Na moro boen matifasi e tan na ini wan grontapoe di no abi switifasi
„Meki mati gi joesrefi nanga jepi foe na onregtvaardiki goedoe, sodati te den disi libi joe a pasi, den mag teki joe na ini den tégo libipresi.” — LUKAS 16:9.
1. Foe san-ede meki Odo 14:20 no ben kan gebroiki na tapoe Jezus Kristus di a ben de na grontapoe?
„SREFI gi na sma di de na en sé wan sma di abi pikinso sani, de wan sani foe ogri-ati, ma foeroe den mati de foe na goedoeman” (Odo 14:20). Na odo disi foe kownoe Salomo foe Israël no ben kan gebroiki tapoe na moro bigi man di oiti ben libi na grontapoe, Jezus Kristus, na sma di ben bigi moro Salomo. Jezus no ben tjari den Israëlsma go ini wan krosbé matifasi nanga en nanga jepi foe goedoe na skinfasi, èn ooktoe a no ben si grontapoe goedoe leki na fundamenti troe matifasi di e tan.
2. Nanga soema den discipel foe Jezus ben moe meki mati leki fa a ben taki, èn foe sortoe réde?
2 A no troe dati Jezus na wan séker okasi ben taki: „Meki gi joesrefi mati nanga jepi foe na onregtvaarddiki goedoe sodati te disi libi joe na pasi, den mag teki joe na ini den tégo libipresi” (Luk. 16:9). Ma den „mati” di Jezus ben abi na prakseri ben de Jehovah Gado, na Fonten foe ala warti goedoe, èn ensrefi leki na Manpikin foe en goedoe Tata pasa marki. Efoe wi waka na baka na srefi rai dati na ini a ten disi, dan wi e kisi na moro boen matifasi di wan sma kan kisi ensrefi na grontapoe, na matifasi nanga Jehovah Gado nanga jepi foe en Manpikin Jezus Kristus di ben offer ensrefi.
3. Sortoe „libipresi” den hemel Mati disi sa tjari wi go?
3 Foe di den hemel persoon disi no e dede, meki den kan tan wi getrow Mati èn tjari wi go na ini „den tégo libipresi”, awinsi a de dati den „tégo libi presi disi” sa de na ini hemel a tapsé, pe ooktoe den santa engel de, ofoe dja na grontapoe na ini na paradijs di o kon njoen baka. — Luk. 23:43.
Kisi na moro boen natifasi
4. (a) Foe sortoe bijbel eksempre e kon na krin ofoe wan sma kan bai na matifasi foe Gado? (b) Na sortoe fasi wi kan gebroiki wi goedoe?
4 Na matifasi nanga na moro Hé Gado èn en wan enkri gebore Manpikin, Jezus Kristus, no kan bai nanga moni. Krakti e poti na tapoe a tori disi na ini a geval foe Ananias nanga Safira na ini na fosi jarhondro kristen gemeente. Wi kan gebroiki wi grontapoe goedoe tapoe wan fasi di Jehovah Gado nanga Jezus Kristus e feni boen, sondro foe feti na baka barinen nanga wan boen nen leki Ananias nanga Safira (Tori. 5:1-11). Na disi Jezus Kristus ben bedoel di a ben taki: „Gebroiki grontapoe goedoe foe kisi mati foe joesrefi, sodati den sa teki joe poti na ini tégo libipresi te na goedoe dati gwe.” — Luk. 16:9, New International Version.
5. Sortoe libifasi Zachéüs ben waka na en baka, èn nanga sortoe bakapisi?
5 Di Jezus ben taki den wortoe disi, a no ben proberi foe kisi na boen-ati foe den belasting man foe na Romeini kownoekondre èn tra sondari. En belangstelling no ben go na a kisi foe sortoe goedoe toe na grontapoe, bika a ben taigi en discipel foe tjari goedoe kon makandra na ini hemel tapsé. Zachéus wan djoe belasting man di ben de ini na dienst foe na Romeini kondre, ben teki a bosroiti foe waka baka na rai disi foe na Messias, Jezus, èn na fesi foe ala sma a ben sori dati a ben abi na orakseri foe doe disi. Nanga na libifasi disi na ini prakseri foe hori baka gi den kownoekondrebelang na moro prenspari gast foe Zachéus ben ferklari: „Tide ferloesoe kon gi na oso disi, bika en ooktoe de wan manpikin foe Abraham. Na Manpikin foe libisma kon foe soekoe èn foe ferloesoe san ben lasi” (Luk. 19:1-10). „San ben lasi” ben de ooktoe na belasting man Zachéus srefi.
6. San Zachéüs ben kisi, ma na fowtoe libifasi foe soema moe de leki wan warskow?
6 Zachéus ben kisi na moro boen matifasi ini na heri universum, èn dati ben de a matifasi nanga na Gado èn Tata foe na spesroetoe gast di na a ten dati a ben teki na en oso. Efoe Zachéus ben si Jezus baka di a ben opo na dede èn a ben de na mindri a groepoe foe sowan 120 discipel di tapoe na prenspari pinksterdé na ini 33 G.T. ben kon makandra na ini wan tapsé sodro na ini Jeruzalem na bijbeltori no e ferteri. Ma sondro degedege Zachéus ben de a mindri den 5000 salfoe discipel di ben wiki nanga jepi foe jeje, foe soema sjatoe baka dati a bijbel e ferteri foe den (Tori. 2:4; 1 Kor. 15:1-6). Ma fa wi e feni wan kontrari na ini Ananias nanga Safira di wi ben kari kaba a fesi! Den sma disi di ben de wan pisi foe na gemeente foe Jeruzalem, ben soekoe foe kisi wan moro boen nen a mindri den discipel foe di na wan bedrigifasi den ben ferteri foe na bigi foe na bijdrage di den ben gi. Na strafoe di den ben kisi foe a oneerlekfasi foe den ben meki den lasi a moro boen matifasi èn a moe de leki wan warskow gi ala kristensma na ini a ten disi. — Tori. 4:34-5:11.
7. Na ini sortoe aparti matifasi Jehovah Kotoigi e prisiri, aladi na no-switifasi foe na grontapoe disi de?
7 Awinsi na grontapoe disi foe na di foe twenti jarhondro no abi switifasi, tokoe Jehovah Kotoigi e prisiri na ini na moro boen matifasi di de. Ma foe san-ede den ben sa prisiri na ini na aparti matifasi disi, aladi disi no de so nanga den moro leki doesoen difrenti kerki sistema? Na ini na bewijs materiaal e kon na fesi dati disi de so foe di den Kotoigi foe Jehovah abi wan prenspari sani di den kerki leriman foe na kristenheid no ben abi. Jehovah Kotoigi ben drai baka gi den sistema foe falsi fasi foe anbegi, bika den e ferstan dati ala den seti disi de makandra na grontapoe makti foe falsi fasi foe anbegi di a bijbel e kari Babylon a Bigiwan. A no de foe taki dati wan sma no e kon foe ensrefi na ini Jehovah organisaatsi foe di a e drai baka gi wan bepaalde falsi fasi foe anbegi, bika a ben sa kan go na wan tra kerki sistema foe na grontapoe makti foe falsi fasi foe anbegi.
8. Soema e kisi na komando foe gwe libi Babylon na Bigiwan, ini a ten disi?
8 Wi moe ferstan dati na komando foe Gado foe lon komoto foe Babylon na Bigiwan, e taki gi „discipel” (Openb. 18:4). Leki fa den Hebrew-boekoe e ferteri dan na kari disi foe Gado e kroederi nanga sowan sortoe komando di Gado ben gi na den katiboman foe Israël na ini na kondre Babylon (Jes. 52:11). Foe dat’ede meki na nen „mi pipel” abi foe doe langalanga nanga na fikapisi foe salfoe discipel foe Jezus Kristus di den wiki nanga jeje èn di de ete na grontapoe. Na ini a ten foe na Fosi Grontapoe-feti foe 1914-1918 Babylon a Bigiwan ben kisi den salfoewan disi nanga jepi foe den politiek, sroedati, nanga kroetoe elementi foe na grontapoe disi nanga na prakseri foe poti na jeje fikapisi disi tapoe wan toestand foe no wroko. Te joe taki en na agersifasi, dan na fikapisi ben kon na ini wan toestand foe katibo, sodati den no ben kan boewégi densrefi fri moro na ini Jehovah dienst.
9. O fara Jehovah Kotoigi ben moe go di den ben gwe libi Babylon a Bigiwan?
9 Na ini Openbaring kapitel 17 den e agersi Babylon a Bigiwan leki wan hoeroe-oema di e rij tapoe wan wilder meti nanga sébi ede èn tin toetoe. Na agersi wilder-meti disi di e go ini na peti di no abi gron èn e komoto dape baka, de wan prenki foe na disiten organisaatsi foe grontapoevréde, dati wani taki den Verenigde Naatsi, na organisaatsi di waka baka na Folkoebontoe, di ben go na ini na dipi peti di no abi gron di na di foe Toe Grontapoe feti ben kon. San Jehovah pipel ben doe, di den ben gi jesi na a kari foe komoto gwe foe Babylon a Bigiwan? No wawan den ben komoto na ondro na tiri nanga na makti foe na grontapoe makti dati foe falsi fasi foe anbegi, ma den ben kon ooktoe fri foe na tiri makti foe en politiek mati, den politiek elementi di de now na ini den VN.
10. Nanga sortoe disiten internationaal organisaatsi Jehovah Kotoigi no abi noti foe doe, èn foe san-ede?
10 Na salfoe fikapisi ben poti ensrefi strikt neutraal na ini a tori foe politiek èn sroedati afersi foe a seti foe sani disi èn den e tan hori na a neutraliteit disi (Joh. 15:19). Den e hori baka sondro foe prati densrefi gi na Kownoekondre foe Gado na ini anoe foe Jezus Kristus, di ben opo na a kaba foe den ten foe den heiden na ini 1914 na ini hemel. Leki wan tjalansi foe na kownoekondre disi, na Folkoebontoe ben opo èn Babylon a Bigiwan ben hori baka gi en èn dati ben de baka di a Fosi Grontapoe Feti ben kon na wan kaba na ini 1918. Na internationaal organisaatsi disi di libisma ben meki de foe dat’ede wan takroe èn tegoe sani na ini na ai foe Jehovah Gado èn ooktoe na ini na ai foe na getrow fikapisi foe jeje Israëlsma na grontapoe. Den e poti den fertrow soso na ini Jehovah Kownoekondre èn no na ini wan ofoe tra falsi grontapoe sani foe en (Matt. 24:15, 16). Èn na disiten „bigi ipi”, di den Nethinim nanga den manpikin foe den knegti foe Salomo e agersi e teki precies a srefi sé. — Openb. 7:9-17; Ezra 2:43-58.
11. (a) Foe san-ede meki a de wan fowtoe sani foe Jezus discipel foe de mati foe na grontapoe disi? (b) Sortoe fasi na grontapoe disi e teki na fesi foe Jehovah Kotoigi, ma ini san den e tan prisiri densrefi?
11 Di Jezus ben tanapoe a fesi foe na Romein tiriman Pontius Pilatus foe a libi foe en, a ben taki: „Mi kownoekondre no de wan pisi foe na grontapoe disi. Efoe mi kownoekondre ben de wan pisi foe na grontapoe disi, dan mi dinari ben sa feti, dati mi no ben sa gi abra na den djoe. Ma mi kownoekondre de now no foe na fonten disi” (Joh. 18:36). A ben sa de foe dat’ede fowtoe srefsrefi te den „dinari” ofoe discipel foe Jeus, ben sa de mati foe na grontapoe disi. Na wan okasi a fesi Jezus ben taigi den fosi wan foe den „dinari”, den erfoe getrow apostel, dati den „no ben de wan pisi foe na grontapoe” di Satan Didibri de „na tiriman” (Joh. 14:30; 15:19; teki gersi nanga 2 Korinte 4:4). Foe dat’ede meki na grontapoe abi ogri-ati foe den ofoe no ben sori switifasi gi den. Disi de a srefi toe gi den discipel foe Jezus na ini na twenti jarhondro disi. Ooktoe den de na ini wan grontapoe di no abi switifasl. Ma aladi disi de so tokoe den e tan prisiri na ini na moro boen matifasi di de na ini na heri universum, na matifasi nanga Gado foe na regtvaardiki grontapoe di e kon nanga en „njoen hemel èn njoen grontapoe”. — 2 Petr. 3:13.
12. Na sortoe sé wawan wan sma di drai baka gi Babylon a Bigiwan nanga en grontapoe fréri moe go, èn san disi e tjari kon nanga en?
12 Te wan sma drai baka gi Babylon na Bigiwan nanga en grontapoe patna, na bigi bisnis grontapoe, na politiek nanga na sroedati-wroko, dan a kan go soso na wán tra presi. A kan go poti ensrefi soso ete na a sé foe na universele organisaatsi foe na wan libi èn troe Gado Jehovah. Wan mindri kontren no de. Disi de aksi dati wan sma e ferdrage na no-switifasi foe na grontapoe disi, wan sani di e meki en so moeilek gi sma foe teki na bosroiti foe gwe libi Babylon a Bigiwan nanga na grontapoe, foe san den de so wan prenspari pisi foe en.
Wan „njoen nen” di den ben kisi foe a moro boen mati foe den
13. Fa den kari Jezus discipel a ini na fosi jarhondro G.T. nanga jepi foe wan voorzienigheid foe Gado?
13 A e meki wi de kolokoe dati nanga jepi foe wi diri matifasi nanga Gado wi nen Jehovah Kotoigi. A de troe dati den fosi jarhondro discipel foe Kristus no ben teki na nen „Jehovah Kotoigi”. Ma loekoe grantangi pikinso na ini sortoe matifasi den ben de nanga den moro boen mati. Na ini Tori foe den Apostel 11:26 wi e kisi foe jere: „A ben de foe na fosi tron ini [Syrisch] Antiochië, dati den discipel ben kisi na nen foe kristen nanga jepi foe wan voorzienigheid foe Gado.” Kande joe ben si dati ini a Njoen-Grontapoevertaling foe den Santa Boekoe tanapoe dati den ben nen „kristen foe wan voorzienigheid foe Gado”. Na Griki wortoe di vertaal dja nanga den wortoe ’den ben nen kristen nanga jepi foe wan voorzienigheid foe Gado’ e sori dati moro ben de ini a tori leki soso foe gi somaar iniwan sortoe nen. Na moro boen mati ini na universum ben feni a nen dati „kristen” boen.
14. San wi kan taki foe na wortoe „kristenheid”, èn sortoe aksi wi moe go loekoe?
14 Foe na nen „kristen” na nen kristenheid ben komoto, wan nen di e tjari kon na tapoe na heri kondre foe sma di e taki dati den de kristen nanga den ipi-ipi foe kerki sekte nnaga richting. Na nen „kristenheid” no ben kon „nanga jepi foe wan voorzienigheid foe Gado”, a kande nanga jepi foe den apostel ofoe nanga jepi foe wan spesroetoe voorzienigheid akroederi a wani foe Gado. Na situwasi na ini a ten disi e kenki soboen dorodoro foe di ben de na ini na fosi jarhondro. Soso troe kristensma kan prisiri na ini na moro boen matifasi na ini na grontapoe disi di no abi switifasi. Na bigi aksi na ini a ten disi de soboen: Soema de den troe, troetroe kristen di e libi ini akroederi nanga den Boekoe di Gado ben skrifi? Ete wan prenspari aksi de: Jehovah Kotoigi de troe kristen, di abi Jehovah Gado nanga Jezus Kristus leki den mati? Na ini a tori disi a nen di Gado e gi ensrefi, Jehovah, de ini kefar.
15. Te wi loekoe sortoe omstandigheid a de a ten dati Jehovah kan meki gi ensrefi wan nen, èn sortoe rol na „pipel gi en nen” e pré now na ini disi?
15 Fa na kristenheid, nanga en foeroe fasi foe anbegi, ben sa kan de ini wan switi matifasi nanga Jehovah? Na kristenheid ben poti na nen foe Jezus Kristus so na fesi dati a nen foe en hemel Tata, Jehovah pikinmoro poti krinkrin a wan sé. Ma leki fa den bijbelprofétitori ben taki dati a ten doro dati Jehovah sa meki wan nen gi ensrefi. En nen foe dat’ede moe poti a fesi. Foe na boen foe dati a ben sa meki gebroiki foe en troe kotoigi, en pipel di en ben ferkisi, den sma di e prisiri na ini en matifasi. Na tapoe wan spesroetoe komakandra di den apostel nanga tra bakaman foe Jezus Kristus di ben kon a fesi ben hori na ini na fosi jarhondro, na discipel Jakobus ben taki: „Simeon ben ferteri finifini fa Gado foe a fosi tron ben poti en prakseri na tapoe den naatsi foe teki a mindri den wan pipel gi en nen.” — Tori 15:14.
16, 17. San den ben doe na ini den bijbelvertaling foe na kristenheid na ini a tori foe na nen foe Gado, ma fa a de na a pisi tori disi nanga na New World Translation?
16 Wan sma ben sa ferwakti dati den sma di ’de wan pipel di Gado nen’, ben sa de en mati èn ben sa hori a nen foe Gado hé ma san ben pasa na ini na kristenheid. Na ini den populair bijbelvertaling foe en na nen foe Jehovah poti a baka nanga wan titel. Ija, na ini moro foeroe populair Bakratongo vertaling foe a ten disi a nen disi no e kon kwetikweti! (Loekoe Nieuwe Vertaling van het Nederlands Bijbelgenootschap.) Boiti foe dati, srefi foe den djoe vertaling foe den Hebrew Boekoe a nen foe Gado vertaal nanga „Masra”. Den sortoe moeiti disi foe tan pi foe a nen foe Jehovah, no de a wroko foe en mati.
17 Na ini a jari 1950 na New World Translation of the Holy Scriptures ben kon a doro tapoe a kerki kontren, èn na ini a bijbelvertaling (di nownow vertaal na ini wan lo tra tongo èn ooktoe ini Bakratongo) na gado nen de foe si na ala presi te na ini na fosi Hebrew tekst foe na bijbel a ben de. Na Mew World Translation ben poti na gado nen baka tapoe en reti presi na ini den tekst foe den kristen Griki Boekoe, na sokari Njoen Testamenti, èn dati de na tapoe 237 presi. Ija, disi de a wroko foe mati foe Jehovah.
18. San a pipel foe Gado ben doe na ini 1931 na ini jeje foe Jesaja 62:2, èn sortoe jeje frantwortoe den ben teki doe te nanga now?
18 Den wortoe foe Jesaja 62:2 de prenspari gi den mati foe Jehovah. A vers disi, den e taki nanga den dopoe discipel foe na Messias di gi densrefi abra na Gado èn di wiki nanga jeje, e taki: „Èn den naatsi séker sa si joe regtvaardikifasi, o oema, èn ala kownoe joe glori èn troetroe den sa kari joe nanga wan njoen nen, di Jehovah égi mofo sa bepaal.” Na „nen” dati e sori na a blesi toestand pe den disiten salfoe discipel moe kon na ini. Efoe na fikapisi foe den memre foe en organisaatsi di de foe si wani de ’wan pipel gi Gado nen’, dan boiti foe dati nanga reti en nen moe kari poti a tapoe den èn den moe tjari a nen dati. Baka wan pisten den ben kon ferstan a sani disi. Foe dat’ede meki na organisaatsi foe Gado di wiki nanga jeje, ini 1931 ben kon makandra tapoe wan congres ini Columbus (Ohio, VS), ben teki na ini na jeje foe Jesaja 62:2 nanga foeroe prisiri na nen „Jehovah Kotoigi”. Ala gemeente foe Jehovah pipel di gi densrefi abra ben waka a baka na eksempre dati èn ben teki a nen dati toe. Èn a nen dati ben tan, aladi grontapoe sma ben taki a fesi dati disi no ben sa de so. Na ini Openbaring 3:14 na glori Jezus Kristus ben kari ensrefi „na getrow èn troe kotoigi”. A de foe dat’ede wan sani di fiti dati den gemeente foe en discipel na grontapoe sensi na jari 1931 di warti foe memre nanga wan voorzienigheid foe Gado ben brasa a nen dati. Foe sensi a ten den ben doe den frantwortoe foe libi aktoederi a nen dati èn foe meki en bekenti. Foe dat’ede meki Jehovah nen — na nen di no abi speri foe na moro boen Mati foe den — ben poti na fesi na a heri grontapoe. Èn Jehovah na tapoe wan spesroetoe fasi ben sori taki en matifasi nanga en kotoigi te nanga na lati pisten disi ben tan.
19. (a) Foe san-ede meki Jehovah en kotoigi di gi densrefi abra no e frede na no-switifasi foe na grontapoe disi, èn sortoe grani den sma di e kibri den soifri-reti-fasi sa kisi na Armageddon? (b) Foe sortoe sani ede, meki ala wi tangi nanga prijse moe go na Jehovah?
19 Foe di Jehovah Gado de na wi sé leki en Kotoigi di gi densrefi abra na en, soema dan nanga winimarki sa kan de troetroe tége wi? (Rom. 8:31-34) Foe dat’ede wi no e frede na no-switifasi foe na féjanti grontapoe disi. Wi e go doro nanga wi wroko leki ambassadeur ofoe leki boskopoeman foe na Messiaans kownoekondre foe dat’ede èn e begi safri-ati sma foe kon boen baka nanga Gado nanga jepi foe Jehovah Kownoe Hépriester, Jezus Kristus (2 Kor. 5:20). Aladi disi de na réde dati na féjantifasi e tan gro, di na grontapoe disi abi nanga na salfoe fikapisi nanga den mati foe den, na „bigi ipi”, tokoe na moro boen matifasi ini na heri universum, na matifasi di Jehovah Gado abi nanga wi e tan loyaal (Openb. 7:9). Na matifasi nanga wi leki persoon di e kibri den soifri-retifasi na en fesi, no sa broko noiti. Ija, heri esi na matifasi dati sa sori leki noitl, a fesi na a ten foe na feti dati foe ala feti, „na feti foe na bigi dé foe Gado na Almaktiwan” na Armageddon (Openb. 16:14, 16). Drape Jehovah, aladi a sa tanapoe fesi na fesi nanga Satan Didibri nanga en ogri jeje-ipi èn heri na grontapoe organisaatsi foe den di joe kan si, sa poti en universele soevereiniteit reti foe di a sa wini en moro bigi wini foe ala ten. Wi di e prisiri te now ete na ini na toemsi moi matifasi di Jehovah abi nanga wi sa kisi dan na grani foe pasa èn wi sa abi na grani foe de ai-kotoigi foe en toemsi moi victori nanga jepi foe a Kownoe Jezus Kristus (Ps. 110:1, 2; Jes. 66:23, 24). Ala wi tangi dipi na inisé foe wi èn prijse de foe Jehovah Gado gi en matifasi di e tan! — Ps. 136:1-26.
Fa joe ben sa piki?
◻ Foe sroto sortoe matifasi Jezus ben gi en discipel dek’ati, èn sortoe „libipresi” den kan tjari den go ini na a fasi dati?
◻ Sortoe fasi na grontapoe dati e teki na fesi Jehovah Kotoigi, ma na ini sortoe matifasi den e tan prisiri densrefi?
◻ Sortoe frantwortoe ini a tori foe na Gado nen na ’pipel foe Gado nen’ e doe?
◻ Foe san-ede meki Jehovah en Kotoigi di gi densrefi abra no e frede na no-switi-fasi foe a grontapoe disi?
[Prenki na tapoe bladzijde 7]
Zachéus ben kisi na moro boen matifasi di ben de na ini na heri universum. Disi de ooktoe so nanga joe?
[Prenki na tapoe bladzijde 10]
Foe di Jehovah Kotoigi ben de nanga foeroe prisiri dati den ben abi Gado leki den moro boen mati, meki den ben teki ini 1931 na bosroiti foe kari densrefi na en nen.