Jezus libi nanga diniwroko

Wan hé markitiki gi en bakaman

DEN KERKI TIRIMAN e si Jezus leki wan sma di e psa Gado wet èn no so langa psa den ben meki srefi mofo foe kiri en. Te Jezus e go moro fara nanga en Bergipréki, a e ferklari foe dat’ede: „No denki dati mi ben kon foe pori na wet èn den proféti. Mi no ben kon foe pori, ma foe meki kon troe.”

Jezus abi bigi respeki gi a wet foe Gado èn e gi dekati ooktoe na tra sma foe doe dati toe. A e taki srefi: „A sma foe dat’ede di psa wan foe den moro pikin gebod disi èn leri den sma ini a fasi dati, den sa kari en a moro ’mendri-wan’ ini na tori foe a Kownoekondre foe hemel”, nanga san a e bedoel dati sowan sma no e kon srefsrefi ini a Kownoekondre.

Séker a no de so, dati Jezus ben feragti a wet foe Gado, bika a e kroetoe srefi den fasi di den sma di e psa a wet e meki doe kon. Baka te Jezus taki dati a wet e taki: „Joe no mag kiri”, a e taki moro fara: „Ma mi e taigi oenoe dati ibri wan sma di e tan abi atibron tapoe en brada sa moe gi frantwortoe na fesi kroetoe.”

Foedi a tan abi atibron tapoe wan medelibisma de so serjoesoe èn srefi kan meki dede kon, meki Jezus e gi na eksempre ofara wi moe go foe meki vréde doe kon. Ai leri: „Te joe e tjari foe dat’ede joe [offer]presenti go na a altari èn joe e memre drape dati joe brada abi wan sani nanga joe, libi joe presenti drape na fesi na altari èn gwe; meki vréde fosi nanga joe brada èn offer bakadati te joe drai kon baka joe presenti.”

Moro fara Jezus e poti prakseri na tapoe na di foe sébi foe den Tin Komando èn e taki: „Oenoe ben jere dati den ben taki: ’Joe no mag doe soetadoe”’. Ma Jezus e kroetoe srefi na hoeroedoe jeje fasi. „Ma mi e taigi oenoe dati ibriwan sma di e tan loekoe na wan oema foe abi lostoe gi en, doe ini en ati kaba soetadoe nanga en.”

Djaso Jezus no abi en foe wan hoeroedoe prakseri di kon esesi ini wan sma prakseri, ma foe ’tan loekoe’. Den sortoe loekoe nomonomo e wiki angri lostoe di, efoe na okasi sori ensrefi, kan go so fara ini soetadoe. Fa wan sma kan sorgoe dati disi no psa? Nanga den tra wortoe, Jezus e gi wan eksempre dati kande hebi maatregel de fanowdoe: „Efoe now joe reti-ai e meki joe naki foetoe fadon, hari en poeroe èn trowe en gwe foe joe. So ooktoe efoe joe reti-anoe e meki joe naki foetoe fadon, koti en poeroe èn trowe en gwe foe joe.”

Libisma nofotron de klariklari foe offer wan kefarlek siki pisi foe a skin foe tan ini libi. Ma leki fa Jezus taki dan a de moro prenspari ete foe ala sani, awinsi a de so diri leki wan ai ofoe wan anoe, „foe trowe en” èn tan farawe foe hoeroedoe denki nanga doe. Noso, so Jezus e ferklari, dan den sortoe sma disi sa kon ini Gehenna (wan doti-ipi ini Jeruzalem di ben a faja alaten) nanga san a ben bedoel dati tégo pori e wakti den.

Jezus e taki ooktoe fa sani moe doe efoe sma e hati wi firi ofoe e afrontoe wi. En rai de: „No kakafoetoe gi na sma di de godelowsoe.” Ma efoe wan sma naki joe na joe leti séfesi, drai dan a trawan gi en toe.” Jezus no e bedoel dati wan sma no mag verdedig ensrefi ofoe en osofamiri. Wan krap no e gi nomo foe hati na skin foe wan sma, ma foe afrontoe en. Jezus e taki soboen dati a ben sa de verkeerti foe pai ogri nanga ogri, efoe en, kande nanga naki nanga na plata-anoe ofoe nanga wortoe foe afrontoe wan sma ofoe meki a mandi, e proeberi foe meki wan trobi ofoe wan stré nanga wortoe doe kon.

Baka di Jezus ben poti na prakseri na tapoe na wet foe Gado taki wan sma moe lobi a sma di de na en sé a e taki: „Ma mi e taigi oenoe taki oenoe moe tan lobi oen féjanti èn tan begi gi den di e ferfolgoe oenoe.” A e gi foe disi wan krakti réde te a e taki moro fara dati wi moe doe disi ’sodati wi kan sori dati wi de manpikin foe wi Tata di de ini hemel, bika a e meki en son kon a tapoe den godelowsoewan nanga den boenwan.’

Jezus e tapoe na pisi disi foe en lezing nanga den wortoe: „Foe dat’ede oenoe moe de volmaakti netleki oenoe hemel Tata de volmaakti.” Jezus no ben bedoel dati libisma kon de volmaakti ini absolute fasi ma foe di den e waka na baka Gado meki den kan meki den lobi kon so bradi dati den e lobi srefi den féjanti. Asrefi tori foe Lukas e gi den wortoe foe Jezus baka na a fasi disi: „Tan sori sari-ati, soleki oen Tata e sori sari-ati.” Mattéus 5:17-48; Lukas 6:36.

◆ Fa Jezus ben sori bigi respeki gi a wet foe Gado?

◆ Sortoe leri Jezus ben gi foe poeroe den oorzaak foe kiri nanga soetadoe?

◆ San Jezus ben bedoel di a ben taki foe na drai foe na tra sé fesi?

◆ Fa wi kan de volmaakti soleki Gado de volmaakti?