Omeni waarde den begi fu yu abi?
„Mi ben kari nanga mi heri ati. Piki mi, o Yehovah.” — PSALM 119:145.
1, 2. (a) Sortu agersitori di Yesus e gi e go fu begi? (b) Sortu bosroiti Yesus ben puru fu den tu begi, èn san wi mu kon frustan fu disi?
NA sortu begi na Mekiman, Yehovah Gado, e arki? Ini wan agersitori di Yesus ben ferteri e kon na krin san de wan fu den moro prenspari kondisi gi Gado fu yere begi. Yesus ben ferteri dati tu man ben de na ini a tempel ini Yeruzalem e begi. Na wan ben de wan hei Fariseiman di den ben e respeki, na trawan ben de wan feragti belasting-man. Na Fariseiman ben begi: „O Gado, mi e taki yu tangi dati mi no de leki den tra sma . . . ofu srefi soleki na belastingman disi. Mi e faste tu tron in wan wiki, mi e gi tinde fu ala san mi kisi.” Ma na sakafasi belastingman „ben naki alaten nomo ensrefi tapu en borsu èn ben taki: ’O Gado, sori mi sondari sar’ati.’” — Lukas 18:9-13.
2 Di Yesus ben gi kommentaar na tapu den tu begi disi, a ben taki: „Mi e taigi unu: di a (belastingman) disi ben go na en oso, dan a ben sori ensrefi moro regtvaardiki leki na trawan dati [na Fariseiman]; bika ibriwan sma di e hei ensrefi, den sa lagi, ma ala sma di e saka ensrefi, den sa hei” (Lukas 18:14). A de krin dati Yesus ben meki sma si dati soso begi na wi hemel Tata no de nofo. Fa wi mu begi — wi yeye fasi — de ooktu prenspari.
3. (a) Kari wantu fondamenti regel di wi mu hori na prakseri te wi e begi? (b) San kan taki ini begi?
3 Begi de futru wan diri èn tumsi prenspari èn seryusu grani, èn ala kristensma di sabi sani bun sabi den fondamenti regel di sma mu ori na prakseri te den e begi. Begi mu seni go na a wan tru Gado, Yehovah. Den mu taki ini a nen fu en Manpikin, Yesus Kristus. Fu Gado kan teki den, dan den mu seni go na ini bribi. Iya, „a sma di e go na Gado mu bribi taki a de”. Boiti dati den begi fu wan sma mu de ini akruderi nanga a wani fu Gado (Hebrewsma 11:6; Psalm 65:2; Matthéus 17:20; Yohannes 14:6, 14; 1 Yohannes 5:11) Èn fu den bijbel eksempre wi e leri dati begi, prijse singi, tangi, tranga begi nanga faya begi kan de na ini. — Lukas 10:21; Efese 5:20; Filipi 4:6; Hebrewsma 5:7.
Eksempre fu begi di abi waarde
4. (a) Sortu eksempre fu begi di abi waarde Mozes nanga Jozua ben gi? (b) Sortu eksempre David nanga kownu Hizkia ben gi? (c) Sortu gemeenschappelek marki difrenti fu den begi disi ben kisi?
4 Spesrutu te wi tanapu na fesi hebi problema, musu teki prenspari bosroiti nanga bigi fowtu ben du ofu un libi de ini kefar, dati den begi fu wi e kon moro faya èn e abi waarde. Fudi den Israëlsma ben meki opruru, bakadi den ben kisi na negatief nyunsu fu den tin ontrow spion, dan Yehovah ben taigi den dati a pipel ben ferdini fu den kiri den puru. Ini wan faya begi di ben abi waarde Mozes ben begi Yehovah fu no du disi fudi en nen ben de na ini a tori. (Numeri 14:11-19). Di Israël fu na gridifasi ede fu Achan ben lasi a feti na Ai dan Yosua ooktu tapu na gron fu Yehovah nen ben hori wan faya taki di ben komopo fu en ati (Yosua 7:6-9). Furu tu den Psalm fu David ben de ini a vorm fu faya begi fu san Psalm 51 de wan moi eksempre. Na begi di Hizkia ben seni di na Assyria Kownu Sanherib ben fadon kon na ini na kondre, de ete wan moi eksempre fu wan begi di abi waarde, èn agen. Yehovah nen ben de na ini a tori. — Yesaya 37:14-20.
5. Sortu tra eksempre wi abi fu begi di abi waarde èn di bepaalde dienstknegti fu Yehovah ben seni go na en?
5 Wi kan taki dati a buku Kragisingi de wan langa èn faya begi di Yeremia ben seni fu na bun fu en pipel go na Gado, bika na ini dati ai taki alaten baka nanga Yehovah (Kragisingi 1:20; 2:20; 3:40-45, 55-66; 5:1-22). Ooktu Ezra nanga Daniël ben seni fu na bun fu na pipel fu den faya begi di ben abi waarde go na Gado na ini san den ben ferteri fu den fowtu fu a natie fu den èn ben begi fu kisi pardon (Ezra 9:5-15; Daniël 9:4-19). Èn wi kan de seker fu en dati ooktu Yona ben seni wan faya begi di ben abi waarde go na Gado di a ben de ini na bere fu na bigi fisi. — Yona 2:1-9.
6. (a) Sortu eksempre fu begi di abi waarde Yesus ben gi wi? (b) Sortu fondamneti factor wi mu doro fu meki den begi fu wi abi waarde?
6 Bifo Yesus ben teki den twarfu apostel, a ben psa na heri neti na ini begi sodati na teki di a ben o teki den de ini akruderi nanga a wani fu en Tata (Lukas 6:12-16). Dan wi abi ooktu ete na begi di abi waarde èn di tanapu na ini Yohannes kapitel 17 di Yesus ben taki ini a neti di den ben tori en. Ala den begi disi e kotoigi tapu wan bun fasi taki den sma di ben taki den ben de ini wan tumsi moi matifasi nanga Yehovah Gado. Degedege no do na ini, disi mu de ooktu ini wi geval wan fondamenti vereiste gi begi di abi waarde. Èn den begi fu wi kan abi „furu krakti” na ’Yehovah Gado efu den de nanga faya èn abi waarde. — Yakobus 5:16, Willibrordvertaling.
Fowtu fu libisma onvolmaaktifasi ede
7. Sortu aksi wi ben kan aksi wisrefi ini a tori fu den begi fu wi?
7 Soleki wi ben taki kibi, dan seker wi sa meki wi begi spesrutu de nanga faya èn abi waarde te wi de na ondro muilek omstandigheden. Ma fa a de nanga wi aladei begi? Den e sori taki na mindri wi nanga wi hemel Tata, Yehovah Gado wan waran èn krosbei banti de? Nanga leti sma ben taki: „Begi mu abi wan sani fu taki gi wi efu den wani abi wan sani fu taki gi Gado.” Wi e poti prakseri di fiti na wi begi èn e ondrosuku dati den e komopo trutru fu wi agersi ati?
8. Sortu swakifasi di e kon fu libisma onvolmaaktifasi ben kan sori den srefi ini wi begi?
8 A kan kon makriki so fara dati den begi fu wi go a baka na ini den fasi disi. Fu den onvolmaakti firi fu wi di wi kisi meki na ati fu wi kan kori wi makriki, sodati den begi fu wi e lasi na bun waarde di a mu abi (Yeremia 17:9). Kande wi e kon si dati efu wi no teki a ten fu go denki bifo wi go ini begi — san de mogelek na ini moro furu geval — den begi fu wi e sori na fasi fu de leki wan machin, sori taki a de asrefi leki wan sleur. Ofu wi e taki ini wi begi kande alaten asrefi sani, san e meki wi denki na san Yesus ben taki fu den onyoistifasi tapu san ’den sma fu den natie e begi’ (Matthéus 6:7, 8). Ofu wi e hori wisrefi na ini a begi soso nanga algemeen sani bezig na presi fu spesrutu afersi ofu sma.
9. Sortu tra trapu ini a tori fu wi begi ben sa kan kon na tapu wi pasi èn san mu de sondro degedege wan rede fu disi?
9 Wanwantron wi e firi dati wi e taki esesi den begi fu wi fu kaba. Ma a kommentaar di e kon now de wan moi wan: „Efu yu abi en tumsi druk fu begi, dan yu abi en trutru tumsi druk.” Wi no mu wani fu leri bepaalde wortu ini wi ede di wi e taki alaten baka te wi e begi; ooktu a no afu de gi wan kotoigi fu Yehovah fanowdu dati a leisi en begi fu sma yere, soleki fu eksempre tapu wan publiki konmakandra. Sondro degedege na oorzaak kan de dati ala den trapu disi de tapu wi pasi ini disi, èn disi de fu wan pisi so, dati wi no kan si nanga wi letterlek ai Yehovah Gado na sma na suma wi e begi. Ma wi no kan fruwakti dati den sortu begi disi de switi gi en èn ooktu den no sa tyari bun kon gi wi.
Wini den fowtu
10. (a) Sortu houding ben sa sori dati wi e frustan krinkrin o prenspari begi de? (b) Fu sortu geval na ini bijbel den e poti wi prakseri?
10 Omoro wi e warderi wi aladei begi èn omoro tranga na matifasi nanga wi hemel Tata de, omoro betre wi sa teki a prakseri den trapu di kari dya a fesi. Sowan warderi sa yepi wi fu hori a prakseri dati wi begi no mu taki esesi fu kaba neleki moro prenspari sani de nanga san wi mu go hori wisrefi bezig. Noti kan de moro prenspari leki fu taki nanga na Universele suverein Yehovah Gado. A de tru dati okasi de pe ten skotu. Di fu eksempre kownoe Artaxerxes ben aksi Nehemia leki a man di ben kanti win gi en: „San na a sani di yu e pruberi fu mu psa?” Dan Nehemia ben begi wantewante na a Gado fu hemel’ (Nehemia 2:4). Fudi a kownu ben fruwakti wan piki wantewante, meki Nehemia no ben kan seni wan langa begi go na Gado. Ma wi kan de seker fu en dati a ben de wan begi di ben abi waarde èn dati a ben komopo fu en ati, bika Yehovah ben yere a begi wantewante. (Nehemia 2:5, 6). Ma boiti fu den sortu aparti okasi disi, dan wi mu teki na ten gi den begi fu wi èn meki tra sani wakti. Efu wi abi na firi fu taki den begi fu wi esesi, dan wi no e frustan krinkrin o prenspari begi de.
11. Tapu sortu tra trapu wi mu hori ai, èn sortu tumsi moi eksempre Yesus ben gi ini a tori disi?
11 Ete wan trapu di wi mu koti pasi gi en kande, de na taki baka alaten fu algemeen sani. Den sortu begi disi e meki kon a krin dati wan sma no e gi na yoisti waarde na a diri grani fu begi. Yesus ben gi wi na ini na Wi Tata begi wan tumsi moi eksempre na ini a tori disi. A ben taki fu seibi aparti sani di un kan aksi: dri di e handri fu a wini fu regtvaardikifasi, wan di abi fu du nanga wi aladei fanowdu fu skin èn dri di abi fu du nanga wi yeye tan bun. — Matthéus 6:9-13.
12. Sortu moi eksempre ini a tori fu de specifiek na ini wi begi Paulus ben gi?
12 Ooktu na apostel Paulus ben gi wi wan tumsi moi eksempel ini disi. A ben aksi tra sma fu begi gi en ’sodati a ben kan kisi na koni fu taki fri èn sondro frede’ (Efese 6:18-20). A ben de na ini en eigi begi fu na bun fu tra sma net so specifiek. „Disi mi e tan begi,” Paulus ben taki, „dati a lobi fu yu mag kon moro furu psa marki nanga soifri sabi nanga a koni foe si sani krinkrin, sodati yu kan kon si san a den moro prenspari sani, sodati te na a dei fu Kristus yu kan de sondro fowtu èn no sa meki trawan naki futu fadon, èn mag kon furu nanga na froktu fu regtvaardikifasi, di de nanga ypei fu Yesus Kristus, fu na grani èn prijse fu Gado.” — Filipi 1:9-11.
13. Fa wi kan seni begi di abi waarde go na Gado ini a tori fu den difrenti sortu fu dienst di wi mu du gi Yehovah?
13 Iya, ini den begi fu wi wi mu de specifiek èn disi e meki a de fanowdoe dati wi go prakseri dipi fu den begi fu wi. (Teki gersi nanga Odo 15:28.) Ini a ten di wi de na ini velddienst, no wawan wi ben sa kan aksi Gado fu blesi den muiti fu wi ma aksi en ooktu efu a kan gi wi koni, tact, boenati èn fri fu taki sondro frede ofu a wani yepi wi fu kakafutu gi sortu swakifasi ooktu di ben sa kan meki dati wi no ben sa gi kotoigi so bun. Wi no ben sa kan aksi Gado boiti dati fu tyari wi go na den sma di e angri èn e abi dreiwatra fu regtvaardikifasi? Let bifo wi e hori wan publiki taki ofu e du a pisi fu wi fu wan aandeel tapu wan dienst komakandra ofu na theokratis diniwrokoskoro wi kan aksi Yehovah ofu a wani meki en santa yeye de furu na ini wi. Fu san-ede? Sodati wi kan abi fertrow nanga inisei korostu fasi èn nanga seryusu fasi èn overtoigi mag taki fu gi Gado nen grani èn bow wi brada nanga sisa. Ala den sortu begi disi e meki ooktu dati wi abi na yoisti yeye fasi te wi e taki.
14. San mu de na fasi fa wi na ini a tori fu skin swakifasi di de muilek fu wini?
14 Wi abi wan skin swakifasi di e feti tege wi yeye fasi èn di gersi taki wi kan wini en muilek? Dan wi mu poti aparti prakseri a tapu na ini begi. Èn seker wi no mu meki wi lasi ati ma na presi fu dati no weri noiti fu aksi Gado nanga sakafasi èn nanga tranga ofu a wani yepi wi èn wani gi wi pardon. Iya, ondro den sortu omstandigheden disi wi nanga ala prisiri wani go na Yehovah leki wan pikin di e go na en Tata te a de ini muilekheid, o furutron den begi fu wi na Gado de ooktu fu a srefi swakifasi. Efu wi de opregti, dan Yehovah kan gi wi yepi èn na frustan dati a gi wi pardon. Ondro den omstandigheden disi wi kan feni trowstu ooktu fu na eerlijk sani di na apostel Paulus ben taki dati ooktu en ben feti nanga problema. — Romeini 7:21-25.
Yepi-sani fu seni begi go na Gado di wani taki wan sani
15. Sortu tra yeyefasi wi mu go nanga en na Yehovah Gado ini begi?
15 Efu den begi fu wi trutru wani de nanga waarde dan wi mu pruberi fu puru ala sani di fu dorosé e kon na tapu wi yeye èn poti wi prakseri tapu a tru tori dati wi e kon ini na denoya fu a bigi Gado, Yehovah. Wi mu go na en nanga wan fasi di e sori na dipi respeki, nanga a frustan o bigi a de. Soleki Yehovah ben taigi Mozes dan nowan sma kan si Gado èn tan ete a libi. (Exodus 33:20). Sobun nanga di fiti èn nanga bescheiden fasi wi mu kon na Yehovah, wan sani di ooktu Yesus ben poti krakti na tapu ini en agersitori fu na Fariseiman èn a belastingman (Micha 6:8; Lukas 18:9-14). Yehovah mu de wan trutru sma gi wi. Wi mu abi na srefi yeye fasi leki Mozes. „A ben tan stanvastig net leki a ben si a wan di no de fu si” (Hebrewsma 11:27). Den sortu eigi fasi disi e kotoigi dati wi abi wan bun maifasi nanga wi hemel tata.
16. Sortu rol wi ati e prei ini a taki fu begi di abi waarde?
16 Den begi fu wi sa abi ooktu waarde efu wi go a Yehovah nanga wan ati di furu nanga lobi èn firi gi en. Fa na psalmsingiman David fu eksempre ben ferteri fu waarderi gi Yehovah Gado èn lobi gi en ini Psalm 23 èn 103! Sondro degedege a ben de so dati David ben de ini wan tumsi moi matifasi nanga en Bigi Herder, Yehovah Gado. Tapu na theokratis diniwroko skoro wi e kisi na rai fu taki nanga waran èn nanga firi. Disi musu de spesrutu so te wi e leisi a bijbel èn srefi moro ete te wi e taki nanga wi hemel Tata. Iya, wi wani denki net so fu a tori leki David di a ben begi: „Meki yu pasi bekenti na mi o Yehovah; leri mi yú pasi. Meki mi waka ini waarheid èn leri mi, bika yu na mi Gado fu ferlusu.” Ooktu den wortu di e kon now fu wan tra psalmsingiman de wan graadmeter gi den firi di wi mu abi: „Mi ben kari nanga mi heri ati. Piki mi, o Yehovah.” — Psalm 25:4, 5; 119:145.
17. Fa wi kan sorgu dati ini wi begi wi no e taki alaten baka den srefi sani?
17 Fu sorgu dati den begi fu wi tan abi waarde èn tan farawe fu wi fadon na ini a gwenti fu taki densrefi sani baka dan wi e du bun fu abi difrenti ini den prakseri di wi e tyari kon a fesi. Na bijbeltekst gi na dé dati ofu wan kristen publikatie di wi ben leisi, kan ypei wi fu abi wan prakseri. Wi kan teki dati puru ooktu fu na thema fu na Wachttoren di wi e studeri, ofu fu na publiki taki, ofu fu wan moro bigi komakandra ofu na kongres di wi e fisiti.
18. San wi kan du fu meki den begi fu wi wani taki moro akruderi san na bijbel e taki èn den eksempre di wi e kisi na ini?
18 Fu kan yepi wi fu kon moro na ini wan sfeer fu begi, dan a de bun fu teki wan tra houding gi na skin. Na ini na ten fu begi na publiki wi e boigi èn dati no de fu taki wi ede. Na ini a geval fu begi di de moro fu persoonlek aard, dan son sma sa feni en bun fu kindi na fesi fu Yehovah te den persoonlek ofu leki oso-famiri e begi na en, fu di den feni dati na houding dati e yepi fu de ini wan sakafasi yeyefasi. „O kon, meki wi anbegi èn boigi wi kindi. Meki wi kindi gi Yehovah wi Mekiman.” Na so Psalm 95:6 e gi wi dek’ati. Salomo ben kindi di na a ten fu na okasi fu wèi na tempel fu Yehovah ben seni en begi go na Gado, èn Daniël ben meki en wan gwenti fu kindi te a ben e begi. — 2 Kronieken 6:13; Daniël 6:10.
19. Sortu tru tori den sma ben sa kan abi bun ini prakseri di a frantwortu de tapu den fu go ini begi?
19 Te wi luku na prenspari fasi fu begi, dan owruman di den poti fu du wroko mu gebroiki den krutu nanga a koni fu si sani te den aksi wan sma fu begi gi wi. Na dopuman di e teki presi gi na gemeente, mu de wan lepi kristen bedinari. Na begi fu en mu tjari kon na krin dati a abi wan tumsi moi matifasi nanga Gado. Èn den sma di abi na grani fu seni den sortu begi disi go na Gado mu poti prakseri a tapu dati sma kan frustan den, bika den no e begi wawan fu a bun fu den ma ooktu fu na bun fu na heri gemeente. Fa na tra pisi fu na gemeente ben sa kan taki „amen” na a kaba fu na begi? (1 Korinte 14:16). Efu den tra gemeente memre wani fu kan taki wan „amen” di abi waarde dan a no de fu taki dati den mu arki bun èn no meki a prakseri fu den waka go koiri ma fu meki na begi de trutru na eigi begi fu den. Ete wan warskow wortu di ben sa kan poti a tapu de, dati fu di den sortu begi disi e seni go na Gado, den no kan gebroiki den leki wan pardon fu préki gi den arkiman ofu fu taki wantu persoonlek idee.
20. Sortu rai e gi fu di begi di taki tranga fu sma kan yere de leki blesi gi den sma di e arki na den?
20 Te den begi fu wi di taki tranga fu sma yere abi trutru waarde, dan den e gi den sma di e arki wan blesi. Fu di disi de so, meki trowpaar nanga osofamiri ben sa du bun fu hori ibridei wan begi makandra. Ini na begi dati wán sma ben sa kan taki gi wan trawan ofu gi den trawan, soleki na ede fu a famiri, gi na trawan ofu gi den trawan di de.
21. San de moro fara warti fu wi luku ini a tori fu begi di wani taki wan sani?
21 Efu wi wani dati trutru wi begi abi waarde dan ete wan tra afersi de di wi mu de consequent ini a tori fu den begi fu wi. San disi wani taki? Dati wi mu libi ini akruderi nanga wi begi èn dati wi e wroko na den sani fu san wi e begi. A pisi disi fu wi begi wi sa go luku ini a tra artikel.
Fa na piki fu yu de?
◻ San na wantu begi di abi waarde èn di skrifi na ini bijbel?
◻ Fa den begi fu wi fu libisma onvolmaaktifasi ede ben kan sori swakifasi?
◻ Fa wi kan wini wantu swakifasi na ini wi begi?
◻ San na wantu yepi-sani di wi abi fu seni begi go di abi waarde?