Tjari srakti-ofrandi foe prijse gi Jehovah
1 Na ondro na Wetverbontoe den Israëlsma ben moesoe tjari gesontoe meti foe den meti-ipi leki srakti-ofrandi. Srefi na karoe-ofrandi foe den pótiwan ben moesoe de foe na moro fini blon, „miriblon” (Lev. 1:3; 2:1). Now srefi wi moesoe abi na ferprekti na tapoe wi skowroe foe pristeri Jehovah Gado ofrandi èn a no abi trobi fa wi persoonleke omstandigheden de, den ofrandi disi de wan agersi foe den moro boen sani san wi abi. Ma sortoe ofrandi kristensma moesoe tjari? Paulus ben taki: „Meki wi . . . tjari alaten gi Gado wan srakti-ofrandi foe prijse, namkoe a froktoe foe den mofoboeba, di e barwroko na publiki gi en nen.” — Hebr. 13:15, 16.
DEN OFRANDI FOE WI INI A TEN DISI
2 San de ini wi „ofrandi foe prijse” gi Jehovah? A wani taki wi prati ini a préki- èn leriwroko di Jezus ben taki a fesi gi wi ten. (Mattéus 24:14; 28:19, 20). Foe di na bigi benawtoe e kon krosbé gawgaw, wi wani doe ala san wi kan foe jepi den sma di e angri èn e dréwatra gi na waarheid (Matt. 5:6). A no de so taki wi wani gi soso someni ten leki a kan na a velddienst, ma nanga dati wi wani gi a moro boen pisi foe wisrefi.
3 A kwaliteit foe wi diniwroko e anga foe a moro bigi pisi foe na moeiti di wi e doe gi en. Ini na velddienst wi e miti ala sortoe difrenti sma, di kande e ferdini spesroetoe prakseri. Te wi e prakseri a fesi foe den problema nanga san den sma ini na gebied e toeka, dan wi kan de srekasreka moro boen foe pristeri na boskopoe na wan overtoigi fasi (1 Kor. 9:19-23) Foe san-ede joe no sa repeteer joe oso na oso takmakandra nanga wan sma foe joe oso? Na sma di e pré na rol foe ososma, ben sa kan kari wan toe aksi ofoe tegenwerping di oenoe e jere foeroe ini oen égi gebied.
4 Efoe wi wani pristeri Jehovah a moro boen pisi foe wisrefi, dan sreka na fesi tapoe bijbelstudi de fanowdoe toe. Te wi e sreka na fesi dan wi moesoe hori na fanowdoe foe na leerling na prakseri sodati wi kan poti na stof gi en na so wan fasi dati a kan kisi moro foeroe wini foe en. Wi ben sa kan aksi wisrefi na sani disi: ’Sortoe punt mi moe poti krakti a tapoe sodati a sma disi kan kisi moro foeroe winimarki foe en? Fa mi kan jepi en foe poti san a leri ini en libi?’
TJARI OFRANDI REGELMATIG
5 Gi a moro boen pisi foe wisrefi wani taki geregeldheid ini na dienst. Hori na prakseri taki Hebrewsma 13:15 e taki: ’Meki wi tjari alaten wan srakti-ofrandi foe prijse.’ Wi e tjari den ofrandi dati geregeld? O moro tron wi e teki prati na a oso na oso-wroko, o moro wi e kon sabi san de den fanowdoe foe den ososma. Nanga ondrofeni wi e kisi moro boen sabi foe pristeri a boen njoensoe doeltreffend.
6 Na ini a moen september wi wani gi oenoe na dekati foe pristeri a boekoe Joe kan libi foe tégo ini wan paradijs na grontapoe foe wan bijdrage foe Sf 5,00. Te prékiman e si taki pikinnengre de na ini a oso, den kan meki moeiti foe pristeri Mi boekoe nanga bijbeltori. Na a fasi disi wi sa poti na prakseri foe den sma na a fasi fa Jehovah sa loesoe den problema foe a grontapoe disi èn ooktoe san a wani taki taki den pikin foe den kisi pisi toe ini den blesi di e kon. Wi wani taki sma kisi warderi gi den sani di Jehovah seti a fesi neleki fa wi kisi warderi èn na lostoe foe prijse èn dini Jehovah.
7 Efoe wi e prakseri nanga warderi foe ala den sani san Jehovah ben doe gi wi, wi alaten sa firi na tranga fanowdoe foe pristeri en a moro boen sani foe wisrefi. — 1 Kron. 29:14.