Wan toe kenki na ini a gebroiki foe formulier
1 Leki wan pisi foe wan proberi foe aksi sani kon moro makriki, meki a Tiri Skin feni en boen foe wantoe kenki kon na ini a tori foe a gebroiki foe strooibiljet èn den kari foe na Memrefesa, sosrefi toe san abi foe doe nanga den programma nanga den lapelkarta foe den kringkomakandra. Den kenki disi abi leki marki foe kibri na Genootskap foeroe wrokojoeroe èn foe meki na wroko foe den opziener foe den gemeente moro lekti. Na tapoe foe dati, foeroe moni sa man kibri sondro dati a marki di oen ben wani miti na ini a Kownoekondre-prékiwroko ofoe oen dienst gi a gemeente sa firi disi.
2 Strooibiljet no e druk moro foe na spesroetoe taki na a bigin foe a jari ofoe foe na publiki taki tapoe na kringkomakandra, ma den strooibiljet pe den alawiki gemeente komakandra de na tapoe e tan. Ala gemeente e kisi na dek’ati foe abi alaten boen foeroe foe kan gebroiki na ini na veld. Nanga a bigin foe a jari 1984 den gemeente ooktoe no afoe bestel uitnodiging foe na memrefesa moro.
3 Wan standaarduitnodiging di o de gi na memrefesa di o de gi ala gemeente sa meki. Den uitnodiging sa de ala jari tra fasi. Nofo foe den sa seni go na den gemeente, tapoe na gron foe na nomroe foe Kownoekondre-dienst di a gemeente e kisi. A gemeente sa kisi wan rekening foe f 2,50 foe iniwan paki foe 450 uitnodiging. Den uitnodiging disi joe no kan bestel baka dati. Den uitnodiging foe 15 april 1984 sa seni aparti gwe, ma bigin nanga augustus tra jari den sa seni kon makandra nanga formulier èn tra gemeentesani di e seni fasi kon. Foe di tapoe den standaarduitnodiging disi foe na memrefesa soso na datum poti èn e sori dati na fesa e bigin baka te son dongo, meki den sa gebroiki na ini combinatie nanga den normaal strooibiljet gi den gemeentekomakandra. Te wan prékiman e gi wan sma di abi belangstelling na uitnodiging, dan a kan ferteri ala tra sani di de fanowdoe.
4 Den kenki disi sa meki ala sma, di abi foe doe nanga disi, wini foeroe ten, wroko èn moni. Ma na a sé foe den kringkomakandra dan moro sani sa meki kon makriki. Boiti dati, strooibiljet gi na publiki-taki tapoe na kringkomakandra no e gebroiki moro, ma nanga a bigin foe a seri di e bigin tapoe 10 maart 1984, wi sa gebroiki standaardkringkonmakandra-programma. Den kringopziener sa kisi foe jere fa den kan bestel den sortoe programma disi. Na gebroiki foe lapelkarta na tapoe na kringkonmakandra e tapoe. Tapoe den districtkomakandra den lapelkarta sa tan gebroiki.
5 Foedi na panja nanga na gro foe na Kownoekondrewroko e go doro na heri grontapoe, dan a e kon moro prenspari gi oen foe gebroiki soboen leki wi kan ala oen sani nanga oen krakti. Wi wani tjari nanga den talenti èn den sani di Jehovah fertrow na wi sorgoe doe someni leki wi kan (Teki gersi Prékiman 10:10). Na toemsi boen jepi di a prékiwroko e kisi now na ini a ten disi foe a sé foe ala brada nanga sisa, a Genootskap e warderi toemsi. Jehovah ati e firi prisiri séker nanga dati. A no a misi dati den njoen seti disi sa abi Jehovah blesi èn den sa meki froktoe na ini a wroko di didon na oen fesi.