Jepi di e gi na a Kownoekondrestré-aksi na a heri grontapoe
„O Jehovah, joe ben meki na naatsi kon moro foeroe; joe ben meki ala lanki foe na kondre poti go moro fara.” — JESAJA 26:15.
1. (a) Fa wan disiten naatsi e meki den wortoe ini Jesaja 26:2 kontroe? (b) Fa na „naatsi” disi e de krinkrin tra fasi leki den grontapoe naatsi?
SORTOE naatsi Jehovah e blesi na a fasi disi nanga a kon moro foeroe foe sma? A de „na regtvaardiki naatsi, di e kibri wan fertrowfasi” (Jes. 26:2). A de na jeje naatsi foe troe kristen di Jehovah hemel, oma, „na Jeruzalem di de na tapsé” ben meki kon gebore „ini wan tron” ini na jari 1919. Kontrari den naatsi foe na grontapoe nanga den kerkifesiman foe den, di ben feti na Fosi Grontapoefeti, wan feti pe a ben go foe soema na basi na grontapoe, dan Jehovah „naatsi” e gi jepi sondro foe seki na en Messias kownoekondre di ben opo ini 1914 ini hemel (Gal. 4:26; Jes. 66:8; Openb. 11:15-18). Jehovah ben tjari na „regtvaardiki naatsi” disi kon ini wan jeje paradijs foe kownoekondre wroko èn ben gi en wroko foe doe di a ben komanderi en foe gi wan laatste kotoigi na den naatsi nanga pipel. — Matt. 24:14; 25:31-33.
2. Foe sortoe rede na „naatsi” disi e prisiri?
2 Leki wan kontroe foe na profétisch singi di skrifi ini Jesaja 26:1-6, dan den memre foe na njoen gebore naatsi ben go ini doro di ben opo bradi foe waka go na „wan bergi Sion, na wan foto foe na libi Gado, na hemel Jeruzalem (Hebr. 12:22). Den kownoekondre erfgenaam disi e poti prakseri tapoe den wortoe disi foe na singi na wan prisirifasi: „Fertrow tapoe Jehovah foe alaten bika ini Jah Jehovah de na stonbergi foe ten di no abi marki.” Jehovah ben „meki na naatsi kon moro foeroe” te leki a ben miti na heri nomroe foe memre, èn den borgroe disi foe a santa naatsi e prijse Jehoveh leki den „ston bergi” èn „Soeverein Masra” nanga foeroe fertrow dati a de tapoe a punt foe meki en heri granprakseri kon troe. — Jes. 26:4, 15; 25:8, NW, nieuwe uitgave foe 1981.
3. Na sortoe tra fasi moro Jehovah e kisi grani?
3 Ini den jari di psa Jehovah ben meki den „lanki” foe en theocratisch kondre „poti go moro fara”. A ben doe disi foe meki moro presi kon gi den „sani di ala sma wani” foe ala grontapoe naatsi — wan „bigi ipi” sma e go de wan pisi foe en pipel di gi densrefi abra. Den e „foeroe en oso nanga glori” foe di den toe e gi kotoigi foe en nen èn kownoekondre. — Hag. 2:7; Openb. 7:9, 15.
Jehovah e meki na naatsi „kon moro foeroe” ini 1982
4. (a) Fa Ezechiël 4:1-11 e gi wan moi eksempre na den sma di e teki prati now na wan „wroko foe marki sma”? (b) Sortoe satisfaksi wi kan abi foe di wi e rapporteer wi dienst getrow?
4 Ala di Jehovah Kotoigi e hori baka gi na kownoekondrestré-aksi nanga den heri ati, den e hori skrifi bericht bij foe na dienst di den e doe foe moen kon miti moen. Ini a tori disi den de leki na man di Ezechiël 9:1-11 e skrifi foe en nanga na skrifiman skrifitiki, di ben kisi na wroko foe marki sma foe tan na libi èn di ben tjari bericht getrow gi Jehovah nanga den wortoe: „Wi ben doe joisti soleki joe ben komanderi mi.” Fa disi kan gi satisfaksi tapoe dienstkomakandra foe jere ala fin pisi foe wan moi totaal bericht foe na gemeente, èn foe sabi dati wi bericht, awinsi a de kande toe leki na ’pikin moni foe na weduwe’, ben meki na bakapisi dati ben doe kon! Te boiti dati ibri jari wi loekoe ala activiteit makandra ini na ala jari grontapoe bericht foe Jehovah Kotoigi, dan a kan de wan span sani foe froestan dati wi égi bericht, o pikin a de toe, tokoe de wan pisi foe na bigi grontapoe bericht dat! — Mark. 12:42, Statenvertaling.
5. (a) Fa a bericht foe a dienstjari 1982 ben de leki wan grani gi Jehovah? (b) Fa na wroko di de ini a „meki foe discipel” ben tjari froktoe kon?
5 Tapoe den bladzijde 17 nanga 18 joe sa feni na BERICHT FOE NA DIENSTJARI 1982 FOE JEHOVAH KOTOIGI NA A HERI GRONTAPOE”. Na diri nen foe na Soeverein Masra Jehovah foe troe e kisi glori nanga na moi dienstbericht disi! Te wi loekoe na den totaal na ondrosé foe bladzijde 18 dan wi e si wan toemsi moi kon moro foeroe foe sma foe 4,2 procent ini na nomroe foe den sma di ibri moen abi wan prati na a kownoekondredienst, foe di den e gi jesi na a komando foe Jezus: „go foe dat’ede èn meki discipel foe sma foe ala naatsi.” Sosrefi toe na toemsi moi njoen hémarki foe 2.477.608 kotoigi di tapoe wan bepaald pisiten ini na jari ben abi wan prati ini na préki foe na boen njoensoe na publiki èn foe oso na oso. — Matt. 28:19; Tori. 20:20.
6. Sortoe faja howpoe Jehovah Kotoigi e abi ini na komando di den ben kisi?
6 Ma Jehovah Kotoigi no e froewakti foe meki a heri grontapoe drai den libi. Den ben kisi moro foeroe foe Gado na komando „foe barwroko gi na jari foe boen wani foe na sé foe Jehovh èn na dé foe refensi foe na sé foe wi Gado”. Wi e howpoe èn e begi fajafaja dati miljoen-miljoen moro sma foe den foeroe miljard sma di e libi na grontapoe teki na wan boen fasi na kownoekondre boskopoe bifo ala ogri, pori elementi sa wai poeroe ini na „bigi benawtoe”. Dan „na grontapoe . . . séker sa foeroe nanga na sabi foe Jehovah soleki den watra e tapoe sosrefi toe na se”. — Jes. 61:2; Matt. 24:14, 21, 22; Jes. 11:9.
7. Fa Jehovah organisaatsi ben sreka ensrefi a fesi foe a kon foe moro foeroe sma?
7 Foe di Jehovah Kotoigi na a heri grontapoe e loekoe na fesi foe na kownoekondrewrokokon moro bigi esesi, dan ini na jari di psa den ben de druk bezig foe meki den organisatorische faciliteiten foe den kon moro bigi. Na Edekantoro foe Brooklyn New York (VS) ben repareer en kantoro na Columbia Heights 25 meki a moro bigi ala di den drukkerijwroko ini Brooklyn èn tapoe den Wachttoren Boerderij kisi computer èn den kon moro modern foe doe offsetdruk. Na a heri grontapoe moro leki 30 foe den bijkantoro foe na Genootschap ben wroko na a bow foe njoen, moro bigi oso, di sonwan foe den de foe si tapoe na bladzijde dja na sé. Jehovah organisaatsi seti ensrefi foe moro sma kon èn foe sani kon moro bigi!
8. Sortoe moi punt ini a tori foe a kon moro foeroe foe Kownoekondreprékiman joe ben si ini a stoeka foe a tabel na bladzijde 17 nanga 18?
8 Ala nanga ala ini 1982 ini 95 kondre di na jari bericht ben kari ben skrifi wan hémarki di den no ben doro ete ini na nomroe foe kownoekondreprékiman, èn ini sonwan foe den kondre disi joe sa taki dati troetroe mijlpaal den ben doro. Na grontapoe foto Hong Kong di foeroe nanga sma psa marki foe na fosi tron moro leki wan doesoen kownoekondre bedinari ben wroko en (Jes. 60:22). Brazilië ben kon esesi na fesi, nanga wan njoen hémarki foe 133.377 prékiman ini na veld, sodati den kotoigi drape baka den Verenigde Staten de na moro bigi wan ini na tjari foe wan „ipi” foe sma di gersi skapoe (Micha 2:12). Leki na kerkigroepoe di e kon baka na moro bigi wan ini na katholiek Italië, Jehovah Kotoigi e prisiri ini wan kon moro foeroe foe sma foe aiti procent ini na nomroe foe Kownoekondreprékiman, nanga wan hémarki foe 98.172 prékiman (Mark. 4:8, 20). Tapoe den eilanti ini den grontapoe se bigi èn pikin eilanti foe Australië te na den eilanti foe na Kribisikontren, njoen hémarki ben kon ini na nomroe foe prékiman (Jes. 42:10). A de gi prisiri foe si boen go na fesi ini kondre di abi foe doe nanga spesroetoe problema, soleki Argentinië, El Salvador, Pakistan nanga Oeganda (Ps. 91:9, 10). Ini kondre pe Jehovah Kotoigi foe wan langa ten kaba de wan organisaatsi di sdon kba, den ben abi wan prati sosrefi toe ini na skwala foe a kon moro foeroe foe sma — Bigi-Brittanië, Canada, na Bondsrepubliek foe Doisrikondre èn sosrefi toe den Verenigde Staten foe Amerkankondre di ini augustus ben doro na hémarki foe 613.007 Kownoekondrebarwrokoman ini na veld, wan kon moro foeroe foe sma foe 8,8 procent. — Tori. 16:5.
Pionier di e préki na boen njoensoe
9. (a) Sortoe kon moro foeroe ini a nomroe foe pionier ben kon? (b) Foe san-ede na grani disi wi e gi ala sma na prakseri di kan meki presi gi en?
9 Foe na grontapoe nomroe foe wrokoman foe na Kownoekondre 172.859 Kotoigi e gi ibri moen bericht leki „Pionier”-bedinari di ibri dé e gi wan boen pisi ten na a meki bekenti foe na boennjoensoe na tra sma. Te wi teki a jari di psa gersi nanga a jari disi dan wi e si dati den foeroeten wrokoman disi e kon moro foeroe nanga 14 procent! Foeroe moro ete e meki plan foe teki na prisiri dienst disi a den tapoe. Joe de wan foe den toe? Séker a sa jepi joe foe di joe e waka na baka na eksempre foe den apostel foe gi kotoigi finfini foe den glori blesi di de wantronso a wi fesi gi alasma di e kon na Jehovah èn „e poti bribi ini Masra Jezus”. — Tori. 2:40; 8:25; 10:42; 20:21, 24; 23:11; 28:23.
10. (a) Na sortoe fasi pionier-wroko ini disi ten ben sa kan teki gersi nanga na dienst di den nazirésma ben doe ini Israël? (b) Fa Jehovah Kotoigi ini difrenti kondre ben poti densrefi troetroe nanga den heri ati nanga sili gi na dienst foe Gado?
10 Aladi den loyaal pionier disi, makandra nanga den foeroe „jepi pionier” (di sontron foe wan pisiten soso wan ofoe toe moen e dini na sofasi), no ben pramisi foe dini leki foeroeten prékiman, den de tog leki den nazirésma ini na Israël foe owroeten foe di nofotron den moe doe dienst nanga na bigi offer di den ben moe tjari densrefi. Ini son kondre Jehovah dienstknegti ben gi densrefi troetroe krinkrin gi na dienst foe Gado foe di „den e tjari gi Gado alaten den srakti ofrandi foe prijse”. Ini Venezuela a ini april foe a jari di pasa foe eksempre 2464 jepi-pionier ben lever bericht — 136% moro leki na hémarki di den ben abi na fesi. Èn na Trinidad 51% foe na totaal nomroe prékiman ben de actief leki pionier. Ini juni foe a jari di psa, na mindri foe na alenten foe Japan, 25.140 Kotoigi ben teki prati na a pionierdiniwroko — 36% foe ala kownoekondre prékiman foe a kondre dati. Fa a de wan prisiri èn satisfaksi te wan sma no e ke foe ensrefi soso foe prijse Jehovah na wan moro boen fasi dorodoro! — Hebr. 13:15; Num. 6:8; Luk. 9:23-25.
11. (a) Foe san-ede den sma di no kan pionier, no moe lasi ati? (b) Sortoe toemsi moi dienstbericht nanga nomroe foe fisitiman e sori dati Jehovah Kotoigi de alasé actief srefsrefi?
11 Ma a no soso den toegewijde pionier, ma troetroe ala memre foe na „naatsi” foe na jeje Israël, makandra nanga den miljoenmmiljoen kompe foe na „bigi ipi”, ben span densrefi ini 1982 tapoe wan fasi di de foe prijse foe préki na Kownoekondre. Alamala ben doe wan sani foe doro wan hémarki di no ben doro a fesi ete foe 384.856.662 joeroe di ben gi ini na jari na ini velddienst, èn foeroe ben abi wan krakti ini na hori foe 1.586.293 bijbelstudie di ben hori ala wiki ini den oso foe sma di abi belangstelling. Tapoe na Memrefesa foe memre a dede foe Jezus, di ben hori na 8 april 1982, dan ini 44.953 gemeente 6.252.787 sma ben komakandra — troetroe wan bigi ipi! Èn meki wi go nanga faja doro foe gi ala den „pikin skapoe” disi jeje nJanjan! — Joh. 21:15-17.
12. Sortoe blesi e taki ini Numeri 6:24-26 èn soema kan teri densrefi now toe na mindri den blesiman?
12 Wantronwantron baka di Jehovah ben gi na wet foe na tori foe den Nazirésma, a ben meki Mozes taki na blesi di e kon tapoe na heri naatsi: „Dati Jehovah blesi oenoe èn kibri oenoe. Dati Jehovah meki en fesi kon leti tapoe oenoe, èn sori oen boen-ati. Dati Jehovah sa opo en fesi tapoe oenoe èn gi oenoe vréde.” Fa den wortoe disi de moi foe gebroiki ini na ten disi tapoe Jehovah santa naatsi ini na jeje Israël èn sosrefi toe tapoe na ’bigi moksi groepoe’ foe ala naatsi di poti densrefi na a sé foe den memre foe na jeje naatsi foe makandra nanga den foe abi wan prati na a dini foe Jehovah! A de séker wan span sani foe sabi dati ini na dienstjari di psa 138.540 njoen Kotoigi foe Jehovah na a heri grontapoe ben teki dopoe, wan kon moro foeroe foe 15,6%. Te wi teki en gersi nanga na nomroe foe sma di ben teki dopoe na a jari di psa. No wawan ala den disi. ma sosrefi toe ala tra sma ini den gemeente di den kari na a nen foe Jehovah sodati Jehovah srefi ben go „blesi” den. — Num. 6:24-27; Ex. 12:38.
’Kon na fesi leki winiman’
13, 14. (a) Fa a situwasi foe wi brada de ini den „28 tra kondre” di kari dja? (b) Sortoe dek’ati wi kan teki foe na eksempre foe den?
13 Ini wan nomroe foe kondre Jehovah Kotoigi ondro den moro moeilek omstandigheden moe feti wan moro hebi stré foe na bribi. Foe na ogri-ati ede foe na féanti èn foe kibri wi brada, meki wan toe foe den presi disi no e kari aparti ini na overzichtstabel, ma na bericht foe den gemeenschappelek dienst foe den e kon tapoesé foe na regel tapoesé foe na totaal di e taki: „28 tra kondre”.
14 Den Kotoigi di den cijfer disi e teki presi foe den e kon „foe troe na fesi leki winiman foe na feti nanga en di ben lobi wi” (Rom. 8:37-39). Te wi e denki foe den getrow dienst, meki wi teki na faste bosroiti foe wini sosrefi toe ala skotoe foe dini Jehovah nanga heri ’wi ati, wi sili, wi froestan èn wi krakti’ èn na a srefi ten jepi tra sma foe doe a srefi tapoe wan lobi-fasi. Na sofasi wi kan sori dati wi „no de farawe foe na Kownoe-kondre foe Gado”. — Mark. 12:29-31, 34.
15-17. (a) Sortoe bericht di e gi dek’ati wi ben kisi foe den pisi foe na grontapoe di feti e prati foe makandra? (b) Sortoe tra srefi bericht, joe ben lési ini na jari di psa? (c) San Jehovah Kotoigi e begi ini a tori foe tiriman?
15 Na oema foe wan opziener di ben e reis ini Libanon e skrifi: „Ala ten baka te wi e jere na ini na ten foe na dienst na lucht-doelgeschut, dan wi e soekoe wan boen kibri na ini den portaal foe oso, bika ini na gebied di wi e wroko oso na oso, ini na srefi wiki dati féfi sma ben lasi den libi nanga den granaatscherf di ben fadon. Wi ben aksi Jehovah alaten ini begi foe blesi na congres di e kon èn wi brada ini West Beiroet. Na Districtscongres ben hori tapoe 13 juni leki wan prisiri gi wi a ben de so dati na a dé bifo a congres, foe na di foe twarfoe dé foe a moen, den ben ferteri na radio foe stop a soetoe, sodati na congres ben kan waka boen.” Èn bakaten bericht sori dati no wan sma foe Jehovah Kotoigi wan sani ben psa nanga den na a okasi dati.
16 Ini wan Centraal Amerkankondre, pe na njoen tiri e froestan na vrédefasi diniwroko foe Jehovah Kotoigi na wan fowtoe fasi krinkrin, den ben seni ala zendeling gwe foe na kondre. Wan zendeling echtpaar den ben kisi èn toe wiki langa den ben hori den ini wan kibripresi, te leki loyaal kotoigi foe na kondre srefi ben feni den èn den ben gi na Britse Ambassade na presi pe den ben de, pe sani ben seti foe na gwe foe den. Foe a gebied disi wi e kisi foe jere dati den kiriman ben soekoe na „getrow èn koni srafoe” foe soema den ben kisi foe jere dati disi de na tiriman foe na wroko foe Jehovah Kotoigi. — Matt. 24:45-47.
17 Ini na Afrikan kondre Zimbabwe wan hé tiriman foe na kondre ben taki tapoe wan politiek komakandra: „Solanga den de Jehovah Kotoigi, wi no abi problema. Den no de wi fèanti. Ma te den tapoe foe de Jehovah Kotoigi, dan a ten kon foe broko wi ede.” Gado troe pipel e begi fajafaja dati ala tiriman foe kondre sa teki so wan koni bosroiti, sodati ala Kotoigi foe Jehovah „kan tan libi wan tiri libi nanga frede foe Gado èn ernst”. — 1 Tim. 2:1, 2.
„Kownoekondre Waarheid”-districts-congres e poti wan sani kon ini boewégi
18. Sortoe toemsi moi boekoe ben de foe kisi ini den „Kownoekondre-waarheid”-districtscongres, èn san de na prakseri foe en?
18 Ini na moen juni 1982 wan lo „internationaal Kownoekondre waarheid”-districtscongres foe Jehovah Kotoigi bigin di te ini na bigin foe na jari disi ben go doro ini difrenti pisi foe na grontapoe. Soso wawan ini den Verenigde Staten (foe Amerkan kondre) wan njoen hémarki ben kon ini na nomroe foe fisitiman, namkoe 1.108.022. Wan njoen bijbelstudie jepi ben de foe kisi tapoe den congres disi ini 1982 di ben hori ini den Verenigde Staten èn sosrefi toe na wan lo tra presi. Disi de wan gefarlek moi boekoe nanga prenki di e teri 256 bladzijde: Joe kan libi foe tégo na ini wan paradijs na grontapoe. Ma disi no de soso wan prenkiboekoe. Sosrefi toe a no de wan boekoe di de soso gi pikin. Den moi prenki di wi e feni na ini, abi leki marki foe leri sma foe ala jari, sodati den sa kisi jepi foe kweki na égifasi di e gi libi, namkoe BRIBI. Foe den BRIBI ede, di abi wan krakti fundamenti tapoe soifri sabi foe Jehovah, en Wortoe èn en prakseri, loyaal Kotoigi foe owroeten ben kan wini moeilek sani di ben gersi leki wi no kan pasa den. Nanga BRIBI wan „bigi ipi” sma nanga reti-ati ini disi ten e si na tjalansi foe den „laatste dé” disi na ondro ai èn den sa feni ferloesoe foe di den e psa libilibi „na bigi benawtoe” èn e go ini Jehovah njoen ordening. — Openb. 7:9, 14; 2 Tim. 3:1; Hebr. 10:38, 39; 11:32-38.
19. San joe persoonlek ben sa wani taki foe na boekoe disi?
19 Wan edeman foe wan osofamiri di ben teki nanga prisiri na boekoe disi, ben taki: „A de troetroe wan kado foe Jehovah soleki mi no ben kisi ete ini den 25 jari di mi ben tai nanga na waarheid. Na stijl pe na boekoe skrifi na ini, e taki nanga ibriwan sma, den prenki de so boen, dati ibri firi di wani tjari go abra de krin foe si nanga ai. Gedo Kownoekondre prakseri e kon na krin tapoe wan fasi di e overtoigi joe.” Na toemsi moi boekoe disi ben druk kaba ini 21 tongo, èn a sa kon a ini moro foeroe tongo ete.
20. (a) Foe san-ede a de wi faja lostoe dati miljoen-miljoen sma moro leri sabi na waarheid nanga jepi foena wroko disi? (b) Sortoe troetroe sani den sma di e poti prakseri na Jesaja 26:2, 4 sa kan ondrofeni djonsro?
20 Wi e howpoe dati na njoen boekoe disi, Joe kan libi foe tego na ini wan paradijs na grontappe, kan jepi miljoen-miljoen sma moro ete na alape foe grontapoe foe leri sabi na waarheid, èn dati ala den sma disi sa teki tapoe wan krakti fasi wan bosroiti foe ondersteun na Kownoekondrestré-aksi pe djonsro den laatste wortoe foe na singi di skrifi ini kapitel 26 foe na bijbelboekoe Jesaja e kon troe: „Go, mi pipel, go ini joe inisé kamra, tapoe joe doro na joe baka. Kibri soso foe wan momenti te leki na publiki kroetoe pasa. Bika loekoe! Jehovah e komoto foe en presi kon na doro foe aksi den sma foe na kondre frantwortoe foe den sondoe.” Baka di na Soeverein Masra Jehovah sa tjari ini Harmágedon na so wan fasi en bigi nen kon reti, dan na regtvaardiki naatsi, di e kibri wan getrow libifasi, makandra nanga na „bigi ipi” mede-anbegiman, sa kon na doro sondro mankeri foe ondrofeni na troetroe foe a tori foe ala bigi pramisi di „Jah Jehovah” ben meki skrifi getrow ini en Wortoe. — Jes. 26:2, 4, 20, 21; Openb. 7:9, 14; 16:13-16.
Te wi e loekoe na disi ten kontroe foe na proféti „singi” ini Jesaja 26:
□ vers 2: Soema ben gi jepi fosi dan ini a heri grontapoe na a Kownoekondrestré-aksi, fa, èn nanga sortoe bakapisi?
□ vers 4: Sortoe fertrow den wortoe disi moe gi ibri dienstknegti foe Jah?
□ vers 15: Tapoe sortoe kontroe den hémarki foe na bericht foe a dienstjari 1982 e sori?
□ vers 20: Sortoe kibripresi Jehovah e gi, èn foe o langa?
□ vers 21: Fa krakti e poti ini na vers disi foe sortoe reden Jehovah e tjari na kroetoe kon?
[Faki/Prenki na tapoe bladzijde 19]
Jehovah Kotoigi ini na heri grontapoe ben prisiri di na boekoe Joe kan libi foe tégo ini wan paradijs na grontapoe, di teri 256 bladzijde èn di abi moi proeki, ben de foe kisi tapoe den „Kownoekondre Waarheid”-Districtcongres. Na boekoe disi, di e tjari den flundament bijbel lerl kon na krin. de wan moi sani di e taki nanga jongoe èn owroe sma di wani foe moro betre toestand de na grontapoe. Leki fa na ferwakti de, da a sa gi wan njoen poesoe na a grontapoe bijbelstudiwroko di Jehovah Kotoigi e doe.
[Raportoe na tapoe bladzijde 17, 18 ]
1982 DINIWROKO RAPORTOE FOE JEHOVAH KOTOIGI NA HERI GRONTAPOE
(Luku a tijdschrift)
[Prenki na tapoe bladzijde 15]
Wantoe foe den njoen Watch Tower bijkantoro-oso di e bow ini Europa ini a jari 1982
ENEBAKK, NOORWEGEN
HOLBAEK, DENEMARKEN
AJALVIR (MARID), SPANJE
SELTERS, DOISRIKONDRE