Jezus libi nanga diniwroko

Jezus e gi leri na wan Samaritan oema

TAPOE a waka foe den foe Judéa go na Galiléa, Jezus nanga en discipel waka psa na a district Samaria. Foe di den weri foe na reis, meki den e teki bro na a ten foe a bakadina na wan peti krosbé f oe na foto Sichar. Hondrohondro jari a fesi Jakob ben diki na peti disi èn a de te now ete, na ini a birti foe,,a disiten foto, Nabloes.

Aladi Jezus e bro pikinso drape, dan den disipel e go ini a foto foe bai njanjan. Te wan Samaritaan oema e kon kisi watra Jezus e aksi: „Gi mi pikinso foe dringi.”

A gwenti de dati djoe nanga Samaritaansma leki wan bakapisi foe dipi firi di den abi gi makandra no wani abi noti foe doe nanga makandra. Foe dat’ede meki na oema e aksi froewondroe: „Fa joe, aladi joe de wan djoe, e aksi mi foe dringi, aladi mi de wan Samaritaan oema?”

Jezus e piki dati efoe a ben sabi soema a ben de a ben sa aksi en „libi watra”. A watra disi, so ai taki, sa tron „wan fonten foe watra di e bori kon a tapoe foe gi tégo libi”.

„Meneer, gi mi a watra dati”, a oema e aksi.

Now Jezus e taki: „Go, kari joe man.”

„Mi no abi wan man”, ai piki.

Jezus e taki dati a taki leti. „Joe ben taki leti: ’Wan man joe no abi’. Bika joe ben abi féfi man, èn a man di joe abi now, a no a man foe joe.”

„Meneer, mi e si dati joe de wan profeiti”, na oema e taki froewondroe. A e sori dati a abi belangstelling gi jejesani foe di a e taki dati den Samaritaansma e anbegi tapoe na bergi Gerizim ma den djoe na ini Jeruzalem.

Tokoe na presi foe anbegi no de na moro prenspari sani, Jezus e tjari kon na krin. „Gado na wan jeje,” ai leg uit, „èn soema e anbegi en, moe anbegi en nanga jeje èn waarheid.”

Na oema e kon dipi na ondro na indruk. „Mi sabi dati na Mesias e kon, di den e kari Kristus”, a e taki. „Te a dati sa kon, a sa meki ala sani bekènti na wi na ini publiki.”

„Dati na mi, di e taki nanga joe”, Jezus e ferklari. Prakseri dati pikinso! Na oema disi, di tapoe a bakadina joeroe e kon kisi watra, kande foe no afoe abi contacti nanga oema foe na foto di e wiswasi en nanga en libifasi, e kisi na tapoe wan kefarlek moifasi na boenati foe Jezus. Let’na en fesi, a e ferteri en san a no ben o taigi no wan sma na ini publiki. Èn san ben de a bakapisi? Dati sa tjari kon na krin na ini na artikel na ini a tra Wachttoren foe wi. Johannes 4:3-26.

◆ Foe san-ede na Samaritaan oema ben froewondroe dati Jezus ben taki nanga en?

◆ San Jezus ben leri en foe libi watra èn a presi pe sma moe anbegi?

◆ Fa Jezus e tjari kon na krin gi en soema na en, èn foe san-ede na sani disi de wan froewondroe sani?

[Wan prenki di e tapoe heri bladzijde 16]