Tori foe takimakandra
Tégo libi — no soso wan dren.
Ps. 37:29 — Den ben meki sma foe libi alaten.
Jes. 55:11 — Foe san-ede wi kan bribi disi.
Wan fasi fa joe kan hori na lezing disi kan de so:
„Na rede foe san-ede mi kon na joe oso de dati mi wani taki sote nanga joe foe a pramisi foe Gado foe meki a grontapoe tron wan paradijs èn foe gi libisma tégo libi. Foeroe sma e denki dati tégo libi na grontapoe no de noti moro leki wan dren. San joe e denki foe en? (Gi na okasi foe gi piki.) Sabiman e taki dati libisma ben meki so dati a ben sa moe libi foe tégo. Den e taki dati na powa foe na skin foe meki cel kon njoen èn tapoe na fasi disi ben sa njoen densrefi, ben sa moe go doro foe tégo. (Loekoe foe moro bodoi na Waarheidboekoe blz. 28 par. 3; Ontwaakt!, 8 oktober 1977, blz. 3-5.) Na bijbel e agri nanga disi èn taki krin èn nanga overtoigi dati libisma sa libi foe tégo ini wan paradijs grontapoe. Loekoe pikinso san tanapoe dja ini Psalm 37:29. (Efoe ten de, joe kan lési sosrefi toe den sortoe tekst disi leki Jesaja 45:18, Joh. 3:14-16, 36 èn Openb. 21:3, 4 èn gi kommentaar a tapoe) Son sma kande e degedege tapoe na pramisi disi. Ma foe di Jehovah Gado no kan lé meki wi abi ala reden foe bribi na ini. Den wortoe foe en ini Jesaja 55:11 e gi wi na djaranti dati. (Lési.) Disi no de wan toemsi moi froewakti di poti na wi fesi? (Gi okasi foe gi piki.) Mi wani libi na moi boekoe Joe kan libi foe tégo ini wan paradijs na grontapoe. Kapitel wan e go moro fara na tapoe foe san-ede tégo libi no de soso wan dren. Joe kan kisi na boekoe foe wan bijdrage foe féfi koloe”.
Wan tra fasi fa joe ben sa kan doe en ben kan de so: „Na réden foe san-ede mi naki joe doro de dati mi wani taki nanga joe. Joe ben aksi joesrefi oiti wan ten ofoe a kan dati libisma ben sa kan libi foe tégo? (Gi okasi foe gi kommentaar.) Son sma no e abi na firi foe bribi disi bika den e prakseri taki Gado no de. Foe dati meki tégo libi den e si leki wan dren. A boekoe disi e taki a tori tapoe wan moi fasi sodati froetrow taki Gado de èn ini na fundamenti foe bribi ini en pramisi e tjari kon a fesi. (Opo blz. 35 èn lési paragraaf 3.) Di Gado ben meki na grontapoe èn libisma, a ben abi foe dat-ede wan prakseri. (Lési Ps. 37:29.) A ben gi wi na djaranti dati en prakseri no sa kenki. Lési Jesaja 55:11.) Nanga ala prisiri mi ben sa wani libi na njoen boekoe disi na joe foe wan bijdrage foe féfi koloe.”