„Sori taki yu de nanga tangi”
„Meki . . . na vrede fu na Kristus de na ini yu ati . . . Èn sori taki yu de nanga tangi.” — KOLOSSE 3:15.
1. Kristensma mu kibri densrefi fu sortu sani na ini na grontapu disi di de sondro tangi?
NA DI FU twenti yarhondro disi di de nanga bruya ben doro na marki dati furu sma ben frigiti dati wan sani de ete leki grantangi. Nanga ibri yari di e psa, dan moro mendri yu e yere den wortu fu warderi soleki „nanga ala prisiri” nanga „grantangi”. De sondro tangi tron wan pisi fu na „loktu”, na gridi yeye di e basi den sma fu na grontapu disi (Efese 2:1, 2). Aladi kristensma „no de wan pisi fu na grontapu”, toku den mu libi na ini solanga na disiten seti fu sani de (Yoh. 17:11, 16). Den mu luku bun fu dat’ede dati den no teki na yeye disi fu de sondro tangi abra èn meki den grantangi kon swaki.
2. (a) San na wantu fasi fa Yehovah dienstknegti ben sa kan sori grantangi gi en? (b) San de moro fanowdu ete leki soso fu taki nanga mofo dati wi de grantangi?
2 Na ini takmakandra nanga kompe bribiman, dan warderi gi Gado bunfasi nofotron sa tyari kon a fesi. A moro bigi pisi fu den kristen di gi densrefi abra, e taki den hemel Tata, Yehovah grantangi, kande seiker moro leki wantron ini wan dei, dati wani taki na ini den persoonlek begi fu den. Grantangi e tyari kon ooktu na fesi na ini begi na ini na gemeente èn te den e singi tapu kristen komakandra kownukondre singi. A no de fu taki dati a de wan makriki sani fu gi grantangi na ini wortu. Na apostel Paulus ben gi en brada na ini Kolosse dek’ati no wawan fu taki den de grantangi ma fu sori ofu fu demonstreer ooktu ini den aladei libi taki den de grantangi. A ben skrifi: „Meki. . . na vrede fu Kristus de na ini yu ati, bika te yu luku en bun na fu dati den ben kari yu kon na ini wán skin. Èn sori taki yu de grantangi.” — Kolosse 3:15.
Reide psa marki fu de grantangi
3. Fu san-ede wi alamala mu de Gado grantangi?
3 Ibri libi sili abi reide fu de grantangi. Na moro prenspari reide de dati wi e libi, bika ala san wi abi ofu san wi abi na prakseri Fu du, wantronwantron sa de sondro waarde efu wi lasi wi libi. Na psalmsingiman David ben gi dek’ati na ala sma fu no frigiti noiti dati ’na [Yehovah Gado] na a fonten fu na libi’ (Psalm 36:9). Èn na apostel Paulus ben memre den man fu Athene na a srefi tego waarheid na ini en taki tapu na Areópagus (Tori fu den Apostel 17:28). Iya, soso kaba fu libi e gi wi ala reide fu de grantangi. Èn wi warderi kon moro dipi te wi e prakseri sortu mogelijkheid Gado e gi wi — den senwe fu na tesi, fu firi sani, fu smeri, fu si èn fu yere — sodati wi kan nyan switi fu na libi èn den moi sani di meki.
4. San sa kibri wi fu si den blesi fu na libi leki wan sani di e kon fu densrefi?
4 Toku furu sma e si den bun sani disi leki den kon fu densrefi. Pas te fu eksempre den no man si ofu yere moro dan furu sma e bigin fu ferstan sortu blesi den ben e feni so gewoon di den ben de gosontu ete. Kristensma di gi den libi abra doronomo mu luku bun fu no grati gwe ini sowan mankeri fu abi warderi. Den mu wroko tranga na en fu kibri nasrefi fasi fu de grantangi leki na psalmsingiman ben sori di a ben taki: „Furu sani yu ben du, o Yehovah, mi Gado, iya, den wroko fu yu èn yu prakseri na wi; nowan sma wi kan teki gersi nanga yu. Efu wi ben sa wani fu ferteri ofu fu taki fu den, den kon de tumsi furu fu ferteri fu den.” — Psalm 40:5.
5. Sortu syenpasi Israël ben waka aladi den ben kisi ekstra blesi fu Yehovah?
5 Na di fu 106 Psalm e taki syatu na ini wan poëma fu den makti wroko di Yehovah ben du gi en pipel Israël. Den bemui di Gado ben bemui nanga den ben kon a tapu ete na a bunfasi èn den normaal blesi fu na libi di e gi na a libisma famiri ini algemeen. Aladi den winimarki disi de, na so na psalmsingiman e taki, toku den Israëlsma e tan fu no sori warderi gi den aparti blesi fu den. Vers 13 e taki: „Es’esi kaba den ben frigiti en wroko; den no ben wakti tapu en rai.” Nono, a no ben de na a lon psa fu na ten dati safrisafri na grantangi fu den ben kon moro mendri, sodati tintin yari a baka den no ben kan memre moro san Gado ben du gi den. Na presi fu dati den ben frigiti en es’esi kaba — ini wantu wiki baka di Yehovah ben du aparti wondru gi den na a Redi Se (Exodus 16:1-3). A wan sari sani fu taki dati na ini sani di psa bakaten ben kon a fesi dati a de sondro tangi, ben de wan fasti patron ini a libi fu den.
Fa fu sori grantangi
6. Fu san-ede na vereiste fu na gi fu den tiende no ben de wan hebi sani di den ben aksi fu den?
6 Te ini den moro finifini pisi Yehovah ben gi dri aparti fasi fa den Israëlsma ben mu sori trutru warderi gi en bunfasi. Wán fasi ben de na vereiste fu hori den tiende fudi den ben o gi Yehovah a di fu tin pisi di a gron ben meki èn fu ala libi meti (Levitikus 27:30-32). Disi no ben sa de wan hebi sani di ben aksi, bika Gado ben abi na frantwortu fu na son, den fatu gron fu prani, na alen èn na wondru fu a gro fu sani. Fudi wan tiende na den priester ini Yehovah santa presi, ben de sobun wan praktis sori fu grantangi na Yehovah srefi.
7. (a) Sortu bigi difrenti ben de a mindri a gi fu den tiende èn na gi fu bijdrage na Yehovah? (b) San den Israëlsma fu a fasi disi ben kan sori fu densrefi?
7 Wan tra vereiste ben de na gi fu bijdrage na Gado te na hoeveelheid ben bepaal nanga na ati-toestand fu ibri aparti Israëlsma. Aladi finifini den no ben taki fu omeni a ben go, toku a ben mu de bijdrage fu den fosi sani — den fosiwan fu na karu, na win èn na wol fu den pikin meti (Numeri 15:17-21; Deuteronomium 18:4). Boiti fu dati Yehovah ben poti dati en pipel ’no ben mag gi nanga draidrai’ èn ben mu gi „na moro bun wan fu den fosi lepi froktu” (Exodus 22:29; 23:19). Disi ben gi den Israëlsma okasi fu sori na grantangi fu den gi Yehovah tapu wan fasi di ben de fu si èn firi. Den ben kan sori na dipi fu na grantangi fu den nanga na hoeveelheid fu den bijdrage fu den. Den ben sa gi soso wán bosu droifi? Ofu wan ati di lobi fu gi sani ben sa buweigi den fu gi wan heri manki furu? Na so ibri sma ofu ibri osofamiri ben kan sori ensrefi komoto fu en ati en grantangi.
8. (a) Sortu tu winimarki na seti fu na nalezing ben tyari kon? (b) Fa na lobi fu gi sani nanga grantangi ben kan sori fu na sei fu ala sma di ben de na ini na seti fu na nalezing?
8 Na di fu dri aparti fasi fu sori grantangi, ben abi fu du nanga a seti fu Gado fu na nalezing. Na ini a ten fu na koti fu nyanyan dan pisi fu na gron ben mu tan sondro fu koti, spesrutu gi den mofinawan. No wawan dati disi ben leri den Israëlsma fu sori firi èn hori den pôtiwan na ini prakseri, ma ben meki ooktu dati den disi no ben a fu tan a libi fu wakti tapu san sma e gi sondro fu du wan sani srefi fu dati èn dati ben sa broko den saka (Levitikus 19:9, 10). Omeni precies mu ben libi a baka gi den mofinawan, no ben taki finifini. Ma efu den Israël buru ben sori wan yeye fu lobi fu gi sani fudi den ben libi bun furu tanapu na sei den lanki fu den gron fu den èn sori na sofasi bunati gi den potiwan, dan den ben sa kisi glori na Gado (Odo 14:31). Densrefi ben kan sori ofu den kan libi wan smara ofu wan bradi pisi pe nyanyan no ben koti puru fu en. Ma Gado ben sori go furu na ini a sei fu lobi fu gi sani fudi a ben poti na reglementi dati wan bosu di den ben frigiti ofu froktu di ben libi na wan bon ofu droifi-bon ben sa mu de gi den sma di ben e du na nalezing (Deuteronomium 24:19-22). Dan den sma di ben go piki a nyanyan ben kan sori fu den sei baka dati den ben de grantangi na Yehovah fu na seti disi fudi den ben sa gi na di fu tin pisi fu san den ben piki leki wan bijdrage na en presi fu anbegi.
Lobi fu gi sani di komoto fu na ati
9. Fu san-ede den sma di ben e sori wan gridifasi, ben e du ogri na densrefi te yu luku en bun?
9 Te den Israëlsma ben kan gi royaal bijdrage, dan Yehovah blesi ben de tapu den oso. (Teki gersi nanga Ezechiël 44:30; Maleachi 3:10.) Aladi koti fu nyanyan ben de pasa marki, toku den ben libi na wan sei fu gi bijdrage. Dan nanga yepi fu kownu ofu profeiti Yehovah ben meki gebroiki fu fermane fu wiki baka a grantangi fu den. Te yu luku en bun dan den gridi Israëlsma ben de den sma di ben go na baka, bika Yehovah no ben kan gi wan blesi na den sma di ben libi na baka fu gi bidrage di ben abi fu du nanga en anbegi ofu di ben de gi den pôtiwan.
10. (a) San ben de den prisiri bakapisi fu Kownu Hizkía fermane ini a tori fu grantangi? (b) Den toestand disi ben de sani di ben mu tan?
10 Na wan bepaalde okasi den fermane fu kownu Hizkía ben abi leki bakapisi wan prisiri fu wan fodei- fesa na ini Yerusalem. Den sma ben ondrofeni wan yeye kon a libi. Fosi den pori ala sani di ben abi fu du nanga a dini fu kruktu gado èn bakadati „den ben go ipi ipi tapu ipi. Di Hizkía nanga den granman ben kon, èn ben si den ipi den ben blesi Yehovah nanga en pipel Israël” (2 Kronieken 30:1, 21-23; 31:1, 6-8). Ma a pipel baka den sortu wiki kon a libi disi fu wan pisten ben fadon go baka na ini fasi fu de sondro tangi. Te fu kaba wan kaba ben kon na a pasensi fu Gado èn a ben gi pasi taki en pipel ben tyari go na ini katibo na Babylon. Na foto fu den èn a moi tempel ben kisi pori (2 Kronieken 36:17-21). Bakaten baka di den ben kon bun baka, dan na toestand ben kon agen so seryusu taki Yehovah ben teki na gridifasi fu den gersi nanga a fufuru fu en! — Maleachi 3:8.
11. Sortu gronprakseri de fu leri fu na historia fu Israël leki wini gi kristensma na ini a ten disi?
11 Sortu gronprakseri wi kan leri fu na historia fu den Israël sma di ben kenki doronomo? Disi: Solanga na grantangi ben libi tranga na ini den ati, dan nanga bigi prisiri den ben sori disi fudi den ben gi „ipi tapu ipi” na Yehovah. Ma te den ben frigiti na grantangi ofu a ben kon de tapu wan lagi faya, dan praktis noti ben tan abra fu na gi nanga prisiri fu sani na skinfasi. So wan sortu takru yeyefasi ben sa kan kon fu na sei fu kristensma ini a ten disi di gi densrefi abra? Iya, bika den abi te now ete fu du nanga libisma onvolmaaktifasi. O prisiri wi kan de dati Yehovah ben meki en bemui nanga na Israël, skrifi poti, sadati wi di e libi na a kaba fu na seti fu sani disi, kan leri sani fu dati èn nyan bu fu dati! — Romeini 15:4; 1 Korinte 10:11.
12. (a) Fa na pipel fu Gado de now ini sowan sortu situatie leki di fu den Israëlsma? (b) Sortu aksi wi mu aksi wisrefi?
12 Netleki den Israëlsma, na so ooktu Yehovah pipel na ini a ten disi abi furu reide fu de grantangi. Ooktu wi e kisi moro blesi leki wi kompe libisma. Wi sabi te yu e luku en bun furu sani moro fu Yehovah prakseri leki na pipel Israël. Wi ben kon sabi dati Gado de klarklari fu offer en Manpikin èn wi sabi sortu blesi disi sa tyari kon gi den sma di e nyan bun fu na bun-ati fu Gado. Èn ini a ten disi wi abi na grani fu de na ini wan yeye paradijs, bika fu sensi 1919 Yehovah ben meki gi en pipel wan bun bigi yeye kontren. Iya, Yehovah Kotoigi abi furu ekstra reide fu de grantangi. Wi mu aksi wisrefi sobun: O tranga wi grantangi de gi Gado? Èn fa wi kan sori ini a di fu twenti yarhondro disi dati wi de grantangi?
Disiten parallel
13, 14. Aladi kristensma no de na ondro na wet fu Moses, wi kan teki wan parallel komoto fu den tiende?
13 Kristensma no de na ondro a wet fu Mozes di sori fa fu sori grantangi gi Gado (Galacia 3:24, 25). Na „srakti-ofrandi” fu wi fu prijse gi Yehovah de „na froktu fu den mofobuba di e meki en nen bekenti na publiki” (Hebrewsma 13:15). Dati de ooktu na moro prensparifasi fa kristensma di gi densrefi abra kan sori grantangi gi Gado. Ma na den wet di ben go fu tiende bijdrage nanga nalezing tumsi moi parallel wi kan feni na ini.
14 Na gi fu tiende ben abi fu du nanga wan heri aparti hoeveelheid — èn wan sma ben musu fu du dati. Na netso na ini a ten disi aparti gebod de di de gi ala dienstknegti fu Yehovah, ooktu now sondra dati wan sma kan teki a mindri fu den. Wi mu kon geregeld makandra, èn wi mu preiki na publiki na bun nyunsu fu Yehovah Kownukondre èn yepi trawan fu tron disipel fu Kristus. — Hebrewsma 10:24, 25; Mattéus 24:14; 28:19, 20.
15. Sortu sori fu wan ati di lobi gi sani ini a ten disi de wan parallel di teki puru fu den bijdrage èn den seti fu na nalezing ini na owru Israël?
15 Prakseri na gi fu bijdrage èn den seti fu nalezing. Aparti hoeveelheid no ben seti fu dati. Na netso na bijbel no e gi aparti hoeveelheid ten di ibri Kotoigi fu Yehovah mu gi na santa dienst. Omeni ten mu gi na a studeri fu na Wortu fu Gado èn na na preiki gi tra sma, e libi abra na a buweigi fu ati fu wan sma di lobi fu gi èn di no e prakseri ensrefi nomo. Na sofasi libi en na a ati fu ibriwan sma abra o fara a wani gi bijdrage na skinfasi fu meki den kownukondre belang kon na fesi. Na dipi fasi fu grantangi sa bepaal ofu wan dienstknegti fu Gado na ini a ten disi sa tyari kon na inisei „ipi tapu ipi” ofu net dati a nofo (2 Kronieken 31:6). Net soleki fa a ben de na ini a geval fu Israël na so a de dati omoro a sori fu grantangi fu wan sma de psa marki, omoro bigi den blesi sa de di a sa kisi fu Gado.
Fasi fu sori grantangi
16-18. Tapu sortu apartifasi kristensma di gi densrefi abra kan sori taki den de nanga tangi?
16 Wan fu den fasi di de rechtstreeks fu sori Yehovah wi grantangi de fu teki prati na a furutendienst. Na grantangi fu yu bigi nofo fu angri fu dati na ini yu ati? Nanga leti den e taki dati wan pionier te sani e waka bun gi en mu abi fosi na winsi fu dini èn dan den bun omstandigeid. Te na grantangi de tranga, dan wan lostu e wiki kon na ini wan ati di abi warderi fu dini Yehovah moro bun. Disi e sori fa yu e firi? Awinsi yu disiten omstandigheid no e gi pasi dati yu abi wan prati na a furutendienst, dati no abi fu kiri na pionieryeye. Nanga yu heri ati yu kan gi yepi èn dek’ati na den pionier.
17 Efu tapu a momenti yu no kan pionier, dan na ten yu kan de wan yepi pionier? Ibri yari spesrutu pisten kristen gemeente e kisi dek’ati fu du moro leki gewoon activiteit leki na ini na preikiwroko. dreiten mun fu eksempre de spesrutu bun gi furu sma èn na ini oktober na ekstra activiteit de makandra nanga na abonnementveldtocht. Ini a tori fu moro ten gi santa dienst na gronprakseri e de dati grantangi e pusu wan sma fu gi sondro gridifasi.
18 Wan tra artifasi fu sori grantangifasi, de fu gi yepi na a theokratis bowprogramma, di e feni presi na a heri grontapu. Na ini furu kondre nyun kownukondre zaal e bow, zaal di de kaba e kon moro bigi fudi den kon de tumsi pikin. Nyun kongreshal e bow èn Betheloso nanga drukkerij e kon meki kon moro bigi. Fa a de wan praktis fasi fu sori grantangi gi Yehovah fudi nanga moni ofu nanga wi e gi wan bijdrage na den bowprojekt disi.
Wan tumsi moi eksempre fu na mofina weduwe
19. San e taki morofara nanga yu na ini na bericht fu na mofina weduwe ini na tempel?
19 Wan bijbel eksempre di ala sma sabi fu na sori fu grantangi fudi wan sma e gi na skinfasi nanga en heri ati, de di fu na weduwe fu suma Yesus ben taki fu en (Lukas 21:1-4). A ben musu ferstan dati tu pikin moni di no ben abi furu waarde no ben sa du furu na ini na toestand fu na tempel èn den di ben e dini drape. Ma a no ben luku na a tempel èn den priester di ben e dini drape fu go prakseri na ensrefi: ’Den e libi drape na ondro moro bun omstandigheden leki mi èn na ini wan moro betre oso leki na sakafasi oso fu mi.’ A de tru dati na tempel ben de moro moi èn moro seti. „A ben de nanga tumsi moi ston èn nanga moi sani di ben gi na a tempel” (Lukas 21:5). Ma dati no ben tapu na weduwe fu no gi wan bijdrage. A ben wani sori taki a de grantangi na Yehovah, no na den man di ben e dini na ini na tempel.
20. Fa wi kan sori na srefi yeyefasi di sma kan bewondru leki na pôti weduwe ben sori?
20 Yehovah pipel na ini a ten disi e leri fu na eksempre disi. Netleki na mofina weduwe den sabi dati den bijdrage fu den efu bigi ofu pikin e gi na Gado èn a de gi den wan korostu sani fu sabi dati Yehovah grontapu organisatie meki so dati nowan aparti sma oiti kan gudu ensrefi na monisei. Den faciliteit fu na Genootschap bow èn de ondro ai fu brada fu sreka tranga wrokoman fu nanga wan maximaal resultaat meki bun bijbel nanga bijbel yepisani di de kwaliteit èn fu dini den Kownukondre belang. Disi de wan heri tra sani leki den syen fowtu gebroiki fu presenti di no so langa psa kaba den ben ferteri fu den ini na tori fu son TV-domri.
Fermane fu de grantangi de bun
21, 22. Sortu sani switifasi fermane fu sori taki wi de tangi mu kari kon ini wan ati di abi warderi?
21 Den Israëlsma doronomo ben mu kisi na memre fu a plekti fu den afersi fu Yehovah, spesrutu a fanowdu fu sori wan yeye fu grantangi. Ini algemeen, te den sani disi ben tyari kon na ondro den prakseri, dan na grantangi ben wiki kon baka na ini den ati, Èn disi ben abi leki bakapisi moro leki wortu fu sori na grantangi warderi fu den. Den ben de tyari „ipi tapu ipi” san den ben koti fu gi na Yehovah sodati a ben kan gebroiki dati ini en oso fu a begi.
22 Meki fu dat’ede den sma di de wan pisi fu na disiten „Israël fu Gado” èn den „bigi ipi” fu den kompe fu den abi alaten nasrefi yeyefasi (Galacia 6:16; Openbaring 7:9). Meki na ati fu grantangi fu den buweigi den fu gi „ipi tapu ipi” prijse na Yehovah. Dan den kan taki ini waarheid: „Wi e sori taki wi de grantangi na wi lobi Gado Yehovah di lobi fu gi sma sani.”
Yu e memre disi ete?
◻ Fu san-ede kristen doronomo mu ondrosuku na marki fu na grantangi fu den?
◻ Fu san-ede Yehovah pipel alaten abi ekstra reide fu de grantangi?
◻ Tapu sortu aparti fasi den Israëlsma ben kan sori den grantangi na Yehovah?
◻ Sortu aparti sani wi kan du fu kan sori wi grantangi netleki den Israëlsma?
◻ San wi kan leri fu na mofina weduwe na ini na tempel?
[Prenki na tapu bladzijde 1]
Den Israëlsma ben sori taki den de grantangi fu di den ben offer tiende nanga fosiwan èn fu di den ben sorgu dati den pôtiwan ben kan go tapu den gron fu koti nyanyan baka te den ben kaba koti.
[Prenki na tapu bladzijde 2]
Na psalmsingiman ben taki Yehovah tangi fu en wondruwroko nanga prakseri gi en pipel
[Prenki na tapu bladzijde 4]
Yehovah Kotoigi na ini a ten disi e sori grantangi fudi den e teki prati na a velddienst èn theocratisch bowproject èn fudi den e gi presenti na skinfasi