Sori lobi pasa marki gi makandra
1 Lobi de wan égifasi di ala kristen de verprekti foe abi (1 Joh. 4:11). Na inisé foe na kristen gemeente wi e sori brada lobi. Ma wi kan tan sori disi moro foeroe? — 1 Thess. 4:9, 10.
FA WI KAN SORI LOBI
2 Belangstelling nanga sorgoe de sani wi alamala e warderi te sma e sori wi en. Te wi e sori sorgoe gi owroesma èn gi wi swaki brada nanga sisa, dan wi e waka baka Gado Jehovah di „e hori weti wiwiri . . . hé te a de foe feni tapoe na pasi foe regtvaardikifasi” (Odo 16:31). Ma fa wi kan sori lobi gi den owroe sma disi? Te wi go teki den foe tjari go na komakandra, e go loekoe den a den oso, e doe boskopoe gi den, e doe sani gi den oso, e kari den foe wan njanjan na den oso, èn so moro fara (Gal. 6:10). Fa a de nanga den boi di no abi den papa moro? Wi ben sori belangstelling gi den den laatste ten?
3 Boen maniri ben de na troe kristen alaten wan sani di fiti. Fa a ben de wan sani di e gi kowroe-ati di wi ben kisi na wi memre ini wi kownoekondre dienst foe oktober 1982 na fanowdoe foe sori alaten boen maniri! Wi sa kisi jepi foe poti den bodoi disi go dipi ini wi froestan te ten na ten foe loekoe den ete wan tron. Foe san-ede joe no ben sa meki den de wan takimakandra foe na oso-famiri?
4 „Loekoe! Manpikin de wan famiri goedoe foe Jehovah”, na Psalmsingiman e taki (Ps. 127:3). Papa nanga mama e tjari na fesi Jehovah Gado foe dat’ede wan hebi frantwortoe foe kweki den pikin ini na tranga leri èn makti rai foe Jehovah (Ef. 6:4). Den pikin disi moe leri sosrefi toe fa den moe sori lobi gi makandra. Papa nanga mama sa memre den pikin alaten foe sori lespeki no lon ini na Kownoekondre-komakandrapresi èn sorgoe dati kauwgum noso soekroesani no kon tapoe den stoeroe, ofoe tapoe na gron.
5 Foe di lobi de so wan prenspari sani ini a libi foe wi alamala, meki wi moe sori na lobi dati gi njoen sma di e kon ini Jehovah organisaatsi. A de soso wan joisti sani taki wi bari den wan switikon te den kon fisiti na Kownoekondre-komakandrapresi. Te wi e sori wan opregti belangstelling gi den dan den e si dati wi e gi jesi na a komando foe lobi makandra nanga wi heri ati. Foeroetron kaba sma skrifi na Genootschap foe sori den warderi foe na lobi di ben sori gi den. Wi kan meki wi ati „kon moro bradi” sodati njoen wan e feni wan presi na ini? — 2 Kor. 6:13.
6 Fa wi e doe te brada ofoe sisa e siki tranga ofoe te wan sma ini den osofamiri didon na at’oso? Wi brada-lobi sa troesoe wi foe si fa wi kan jepi den ini na moeilek ten di den ben psa.
7 Na apostel Petrus e skrifi: „Moro foeroe abi tranga lobi gi makandra bikasi lobi e tapoe wan bigi ipi sondoe” (1 Petr. 4:8-10). Na Griki wortoe di vertaal nanga „tranga”, wani taki „kon bradi”. A lobi di wi moe sori gi wi brada, no moe de nanga toe ati, èn e sori nomo . ini a doe foe sani di e fadon boen gi wi. Sosrefi toe wi no moesoe skotoe na lobi disi gi soso wantoe sma ini na gemeente di wi e feni boen. Boiti dati, wi sa meki a lobi foe wi go makandra nanga kristen wroko di sa meki blesi kon gi wi brada di e tan.
8 Te wi na sowan fasi e sori lobi, dan wi e meki taki tra sma taki boen foe na Gado di wi e anbegi. Leki organisaatsi wi e sori a lobi disi séker, ma fa a de nanga ibriwan foe wi aparti? Efoe wi moe tjari kenki kon dja nanga jana, foe san-ede wi no e doe en dan now? Dan wi sa waka troetroe baka na eksempre foe wi lobi Gado Jehovah, di ben sori a moro bigi lobi gi wi. — Joh. 3:16.