Makti fu tiri fu a sey fu Gado — Na moro bun fasi

NA HISTORIYA fu tirl fu kondre e sori krin taki onvolmaakti libisma no kan sori den makti na wan yoysti fasi tapu tra libisma. So leki na Ingrisi Lord Acton ben taki: „Makti abi na krakti fu pori sani èn makti di wan sma abi en wwan e pori sani krinkrin.” Fu dati-ede meki a beybri e taki: „Na wan libisma ben tiri tapu na tra libisma fu a lasi fu en.” — Preykiman 8:9.

Biginbigin Yehovah Gado ben gi libisma makti fu tiri tapu den meti, ma no tapu tra sma. Gado ben taygi en fosi Manpikin di a ben meki na ini heymel: „Meki wi meki libisma na a prenki fu wi, akruderi fa wi tan, èn meki den abi den fisi fu se èn den mekisani fu heymel di e frey èn den osometi èn na heri grontapu èn ala den meti di e buweygi den srefi na grontapu na den ondro” (Genesis 1:26) Na mekiman fu bisma ben de en Tiriman. Fa dati ben du kenki dan?

Di libisma ben opo en srefi na ini a dyari fu Eden, a ben trowe Gado leki en Tiriman, èn a go doro fu du disi te now ete (Genesis kap. 3). Disi ben kon a krin na ini na owru Israèl, wan nâsi di Gado ben teki leki en eygi nâsi. Di den Israèl sma ben aksi fu kisi wan libisma kownu, Yehovah ben taygi na profeyti Samuwèl: „A no yu den trowe, ma na Mi den trowe, taki mi no sa de kownu tapu den.” — 1 Samuwèl 8:7.

Na makti fu Gado fu tiri tapu den Israèl sma ben de wan bun sani. Nanga a mofo fu a sma di ben teki presi gi en, Moses, Yehovah ben gi den wan weti sistema di na wan lobi fasi ben poti prakseri na tapu na tanbun fu den. A ben kibri den gi furu siki èn a ben gi den tranga fu hori owrusma, den weduwe weysipikin na ini prakseri. Na weti ben aksi respeki gi den gudu fu tra sma èn fu de eerlijk na ini handeltori. A ben krutu partèyfasi, na gi fu falsi kotoygi èn sma di e teki tyuku. Na makti fu Gado fu tiri ben de trutru yoysti nanga regtfardiki.

Yehovah ben pramisi taki a no ben sa tiri Israèl wwan ma na heri libismafamiri. A sa puru fu sondu libisma na makti fu tiri tra sma èn gi en na en wan enkri koboru Manpikin. Gado ben taki fu disi a fesi di a ben taki na ini a profeytitori na ini Eseykièl: „Seyker a no sa tron fu no wan sma te leki en kon di abi na reti a tapu akruderi a wet, Èn mi musu gi dati na en.” — Eseykièl 21:27.

Gado ben gi na Yeyses Krestes na reti akruderi na weti fu tiri na libismafamiri leki a sma di e teki presi gi Yehovah soevereiniteit. Fu di Gado Kownukondre na ini den anu fu Krestes de na moro bun fasi fu tiri na libismafamiri, meki Yeyses ben leri den arkiman fu en fu begi: „Un musu begi so”, Yeyses ben taki: „Wi Tta na ini heymel, yu nen musu de santa, yu kownukondre musu kon. Yu wani musu psa, so leki na ini heymel, so tu na grontapu.” — Mateyus 6:9, 10.

Nanga a fasi fa Yeyses ben handri nanga sma, a ben sori sortu tiriman a ben sa de. Krestes ben abi seyker sari-ati, bika „na a si fu den ipi sma a ben firi sari nanga den, fu di den ben fufuru den èn ben drifi den go-kon leki skapu sondro herder” (Mateyus 9:36). Yeyses ben sori na dipi fu en lobi gi en bakaman di a ben taki: „Mi e gi unu wan nyun kobòt, taki unu lobi makandra, neleki fa mi ben lobi unu, taki so srefi tu unu lobi makandra” (Yohanes 13:34). A ben abi someni lobi gi libisma taki a ben gi en libi leki wan lusuprèys. Na srakti-ofrandi dati e meki den sma di e teki en, kon fri fu sondu, siki èn srefi dede. — 1 Yohanes 2:1, 2; Openbaring 21:1-4.

Di na profeyti Yesaya na ondro krakti fu santa yeye ben taki a fesi taki na tirimakti fu Gado na ini anu fu Yeyses Krestes ben sa de yoysti, regtfardiki nanga na ini vrede, a ben skrifi: „wan Pikin ben koboru gi wi, wan Manpikin wi ben kisi; èn na kownumakti fu tiri sa kon de tapu en skowru. Èn en nen den sa kari: Wondru Rayman, Tranga Gado, Têgo Tta, Vredekownu. Na a kownumakti fu tiri psa marki èn na vrede wan kba no sa kon tapu na kownusturu fu David èn na en kownukondre, fu poti en steyfi èn fu hori baka gi en nanga yepi fu geregteghèyt èn nanga yepi fu regtfardikifasi, fu now te ten di no abi marki. Iya, na faya fu Yehovah fu den legre sa du disi.” — Yesaya 9:6, 7.

Den sma na grontapu di e teki presi gi na makti fu Gado fu tiri, sa de leki den man di e sori now den lobi eygifasi fu Yeyses leki opziener ini na tru kresten gemeente. Kontrari nanga den ogri-ati kerki fesiman meki den man disi, neleki Yeyses Krestes e sori na wan lobi fasi broko-ede gi na ipi. Na profeyti Yesaya ben skrifi fu den sortu man disi di ben gi den srefi na ini na dini fu Gado: „Luku! Wan kownu sa tiri gi soso regtfardikifasi; èn fu na sey fu kownu, den sa tiri leki kownu gi soso geregtighèyt” (Yesaya 32:1). Den sortu sma disi di e teki presi gi a makti fu Gado fu tiri sa dini so srefi tu den belang fu Gado na ini na nyun grontapu. — Psalm 45:16.

Wan bun bigi kenki de krosibey!

Bifo Gado Kownukondre teki na makti fu tiri na tapu a libismafamiri sondro taki wan sma kan puru en, dan wan bun bigi kenki musu feni presi. Nanga na kenki disi wan kba sa kon na pratifasi fu den nâsi. Na presi fu wan bigi nomru fu tiri fu libisma di e strey nanga makandra yu sa abi wán regtfardiki heymel tiri di sa tyari na libismafamiri kon na wan leki wan pipri di e libi ini vrede. Na profeyti Danièl taki disi na fesi nanga den wortu di e kon: „Na ini den dey fu den kownu na Gado fu heymel sa opo wan kownukondre di noyti sa broko. Èn na kownukondre srefi no sa go abra tapu wan tra pipri. A sa maskaderi ala den kownukondre disi èn meki den kon na wan kba, èn srefi a s a tan te ten di no abi marki.” — Danièl 2:44.

Na makti fu Gado fu tiri de na wan enkri lusu gi den problema fu den tiri fu kondre di na libismafamiri abi now fu du nanga den. Na situwâsi pe libisma de now na ini, de wan kofar gi notl moro leki a tan na libi fu en! Èn no wan lusu fu libisma kan tyari wan kenki kon na ini disi. A ben sa de fu dati-ede wan frustan sani, fu poti prakseri na a lusu di beybri e gi èn luku nanga frutrow go na a ten di no de fara moro te reti-ati sma sa prisiri na ondro na blesi tiri fu Gado di no wan sma kan puru.

[Prenki na tapu bladzijde 10]

„Wan kownu sa tiri gi soso regtfardikifasi”