San Bijbel e taki?

San na Armagedon?

Son sma e bribi . . .

taki Armagedon na wan feti pe libisma o pori heri grontapu nanga fetisani, noso taki rampu o kon di o pori grontapu. San yu e denki?

San Bijbel e taki?

Armagedon na „a feti na a bigi dei fu Gado na Almaktiwan” pe a o pori ala ogrisma. A no wan feti di o feti na wan trutru presi na grontapu.​—Openbaring 16:14, 16.

Sortu tra sani wi kan leri fu Bijbel?

• Gado no e feti na ini Armagedon fu di a wani pori grontapu, ma a e feti fu di a wani kibri grontapu so taki libisma no pori en.​—Openbaring 11:18.

• Armagedon o sorgu taki nowan feti o de moro na grontapu.​—Psalm 46:8, 9.

Wi kan tan na libi te Armagedon doro?

San yu ben o taki?

• Iya

• No

• Kande

San Bijbel e taki?

„Wan bigi ipi sma” fu ala kondre o tan na libi te „a bigi banawtu” doro. Armagedon o de a kaba fu a bigi banawtu disi. ​—Openbaring 7:9, 14.

Sortu tra sani wi kan leri fu Bijbel?

• Gado wani taki furu sma tan na libi te Armagedon doro. A e kiri ogrisma soso te tra fasi no de. ​—Esekièl 18:32.

• Bijbel e fruteri san wi musu du fu man tan na libi te Armagedon doro. ​—Sefanya 2:3.