Jezus libi nanga diniwroko

San sma abi pasi foe doe tapoe sabbat?

INI A PISTEN foe wan tra sabbat Jezus e go ini wan djoe kerki ini a birti foe na Se foe Galiléa. Drape wan man de nanga wan pori let-anoe. Den meester foe wet nanga den Fariséman e loekoe boen foe si ofoe Jezus sa dresi a man. Te foe kaba den e aksi: „Wan sma abi pasi foe dresi tapoe sabbat?”

Den djoe kerki tiriman e bribi dati pasi de wawan foe dresi tapoe sabbat efoe joe kan taki dati wan sma de ini kefar foe en libi. Den e leri foe eksempre, dati a no mag foe seti wan broko foetoe tapoe sabbat ofoe foe tai wan foetoe ofoe anoe di komoto na skroefoe. Den meester foe wet nanga den Fariséman e ondrosoekoe Jezus soboen ini wan moeiti foe kan feni wan fowtoe tapoe en.

Ma Jezus sabi a prakseri toe den. Na asrefi ten a e ferstan dati den abi wan aparti loekoe foe sani di no de foe a bijbel tapoe a tori foe kande wan pasa foe a wet foe na marki dati sma no mag wroko tapoe sabbat. Foe datmeki Jezus e sreka na toneel foe wan dramatis kon tanapoe fesi nanga fesi nanga den foe di ai taki nanga a man nanga a pori anoe: „Opo tanapoe èn kon a mindri.”

Aladi Jezus e drai taki nanga den meester foe wet èn den Fariséman, ai taki: „Soema na mindri oenoe di abi soso wán skapoe, no sa graboe en hori èn hari en poeroe efoe a fadon tapoe sabbat na ini wan olo?” Foe di wan skapoe ben o teki a presi foe moni, meki den no boo libi en te na tra dé sidon ini a olo, pe kande a ben kan kon siki èn ben sa go na baka na ini waarde. Boiti foe dati na bijbel e taki: „Na regtvaardikisma e sorgoe foe na sili foe na osometi foe en.”

Jezus e hari a tori go doro foe di ai taki: „Omeni moro, te joe loekoe ala sani fini, wan libisma de warti leki wan skapoe! A de soboen wan sani di kan foe doe wan toemsi boen wroko tapoe sabbat.” Foe di den kerki tiriman no kan hori taki na logis, sar’ati tak-go-tak-kon disi no boen, meki den e tan pi.

Nanga atibron ma ooktoe nanga sari foe na tranga-ede donfasi foe den ede meki Jezus e loekoe lontoe. Bakadati ai taigi a man: „Langa joe anoe.” Èn a e langa en anoe èn en anoe e kon de gesontoe.

Ma presi dati den Fariséman bréti dati na anoe foe a man kon gesontoe dan den e go na dorosé wantewante den e meki wan barki nanga den partijman foe Herodes foe kiri Jezus. A de krin dati ooktoe den memre foe den kerki Saducéman de foe a politiek partij dati. A politiek partij disi èn den Fariséman de gewoonlek a fesi foe sma kontrari makandra, ma now den de wan na ini na gens foe den tége Jezus. Mattéus 12:9-14; Markus 3:1-6; Lukas 6:6-11; Odo 12:10; Exodus 20:8-10.

◆ San ben de na toneel foe wan dramatis kon tanapoe fesi nanga fesi a mindri Jezus nanga den kerki tiriman?

◆ San den djoe ben bribi foe na meki kon gesontoe foe sma na tapoe sabbat?

◆ Sortoe eksempre Jezus e gebroiki foe sori taki den fowtoe prakseri foe den no boen?