Meki a koni foe wi foe leri sma go na fesi — Foe di wi e gebroiki aksi
1 „Di a ben si den ipi sma a ben go tapoe a bergi, èn baka di a ben go sidon, en discipel ben kon na en; èn a ben opo en mofo èn leri den.” (Matt. 5:1, 2). Leki na Meesterleriman Jezus ben gi leri na wan konifasi. Foe di a ben gebroiki na wan boen fasi aksi, a ben poesoe na denki krakti foe en arkiman. A ben spikri na waarheid go na ini na memre nanga ati foe den. Foe di wi de discipel foe Jezus, meki wi wani waka na baka den methode foe en na ini na wroko foe en foe leri sma. — Matt. 17:5-7, 24-26; 18:12; Mark. 11:29, 30.
NA WAARDE FOE AKSI
2 Na meki gebroiki foe aksi na wan boen fasi de foe wan bigi pisi bepalend foe den winimarki foe wi na ini na jepi foe wan studenti. Te joe e gebroiki den aksi na wan joisti fasi, dan den de toemsi boen jepisani na ini na leri foe sma. Den kan jepi na memre foe na studenti foe go foe na wan punt na a trawan tapoe wan orde fasi, sodati den kan kon na a joisti bosroiti. Aksi de tapoe pikinmoro dri fundamenti fasi wan jepi.
3 Na ini na fosi presi den e jepi na studenti foe ferteri en prakseri na ini égi wortoe. Na tapoe sowan fasi na leriman kan si taki na studenti ferstan den punt te a tori ben kon troetroe foe den. Na ini na Bondroe kon na wan ini anbegi-boekoe joe sa si taki no wawan taki aksi de na ondrosé foe na bladzijde èn ini foeroe paragraaf, ma taki aksi de ooktoe na ini na „Overzichttakmakandra”-fokanti na a kaba foe ibri kapitel, sodati den moro prenspari punt e tjari kon na wan. Den aksi disi e tesi na ferstan di na studenti ben ferstan den sani èn e jepi en foe si fa a kan poti den bodoi di a ben leri na ini en libi. Boiti foe dati aksi nanga rai e tjari kon makandra nanga wan agersitori, èn disi de gebroiki na ini na heri boekoe leki wan fasi, foe leri sma. Eksempre joe e feni na tapoe bladzijde 27, 34 nanga 101.
4 Na ini na tweede presi aksi kan jepi na studenti foe ferstan den réde foe den punt di de. Aksi e jepi en foe meki na, makti foe redeneer go a fesi. A e leri foe si sani na na joisti fasi èn foe teki san a ben bribi fosten gersi nanga den waarheid di a e leri now foe na Wortoe foe Gado. Loekoe den aksi na bladzijde 13-19 na blz. 61-63 èn paragraaf 13-17 na bladzijde 95 nanga 96 foe na Tégo libi-boekoe
5 Na ini na derde presi joe kan gebroiki standpunt aksi foe kan kon sabi san de na prakseri foe na student abra wan waarheid. Na ini na bijbelstudie kande wan okasi kan kon foe aksi wan ofoe moro foe den aksi di e kon now: Disi de wan redelek sani na ini joe jesi? San joesrefi e feni foe den sani di joe leri now? Joe e denki dati a de prenspari sani na ini joe libi? Te joe arki boen na den piki foe en joe kan si fa joe kan jepi en moro boen foe lobi Jehovah nanga en „heri ati”. — Matt. 22:37.
DEN SORTOE AKSI DI DE
6 Na ini a tori foe aksi a de go moro foeroe foe troe tori — Soema? San? Oten? pe? Ofoe, den e aksi sani foe a sma en prakseri ofoe bosroiti. Fa? Foe san-ede? Na ini na paragraaf dja na fesi wi ben poti standpunt aksi. En dan joe abi ete aksi pe wan sma kan teki na mindri moro sani, boen-fowtoe aksi, overzichtaksi èn suggestieve aksi foe kari wan toe. Sjatoe aksi de moro boen foe di a de go nanga dati foe soso wan prenspari prakseri.
7 Efoe wi e poti aksi dan a de na prakseri foe wi, foe jepi na studenti foe gro na ini sabi nanga ferstan. En piki e jepi wi foe bepaal a go na fesi nanga na toestand foe en ati (Ef. 3:17-19). Boiti foe dati, aksi di seti boen kan meki dati en memre poti na tapoe bijbel piki, sodati en konsensi o gro (Teki gersi na methode foe Paulus na ini Galasia 3:1-6 nanga en 17 aksi na ini 1 Korintesma 9:1-14). Wan gebroiki foe aksi na wan koni fasi ini a leri foe sma sa jepi na studenti foe poti san a leri na ini en libi. — Jesaja 25:9.
8 Wan boen leriman e kisi foeroe pai. Te wi e gi leri dan wi e gi wan warti sani na wan tra sma. Wi e gi wan sani foe wisrefi foe jepi wan trawan. Joe sa doe ala joe moeiti foe de wan boen leriman? Na leri foe tra sma sa de wan ondrofeni di sa meki joe kon goedoe, tjari prisiri kon ini joe libi èn gi joe wan firi foe gesontoe satisfaksi.