Jezus libi nanga diniwroko

Sari-ati nanga wan gwasiman

TE JEZUS nanga en fo discipel e fisiti na foto Galiléa, dan na njoensoe foe den wondroesani di ai doe e panja ensrefi ini a heri kontren. Den tori foe den doe foe en e psa go doro na te a wan foto pe wan man e libi di abi gwasi. Na datra Lukas e skrifi dati na man „ben abi na en heri skin gwasi”. Efoe na takroe siki disi go boen fara kaba, dan difrenti pisi foe a skin safrisafri e kisi mankeri. Na gwasiman disi soboen de ini wan toemsi sari toestand.

Te Jezus e doro ini na foto, na gwasiman e go na en. Leki fa na wèt foe Gado taki dan gwasiman de ferprekti foe bari na warskow: „Mi no krin, mi no krin!” foe kibri tra sma dati den kon toemsi krosbé èn kon ini a kefar foe kisi na siki. Now na gwasiman e fadon tapoe en fesi èn e begi Jezus: „Masra, efoe joe wani en nomo, dan joe kan meki mi kon krin.”

Fa a man dati abi wan bigi bribi ini Jezus! Ma a siki moe meki a de ini wan toestand foe sari en! San Jezus sa doe? San joe ben sa doe? Sari-ati e boewégi Jezus sodati ai langa en anoe, e fasi a man èn e taki: „Mi wani, kon krin.” Wantewante na gwasi e gwe libi en.

Joe ben wani sote foe abi leki kownoe wan sma di abi sowan sari-ati? Na fasi fa Jezus e behandel a man disi, e gi fertrow dati na ini a ten foe en kownoekondre tiri den bijbel profétitori di e kon now sa kontroe: „A sa abi sari-ati nanga den mofinawan èn den pôtiwan.” Ija Jezus sa meki na winsi foe en ati kontroe èn jepi ala sma di e kisi kwinsi.

Ija srefi bifo Jezus gwasiman dresi na gwasiman, na diniwroko foe en tjari bigi djoegoedjoegoe kon na ondro na pipel. Foe wan profétitori foe Jesaja kontroe meki Jezus e komanderi na man di kon boen baka now: „Sorgoe dati joe no ferteri wan sani na wan sma.” Dan ai komanderi en: „Go meki a priester si joe èn offer foe na boen foe a kon krin foe joe den sani di Mozes ben taki leki wan kotoigi gi den.”

Ma a man de so kolokoe dati a no kan hori na wondroe gi ensrefi wawan. Ai gwe èn ai bigin foe ferteri na njoensoe lontoe na alape. Èn e wiki nanga dati soleki e kon a krin someni belangstelling nanga gridi foe sabi sani a mindri a pipel dati Jezus no kan go ini a foto ini publiki. Foe dat’ede meki Jezus e tan na tiri presi pe nowan sma e libi, èn foe alasé den sma e kon drape, foe arki na en èn foe den siki foe den kon dresi. Lukas 5:12-16; Markus 1:40-45; Mattéus 8:2-4; Leviticus 13:45; 14:10-13; Psalm 72:13; Jesaja 42:1, 2.

◆ Sortoe krakti gwasi kan abi èn sortoe warskow wan gwasiman ben moe gi?

◆ Sortoe begi wan gwasiman e begi Jezus èn san wi kan leri precies foe a fasi fa Jezus ben doe?

◆ Fa na man di kon boen e frigiti foe gi jesi na Jezus èn sortoe bakapisi disi abi?