Yeises libi nanga diniwroko

A memre fu a Avondmaal

BAKADI Yeises wasi den futu fu den disipri fu en, a e taki san skrifi ini Psalm 41:9: „En di ben gwenti fu nyan mi brede, opo en baka-iri teige mi.” Ne, fu di a ben kon trubu na ini yeye, a ben fruklari: „Wan fu unu sa tori mi.”

Den apostru bigin fu sari èn wan fruwan den e taigi Yeises: „A no mi tok?” Srefi Yudas Iskariyot bigin fu aksi. Yohanes di ben didon sei Yeises na a tafra, e anga go na baka teige Yeises borsu èn e aksi: „Masra, suma na en?”

Yeises e piki taki: „A de wan fu den twarfu, di e dipi en anu makandra nanga mi na ini a srefi skarki.” „Fu tru, a Manpikin fu libisma sa gowe, so leki den skrifi fu en, ma helu a sma nanga yepi fu suma den tori a Manpikin fu libisma! A ben sa moro bun gi a sma dati efu a no ben kobore.” Baka dati Satan e go agen na ini Yudas, èn e nyanbun fu a opo pisi fu en ati, di kon ogri. Moro lati fu a neti dati, Yeises ben kari Yudas nanga reti „a manpikin fu pori”.

Now Yeises e fruteri Yudas: „A sani di yu e du, du en moro esi.” No wan fu den tra apostru e frustan san Yeises e bedoel. Fu di Yudas ben hori a moni boksu, meki son wan e prakseri taki Yeises e taigi en : „Bai san wi abi fanowdu gi a fesa”, ofu taki a ben musu go èn gi den pôtiwan wan sani.

Baka di Yudas gwe, dan Yeises e seti wan heri nyun fesa ofu memrefesa nanga den kotrow apostru fu en. A e teki wan brede, a e begi wan tangi-begi, a e broko en èn a e gi den a brede ala di a e taki: „Teki, nyan.” A e fruklari: „Disi wani taki mi skin di gi fu a bun fu yu. Tan du disi fu memre mi.”

Baka te ibriwan fu den nyan fu a brede, Yeises e teki wan kan nanga win, leki fa a sori, a di fu fo kan di ben kobroiki na a Paska fesa. A e begi so srefi wan tangi-begi gi disi, a langa en gi den, a e aksi fu den dringi fu en, èn e fruklari: „A kan disi wani taki a nyun frubontu akruderi mi brudu san ben lon, fu a bun fu unu.”

Te yu luku en bun dan disi na wan memre fu Yeises dede. So leki fa Yeises e taki dan a fesa disi musu hori leki wan memre tapu 14 nisan fu ibri yari. A sa meki wi memre na a fesa san Yeises nanga en hemel Tata du fu sorgu taki a libismafamiri kisi frulusu fu a krutu fu dede. Gi den dyu di tron bakaman fu Yeises, a fesa sa kon tapu a presi fu a Paska.

A nyun frubontu di bigin fu wroko nanga yepi fu a brudu fu Yeises di ben lon, e kon na a presi fu a owru wèti frubontu. Yeises Krestes de a mindriman fu a frubontu a mindri tu partij — na a wan sei, Yehovah Gado èn na a tra sei den 144.000 salfu kresten. Boiti taki a frubontu sorgu gi a gi pardon fu sondu, a opo so srefi a pasi fu meki wan hemel nâsi fu kownu nanga pristri. Mateyus 26:21-29; Markus 14:18-25; Lukas 22:19-23; Yohanes 13:18-30; 17:12; 1 Korente sma 5:7.

◆ Sortu beibri profeititori Yeises ben tyari kon na fesi fu wan konpe, èn fa a ben kobroiki en?

◆ Fu san-ede den apostru ben sari srefisrefi, èn san ibriwan fu den e aksi?

◆ San Yeises fruteri Yudas fu a du, ma fa den tra apostru prakseri fu den rai disi?

◆ Sortu fesa Yeises seti baka di Yudas gwe, èn san na a marki fu en?

◆ Suma na den partij fu a nyun frubontu, èn san a frubontu e du?