Wan nyun memre fu a Tiri Skin

Tapu dridewroko mamanten 5 september 2012, den meki bekènti na Betel na ini Amerkankondre nanga Kanada taki a Tiri Skin fu Yehovah Kotoigi kisi wan nyun memre. Brada Mark Sanderson bigin dini leki wan memre fu a Tiri Skin tapu 1 september 2012.

Brada Sanderson gro kon bigi na ini wan Kresten osofamiri na San Diego, California, Amerkankondre èn a teki dopu tapu 9 februari 1975. A bigin dini leki pionier na ini Saskatchewan, Kanada, tapu 1 september 1983. Na ini december 1990 a klari a di fu seibi klas fu a Dinariskoro (now a skoro disi nen Bijbelskoro gi brada di no trow) na ini Amerkankondre. Baka dati den seni Brada Sanderson leki spesrutu pionier go na a èilanti Newfoundland, Kanada, na ini april 1991. Son leisi te wan kring-opziener no ben de fu du a kringwroko, dan a ben e teki presi gi a kring-opziener dati. Ma baka di a du a wroko disi wan pisi ten, a kisi a kari na ini februari 1997 fu go wroko na Betel na Kanada. Na ini november 2000 den seni en go na a bijkantoro fu Amerkankondre pe a bigin wroko na a kantoro di e yepi brada nanga sisa te den abi problema na ati-oso. Bakaten a go wroko na a Dienstafdeling.

Na ini september 2008 Brada Sanderson go na a Skoro gi memre fu Bijkantoro Komte èn baka dati a tron wan memre fu a Bijkantoro Komte fu den Filippijnen. Na ini september 2010 a kisi a kari fu go baka na Amerkankondre pe a ben e dini leki yepiman fu a Diniwroko Komte fu a Tiri Skin.