San Bijbel e taki?

Na Gado meki taki pina de?

San yu ben o taki?

• Iya

• No

• Kande

San Bijbel e taki?

„A no tru kwetikweti taki Gado e du ogri! Noiti na Almaktiwan e du kruktu sani!” (Yob 34:10) A pina nanga na ogri di wi e si na grontapu no e kon fu Gado.

Sortu tra sani wi kan leri fu Bijbel?

• Satan Didibri „a tiriman fu grontapu”, na a wan di e meki taki furu sma na grontapu e pina.​—Yohanes 14:30.

• Furu tron libisma e pina èn ogri e miti den fu di den e teki don bosroiti.​—Yakobus 1:14, 15.

Pina o kaba wan dei?

Son sma e bribi taki libisma kan puru pina efu den span anu makandra fu lusu den problema. Ma tra sma no abi a howpu taki sani o kenki na grontapu. San yu e denki?

San Bijbel e taki?

Gado o puru ala pina. „Dede no o de moro. Nowan sari, noso krei, noso pen no o de moro.”​—Openbaring 21:3, 4.

Sortu tra sani wi kan leri fu Bijbel?

• Gado o meki Yesus puru ala a pina di Didibri tyari kon.​—1 Yohanes 3:8.

• Den bun sma o libi fu têgo na tapu wan grontapu pe freide o de. ​—Psalm 37:9-11, 29.