Kownukondre preikiman e ferteri

Jehovah e blesi den sma na Cyprus di e kibri den soifri retifasi

JESUS ben taigi en bakaman: „Efu den ben ferfolgu mi, dan den sa ferfolgu unu tu” (Yohannes 15:20). „No wan enkri fetisani di meki teige yu, sa abi winimarki” (Yesaya 54:17). Den taki disi ala tu sori taki den de tru tapu Cyprus, pe Kotoigi fu Yehovah di e kibri den soifri-reti-fasi èn di de druk bezig nanga na preiki fu na bun nyunsu.

◻ „Na Griki-Orthodoxe Kerki de actief srefsrefi ini na muiti fu en fu nyan a wroko fu wi na ondro”, na tori fu na kondre dati e ferteri. „Den priesters e prati tractaat na ini san den e gi wi fowtu fu ala sortu sani èn e taigi den sma fu no abi takmakandra nanga Yehovah Kotoigi. Den e go fisiti srefi sma di e studeri a bijbel nanga Yehovah Kotoigi èn e pruberi fu den lasi ati. Ini Pafos wan priester-theoloog ben pruberi fu overtoigi dri difrenti sma dati den no musu studeri a bij bel moro langa nanga Yehovah Kotoigi. Na difrenti okasi ibriwan fu den dri sma disi ben kari wan brada fu taki nanga na theoloog disi. Koloku dati den ala dri disi de now actief nanga Yehovah organisatie.” Disi ben tergi na priester di ben taki: „Mi no de van plan fu taki oiti moro ete nanga Yehovah Kotoigi.” Son priester go srefi so fara dati den ben naki wantu brada di ben teki prati na a preikiwroko. Ma gewoonljk den muiti disi fu den kerki leriman ben abi wan heri tra bakapisi, èn now moro furu sma e teki a sei fu Yehovah.

◻ Na tra ondrofenitori fu Cyprus e sori dati na kibri fu wi soifri-retifasi ondro gens e tyari blesi kon. Na man fu wan uma ben dede ini na oorlog fu 1974 sodati na uma e tan en wawan na baka nanga na sorgu fu wan pikin umapikin. Na vrouw ben trow baka. Fudi a ben mandi fu na hoigrifasi fu den kerkileriman èn fu na onzekerfasi fu a ten di e kon, meki a ben agri ini wan bijbelstudie nanga Yehovah Kotoigi. A ben go es’esi a fesi èn ben bigin ferteri en osofamiri fu den bun sani di a ben leri. Ne gens ben opo ede kon. A moro bigi tesi ben kon di na di fu tinnafeifi umapikin ben taki: „Mi lasi mi papa èn efu yu no libi na studi nanga Yehovah Kotoigi, dan mi sa erken yu moro langa leki mi mama.” Toku na uma ben tan studeri.

Tapu wan bun dei na meisje ben go fisiti wan mati ini at’oso. Na sikiman ini na bedi na sei en ben kisi fisiti fu wan Kotoigi, wan famariman fu en, di wan priester ben kon luku asrefi patiënt. Wan takmakandra kon a mindri na brada nanga na priester. A brada ben de tiri èn tactvol aladi a ben gebroiki en bijbel fu su sori san a e bribi. Na priester na a tra sei ben de faya fu feti. Na meisje ben luku a sani èn ben kon ondro na indruk fu na switifasi fu na brada èn dati a ben gebroiki en bijbel. Nasrefi neti di na brada nanga en uma ben kon na en mama fu gi bijbelstudie, a meisje ben ferteri san ben psa ini na at’oso èn ben aksi den: „Yu ben sa kan studeri nanga mi?” Now a meisje e studeri tutron ini wan wiki èn en kwekipapa e studeri. Na mama de now wan dopu preikiman.