Aksi foe leisiman

◼ Efoe wan sma ben poti en nen na ondro wan „ferklari pe a pramisi foe de plechtig getrow”, na seti dati kan tjari kon na wan kaba?

Na aksi abi foe doe nanga wan seti di de na ini foeroe kondre. Meki wi go loekoe soboen fosi san na plechtige seti disi di de foe wan pisten ofoe na interimregeling disi wani taki.

Na ini na Wachttoren foe 1 juli 1977 a probleem ben taki di ben de na ini son kondre. Aladi Gado e gi pasi foe brokotrow tapoe bijbelgron, tokoe a de so na ini son kondre dati nowan seti de foe broko wan trow. (Mattéus 19:9). Ofoe kande a wet e meki en kefarlek moeilek gi wan sma foe kisi wan brokotrow èn kande foeroe jari e go abra disi. Foe dat’ede na ini na uitgave foe na Wachttoren ben tjari kon na krin dati Jehovah Kotoigi abi wan concessie (pasi) di de soso foe den sortoe kondre disi; na ini disi wan „ferklari de na ini san plechtig den e pramisi foe de getrow” de na ini a tori. Loekoe pikinso wan eksempre foe na seti:

Wan oema e leri sabi na kristen waarheid aladi a e libi-makandra nanga wan man (kande a man abi pikin na en) di langa ten kaba no de moro na en trowoema. Na oema di kisi belangstelling pas de getrow na en, a wani trow nanga en, ma dati no kan psa foedi na wet no e gi pasi foe a man prati foe en trowoema. Efoe den gemeente-owroeman foe dat’ede abi na overtoigi dati a libi makandra foe en nanga a man disi boen na a tra sé na ai foe Gado dan den sa gi en pasi foe poti en nen na ondro wan „ferklari pe ai pramisi foe de getrow”. A e ferklari na ini disi dati a ben doe ala san a man foe meki a libimakandra disi kisi krakti na lanti wet, dati a e erken na fesi foe Gado na ferklari disi, dati na wan san di tai den èn dati den e pramisi dati so esi leki disi kan pasa foe trow na lanti, so dati wan kaba e kon na a ferklari di e gi en pasi foe de wan pisi foe a kristen gemeente.

Ma na aksi e kon a fesi: Wan tra fasi de ete tapoe san na ferklari disi e kon na wan kaba ofoe kan tjari kon na wan kaba, now di a oema (ofoe soema di kan de ooktoe na ini a situwasi dati) ben kon na ini a gemeente tapoe a gron foe sowan ferklari?

Ini na ferklari srefi den e taki dati na sma di poti en nen na ondro ’e si a libimakandra foe en leki wan man ofoe wan oemn leki wan sani di tai na fesi foe Jehovah Gado èn foe ala sma leki wan libimakandra di ben moe hori densrefi getrow na en ini akroederi dorodoro nanga den gronprakseri foe a Wortoe foe Gado’. Na ferbontoe de soboen, foe na sé foe na gemeente ini moreel fasi net so wan sani di abi krakti leki wan trow na lanti. Ma na dede foe wan patna e tjari wan kaba kon na wan trow ofoe wan ferbontoe tapoe a gron foe sowan ferklari (Romeini 2:7). Na bijbel e taki ooktoe dati efoe wan trowpatna gi ensrefi abra na pornei’a (seksuele immoraliteit dorosé foe a ferbontoe), na patna di no abi fowtoe kan kisi wan brokotrow (Mattéus 5:32; 19:9). Na net so toe hoeroedoe foe a sé foe wan foe den toe partij ini wan ferbontoe tapoe a gron foe wan „ferklari pe den e pramisi foe de plechtig getrow” de wan gron foe tj ari na ferbontoe kon na wan kaba, efoe na partij di no abi fowtoe wani disi. Na kristen di no abi fowtoe moesoe foe kan bewijsi na fesi den owroeman na ontrowfasi foe a tra patna. Nanga disi wan kaba e kon na a ferklari. Na patna di no doe fowtoe baka dati abi na fri foe bijbel.

Dati na gemeente e si wan ferbontoe tapoe a gron foe wan „ferklari pe den e pramisi foe de getrow” na ini moreel fasi leki a abi krakti net leki wan trow na lanti ben meki net so wan problena doe kon. Disi e doe kon te den fosten skotoe foe na trow teki poeroe. Na ini a eksempre dja na tapsé na trowoema foe na man foe eksempre kan dede èn na lanti kan meki na brokotrow de wan sani di wet e erken èn a man ben sa kan de klari foe go trow nanga a kristen oema na lanti. Ini a geval dati dan na „ferklari pe den e ferklari foe go trow” no kan abi krakti moro langa ini a tori foe a sisa, ooktoe a no kan de dati foedi a ben sa de foe eksempre wan sjen sani foe trow now na fesi a wet ofoe foedi a oema kande ben sa lasi bepaalde winimarki na skinfasi. Ini akroederi nanga a ferklari foe en a moe doe stap now foe meki na libimakandra foe den kon abi krakti na lanti wet, Noso na gemeente sa moe meki na ferklari kon de wan sani di no abi waarde moro èn dan a sa moe libi a man ofoe moesoe sluit uit foe na gemeente.

Ma fa foe doe efoe na wan di no e bribi wégri foe trow nanga a oema? Di a ben poti en nen na ondro na ferklari na gemeente ben si na libimakandra leki wan sani di abi krakti èn de moreel joisti. Dati a no man foe dwengi en patna di no bribi foe meki na libimakandra foe den kisi krakti na wet foe lanti, no e meki na libimakandra immoreel. Foe dat’ede meki a ben sa kan tan wan getrow patna èn a no a foe gwe libi na man di no e bribi aladi a sa tan horidoro ini en moeiti meki na libi makandra kisi krakti na lanti wet. (Disi de wan herziening foe na kommentaar ini „Aksi foe lésiman” ini Na Wachttoren foe 1 november 1985). — Teki gersi Kroetoeman 11:35; Lukas 18:1-5.

A no de foe taki dati na situwasi de tra fasi te alatoe partij ben poti den nen na ondro a ferklari èn kon tron dopoe kristen, Ini a geval dati dan alatoe ben ferklari plechtig dati den de klarklari foe trow na lanti sodra na skotoe di lanti ben poti ben sa teki poeroe èn tapoe a momenti dati wan kaba e kon na a ferklari. Den de ferplekti foe doe disi ini wan redelek pisten, noso den sa moe go foe makandra efoe den wani foe kan tan ini a gemeente. (Teki gersi nanga „Aksi foe lésiman” ini Na Wachttoren foe 1 februari 1983.) Efoe troetroe den prati dan moreel ferklari di tai den abi krakti ete, so dati nowan foe den toe abi a fri foe go libimakandra nanga wan tra sma. — Teki gersi nanga 1 Korinte 7:10, 11.

Aladi na seti foe wan „ferklari na ini san den e pramisi foe de getrow” no de gi foeroe presi, tokoe ai go ini a takmakandra dja na tapsé foe wan bijbel markitiki di abi en toepassing alape: „A trow libi moe de krin a mindri ala sma èn a trowbedi sondro flaka bika Gado sa kroetoe hoeroedoeman nanga soetadoe man.” — Hebrewsma 13:4.