Jezus libi nanga diniwroko

Begi èn fertrow na ini Gado

INI NA tra pisi foe en lezing Jezus e kroetoe na hoigrifasi foe sma di e waka lontoe nanga a sokari vroomfasi foe den. „Te joe e go gi presenti,” so ai taki, „no bari en gi ala sma, soleki den hoigriman e doe.”

„Èn te joe e begi”, so Jezus e go morofara, „dan joe no moe de leki den hoigriman, bika nanga ala prisiri den e tanapoe begi na ini den djoekerki tapoe den oekoe foe den bradi strati foe sma kan si den.” Na presi foe dati ai leri den: „Te joe e begi, go dan na ini joe inisé kamra èn begi baka te joe sroto joe doro na joe hemel Tata, di de na ini kibripresi.” Jezus srefi ben begi na publiki, soboen dati a no e kroetoe. San ai poeroe a bere foe en kon dja na doro de begi di e begi foe meki indruk tapoe den arkiman èn foe meki den taki wortoe foe sori taki den ferwondroe.

Morofara Jezus e gi na rai: „Ma efoe joe e begi no taki alatron baka densrefi sani, soleki den sma foe den naatsi.” Jezus no e bedoel dati na taki baka foe den sani de wan ferkeerti sani. Wan dé ensrefi ben taki alatron baka „asrefi wortoe” di a ben e begi. Ma san a no ben feni boen, de a taki alatron baka foe wortoe di wan sma leri na en ede, soleki den sma e doe di e firi keting foe klara na ini na taki foe begi foe den leki wan masjien.

Foe jepi en arkiman foe begi, meki Jezus ben gi wan model begi pe sébi sani e aksi na ini. Na ini den fosi dri nanga leti a e erken a soevereiniteit foe Gado nanga en prakseri. Den aksi disi de ofoe Gado nen mag kon santa, en kownoekondre mag kon èn en wani mag pasa. Den tra fo de persoonlek aksi, dati wani taki foe na aladé njanjan, foe pardon foe sondoe, foe no kisi tesi pasa wi makti, èn foe kon fri foe na goddelosoewan.

Moro fara Jezus e taki foe san-ede a de wan trapoe foe poti toemsi foeroe krakti tapoe goedoe na skinfasi. A e taki tranga: „No tjari moro langa goedoe kon makandra na grontapoe, pe moto nanga roestoe kan pori den èn pe foefoeroeman kan broko oso èn foefoeroe.” No wawan dati den sortoe goedoe disi de sani di kan lasi ma den no e bow no wan verdienste na Gado.

Foe datmeki Jezus e taki: „Tjari moro foeroe goedoe kon makandra ini hemel.” Disi wi e doe te wi e poti a dienst foe Gado tapoe a fosi presi na ini wi libi. Nowan sma kan foefoeroe foe wi na verdienste di e bow na Gado na sowan fasi ofoe foe na moro bigi paiman foe dati. Dan Jezus e taki tapoe disi: „Pe joe goedoe de na dape joe ati sa de.”

Jezus e go moro dipi tapoe na trapoe foe na lobi foe goedoe nanga na eksempre di e kon now: „Na lampoe foe na skin de na ai. Te joe ai de dan soifri, dan joe heri skin sa de leti; ma te joe ai de ogri, dan joe heri skin sa doengroe.” Wan ai di e wroko boen, de gi na skin leki wan lampoe di de nanga faja na ini wan doengroe presi. Ma foe kan si boen, dan na ai moe de soifri, dati wani taki a moe poti tapoe wán sani. Wan ai di no de srapoe tapoe wan sani, e si sani fowtoe, e poti afersi na skinfasi moro hé leki na dienst foe Gado, nanga na bakapisi dati na „heri skin” e kon doengroe.

Jezus e tjari na afersi disi go na wan hémarki nanga na krakti eksempre: „No wan sma kan dini toe meester leki srafoe, bika ofoe a sa abi ogri-ati gi na wan èn lobi na trawan, ofoe a sa tai hori na a wan èn feragti na trawan. Oenoe no kan dini Gado nanga na goedoe leki srafoe.”

Baka na rai disi dan Jezus e gi en arkiman na djaranti dati den no a foe broko den ede foe den fanowdoe foe den na skinfasi efoe den poti a dienst foe den foe Gado na tapoe na fosi presi. „Poti ai boen tapoe den fowroe foe hemel,” ai taki, „bika den no e sai, èn den no e koti, den no e tjari konmakandra ini maksin; tokoe oen hemel Tata e gi den njanjan.” Dan ai aksi: „Oenoe no de moro warti leki den disi?”

Dan Jezus e sori na tapoe den leli foe sabana èn e taki dati: „Srefi Salomo na ini ala en glori no ben weri so moi leki wan foe den disi. Efoe”, so Jezus e go moro fara, „Gado e weri den bromki foe sabana na sowan fasi moi, a no sa weri oenoe moro foeroe moi, oen wan di bribi pikin?”

Foe dat’ede meki Jezus e tapoe nanga den wortoe: „Soboen noiti broko joe ede èn no taki: ’San wi sa njan?’ ofoe: ’San wi sa dringi?’ ofoe: ’San wi sa weri?’ . . . Bika oen hemel Tata sabi taki oen abi ala den sani disi fanowdoe. Tan soekoe fosi na kownoekondre nanga en regtvaardikifasi, èn ala den tra sani disi oenoe sa kisi a tapoe.” Mattéus 6:1-4; 26:36-45.

◆ Sortoe leri Jezus ben gi foe na begi?

◆ Foe san-ede hemel goedoe de moro boen, èn fa wi e kisi den dati?

◆ Sortoe eksempre ben gi foe jepi oenoe foe tan farawe foe a lobi foe goedoe?

◆ Foe san-ede Jezus ben taki dati wi no abi foe broko wi ede?