro, a ben sori na fesi tapoe na jari 1914 leki wan toemsi prenspari datum ini na bijbel chronologie (Teri foe na ten) èn disi ben abi leki fundamenti boen berekening foe bijbel. Di na de-noja foe Kristus ben bigin ini 1914, dan den kristen disi ben de foe dat’ede kolokoe dati den ben feni den na ai! Moro leki wan hondro jari na tijdschrift disi, di e kari now Na Watchtower — Announcing Jehovah’s Kingdom (Na Wachttoren — Boskopoeman foe Jehovah Kownoekondre), ben jepi wan nomroe foe troe kristen di dé foe dé e kon moro foeroe foe ’tan na ai èn wiki’ (Mark. 13:33). Fa disi ben psa precies, wi sa loekoe na ini a tra artikel, di nen „Ori joesrefi klarklari!”.

[Foetoewortoe]

Wan toe aksi foe loekoe san oen ben leri

◻ Sortoe sani e bewijsi dati a mindri den fosi-jarhondro djoe wan Messiaans ferwakti ben e libi?

◻ Fa a tan na ai ben de wan bigi jepi gi den kristensma na ini Judéa?

◻ Sortoe krakti na fadon komoto na bribi ben abi tapoe na ferwakti foe kristen?

◻ Kristus ben sa loekoe na sortoe srafoe te na ten foe na kaba e kon krosbé?

◻ Sortoe groepoe kristen ben doro den marki disi, èn nanga jepi foe sortoe tijdschrift?