Blesi foe Gado gi den sma „di kisi ferstan foe sani”
„Den di kisi ferstan foe sani, sa brenki leki ma brenki foe na loktoe, èn den sma di e tjari den foeroe sma kon na regtvaardikifasi, leki den stari te ten di no abi marki.” — DANIËL 12:3.
1. Tapoe san na e engel e poti wi prakseri bakadi a ben ferteri foe na ten foe benawtoe di sa kon tapoe den sma di e soetoe faja foe feti?
NA PROFÉTITORI di na engel ben tjari go na abra na Daniël tjari wi komoto foe a di foe fo jarhondro bifo gewoon teri te go na Armageddon. Na profétitori ben meki wi si dati Michaël tapoe na wan enkri fasi di kan, sa tjari vrede kon na grontapoe, dati wani taki foedi a o kiri den sma di e soetoe faja foe feti de. Moro fara na engel e taki a fesi, bakadi a ben gi sowan aparti overzicht foe na historia di o kon ete, wantoe foe den bigi blesi na ini san Gado pipel sa prisiri „ini na laatste foe den dé”. — Daniël 10:14.
Wan ten foe opobaka
2. Fa son dedewan „ben opo baka” na ini a ten foe „na laatste foe den dé”?
2 Na engel e ferteri Daniël: „Èn foeroe sma sa de foe den di e sribi ini na stofgron, di sa opo baka, den disi foe kisi libi foe ten di no abi marki èn den dati foe sjen èn foe afrontoe foe ten di no abi marki” (Daniël 12:2). „Na laatste foe den dé” de èn dati de krin wan ten foe opo baka. Wan ten na ini san den sma „di e sribi na ini na stofgron”, sa kisi opobaka. Wan foe sowan opo baka ben bigin sjatoe baka di Jezus ben tron kownoe na ini 1914 (Mattéus 24:3). Te na apostel Paulus e loekoe go a fesi na aten dati a e skrifi: „Wi, den di de na libi, di e ten na libi te na denoja foe Masra no sa waka a fesi foe den wan di go sribi kwetkweti . . . den wan di dede na ini wanfasi nanga Kristus sa opo baka fosi” (1 Thessalonika 4:15, 16; Openbaring 6:9-11). A de krin dati Jezus sjatoe baka 1914 soboen ben wiki komoto foe dede den memre foe „na Israël foe Gado” di ben dede ini getrowfasi foe kisi jeje libi ini hemel (Galacia 6:16). Den e kon na libi „foe libi ten di no abi marki”.
3, 4. Fa doe kon dati wan groepoe getrow dienstknegti foe Gado ben kon dede na ini 1918?
3 Ma den wortoe foe na engel ben wani taki sondro degedege ooktoe wan tra opo baka. Ini wan sani foe fotenti jari di ben waka a fesi 1914 wan pikin groepoe kristen ben meki sma jere na warskow dati ini na jari dati den ten foe den heiden di Jezus ben taki a fesi ben sa kon a wan kaba (Lukas 21:24). Den kristen disi ben kisi na ini 1884 rechtspersoonlijkheid gi Zions Watch Tower Tract Society èn den ben tjari kon ini boekoe den bakapisi foe na bijbelondrosoekoe foe den ini wan tijdschrift di den ben kari Zion’s Watch tower and Herald of Christ’s Presensce.
4 Na ini 1914 na waarheid foe na boskopoe di den ben meki bekenti ben kon troe tapoe wan dramatis fasi di na fosi grontapoe Feti ben broko kon èn den „heloe foe na benawtoe” di Jezus ben taki a fesi ben bigin (Mattéus 24:7, 8). Ma ete den kerkifeanti foe den ben gebroiki na feti histerie foe ferfolgoe den te leki te foe kaba na ini 1918 pikinmoro wan stop ben tjari kon na a prékiwroko foe den èn den ben sroto no nanga leti prenspari man foe na Wachttoren Genootschap na ini doengroe’oso. Disi ben meki na ini na groepoe foe son sma bigi prisiri kon. Ooktoe nanga disi dan san ben skrifi na ini a boekoe foe Openbaring leki profétitori ben kon troe: „Èn te den sa kaba na gi kotoigi foe den, dan na wilde meti di e opo komoto foe na peti di no abi gron, sa feti nanga den èn wini den èn kiri den.” — Openbaring 11:7.
5, 6. Fa na sani di na groepoe disi ben ondrofeni na ini 1919, ben de wan kontroe foe na profétitori, dati „foeroe sma foe den di e sribi na ini na stofgron,. . . sa opo baka”?
5 Ma leki fa na profétitori e taki dan no ben sa ’tan dededede’. Èn baka den dri nanga afoe dé libi jeje foe Gado ben go ini den, èn den ben go tanapoe tapoe den foetoe. Èn bigi frede ben fadon kon na tapoe den sma di ben loekoe na den . . . Èn ini na wolkoe den ben opo go na ini hemel, èn den feanti foe den ben loekoe den (Openbaring 11:11, 12; Ezechiël 37:1-14). A opo baka foe den ben de krin agersi opo baka, bika wan letterlek opo baka foe kisi jeje libi na ini hemel no ben sa de foe si nanga den ai foe den feanti foe den. Na presi foe dati, aladi den di ben meki plan foe a kaba foe den, ben e loekoe, den den ben wiki poeroe foe wan toestand foe inactiviteit di ben gersi taki den ben dede kon ini wan- toestand pe den ben e koekoe foe activiteit. Na ini 1919 den ben fri den sma di ben teki presi foe na Wachttoren Genootschap komoto foe doengr’oso a prékiwroko ben orga baka, èn a grontapoe ben de kotoigi foe a begin foe na moro bigi kownoekondre prékiwroko veldtotht di oiti ben feni presi na ini na historia. — Mattéus 24:14.
6 Na ini na agersi betekenis disi ’foeroe sma di ben e sribi ini na stofgron ben wiki’. Ne, foe bigin ini 1919, na pikin groepoe bijbelondrosoekoeman di ben wiki ben bigin go soekoe den wan di ben tan abra foe Jezus „brada” èn foe tjari den kon makandra sodati na heri nomroe foe 144.000 ben kan kisi wan zegelmarki (Mattéus 24:31; Openbaring 7:1-3). Te aparti sma ben teki tapoe wan boen fasi na boskopoe, dan den ben gi densrefi abra na Gado nanga jepi foe Kristus èn den ben tron memre foe Jehovah organisatie di joe kan si a grontapoe. Foedi den ben kisi na fri presenti foe na jeje foe Gado, meki den ben ferklari den regtvaardiki tapoe a gron foe a bribi foe den ini a ofrandi foe Jezus èn na jejefasi den ben teki den leki manpikin. — Romeini 8:16; Galacia 2:17; 3:8.
7. Fa disi sa de gi foeroe foe den wan opo baka „foe kisi libi foe ten di no abi marki”?
7 Den wan a mindri den di te na a kaba foe na grontapoe libi foe den ben tan getrow, ben abi na tranga ferwakti dati den sa go teki a presi foe den ini hemel na a sé foe Jezus Kristus (1 Korinte 15:50-53). A wiki foe den a jejefasi de foe dat’ede foe kisi tego libi. Aladi den de ete na libi na grontapoe, dan vrede e de a mindri den groepoe foe den awinsi den e libi ini wan grontapoe foeroe nanga feti (Romeini 14:19). Ma san de moro prenspari, den e prisiri ini vrede nanga Jehovah Gado srefi, „na vrede foe Gado di e psa ala prakseri”. — Filipi 4:7.
Opo baka „foe kisi sjen”
8, 9. Na ini sortoe fasi na jeje opo baka disi ben sa de „foe kisi sjen èn afrontoe foe ten di no abi marki”?
8 Foe san-ede son wan e opo baka „foe kisi sjen èn foe afrontoe foe den di no abi marki”? Den troe tori e sori dati a no ala sma di e teki na kari foe de wan pisi foe na kownoekondre groepoe dati, e tan getrow. Sonwan e gi pasi dati a bribi foe den kon swaki èn den no e hori doro (Hebrewsma 2:1). Wantoe e fadon komoto srefi foe bribi èn den moe poeroe den na ini na kristen gemeente (Mattéus 13:41, 42). Den sortoe sma disi Jezus e taki foe den leki „na ogri srafoe”, di na Méstri „e strafoe nanga a moro bigi strafoe” èn a e kisi en porsi, makandra nanga den hoigriman. „Drape kré nanga kawtifi sa de.” — Mattéus 24:48-51; Efese 4:18; 5:6-8.
9 Fa a de wan rampoe foe teki a moro bigi grani di oiti ben gi na onvolmaakti libisma èn dan drai baka gi en dan! Foe den sma di e handri na so wan fasi na apostel Paulus ben taki: „A de wan sani di no kan foe tjari den sma kisi beraw baka di wan dé foe ala ben kisi leti èn di ben njan boen foe na hemel fri presenti èn di ben tron sma di ben teki prati na santa jeje èn di ben njan boen foe a toemsi boen wortoe foe Gado èn krakti foe na seti foe sani di o kon, ma di fadon komoto foe bribi, bika den ben anga agen na Manpikin foe Gado na wan oedoe èn ben poti en gi publiki sjen” (Hebrewsma 6:4-6). Tapoe a fasi disi den ben sori taki den ben kon wiki „foe kisi sjen èn foe nafrontoe foe ten di no abi marki”. Den no abi no wan enkri ferwakti moro foe tego libi.
’Skijn leki sma di e gi leti’
10. Soema de den sma di „e kisi ferstan foe sani”, èn fa ’den e skijn leki sma di e gi leti’?
10 Ma foe taki foe den sma di e tan getrow, na profétitori e taki: „Èn gi den di ben kisi ferstan foe sani, sa brenki leki na brenki foe loktoe, èn den sma di e tjari foeroe sma kon na regtvaardikifasi, leki den stari te ten di no abi marki, ija foe tego” (Daniël 12:3). „Den di ben kisi ferstan foe sani”, de sondro degedege den getrowwan di e tan abra foe na salfoe kristen gemeente, di ’de foeroe nanga soifri sabi foe en wani, na ini ala koni èn jeje ferstan foe sani’. Nanga tranga foe Jehovah ’den e hori doro krinkrin èn de nanga prisiri èn pasensi, e taki tangi, di den meki den kon de boen foe teki prati ini na goedoe foe den santa wan ini na leti’ (Kolosse 1:9, 11, 12). Ala a ten sensi 1919 den ben meki den leti skijn a mindri den sma leki „sma di e gi leti”, aladi a de so dati ’doengroe tapoe grontapoe, èn deki doengroe den nationaal groepoe’ (Jesaja 60:2; Filipi 2:15; Mattéus 5:14-16). Den e „skijn [so krin] leki na son ini na kownoekondre foe den Tata” — Mattéus 13:43.
11. Na sortoe fasi den sma di „kisi ferstan foe sani”, e sori dati „den de sma di e tjari foeroe sma kon na regtvaardikifasi”?
11 Fa den e sori taki den de „den sma di e tjari foeroe sma kon na regtvaardikifasi”? (Daniël 12:3) Tangi foe na getrow kotoigiwroko di den e doe, meki den laatste memre foe na jeje Israël ben tjari kon makandra èn ben ferklari regtvaardiki foe kisi te foe kaba libi ini hemel. Boiti foe dati, dan wan bigi ipi „tra skapoe” ben sori ensrefi tapoe a toneel, di den lon go na a leti di e komoto foe Jehovah soleki na ’pipel foe Danièl’ e skijn en. (Johannes 10:16; Zacharia 8:23). Den „tra skapoe” disi ben de klarklari foe sroiti densrefi na den salfoewan ini a wroko foe den di de ini a préki foe na „boen njoensoe” (Mattéus 24:14; Jesaja 61:5, 6). Ooktoe den e sori bribi ini na broedoe foe Jezus Kristus di lon, sodati den e ferklari den regtvaardiki foe de ini matifasi nanga Gado (Openbaring 7:9-15; teki gersi nanga Jakobus 2:25). Te den tan getrow te na akaba, dan den nen foe den ’sa tan skrifi alaten na ini a boekoe’. Na so fasi den kan abi na ferwakti foe psa na moro bigi rampoe ten foe benawtoe di oiti ben kon tapoe den natie. — Daniël 12:1; Mattéus 24:13, 21, 22.
’Den sa brenki foe tego’
12, 13. (a) Fa den sma „di e kisi ferstan foe sani” kan ’skijn foe tego’? (b) Fa na ini wan tra fasi ete den kan sori dati „den de den sma di e tjari foeroe sma kon na regtvaardikifasi”?
12 Na engel ben ferteri Daniël: „Den di kisi ferstan foe sani, sa brenki leki na brenki foe na loktoe, . . . leki den stari foe ten di no abi marki (Daniël 12:3). Fa den salfoewan kan brenki foe tego foedi ibriwan foe den sa dede? Foedi srefi baka a dede foe den den sa tan „brenki”. Na ini a boekoe Openbaring Jezus e ferteri wi nanga den wortoe di e kon now foe den ini na hemel positie foe den: „na troon foe Gado èn foe na Lam sa de ini na foto èn en srafoe sa doe santa dienst gi en; èn den sa si en fesi, èn en nen sa de tapoe den fes’ede, ooktoe no wan neti no sa de. moro, èn den no abi lampoe leti fanowdoe, èn ooktoe den no abi son leti fanowdoe, bika Jehovah Gado sa gi den leti, èn den sa tiri leki kownoe te ini ala tego ten.” — Openbaring 22:3-5.
13 Ija, den salfoewan disi di ben kisi opo baka foe dede leki kownoe ben sa tiri leki stari ini hemel, „te ini ala tego ten”. A jeje brenki foe den sa tjari bigi blesi gi na libismafamiri (Openbaring 14:13). Na ini na boekoe Openbaring den e taki san e kon now foe den na ini wan pisi pe den e skrifi foe den leki na njoen Jeruzalem: „èn a foto no abi son èn no abi moenkenki fanowdoe foe skijn gi en, bika na glori foe Gado e gi en leti, èn a lampoe foe en ben de na Lam èn den natie sa waka na ini na leti foe en, èn den kownoe foe grontape sa tjari na glori foe den kon na ini en” (Openbaring 21:2, 9, 23, 24). Den salfoewan di kisi opo baka foe dede sa abi wan prati na ini foe gebroiki den winimarki foe na ferloesoe-ofrandi „foe dresi den natie” (Openbaring 22:2). Te Jezus nanga den 144.000 kownoe nanga priester di tai densrefi makandra nanga en sa tjari den loyaal sma kon de volmaakti baka na a kaba foe na doesoen jari tiri, dan foe troe den sa „tjari foeroe sma kon de regtvaardiki”. Baka na laatste tesi di sa feni presi, dan na libismafamiri di kon boen baka sa de wan volmaakti libisma maatschappij di sa libi foe tego tapoe wan paradijs grontapoe (Openbaring 20:7-10; Psalm 37:29). Tapoe a fasi disi den boen bakapisi di de foe si foe na hemel glori foe ’Daniël pipel’ sa tan de „te ten di no abi marki, ija, foe tego”.
Wan tra opo baka
14. Soema moro sa de na ini na kontroe foe na profétitori dati „foeroe foe den di e sribi na ini na stofgron sa opo baka”?
14 Na so fasi den wortoe foe na engel e tjari wi psa na ten foe „a opo tanapoe foe” Michaël èn na „ten foe benawtoe” di no abi en speri go te ini na njoen seti foe sani. Boiti dati dan den blesi di den sma sa kisi nanga jepi foe den dienst foe den sma disi di „e skijn leki den stari” no sa de wawan gi den sma di sa psa libi libi na „ten foe benawtoe”. Di Jezus ben de ete leki libisma na grontapoe, a ben taki: „Na joeroe e kon na ini san ala sma di de ini den memregrebi, sa jere en sten èn sa komoto na doro, den di ben doe boen sani, foe kisi wan opo baka foe libi, den di ben doe tegoe sani foe wan opobaka foe kroetoe” (Johannes 5:28, 29). Den wortoe disi e sori tapoe wan letterlek opo baka foe den sma di dede èn sondro foe degedege a opo baka di de ooktoe wan kontroe moro fara, foe san na engel ben taki: „Foeroe foe den di e sribi na ini na stofgron sa opo baka.” — Daniël 12:2.
15. Fa na opo baka foe den sma di dan sa wiki kon, kan de wan opo baka „foe kisi libi foe ten di no abi marki”?
15 Daniël srefi sa de ooktoe a mindri den di sa ondrofeni na spesroetoe opo baka dlsi. Na engel ben taigi en: „Èn foe na sé foe joe, joe e waka go na a kaba; èn joe sa rostoe [dede], ma joe sa opo baka go na apresi foe joe na a kaba foe den dé” (Daniël 12:13). Den sma di netleki Daniël sa kisi wan opo baka èn di e teki tapoe wan boen fasi na diniwroko foe Jezus nanga en brada di komoto foe hemel, sa opo go kisi libisma volmaaktifasi. Te den psa na laatste tesi, dan na nen foe den sa skrifi foe alaten na ini a boekoe foe libi (Openbaring 20:5). Ooktoe gi den a sa de na opo baka „foe libi te ten di no abi marki”.
16. Gi soema na opo baka na ini na Njoen Seti foe sani sa de „foe kisi sjen foe ten di no abi marki”?
16 Ma a no ala sma sa doe so. Sondro degedege dan son wan sa proeberi foe meki libifasi kon baka di ben foefoeroe solanga na vrede poeroe foe libisma. Den sortoe sma disi kisi warskow nofo ini na bijbel. „Foe taki foe den lagi ati sma èn den sma di no abi bribi èn den sma di de tegoe ini a dotifasi foe den èn den kiriman èn den hoeroeman èn den sma di e doe afkodréwroko èn den kroektoe gado diniman èn ala léman, a porsi foe den sa de na ini na se pe faja èn swarfoe e bron. Disi wani taki a di foe toe dede” (Openbaring 21:8). Na „di foe toe dede” disi de wan kroetoe di komoto langalanga foe Jehovah pe nowan opo baka no kan moro. A e sori na tapoe wan frigiti foe wan sma foe tego èn di noiti e kaba. Den sma di kisi opo baka foe dede èn di no e sori taki den de tangi, sa kisi na di foe toe dede disi; a opo baka foe den sa de foe dat’ede „foe kisi sjen èn afrontoe foe ten di no abi marki”. — Daniël 12:2.
„Na troe sabi sa kon de psa marki”
17. Fa wi sabi dati na profétitori di e go foe na kownoe foe noordsé èn na kownoe foe zuidsé moro foeroe skrifi foe na boen foe wi ini a ten disi?
17 Na engel e taki moro fara trowstoe wortoe gi Daniël: „Èn foe joe sé, o Daniël, kibri den wortoe èn poti wan zegelmarki tapoe a boekoe, te na ten foe na kaba. Foeroe sma sa go dja èn jana, èn na troe sabi sa de psa marki” (Daniël 12:4). Den wortoe disi e wiki wi belangptelling. Aladi na profétitori foe na engel di e go foe den toe kownoe ben bigin sowan 2300 jari pasa kaba, dan a ben de so dati na ferstan foe a profétitori moro foeroe „na ini a ten foe na kaba”, spesroetoe sensi 1919, ben kon a krin gi wi. Na ini disi ten „foeroe” sma e go dja èn jana” ini na bijbel èn na troe sabi kon de troetroe pasa marki. A de now a ten dati Jehovah ben gi sabi na den sma di ben kon kisi ferstan foe sani.
18. (a) Sortoe prenspari pisi foe profétitori e kon now troe ofoe de so fara foe kon troe? (b) Sortoe balansi loekoe wi e kisi nanga disi?
18 Dati difrenti pisi foe na profétitori ben kontroe foeroe jarhondro psa kaba e tranga wi bribi ini na pisi foe na profétitori di moe kon troe ete (Jozua 23:14). Ini grontapoe foe tide wi e si fa a mindri a kownoe foe noordsé nanga na kownoe foe zuidsé wan kowroe feti de precies soleki na engel ben taki a fesi. Boiti foe dati, na profétitori ben warskow dati srefi moro kefarlek ten de a fesi e kon. Foe dat’ede wi e kisi jepi foe kibri wi balansi èn foe meki dati na propaganda foe sortoe wan foe den toe kownoe toe no tjari oen go degedege. A now a ten foe tranga wi fertrow na ini Jehovah. No frigiti noiti dati „Michaël . . ., na bigi kownoe”, „e doe wroko” foe a boen foe Gado pipel. Ooktoe wan seker verloesoe de na ini disi dati wi e saka wisrefi na ondro Gado kownoekondre ondro Kristus Jezus. — Tori foe den Apostel 4:12; Filipi 2:9-11.
19. San a wani taki gi ibriwan foe wi ini den wortoe di na engel ben tjari go gi Daniël?
19 Tan foe dat’ede krosbé tai nanga den sma „di e kisi ferstan foe sani”, „di e brenki leki na brenki foe loktoe”. Tan de actief ini a wroko foe Gado Kownoekondre (1 Korinte 15:58; Romeini 15:5, 6). Meki na lobi foe joe kon dipi gi na waarheid foe a Wortoe foe Gado èn abi bigi warderi gi na vrede di srefi de now kaba na ini Gado organisatie (Psalm 119:16; Efese 4:1-3; Filipi 2:1-5). Èn te ’Michaël opo tanapoe foe masi Jehovah feanti, meki a de so dan dati joe lon komoto, makandra nanga ala memre foe a pipel foe Gado di den feni den nen skrifi na ini a boekoe’.
Joe kan piki den aksi disi?
◻ Na sortoe fasi „foeroe sma foe den di e sribi ini na stofgron”, opo baka kaba?
◻ Fa na „opo baka disi” kan de „foe kisi sjen”?
◻ Fa den sma e skijn „di kisi ferstan”, leki sma di e gi leti èn tjari foeroe sma kon na regtvaardikifasi?
◻ Sortoe kontroe ini a ten di e kon sa de foe a profétitori dati ’den sma di e sribi na ini na stofgron sa opo baka’?
◻ Fa Daniël 12:3 e kontroe?
[Prenki na tapoe bladzijde 13]
Sensi 1919 den di abi ferstan foe sani ben e skijn waarheid go di e gi libi
[Sma di abi a reti foe a prenki]
NASA photo