Meki na bekwaamheid foe wi foe leri sma kon moro boen — Nanga a gebroiki foe agersitori na wan boenfasi
1 Na ini na wroko foe leri sma fa wi kan jepi sma foe ferstan den jeje waarheid foe a Wortoe foe Gado? Fa sma kan kisi jepi foe njan boen foe rai di de krin èn di den ben studeer? Fa wi kan jepi sma foe go denki dipi na tapoe jeje sani èn kisi boen réde na ini den ferstan nanga ati? Wan fasi na disi: Meki gebroiki foe agersitori di taki nanga mofo — na gebroiki foe eksempre di sma sabi foe meki afersi kon moro makriki foe ferstan.
WAKA BAKA JEZUS
2 Jezus ben de na meester leriman. Wan krosbé ondrosoekoe foe en methode foe leri sma e tjari kon na krin dati foeroetron a ben gebroiki agersitori foe pir’ai gi den sma (Mar. 12:12, 17) foe gi en discipel rai (Matt. 18:1-6; Luk. 22:24-27; Joh. 13:3-17) èn foe bepaal na jejefasi foe den di ben arki na en (Matt. 13:10-15; Joh. 6:48-69). Ma, a e sori krin dati na moro prenspari marki foe Jezus agersitori ben de foe leri sma foe na kownoekondre (Matt. 13:31-35). Sonwan foe Jezus agersitori ben de boen sjatoe, soso wan zin ofoe toe. Trawan ben langa.
3 Foe eksempre, di Petrus ben aksi Jezus omeni tron wan brada ben moe kisi pardon, Jezus ben gi piki wantewante èn ben gi Petrus rai dati a no ben moe memre na ogri, ma ben moe sori lobi, sari-ati èn gi pardon? Nono. Na presi foe dati, Jezus ben ferteri wan eenvoudig agersitori foe srafoe di ben leni wan bigi moni foe wan kownoe (Matt. 18:21-35). Ma na leri ben gi foe sori krin den toe fasi foe libi di ben de abrasé foe makandra èn na bosroiti ben e sori wan direkt tjari kon na ini na libi foe na sma. San ben de na krakti di na agersitori disi ben abi? Srefi na ini a ten disi wi ati e seki te wi lési èn ferstan na krakti boskopoe foe en di e aksi tranga foe wi foe gi pardon. Boekoe Bondroe kon na wan na ini na anbegi foe na wan troe Gado, bladzijde 134 paragraaf 9.
PRAKTIS RAI
4 Ma fa wan sma e kisi koni nanga ondrofeni na ini na gebroiki foe agersitori? Na a fosi presi, loekoe ete wantron na materiaal na ini na Theocratis diniwrokoskoro Anoeboekoe a tori a blz. 168-171. Na ini paragraaf 8 na bladzijde 168 na Anoeboekoe e taki: „Wan sma moe kan tjari wan agersitori kon makriki na ini en prakseri, aladi toemsi foeroe elementi no moe tjari kon na fesi na ini wan tron. A moe de krin èn koncreet.” Te wi e sreka toewijzing gi na Theokratis diniwroko skoro, dan prakseri kan poti na tapoe a feni foe agersitori di fiti gi na materiaal èn gi den sma di e arki.
5 Na koni foe gebroiki boen agersitori e kon foe na de di wi de nanga ai tapoe omstandigheden lontoe alasé. Foe eksempre, na tapoe wan boen faja dé, o switi wan langa kowroe grasi watra de! Na switi disi kan memre wi na sortoe jeje sani? Na Jehovah sari-ati? den watra foe waarheid di wi e tjari gi tra sma? Den diri demakandra foe wi brada? èn so moro fara.
6 Foeroe sani wi kan leri te wi e loekoe fa den boekoe foe na Genootschap e gebroiki agersitori, èn te okasi sori ensrefi wi sa taki baka foe son foe den agersitori disi nanga boen bakapisi. Foe eksempre na bladzijde 32 nanga 33 foe na Tégo libi-boekoe wan eenvoudig agersitori de foe wan man di de na wan fowtoe pasi èn di e ondrosoekoe wan karta. Na fanowdoe foe a teki foe na joisti pasi na wan sakafasi e teki gersi nanga na fanowdoe foe opregti sma foe teki Jehovah pasi èn tjari den libi kon fiti nanga en wortoe. A bladzijde 36 foe na Tégo libi-boekoe na agersitori foe wan meti-miri foe miti ensrefi foe di joe e seki den aparti pisi foe en ini wan wastobo, e sori dati a no kan èn disi e sori fa na kon de foe wan universum na wan ordelek fasi ben aksi foe wan Mekiman nanga ferstan. Prakseri, taki eenvoudig illustratie de moro boen. Jezus ben gebroiki pikin sani foe tjari den bigi sani kon na krin, sani di de makriki foe ferstan foe tjari den dipi jeje waarheid kon na doro. — Matt. 13:44; 23:24; 24:32, 33.
7 Wan warskow wortoe de: Efoe wan agersitori de toemsi moeilek, èn no e sori wan boen tesi foe sani ofoe no e fiti na situwasi, a no sa moe gebroiki. Ma efoe joe e wroko na en, dan joe kan kweki na koni foe gebroiki agersitori na wan boen fasi. Den sa jepi joe foe leri den dipi waarheid foe na Wortoe foe Gado na sma èn foe gi opregti ati sma wan réde foe dini Jehovah.