Foe san-ede troe mati de so moeilek foe feni?

„Mi wani abi wan miljoen mati.” So wan populair Brasion singi e taki. Ma san de wan mati precies te joe loekoe en fini? Sontron na wortoe „mati” e gebroiki so na wan bradi fasi dati sma e tjari en kon na tapoe pikinmoro ibri sabiman di no de wan féanti. Ma wan troe mati de moro leki soso wan sabiman. Francis Bacon ben skrifi foe matifasi: „A e meki na prisiri kon moro foeroe èn a e koti na sari kon de afoe.”

Èn foetroe wan troe mati de wan sma di kan meki a kolokoe foe wi kon moro foeroe èn di efoe a de fanowdoe, e jepi wi foe pasa sari. Foe dat’ede meki sma di no abi mati, no kan de kolokoe dorodoro. Ma miljoenmiljoen sma e kragi dati a de moeilek foe feni troe mati.

Foe san-ede troe mati de moeilek foe feni

Na bijbel e taki a fesi dati na ini oen ten man nqnga oema „ben sa lobi densrefi nomo, ben sa de asranti, nanga hémemre, . . . sondro tangi, deloyaal, no abi natuurlek lobi, no opo gi iniwan kroederi, e taki lé foe pori sma nen, sondro foe dwengi densrefi, krasi, sondro lobi gi boen sani, toriman, sondro foe prakseri a fesi, opo ensrefi foe hémemre ede” (2 Tim. 3:1-4). A no de foe dat’ede wan ferwondroe sani dati loyaal mati de moeilek foe feni! Na birti pe wan sma kweki, e tapoe na gro foe den égi fasi di wan mati moe abi.

Ma tra sani de ooktoe. Son sma de na ini denki nanga doe sani frafra èn e broko den ede wawan foe den dorosé sani foe a libi. Trawan no de klari foe tjari offer di de fanowdoe gi matifasi. „Sorgoe dati joe no go na ini na tori nanga joe firi!” de a rai di na ini a ten disi nofotron joe e jere. Ooktoe na krakti di a grontapoe e poti na tapoe a lobi foe goedoe, ben sori en marki na ini a tori foe mati fasi. Nofotron sma e sori dati den e teki moro esi gi goedoe — srefi gi dagoe nanga poesipoesi — na presi foe libisma. A lobi gi den abi ete gi tra sma, de nofotron frafra. Soleki wan owroe oema ben taki „den lobi wel, ma foe farawe.” Srefi na den presi pe sma lobi foe brasa èn bosi makandra leki wan sori foe respekifasi, a kan mankeri troetroe jepi efoe nowtoe sori ensrefi.

Ooktoe mankeri foe ten nofotron de tapoe a pasi foe matifasi. Foeroetron sma na ini na hosel foe na aladé libi abi en druk ofoe weri foe bow matifasi. Ofoe kande son sma e feni dati mati joe moesoe gi pasamarki prisiri èn foe dat’ede e teki a bosroiti dati den no kan gi den srefi pasi foe abi wan mati!

Matifasi di no e go dipi

Ma ete foeroe e taki dati den abi wel mati. Ma o dipi den sortoe kontakti disi e go? Nofotron wan sma abi belangstelling gi wan trawan foe san a abi foe gi, èn no foe san a de. Den sortoe matifasi dati de foe dat’ede kande wan sani di no e tan langa, bika sodra „mati” lasi a wini foe en, dan den e poti en wantronwantron na wan sé.

Srefi gemeenschappeleke belangstelling no de laten nofo leki wan fundamenti gi wan matifasi di e tan. Na Brazil Herald ben taki wan dé ini wan tori foe toe boen „mati” di ben a e prisiri densrefi na ini den kaba foe den wiki nanga a waka go na bar èn dringi stéfi. Ma tapoe wan dé den ben kisi wan kesekese tapoe na aksi soema foe den toe ben de na moro dek’ati wan. Foe meki na sani di a taki kontroe na trawan soetoe en pistool légi tapoe a trawan. Na kiriman ben taki bakaten dati a ben kiri „en moro boen mati”.

Ma awansi ala moeilekheid nanga problem, tanapoe na tapoe a pasi foe matifasi tokoe a e de so, dati wi alamala abi wan fanowdoe foe abi mati. Pe èn fa den de foe feni?