Fa Gado e si a pina di yu e pina?
Son sma e bribi taki Gado no e si taki wi e pina èn taki a no e broko en ede nanga dati tu.
LUKU SAN BIJBEL E TAKI
Gado e si ala sani èn a e broko en ede nanga wi
„Yehovah kon si taki libisma ben e du bun furu ogri na grontapu . . . , èn a ben e sari srefisrefi.”—Genesis 6:5, 6.
Gado o tyari wan kaba kon na ala pina
„Ete wan syatu pisi ten èn den ogriwan no sa de moro. Yu o luku pe den ben de fosi, ma den no sa de moro. Ma den safri-ati sma o kisi grontapu, èn den o prisiri srefisrefi, fu di freide o de pasa marki.” —Psalm 37:10, 11.
San Gado wani gi yu
„’Yehovah taki: ’Mi sabi heri bun fa mi e prakseri fu unu. Mi no wani taki rampu miti unu, ma mi wani taki un musu abi wan bun libi. Mi wani taki sani waka bun gi unu na ini a ten di e kon èn mi wani taki un musu abi howpu. Un musu kari mi, un musu kon na mi, èn un musu begi mi, dan mi o arki unu.’”—Yeremia 29:11, 12.
„Kon krosibei na Gado èn a o kon krosibei na unu.”—Yakobus 4:8.