Den srakti-ofrandi di wi e tjari gi Jehovah
1 San wi abi foe presteri gi wi toemsi bigi Mekiman? Na ini den dé foe Israël difrenti srakti-ofrandi ofoe ofrandi ben tjari go na Jehovah. So joe ben abi wan gemeenschap-ofrandi, di ben sori tapoe vréde nanga Jehovah. Na tangi-ofrandi ben de wan sori foe warderi gi Gado seti èn den lobi boenfasi. Sondoe-ofrandi ben tjari foe kisi pardon foe ala sortoe sondoe, ala di fowtoe-offer ben tjari nanga na prakseri foe spesroetoe sondoe di ben meki sma poti fowtoe na den tapoe. Den offer ben kan de foe difrenti sani, èn dati ben anga foe na rede foe na srakti-offer èn wan sma persoonlek omstandigheid. A ben kan de wan diri offer — wan kaw, skapoe ofoe bokoboko — kande wan stondoifi ofoe wan doifi. Karoe-offer foe blon ofoe koekoe ofoe kande wan dringi-offer ben tjari. Ala den offer disi ben meki a kon boen na fesi o prenspari a ben de dati wan sma ben de na wan boen matifasi nanga Jehovah.
2 A srefi fanowdoe dati de now toe gi wi, ma foe di wi no de moro na ondro na Wetverbontoe di ben gi na den djoe, meki wi srakti-ofrandi de tra fasi toe. Leki kristen wi moe tjari „wan srakti-offer foe prijse, namkoe na froktoe foe den mofoboeba di e meki [Gado] nen bekenti na publiki” (Hebr. 13:15). Wi e kisi tranga foe tjari „jeje srakti-ofrandi, di Gado e teki nanga jepi foe Jezus Kristus” (1 Petr. 2:5). Fa a de nanga wi srakti-ofrandi foe prijse? Jehovah e teki den?
3 Bepaalde sani de di Jehovah e teki èn di wi alamala kan pristeri. Neleki fa a ben de na ini den dé foe Israël na so kande wi abi now bepaalde goedoe di kan gebroiki foe meki den Kownoekondre-afersi go na fesi (Mark. 12:41-44). Ma efoe wi abi now pikinso ofoe foeroe goedoe, wi abi ten èn wan séker marki foe krakti. Sosrefi toe a de gi wi alamala prenspari o fara wi sabi èn warderi na waarheid. Wi ati e bewégi wi foe prati na boen njoensoe disi nanga sma na wi sé? Ofoe wi de now foeroe jari kaba ofoe a pas wi bigin nanga na kownoekondre diniwroko, den moeiti foe wi sa prisiri Jehovah (Matt. 20:1-16). En sabi den mogelekheid foe wi èn a ben prisiri en foe si fa wi e prati na boen njoensoe nanga trawan akroederi wi omstandigheden. — Joh. 15:5.
Meki wi dienst kon moro foeroe
4 Foe kan go a fesi na ini na dienst, dan joe moe gebroiki den okasi di joe abi. Joe e hori geregeld wan studie nanga joe osofamiri? Disi sa jepi joe pikin foe poti den foetoe stéfi na tapoe na pasi foe libi. Ma efoe joe e meki na dienst foe joe de soso na hori foe wan oso-famiristudi, fa a de dan nanga tra sma di kande lobi regtvaardikifasi? Joe kan jepi den toe noso joe o teki moro foeroe prati ini na diniwroko? (Rom. 10:14, 15) A sa gi joe foeroe prisiri te joe span joesrefi foe tjari a boen njoensoe gi tra sma na ini joe gebied. Efoe joe meki wan bigin kaba nanga disi, soekoe dan pasi foe meki joe dienst kon moro foeroe. Wi sabi alamala taki o moro wi e doe o moro bigi den winimarki sa de. Joe abi na overtoigi dati na disten nivo foe joe activiteit de wan spikri foe a sani di joe e doe ini joe dienst nanga joe heri sili? Efoe joe e seti sani foe na velddienst foe san ede joe sa poti dan tapoe joe programma wán joeroe dienst efoe joe omstandigheid e gi joe pasi foe doe moro? — Gal. 6:9, 10.
5 Na ini son gebied den brada e ferteri dati net den ben bigin boen nanga na dienst, dan na gebied kaba. San kan doe dan? Na ini fotogebied gewoonlek okasi de foe doe stratiwroko, foe di joe e go na den sma nanga na boskopoe. Èn gewoonlek efoe fesi joe e meki plan foe disi, dan joe sa abi wantoe go-baka ofoe sma di no ben de na oso foe joe kan go fisiti den. Soboen, meki wi proberi foe meki wi dienst kon so foeroe leki wi kan. O foeroe tron wi no ben jere dati dati prékiman ben feni wan sma di abi belangstelling foedi den wroko pikinso moro langa leki den ben abi na prakseri. Wan sisa ben misi na groepoe di a ben sa go nanga den ini na dienst ma a no ben go na oso. A ben bigin taki nanga sma na strati èn di a ben stop wantoe joeroe a baka nanga na dienst, a ben loekoe èn dati a ben de heri boen, dati a ben gi kotoigi na foeroe sma èn ben prati moro boekoe leki a ben gwenti.
Wroko makandra nanga trawan
6 Wi srakti-ofrandi foe prijse no abi wawan te make nanga wisrefi, ma sosrefi toe nanga tra sma di wi kan jepi. Kande sonwan foe den sma dati e kon kaba na a Kownoekondre-komakandrapresi. Ini foeroe gemeente sma de di abi warderi gi na waarheid èn di e fisiti komakandra geregeld, ma di no e teki prati ete na a velddienst. Efoe wi sabi dati den e miti den marki foe kan teki prati na a velddienst, foe san-ede joe no ben sa gi den tranga dan foe go makandra nanga joe? Jepi den foe abi neleki na apostel Paulus na lostoe foe „waka na wan fasi di warti Jehovah, foe kan prisiri en dorodoro, aladi joe e tan tan meki froktoe na ini boen wroko èn e tan kon kisi moro soifri sabi foe Gado” (Kol. 1:10). Na a fasi dati makandra nanga joe nanga joe oso-famiri den kan abi wan prati ini na tjari foe wan srakti-ofrandi foe prijse Jehovah. — Rom. 12:1.