Opo na pasi baka di e go na a paradeysi
„[Yeyses] taygi en: ’Fu tru, mi e taygi yu tide: Yu sa de nanga mi na ini na Paradeysi.’” — LUKAS 23:43.
1, 2. (a) San na wortu „paradeysi” wani taki, èn fa na dyari fu Eden ben musu tan? (b) Fa den e poten na Hebrew wortu fu „dyari” abra go ini den kresten Griki Buku?
NA LIBISMASFAMIRI bigin fu libi na wan paradeysi. Fu na tori fu na meki di den meki libisma wi e leysi na ini na fosi buku fu na Santa Buku: „Yehovah Gado ben bigin fu meki libisma komoto fu doti fu na gron èn ben bro libibro na ini en noso-olo, èn libisma ben tron wan libi sili. Moro fara Yehovah Gado ben meki wan dyari na ini Eden, na owstusey, èn drape a ben poti a libisma di a ben meki” (Genesis 2:7, 8). Na nen „Eden” wani taki „prisiri”, èn a dyari fu Eden ben de so bun wan bigi park fu prisiri, nanga furu èn difrenti moy sani.
2 Na wortu „paradeysi” komoto fu na Griki tongo èn ini na tongo dati a wani taki wan park di gersi wan dyari. Na Griki wortu di den e kobroyki fu vertaal ofu fu poti abra na Hebrew zelfstandig naamwortu gan, di wani taki „dyari”, na pa.ra.dei’sos. Den beybribuku Mateyus te go miti Openbaring ben skrifi na ini na Griki tongo, èn na Griki wortu ben kobroyki fu skrifi den wortu di Masra Yeyses ben taki di den ben kiri en na tapu 14 Nisan fu na yari 33 G.T. na tapu Kalfariya na wan pina-udu.
Na pramisi fu Yeyses fu wan paradeysi na wan ogriman
3. (a) San wan ogriman di ben e firi gi Yeyses ben aksi en? (b) San na ogriman ben bribi fu Yeyses, so leki e kon na krin na ini na aksi fu en?
3 Tu ogriman den ben anga na postu na a ten dati na sey Yeyses. Wan fu den ben stòp fu skenpi Yeyses, aladi na di fu tu fufuruman di ben anga na a tra sey fu Yeyses, na a srefi fasi ben tan go doro. Na ogriman di ben firi nanga Yeyses ben dray luku Yeyses èn ben taki: „Yeyses, memre mi te yu kon na ini yu kownukondre”, so taki a ben sori bribi taki Yeyses, aladi a ben anga na sey en, ben bun fu kisi wan kownukondre di ben o kon (Lukas 23:42; Markus 15:32). Fa disi ben musu seki na ati fu Masra Yeyses! Na ogriman dati di ben abi switifasi ben bribi taki Yeyses Krestes no ben du noti ogri èn taki a no ben frudini so wan hebi strafu, namku fu poti en na publiki na wan udu fu kisi syen (Lukas 23:41). A ben sori nanga san a aksi taki a ben bribi taki Yeyses ben sa wiki opo baka fu dede èn ben sa kon na ini wan kownukondre. Na ogriman ben sori so srefi tu taki a ben bribi taki en srefi ben sa kan kisi wan opobaka èn taki Yeyses ben sa de Na Sma di ben sa kari en komoto fu dede èn ben sa gi en nyun libi baka na grontapu.
4. Fa Yeyses ben piki na aksi fu na ogriman, èn san disi ben sori?
4 Di Yeyses ben tayqi en: „Fu tru, mi e taygi yu tide: Yu sa de nanga mi na ini na Paradeysi”, a ben meki kon a krin taki na ogriman disi di ben firi nanga en ben sa kisi wan opobaka. Dati ben musu de wan trutru trowstu gi na ogriman di ben sori bribi. Efu na opobaka fu na man dati ben sa kan feni presi, dan Yeyses ben musu opo baka fosi fu dede. Dan Yeyses ben sa kobroyki en makti di Gado ben gi en fu wiki den dedewan èn ben sa kari na ogriman disi baka komoto fu dede tapu a dey fu na opobaka gi na heri grontapu fu libisma. — Lukas 23:43; Yohanes 5:28, 29; 1 Korente sma 15:20, 23; Hebrew sma 9:15.
5, 6. (a) Sortu wortu Granman Pontius Pilatus ben meki den skrifi tapusey fu na paal pe Yeyses ben anga? (b) Na ini sortu tongo Yeyses ben taki kande nanga na ogriman?
5 Na ini sortu tongo Yeyses ben gi na pramisi disi? Na ini na ten dati difrenti tongo ben e taki drape. Disi e kon a krin fu den wortu di na granman Pontius Pilatus ben meki den poti na tapusey na ede fu Yeyses Krestes di ben anga na wan postu, so taki ala sma di ben waka psa ben kan kon sabi en nanga san ben skrifi. Na tori na ini Yohanes 19:19,20 e taki: „Pilatus ben skrifi so srefi tu wan titel èn ben poti dati tapu na pina-udu. Drape ben skrifi: ’Yeyses na Nasaret sma, na kownu fu den dyu.’ Furu fu den dyu, ben leysi fu dati-ede na titel disi, bika na presi pe Yeyses ben anga na wan postu ben ddon krosibey fu na foto; èn na titel ben skrifi na ini Hebrew tongo, na ini Laten tongo nanga ini Grikitongo.”
6 Nanga a meki di en mma Mariya di ben de wan nyunwenke ben meki en na ini Betlehem dan Yeyses ben de wan koboru dyu ofu Hebrew sma. A de krin fu dati-ede taki a ben preyki na ini na ten fu en dri nanga afu yari diniwroko na ini na kondre pe a ben koboru na ini na dyutongo ofu Hebrew tongo di ben taki na ini na ten dati. Di a ben taki trowstu wortu gi na ogriman di ben firi nanga en a ben taki fu dati-ede seyker na ini Hebrew tongo. So bun, a ben sa kobroyki na Hebrew wortu gan di a ben sori tapu a paradeysi — a wortu di wi e feni na ini Genesis 2:8. Drape na Griki Septuaginta-vertaling fu na Santa Buku e kobroyki na wortu pa.ra.dei’sos leki wan poti abra fu na wortu gan di ben kobroyki bigin bigin.
7. Fa Yeyses ben kisi glori di a ben wiki opo fu dede?
7 Yeyses ben wiki opo baka tapu na di fu dri dey baka di den ben anga en na wan postu tapu 16 Nisan fu na Hebrew kalender. Fotenti dey na baka a ben dray go baka na heymel, en fosi tanpe, soso now na ini wan moro hey toestand (Tori fu den Apostru 5:30, 31; Filipi sma 2:9). A ben kisi now libi sondro fu dede moro, wan eygifasi di a ben abi makandra nanga en heymel Tta. A ben de Yehovah Gado wwan di ben abi libi sondro fu dede moro te nanga na opobaka fu Yeyses komoto fu dede tapu sonde, 16 Nisan. — Romen 6:9; 1 Timoteyus 6:15, 16.
Na lusuprijs e opa na pasi
8. San ben de Yehovah prakseri biginbigin nanga a grontapu, èn san e sori taki a ben hori na a prakseri dati?
8 Ala disi ben de sani na ini na prakseri fu Gado taki na heri grontapu ben sa de na ini wan moyfasi fu wan paradeysi, wan paradeysi na a heri grontapu lontu (Genesis 1:28; Yesaya 55:10, 11). Na ini 1 Korente sma 15:45 na apostru Paulus e taki fu Yeyses leki „na kriboy Adam”. Nanga disi a e sori taki Gado hori steyfi na en fosi prakseri di a ben abi nanga na grontapu èn taki wan sma sa de di sa meki na prakseri di na fosi Adam no ben du, kon tru.
9. Fu san Yeyses ben sorgu fu opo na pasi go baka na a paradeysi?
9 Leki fa Paulus taki dan Yeyses ben sorgu fu „wan srefi sortu lusuprèys gi ala sma” (1 Timoteyus 2:6). Yeyses Krestes srefi ben taki: „Neleki fa na manplkin fu libisma no ben kon fu sma dini en, ma fu en dini sma èn fu gi en sili leki wan lusuprèys ini a presi fu furu sma.” Disi e meki en gi den sma di e sori bribi na ini Yeyses Krestes taki den man fu kisi têgo libl. — Mateyus 20:28; Yohanes 3:16.
10. (a) San Gado ben bepaal ini na tori fu wan skotu nomru fu sma di ben abi en bun ati? (b) Oten a piki puru fu na „pikin ipi” ben bigin, èn suma ben du disi?
10 Di Yeyses ben opo go na heymel baka di a ben opo baka fu dede, dan a ben kan pristeri na frudinste fu en lusu-ofrandi na Gado fu na bun fu na libismafamiri. Ma a ben de na prakseri fu en heymel Tta, Yehovah Gado, fu teki komoto fu den nâsi fu grontapu „wan pipri gi en nen” (Tori fu den Apostru 15:14). Leki fa Openbaring 7:4 nanga 14:1-4 e taki dan na pipri disi sa de soso fu 144.000, na „pikin ipi”, di kisi kari fu go na Gado heymel kownukondre (Lukas 12:32). Na piki puru fu den sma disi, di spesrutu kisi na bun ati fu Yehovah Gado, ben bigin nanga na piki puru fu den twarfu apostru fu Yeyses Krestes (Mateyus 10:2-4; Tori fu den Apostru 1:23-23). Yeyses ben taygi den memre di ben sa de na fondamenti fu en gemeente: „A no unu ben piki mi puru, ma mi ben piki unu puru” (Yohanes 15:16). Den disi ben sa bigin nanga na wroko di ben de na ini na preyki fu na paradeysi di ben o kon na a heri grontapu na ondro na Kownukondre tiri.
Fu san-ede na Kownukondre musu kon
11. Oten na Mesiyas kownukondre ben sa opo?
11 Ini na nen fu Masra Yeyses Krestes wi e tan na ini na ten disi fu begi Yehovah efu En kownukondre mag kon (Mateyus 6:9, 10; Yohanes 14:13, 14). Na Mesiyas kownukondre ben sa opo na a kba fu den „fasti ten fu den nâsi” (Lukas 21:24). Den ten dati fu den heyden ben kon tru na ini 1914.a
12. San ben psa na ini 1914 ini akruderi nanga Yeyses profeytitori di ben go fu den aparti sani di ben sa de wan marki fu en denoya di no de fu si?
12 A yari dati ben abi leki marki na fosi Grontapu Feti na ini na libisma historiya. Disi ben de na ini akruderi nanga Yeyses profeytitori di ben go fu den aparti sani di ben sa de wan marki fu en denoya, di no de fu si ini kownukondre makti na a heri grontapu. En disipri ben poti na aksi gi en: „Taygi wi: Oten den sani disi sa de, èn san sa de na marki fu yu denoya èn fu na bosroyti fu na seti fu sani?” Yeyses ben piki: „Nâsi sa opo teyge nâsi èn kownukondre teyge kownukondre èn na ini wan presi go miti na trawan mankeri fu nnyan èn gronseki sa de. Ala den sani disi de wan bigin fu pen fu banawtu. Èn na bun nyunsu disi fu na kownukondre sa preyki na a heri grontapu leki wan kotoygi gi ala nâsi èn dan na kba sa kon.” — Mateyus 24:3, 7, 8, 14; Markus 13:10.
13. (a) Na ini sortu fasi na preyki fu Gado kownukondre de bun nyunsu? (b) O langa kba sma e begi fu Gado kownukondre kon, èn den kotoygi fu en na grontapu no ben weri noyti fu seni den begi disi go?
13 Na bun nyunsu disi fu Yehovah kownukondre e preyki now na ini moro leki 200 kondre èn muyti e du fu bradi en go na moro kontren ete. A no de wan bun nyunsu fu wan grontapu tiri di musu kon ete, ma fu wan kownukondre di de kba ini makti, di e tiri kba. Na Kownukondre dati ben opo na ini 1914. A ben sreka na pasi gi na kontru fu na begi di Yeyses moro leki 1900 yari psa kba ben gi leki muderi. Na begi dati e seni go kba na a sma di poti na fondamenti fu na Kownukondre dati fu sensi na sma di ben sa de Kownu fu na tiri dati, ben leri en disipri fu begi fu dati. Na Mekiman fu na Kownukondre dati ben yere bun langa kba na begi fu na kownukondre dati. A ben prisiri en fu yere den begi di en kotoygi na grontapu ben seni go na en ini ala den ten dati, bika a ben sori taki den hori tranga na a bribi fu den na ini na kon fu na Kownukondre dati. Den no ben weri fu seni na begi datt gi na „a Tta na ini den heymel” neleki a ben tron wan aladey fruferi sani gi den. — Mateyus 6:9, 10.
14. Fu san-ede Yehovab Kotoygi e tan preyki na bun nyunsu fu na kownukondre?
14 Aladi Yehovah Kotoygi e bribi èn e meki bekenti taki na Kownukondre ben opo na ini 1914 na ini heymel, toku den e tan preyki na bun nyunsu disi fu na Kownukondre. Den e du disi fu di na Kownukondre di opo no teki na heri tiri fu grontapu abra ete, ma gi pasi na den kownukondre fu na grontapu disi fu tan hori den makti èn krakti fu den tapu ala lo nanga ras fu a libismafamiri (Romen 13:1). A musu kon fu dati-ede na ini wan fasi pe a sa wani taki moro furu, dati wani taki leki na tiri di abi en wwan na tiri tapu na heri grontapu. — Danièl 2:44.
15. San e psa fu sensi Penkstri fu 33 G.T., na wan moro bigi fasi leki di den kownu fu Israèl ben kisi salfu?
15 Aladi Yeyses tron Kownu fu na Kownukondre dati, toku a no e tiri en wwan. Yehovah Gado ben poti 144.000 bakaman fu en kownu Manpikin fu de konpe-erfgenaam ini a Mesiyas kownukondre fu Gado (Danièl 7:27). Neleki fa den kownu fu na Israèl fu owruten ben kisi salfu fu na granpristri, na so Yehovah ben meki taki sensi Penkstri na ini 33 G.T. den 144.000 konpe-erfgenaam fu Yeyses Krestes kisi salfu nanga en santa yeye èn a ben wiki den kisi yeye libi na ini heymel nanga na „Kownu fu den kownu èn Masra fu den masra”. — Openbaring 19:16; teki gersi nanga 1 Kownu 1:39.
Na kon bun fu na Paradeysi nanga yepi fu „na kriboy Adam”
16. San ben de a fruwakti tapu a Kownukondre di den ben anga Yeyses na wan postu, èn fu san-ede a no ben preyki wan nyunsu di no ben de yoysti?
16 Di den ben anga Yeyses na a udu na ini 33 G.T., a ben gersi pikinmoro wan sani di no kan taki oyti wan ten a ben sa abi srefi wan kownukondre. Ma na ini en preyki fu na kownukondre fu Gado a no ben preyki wan nyunsu di no ben de yoysti. Tapu na di fu dri dey bakadi den ben anga en na wan udu, na Sma di ben poti a Fondamenti fu na Kownukondre ben sorgu taki den disipri fu Yeyses no ben sa begi fu wan tiri di ben de wan fu den sani di no kan. Yehovah ben wiki na sma komoto fu dede di ben sa teki presi gi En na ini na Kownukondre di sma ben begi fu en, èn ben gi en libi sondro fu dede moro.
17, 18. (a) San a wani taki taki den e kari Yeyses „na kriboy Adam”? (b) San den sani di e psa na grontapu e sori fu sensi 1914?
17 Yeyses ben sabi taki na Mekiman fu na fosi paradeysi na grontapu ben sa poti na fruplekti tapu en fu meki na paradeysi kon baka èn fu hori ay a tapu taki sma libi na a dyari na a heri grontapu. Na ini 1 Korente sma 15:45, 47 wi e leysi: „Na so Buku skrifi: ’Na fosi libisma Adam ben tron wan libi sili. Na kriboy Adam ben tron wan yeye di e gi libi.’ Na fosi libisma ben meki komoto fu grontapu èn fu a doti; na di fu tu libisma komoto fu heymel.” Na di fu tu Adam saka komoto fu heymel kon na gron èn na sma di Yehovah e kobroyki fu meki na paradeysi dya na grontapu. A ben de tapu a gron fu dati taki Masra Yeyses ben taygi na ogriman di ben firi nanga en: „Yu sa de nanga mi na ini na Paradeysi” (Lukas 23:43). Fu na taki makandra disi e kon ete wan tron na fesi taki a paradeysi na grontapu sa kon baka ondro na Kownukondre fu heymel ini anu fu na glori Yeyses Krestes, „na kriboy Adam”.
18 Den sani di e psa na grontapu fu sensi 1914 e kruderi nanga den profeytitori di Yeyses Krestes ben taki fu den èn den e buweysi fu dati-ede taki Yeyes e tiri sensi a ten dati. Moro leki seybi tron tintin yari kba den libisma fu na twenti yarihondro geslakti disi di e libi fu sensi 1914 e ondrofeni na kontru fu sani di Yeyses profeytitori di skrifi na ini Mateyus kapitri 24 taki o psa. Fu dati-ede meki na pisiten disi e doro en kba èn na kon baka fu na paradeysi na grontapu de bun krosibey. — Mateyus 24:32-35; teki gersi nanga Psalm 90:10.
Wan span nyun pisiten gi grontapu de a dromofo
19, 20. (a) Baka Armageddon, na ini san Yehovah sa tyari den sma go di lobi en? (b) San musu psa syatu baka Armageddon?
19 A no sa de wan soy seti fu sani di de eentonig, pe Yehovah sa tyari den sma di lobi en go na ini baka di a ben poti tapu na fetigron fu Armageddon en universele soevereiniteit reti sondro fu degedege. Na pisiten di e kon gi na libismafamiri ondro na bun tiri fu na Mesiyas kownu, Yeyses, na manpikin fu Gado, sa de trutru wan span sani. Ow, fa libisma sa du bun furu sani! Ala problema di tan abra kande tapu na fesi fu grontapu fu na feti na a grontapu a mindri Yehovah heymel legre èn den krakti di bondru kon na wan sa puru a pasi. No wan pisi fu en sa tan abra.
20 Ma fa a de nanga ala den fetisani di den nâsi sa libi a baka? Nanga ini prakseri na agersi nen fu na pisiten di sa abi fu du nanga en fu puru den pisi fu en di yu kan bron, meki den hoeveelheid sa de kofarlek bigi (Eseykièl 39:8-10). Den sma di kande psa Armageddon libilibi sa man fu kobroyki den materiaal di tan abra fu den fetisani fu den nâsi gi bun sani. — Yesaya 2:2-4.
21. Na fesi fu sortu situwâsi, di de leki san den sma di ben psa na Frudu ben miti den sma di sa psa Armageddon sa kon tanapu a fesi, ma nanga sortu bigi difrenti?
21 Den blesi eksenpre fu disiten di e kruderi nanga Noa nanga en osofamiri, di nanga yepi fu wan wondru ben psa libilibi na frudu di ben kon na grontapu, sa kon tanapu na fesi wan grontapu situwâsi di yu kan teki gersi nanga san miti Noa osofamiri. Soso a sa de so taki Satan Ddibri nanga en ogri yeye krakti no moro langa sa de leki wan kofar gi na heymel di wi no e si èn di lontu grontapu ma di ini na pisiten fu tin yarihondro sa poti na wan sey krinkrin (Openbaring 20:1-3). Den sma di o psa Armageddon libilibi sa kon tanapu na fesi na tyalansi fu poti wan grontapu di psa „na bigi dey fu Gado, na Almaktiwan” na den ondro, awinsi sortu krakti disi abi tapu na planeet disi. — Openbaring 16:14.
22. Fa den sma di sa psa Armageddon libilibi sa du tapu na tyalansi fu bradi na paradeysi go na a heri grontapu?
22 Fu di den sma di psa na feti fu Armageddon libilibi de pikinso ini nomru te yu teki den gersi nanga tra sani, dan normaal yu kan fruwakti taki den ben sa feni en wan skreki sani fu kisi na bigi wroko fu bradi na paradeysi go na a heri grontapu. Ma na a tra sey, nanga furu faya den sa bigin nanga deki-ati èn gi yesi. Den e frustan krinkrin taki na grontapu disi de na agersi futubangi fu Gado, èn den abi na opregti winsi fu tyari na grontapubol disi kon ini wan toestand fu moyfasi di e meki a planeet disi tron wan warti presi gi en futu.
23. Sortu yepi den sma di sa psa Armageddon sa abi fu dyaranti taki a wroko fu den fu meki a paradeysi kon baka sa waka bun?
23 A wan prisiri sani di e gi deki-ati fu si taki den no sa libi den wwan èn sondro yepi, baka di den bigin na prisiri wroko disi leki wan kontru fu na komando fu Gado ini a tori fu na grontapu. (Teki gersi nanga Yesaya 65:17, 21-24.) Den sa abi na heri yepi sondro skotu fu na Sma di ben gi na pramisi fu a paradeysi di o kon baka èn di na a dey di a opo go na heymel ben taki: „Ala makti na ini heymel èn grontapu na fu mi” (Mateyus 28:18). A abi na makti dati te now ete, èn a man fu meki na aparti pramisi di a ben gi na a ogriman di ben firi nanga en kon tru, so leki wi sa si na ini na tra artikel.
[Futuwortu]
a Luku fu sabi sani moro fini na buku „Yu kownukondre musu kon”, di na Watch Tower Bible and Tract Society of New York, Inc., tyari kon na doro, blz. 135-139. Luku so srefi tu Esekièl 21:27.
Aksi fu luku san wi ben leri
◻ Sortu dyaranti na pramisi di Yeyses ben gi na Kalfari wani taki gi libisma nanga gi wán ogriman?
◻ San na a fondamenti fu opo na pasi baka go na a paradeysi?
◻ San na fosi Adam misi fu du, ma san „na kriboy Adam” sa du?
◻ Na ini sortu seti fu sani Yehovah sa tyari den sma go di lobi en baka Armageddon?
[Prenki na tapu bladzijde 23]
Na artikel „Na kba fu ala kownukondre ini 1914” ben kon na ini „The World Magazine” fu 30 augustus 1914