Wan nyun memre fu a Tiri Skin

TAPU dridewroko mamanten, 24 yanuari 2018, den Betel famiri fu Amerkankondre nanga Kanada ben breiti di den yere a moi nyunsu disi: Brada Kenneth Cook, Jr. tron wan memre fu a Tiri Skin fu Yehovah Kotoigi.

Brada Cook gebore èn kweki na a zuidsei fu Pennsylvania, Amerkankondre. Wan pikin fu en klas leri en fu Yehovah di a ben de na ini a lasti yari fu a middelbaar skoro. A dopu tapu 7 yuni 1980. Tapu 1 september 1982 a tron gewoon pionier. Baka di a pionier tu yari, a kisi a kari fu go na Betel. Tapu 12 oktober 1984 a bigin dini na Betel na Wallkill, New York.

Na ini den 25 yari baka dati, Brada Cook du difrenti wroko na a drukkerij èn na tra afdeling na Betel. A trow nanga en wefi Jamie na ini 1996 èn ensrefi kon dini na Betel na Wallkill. Na ini december 2009 Brada nanga Sisa Cook froisi go na a Waktitoren Skoro Centrum na Patterson, New York. Drape Brada Cook wroko na a afdeling di e piki den aksi di sma abi fu Bijbel. Na ini april 2016 Brada nanga Sisa Cook drai go baka na Wallkill, ma syatu baka dati den froisi go na Brooklyn, New York. Feifi mun baka dati, den froisi go na a edekantoro na Warwick, New York. Na ini yanuari 2017 Brada Cook kisi a grani fu dini leki wan yepiman fu a Skrifi Komte fu a Tiri Skin.