Jezus libi nanga diniwroko
Na pramisi pikin
NA PRESI FOE Jozef nanga Maria go baka na Nazareth, den e tan na ini Bethlehem èn te Jezus de aiti dé den e meki den besnij en, soleki na Wet di Gado ben gi na Mozes e taki. A de krin dati a de ooktoe na gwenti dati wan njoengebore boi e kisi en nen na a di foe aiti dé. Den e kari a pikin foe den soboen Jezus, soleki na engel Gabriël ben gi den komando na a ten dati.
Moro leki wan moen e pasa èn Jezus de now fotenti dé owroe. Pe en papa nanga mama e go now nanga en? Na a tempel na ini Jeruzalem, soso wantoe kilometer moro fara foe pe den e tan. Leki fa na Wet di Mozes ben kisi foe Gado e taki, dan wan mama de ferplekti foe pristeri wan ofrandi foe krin ensrefi na ini na tempel fotenti dé baka a meki di a meki wan manpikin.
Na dati Maria e doe now. Ma leki wan offer presenti a e tjari toe pikin fowroe. Disi e ferteri wi wan sani foe den economia omstandigheden foe Jozef nanga Maria. Na Wet foe Mozes ben taki dati wan jongoe manskapoe ben moe offer, wan meti di ben diri foeroe moro leki wantoe fowroe. Ma efoe na mama no ben kan pai dati, dan toe doifi ofoe stondoifi ben de nofo.
Na ini a tempel wan owroe man e teki Jezus na ini en anoe. A nen Simeon. Gado ben tjari kon na krin gi en dati a no sa dede bifo a ben si na Kristus ofoe Messias di Gado ben pramisi. Te Simeon e kon na a dé disi na ini a tempel, santa jeje e tjari en go na a pikin di Jozef nanga Maria abi na den.
Aladi Simeon e hori Jezus na ini en anoe, a e taki Gado tangi èn e taki: ’Joe:ben hori joe na joe pramisi, bika nanga mi égi ai mi ben si na wrokosani foe ferloesoe di joe ben sreka.’ Jozef nanga Maria e ferwondroe srefsrefi te den e jere disi. Dan Simeon e blesi den èn a e taigi Maria dati en manpikin „e poti foe na fadon èn a opobaka foe foeroe sma na ini Israël” èn dati a sili foe Maria sa boro nanga sari, leki nanga wan srapoe fet’owroe.
Na 84-jari oema-proféti Anna de na na okasi disi. Noiti a e mankeri na ini a tempel. Now a e kon moro krosbé èn a e bigin taki Gado tangi èn gi ibriwan sma di wani jere a e taki foe Jezus.
Fa den sani disi di ben pasa na ini na tempel ben meki Jozef nanga Maria kolokoe. Den de gi den wan bewijsi moro dati na pikin de na sma di Gado ben pramisi. Lukas 2:21-38; Leviticus 12:1-8.
◆ Oten wan njoen gebore Israël boi ben kisi en nen soleki e kon na krin?
◆ San wan mama foe Israël ben moe doe te a manpikin foe en ben de fotenti dé, èn san wi e kon sabi foe na economia omstandigheid foe Maria?
◆ Sortoe toe sma ben ferstan na a okasi dati soema Jezus ben de èn fa den ben meki tra sma si disi?