Prisiri na ini den blesi foe Jehovah di psa marki
1 „Prisiri na ini Masra. Ete wantron wi sa taki: Prisiri!” (Fil. 4:4). Wi leki Jehovah Kotoigi e prisiri foe troe foe den blesi psa marki di wi ben kisi alaten foe Jehovah. Sondro degedege, Jehovah ben blesi wi srefsrefi. — Odo 10:22.
2 Loekoe pikinso wantoe foe den sani di seti di wi kan de grantangi foe den. Moro leki fotenti owroeman nanga dinari na ini na diniwroko ben kisi na tapoe na Kownoekondre-diniwrokoskoro moro leri èn sowan dritenti gewoon nanga speciale pionier ben kan de na tapoe na pionierskoro. Wi ben abi na grani foe arki na spesroetoe lezing: „Na kroetoe ten gi den religie” èn wi ben prisiri foe na nomroe foe 2733 sma na Memrefesa foe maart 1983. Na ini na moen dati 906 prékiman ben de na ini na dienst! Boiti dati, wi de nanga faja te now ete foe jepi foeroe sma di, ini den jari di psa ben kon de inactief. Wan foe den moro bigi hémarki ben de sondro degedege na „Kownoekondrewaarheid”-districtscongres nanga den foeroe kefarlek boekoe di ben gi fri.
3 A no de foe taki, dati wi no wani frigiti fa Jehovah blesi ben de tapoe den bow-wroko ini Emmen na ini Bakrakondre. Den bow-wroko go srefi so na fesi, dati now kaba sani e seti foe wij officieel na njoen bijkantoro tapoe 29 oktober 1983. Wan foe den memre foe na tiriskin, brada Milton G. Henschel sa de drape. Ija, Jehovah e gi foe troe alaten na en pipel rede foe kan prisiri psa marki.
SAN WI SA DOE NOW?
4 Te wi sa loekoe wi alamala baka na den sani di seti psa marki di wi ben kisi foe Jehovah na ini den moen di psa, dan a boen foe wi aksi wisrefi ’san wi sa doe now?’ Na ini wanfasi wi sa go na fesi, moro faste na ini wi bosroiti foe tan dini Jehovah getrow. Wi sa feti foe poti na ini wi libi den sani di wi ben leri èn meki wan boen gebroiki foe den warti bodoi nanga boekoe di wi ben kisi na tapoe den difrenti districtcongres.
5 Na Wachttoren-studie foe 24 april di psa ben poti na wan krakti fasi wi prakseri na tapoe na kownoekondrestré-aksi. Wi no bréti dati wi ben kisi wan toemsi moi wrokosani na ini wi anoe nanga na boekoe „Joe kownoekondre moe kon” foe tjari na kownoekondre kon na ondro na prakseri foe den sma? Ini a pisi watra disi a boen foe go prakseri foe na boskopoe foe den sma di tjari a boekoe kon na doro: „Someni jari hondro kaba sma di lobi Gado nanga regtvaardiki fasi, ben begi: ’Joe kownoekondre moe kon.’ Den sani di e psa na grontapoe èn di de wan kontroe foe bijbel profétitori e sori dati Gado kownoekondre e kon moro krosibé kaba. Wi howpoe dati a boekoe disi sa jepi joe foe poti joe prakseri a tapoe foe kan kisi den toemsi bigi blesi di na kownoekondre sa gi na den libisma dja na ini grontapoe.”
6 Fa joe e firi joesrefi now nanga a boekoe disi foe kan go oso na oso? Joe ben teki den rai foe Wi Kownoekondre dienst foe mei? Joe ben taki den makandra nanga joe osofamiri?
7 Sorgoe dati joe tjari wan go-baka go na ala sma pe joe ben feni belangstelling èn ala sma pe joe ben libi wan boekoe nanga prakseri foe opo wan bijbelstudi. Kande joe kan gebroiki a srefi kapiter di joe ben wiki na fosi belangstelling. Efoe joe ben sreka joesrefi boen a fesi èn soekoe na tiri foe Jehovah, dan a sa blesi joe opregti moeiti èn kan de esesi kaba joe sa hori wan njoen bijbelstudi ini na Kownoekondre-boekoe.
8 Meki wi tjari na ini den moen juli nanga augustus enthousiast na Kownoekondre-boekoe ondro na prakseri foe sma di gersi skapoe foe jepi den foe ferstan Gado prakseri nanga libisma èn grontapoe. Te wi e go denki foe Jehovah seti di psa marki dan nanga leti wi kan bari taki: ’prisiri alaten na ini na Masra!’