Jezus en libi nanga diniwroko

Foe san-ede Jezus ben kon na grontapoe

SOLEKI wi ben leri na ini a uitgave foe na tijdschrift disi na fesi, dan Jezus ben abi wan druk dé na ini Kapernaüm nanga en fo discipel. Fosi a ben dresi wan man ini na djoekerki di ben abi wan ogrijeje na en tapoe, dan a ben dresi na a oso foe Petrus na wefi-mama foe Petrus èn moro fara den sma di ben libi ini Kapernaüm ben tjari na ini na neti ala den sikiman foe den kon ete na en sodati a ben sa kan dresi den. A no ben abi ten foe go na wan presi en wawan.

Now a de froekoe mamanten foe a tra dé. Aladi a doengroe ete Jezus e opo èn e go en wawan a dorosé. A e go na wan tiri presi, pe a kan begi na en Tata aparti. Ma Jezus no e tan langa en wawan drape, bika efoe Petrus nanga den trawan si dati a gwe, dan den e go soekoe en.

Te den e feni Jezus, Petrus e taki: „Oen alamala e soekoe joe.” Den sma foe Kapernaüm wani,dati Jezus tan na den. Den e warderi san a ben doe gi den! Ma Jezus ben kon na grontapoe na ini a fosi presi foe doe wondroe foe dresi sma? San ai taki?

Leki fa wán bijbeltori taki, dan Jezus piki en discipel: „Meki wi go na wan tra presi, na den dorpoe ini a birti, sodati mi kan préki drape ooktoe, bika na foe a marki dati den ben seni mi kon.” Aladi den sma ben kon a tapoe Jezus nanga tranga foe tan, ai taigi den: „Mi moe meki ooktoe na tra kondre na boen njoensoe foe Gado kownoekondre bekénti, bika na foe dat’ede den ben seni mi kon.”

Ija, moro foeroe Jezus ben kon na grontapoe foe préki foe a Kownoekondre foe Gado, di sa soifri en Tata nen foe ala sjen, èn sa poeroe ala libisma siki na pasi foe alaten. Ma foe bewijsi dati na Gado ben seni en kon, meki Jezus ben doe wondroe foe dresi sma. Na so Mozes ooktoe hondrohondro jari pasa kaba ben doe wondroe ooktoe foe sori taki a ben de a dienstknegti foe Gado.

Te Jezus e hari komoto foe Kapernaüm foe préki na ini tra foto, dan en fo discipel e go nanga en. Den fo disi na Petrus nanga en brada Andréas, Johannes nanga en brada Jakobus. Joe e memre ete dati net na a wiki na fesi den ben kisi a kari foe Jezus foe de en fosi kompewrokoman di e reis.

Na prékiwroko-waka foe Jezus psa Galiléa ini kompani nanga en fo discipel e waka boen srefsrefi! Ija, na bericht foe den activiteit foe den e go srefi te na ini Syria kondre. Bigi ipi sma foe Galiléa, Judéa èn foe na abrasé foe na Jordaan, e waka na baka Jezus nanga en discipel. Mark. 1:35-39; Luk. 4:42, 43; Matt. 4:23-25; Ex. 4:1-9, 30, 31.

◆ San e psa mamanten baka na druk dé foe Jezus na ini Kapernaüm?

◆ Foe san-ede meki den ben seni Jezus kon na grontapoe èn san ben de a marki foe den wondroe foe en?

◆ Soema ben go nanga Jezus makandra tapoe en prékiwroko-waka psa Galiléa, èn san den sma ben doe tapoe den activiteit foe Jezus?