San Bijbel e leri?

Gado abi wan nen?

SON SMA E TAKI dati a no abi wan nen. Tra sma e taki dati en nen na Gado noso Masra. Ma yu abi sma tu di e taki dati Gado abi furu nen. San yu e denki?

SAN BIJBEL E TAKI

„Yu di nen Yehovah, yu wawan na a Moro Heiwan fu heri grontapu.”​—Psalm 83:18.

SORTU TRA SANI WI KAN LERI FU BIJBEL?

• Aladi Bijbel e kari Gado na difrenti fasi, toku Gado gi ensrefi wán nen nomo.​—Eksodes 3:15.

• A no tru taki sma no man kon sabi suma na Gado. A wani taki wi musu sabi en.​—Tori fu den apostel 17:27.

• Te wi sabi Gado nen, dan dati na a fosi sani di kan yepi wi fu tron en mati.​—Yakobus 4:8.

A fowtu fu kari Gado nen?

SAN YU BEN O TAKI?

• Iya

• Nôno

• Son leisi

SAN BIJBEL E TAKI

„Un no musu gebroiki a nen fu Yehovah un Gado na wan fasi di no fiti” (Eksodes 20:7). Sobun, wi musu gebroiki Gado nen soso na wan lespeki fasi.​—Yeremia 29:9.

SORTU TRA SANI WI KAN LERI FU BIJBEL?

• Yesus ben sabi Gado nen èn a ben e gebroiki en.​—Yohanes 17:25, 26.

• Gado srefi wani taki wi musu kari en na en nen.​—Psalm 105:1.

• Den feanti fu Gado wani taki sma musu frigiti Gado nen.​—Yeremia 23:27.