Jehovah ’e meki a psa es’esi’

„Misrefi, Jehovah, sa meki a psa es’esi na en reti ten.” — JESAJA 60:22.

1. Fa na ferwakti foe na pipel foe Jehovah de heri tra fasi leki di foe Satan grontapoe, èn fa dati doe kon?

NOW prisiri psa marki no de wawan na ini Jehovah hemel organisaatsi ma ooktoe na ala presi na ini na organisaatsi foe Jehovah Kotoigi dja na grontapoe. Na brétifasi foe wi de heri trafasi leki na doengroe sarifasi pe na grontapoe foe Satan de na ini (Ps. 144:15). Wi abi jeje njanjan nanga jeje dringi psa marki sodati wi „kan bari wan prisiri babari foe na boen-atifasi ede” (Jes. 65:13-19). Wi no de na ini don foe a réde foe san-ede na grontapoe disi de na ini so wan moeilek ten. A howpoe foe wi tapoe wan es’esi ferloesoe nanga jepi foe Gado Kownoekondre e kon moro tranga te wi e si fa, leki wan kontroe foe bijbel profétitori a „teri” foe a ten go miti Armageddon e go doro sondro dati wan sma kan tapoe en. Wi sabi taki na „feti disi foe na bigi dé foe Gado na Almaktiwan” sa kon na tapoe na „faste ten bika na visioen „e tan hari go miti go na a kaba, èn a no sa ferteri wan lé”. — Openb. 16:14, 16; Tori 2:3.

2. Sortoe situwasi de na ini Jehovah organisaatsi, èn disi e tjari wi kon tapoe sortoe aksi?

² Jehovah theocratis organisaatsi de na grontapoe èn na ini hemel foe alaten. Boiti foe dati, Jehovah leki na Fonten foe dynamis krakti ’e gi tranga dorodoro psa marki a den sma di e howpoe tapoe en’ (Jes. 40:29-31). Na organisaatsi foe en de a libi na ini activiteit èn e bewégi doro nomo. (Teki gersi nanga Ezechiël 1:15-21.) Den 47.869 gemeente foe Jehovah Kotoigi na ini 203 kondre na ini na heri grontapoe foe kon nanga faja na fesi na ini na kownoekondre wroko (Matt. 24:14). Fa na dynamis grontapoe orsanisaatsi disi ben man foe doe kon?

3. (a) Fa Jesaja 60:17 ben kontroe na ini disiten? (b) Sortoe srefi seti ben meki sani waka boen na ini bijbelten?

³ „Organisaatsi” ben de na titel foe den studie-artikel ini na Wachttoren foe augustus nanga septemer 1938. Na ini den artikel disi den ben taki finifini foe Jesaja 60:17, pe Jehovah e taki nanga en hemel organisaatsi nanga „Na presi foe na kopro mi sa tjari gowtoe kon èn na presi foe na isri mi sa tjari solfroe kon, èn na presi foe na oedoe, kopro èn na presi foe den ston isri; èn mi wani poti vréde leki oen opziener èn regtvaatdikifasi leki a sma die e gi oenoe wroko.” Leki wan sori foe na moro boen situwasi disi, meki Jehovah organisaatsi na grontapoe ben kisi njoen libi. Net soleki gowtoe de moro waarti leki kopro èn disi de ooktoe so nanga den tra materiaal di e kari dja, na so na theocratis seti di na Wachttoren Genootschap ben ferklari na ini a ten dati na ini 1938 gi den gemeente foe a pipel foe Gado — èn di den ben teki nanga den heri ati — ben de moro boen foe teki leki den fosten democratis fasi foe doe sani. A de wan sani di komoto foe a bijbel. A e meki a pipel foe Gado orga boen foe doe en wroko, precies soleki den sortoe seti disi na ini a ten foe Mozes nanga den froekoe dé foe na kristen gemeente ben meki sani go a fesi. — Ex. 18:25; Tori 6:3-7; Tit. 1:5; 1 Petr. 5:1-3.

4. (a) Fa Jehovah Kotoigi ben kisi Jehovah blesi tapoe na theokratis seti dati?

⁴ Soboen, na ini 1938, wan jari bifo na di foe Toe Gronapoefeti ben broko kon, den „opziener” nanga „sma di e gi wroko” ini ala gemeente ben tron vréde nanga „regtvaardikifasi”. Wan krakti, uniforme orgnisatoris seti ben abi leki bakapisi wan gro na ini froktoe. Jehovah ben blesi en kotoigi di ben tjari kon na wan. A mindri 1939 nanga 1945 na nomroe ben kon bigi toe tron someni, foe 71.509 te 141.606, èn disi ben de so aladi a druk nanga ferfolgoe foe den jari foe na feti ben de.

’Ogridoe no de moro’

5. Fa a pipel foe Jehovah de tra fasi leki na grontapoe foe na sé foe „vréde”?

⁵ Ma fa a ben go na ini a pisten baka na di foe Toe Grontapoe Feti? Vréde no ben de a mindri den naatsi foe a grontapoe. Leki fa den e taki dan moro leki 30.000.000 sma ben dede na ini den „pikin feti” di sensi 1945 ben feti. A tapoe wan boen momenti sowan 40 „sakaformaat-feti” ben de na wan presi na grontapoe. Fa wi de foe dat’ede kolokoe dati wi kan wroko makandra nanga wan organisaatsi di ben trowe ogridoe! (Jes. 2:4; Odo 20:22) Boiti foe dati, wi e prisiri, leki wan grontapoe organisaatsi, ini vréde di de a mindri wi. Foe di wi e waka nanga „a Gado foe vréde” meki wi go ondrofeni „na vréde foe Gado, di e psa ala prakseri”. — Fil. 4:7-9.

6, 7. (a) San e meki a pipel foe Gado de aparti? (b) Fa Jesaja 60:18 kontroe tapoe wi? (c) Na sortoe fasi wi de tra fasi leki den sma di de ini falsi fasi foe an-

⁶ Foe di „vréde” nanga „regtvaardikifasi” de a mindri a pipel foe Gado, meki wi de aparti èn tra fasi leki a grontapoe foe Satan. Wantoe foe den birti foe wi, di ben si disi, ben taki: ’Wi e bewondroe oenoe, ma wi no lobi a fasi foe oenoe foe dini Gado!’ Ma a no de a fasi foe oenoe foe dini Gado di ben meki wi de den sma di wi de? Wi no abi belangstelling gi den leri di de kontrari makandra nanga na ogri-ati di e meki den naatsi de pratiprati foe makandra. Na belangstelling toe di de na toe sé e kon moro foeroe (1) foe leri safri-ati sma na ini a pasi foe ferloesoe nanga jepi foe kristen kownoekondre, (2) foe prijse Jehovah, foe hori en nen a fesi foe ala sma leki wan kotoigi. Wi „no de wan pisi foe na grontapoe”. — Joh. 17:14, 16.

⁷ Na so fasi wi abi wan prati na a kontroe foe Jehovah pramisi: „Sma no sa jere moro foe ogri-doe na ini oen kondre, no foe ogri foefoeroe ofoe brokosaka na inisé foe oen grens. Èn oenoe sa kari den égi skotoe foe oenoe Ferloesoe èn oenoe doro Prijse” (Jes. 60:18). Jehovah Gado ferdini ala prijse! Den kerkileriman foe na kristenheid (nanga ala den kompe foe den di fadon komoto na bribi) e pori a nen dati èn den e go na ini disi srefi so fara, dati na tapoe wan hoigrifasi den e proberi foe figi en nen poeroe foe den bijbelvertaling. „Ma wi, foe wi sé sa waka na ini na nen foe Jehovah, wi Gado, te ten di no abi marki, ija foe tégo.” — Micha 4:5.

8. (a) Sortoe dek’ati Jehovah e gi en pipel ini Jesaja 60:19-21? (b) Nanga sortoe ’sproiti’ Jehovah e kisi grani, èn na sortoe fasi?

⁸ Jehovah e gi oenoe dek’ati foe waka ini en nen. Na ini Jesaja 60:19-21 a e gi en hemel organisaatsi na djaranti dati a sa de gi en „wan leti di sa de foe ten di no abi marki”, wan leti pe na brenki foe na son nanga na moenkenki no kan kon na en baka. Na ini jeje fasi a e tron na glori foe den èn ooktoe a e meki na pramisi kon troe tapoe en pipel: „Den alamala sa de regtvaardiki; te ten di no abi marki den sa abi na kondre leki wan goedoe, wan sproiti foe san mi pani.. Na wroko foe mi anoe, foe meki mi kon moi.” Jehovah meki na „kondre” foe en kotoigi — na kontren foe activiteit — troetroe go na fesi. Foe si omeni froktoè a e meki wi kan loekoe na nomroe foe ’sproiti’ di e kon moro foeroe. now di wi e si bigi ipi njoen sma e tjari kon makandra na a kownoekondre èn den disi e kisi jepi foe weri na kristen sma di den moe de (Kol. 3:10, 12-14). Disi e meki Jehovah ’kon moi’, a diri nen foe en e kisi grani nanga dati.

9. (a) Fa Jehovah e blesi den Kotoigi ini Mexico, èn foe san-ede? (b) San wan koranti ben skrifi foe na reti soifri fasi foe den?

⁹ Wan eksempre foe no langa psa kaba de Mexico. Ini den toe jari di psa na hémarki na ini prékiman ini a kondre dati ben gro foe 113.823 go miti 151.807 — wan gro foe 33 procent di de wan sani foe grijse! (A memrefesa foe den foe a dede foe Jezus di ben ori ini 1984, 695.369 sma ben de a tapoe.) Den brada nanga sisa foe wi na.ini Mexico de nanga foeoe faja na ini na velddienst activiteit. Wan koranti na ini Montertey no so langa psa kaba ben ferteri ooktoe foe na reti soifrifasi foe den ini a tori foe neutraliteit afersi di a ben taki: „Fa na stanfaste fasi foe den èn na dek’ati di na overtoigi foe den e gi den, e gi wi dipi respeki. Awinsi den e jagi den pikin foe den komoto na skoro, den e ferkisi foe tan getrow na a bribi, na overtoigi foe den. Fa a ben sa de, efoe wi leki kristen alamala ben doe so, awinsi foe sortoe howpoe ofoe sortoe kerkigroepoe wi ben de? Mexico ben sa de wan pisi foe hemel.”

10. (a) San e sori dati Jehovah Kotoigi ben e meki froktoe srefi na den presi pe den ben tapoe na wroko foe den? (b) Sortoe aksi wi e aksi dja?

¹⁰ Jehovah Kotoigi ben tan tjari den froktoe disi foe prijse, srefi ini kondre pe ferfolgoe e tan go doro sondro foe stop. Fa a ben de wan span tori ini na dienstjari 1984 foe si dati 28 kondre pe lanti tapoe a wroko ofoe tapoe wan tra fasi ben skotoe, na totaal nomroe foe prékiman ben gro nanga 3,1 procent te moro leki wan kwart miljoen èn na nomroe foe pionier ben gro nanga 23 procent! Joe kan tjari pikinso na ini joe prakseri san disi wani taki foe pionier na ondro den omstandigheden dati? Na ini den kondre dati gemiddeld 6905 brada nanga sisa ben doe dati! Joe ben sa kan proberi, efoe na a presi pe joe abi pikinso fri, foe go na lni na gewone pionierwroko ofoe moro pikinso wawantron na ini na jepi pionierdienst? — Teki gersi nanga Lukas 17:5, 6.

„Tron doesoen”

11, 12. (a) Fa na fosi pisi foe na pramisi di Jehovah srefi e gi de? (b) San de wantoe eksempre foe ’wan pikinwan di ben tron doesoen’? (c) Foe san-ede meki sowan es’esi gro ben de?

¹¹ Na a égi diri nen foe en Jehovah e pramisi now wan pramisi di de ini dri pisi (Jes. 60:22). Na a fosi prosi a e ferteri wi: „Na pikinwan srefi sa tron doesoen.” Joe ben si di joe ben e lési den tori di tanapoe na ini ibri jarboekoe foe Jehovah Kotoigi o foeroetron a ben psa dati ini wan kondre wan bigin ben meki nanga soso wán kownoekondre prékiman ofoe wantoe aladi now doesoendoesoen de na ini sowan kondre? Na pionier foe eksempre di ben de na fosi kotoigi ini Chili, ben joeroe wan oso èn ben kari sma kon foe wan komakandra na sonde. Te foe kaba wán sma ben kon di ben abi belangstelling. A man disi ben poti na aksi: ’Èn den tra sma dan oten den dati sa kon?’ Na pionier ben gi en na djaranti: „Den dati e kon ete.” Èn den ben kon. Baka sowan 50 jari na pikin wan dati ben tron 23.985.

¹² Na ini Italië Jehovah Kotoigi ben kisi bita ferfolgoe foe na fascistis tiri foe Mussolini. Na ini na jari foe 1946 baka a feti soso 120 foe den ben gi rapport foe velddienst. Ma prakseri pikinso dati nanga Pinksteren ini a jari 33 G.T. soso 120 sma ben de drape toe, èn prakseri pikinso san ben bigin a dé dati! (Tori 1:15; 2:14, 41) Now Jehovah jeje e sori ensrefi na wan tra fasi na ini Italië. Ini 38 jari ten a nomroe foe prékiman soleki na laatste bericht e sori ben gro go miti wan hémarki foe 119.408, wan nomroe di e kon krosbé foe wan gro foe doesoen tron. Jehovah Kotoigi e ondrofeni na ini Italië, soleki na ini someni tra katholiek kondre na alape na grontapoe wan kefarlek bigi gro . — Teki gersi nanga Psalm 69:9; Jesaja 63:14.

„Wan makti naatsi”

13, 14. (a) Fa na di foe toe pisi foe Jehovah pramisi ben kontroe? (b) Fa wi kan gebrolki ini a tori disi 1 Petrus 2:9 nanga Jesaia 59:21? (c) San meki a préki foe wi teki sowan lon?

¹³ Na di foe toe pisi foe na pramisi foe Jehovah di de ini dri pisi de: ’Na mendriwan sa tron wan makti naatsi.’ A ben de foe troe wan „mendriwan”, wan fikapisi foe salfoewan di ben de panjanpanjan, èn di ini 1919 ben kon boen baka ini Jehovah „kondre” foe boenati. Ma na „mendriwan” ben kon moro foeroe te leki na heri jeje Israël ben kari kon na ini — na heri nomroe foe 144.000 kownoekondre erfgenaam (Rom. 11:25, 26). Foe troe na salfoe fikapisi na grontapoe de leki wan pisi foe Gado „santa naatsi”, ben kari komoto foe doengroe kon na en wondroe leti. Den ben feni en wan prisiri foe ferteri na alape den toemsi boen sani foe a Gado foe den, Jehovah (1 Petrus 2:9). Ala di na nomroe foe den de betrekkelek pikin, tokoe den de makti nanga jepi foe a jeje foe Gado. ’Foe na sé foe mi, disi na mi ferbontoe’, Jehovah ben taki. ’Mi jeje di de na joe tapoe èn mi Wortoe di mi e poti na ini joe mofo — den no sa teki poeroe foe joe mofo, noso foe na mofo foe joe bakapikin, noso foe na mofo foe den bakabakapikin foe joe’, Jehovah ben taki, ’foe bigin nanga now te srefi te ten di no abi marki’. — Jes. 59:21.

¹⁴ Nanga den wortoe disi Jehovah e gi na djaranti dati a meki bekenti foe wi „foe a boen njoensoe foe boen sani” ben sa waka séker boen, wan sani foe san wi e begi tranga foe en na a „dé disi foe Jehovah”. Na préki foe wi ben teklon, foedi na agersi bakapikin foe na salfoe fikapisi, na „bigi ipi”, èn ooktoe den bakapikin foe den (njoen sma di den ben tjari go na a organisaatsi foe Gado) ben teki na boskopoe disi foe ferloesoe ini na mofo foe den èn ben meki disi bekenti na publiki. Na bakapisi foe dati ala gemeente e tan gro na ini jejefasi èn ooktoe ini nomroe. — Rom. 10:10, 15; Ps. 118:24, 25; 1 Thess. 3:12.

15. O foeroe na agersi „naatsi” foe Gado ben kon tron, èn foe san-ede a naatsi disi de kolokoe?

¹⁵ Fa den kownoekondre froktoe ini a ten di psa ben gro kefarlek! Now di bigi nomroe foe na „bigi ipi” kon a tapoe na agersi naatsi foe Gado e teri ala nanga ala 2.842.531 faja kotoigi. Disi de a moro njoen hémarki. Na „naatsi” disi abi moro foeroe sma leki 92 naatsi èn geopolitiek kontren foe na grontapoe. Nanga brétifasi wi e taki ete wantron den switi wortoe foe na Psalmsingiman: „A de na rai foe Jehovah di sa tan te ten di no abi marki; den prakseri foe en ati de foe na wan geslagti baka na tra geslagti. Kolokoe na naatsi de di na Gado foe en na Jehovah, a pipel di a ben teki leki en goedoe.” — Ps. 33:11, 12.

’Mi sa meki a psa es’esi’

16, 17. (a) San e sori dati na di foe dri pisi foe Jehovah pramisi e kontroe now? (b) Fa lobi ben sori gi Gado nanga Kristus? (c) Sortoe prisiri activiteit èn jeje ben meki dati a wroko ben go „moro esi”? (d) Fa Matt. 9:35-38 ben gebroiki now?

¹⁶ Jehovah e poti ete wan di foe dri pisi na a pramisi foe en: „Misrefi, Jehovah, sa meki a psa es’esi na en reti ten”. Foe di wi de reti a fesi na „bigi benawtoe, dan a de now a ten foe dati! (Mark. 13:10, 18, 19). Na bigi go esi na fesi foe na kownoekondrewroko ini den toe jari di psa e sori dati disi de troe. Na „meki a psa” foe a wroko disi de alape na grontapoe, srefi ini kondre di Jehovah Kotoigi moesoe sori a lobi foe den gi Jehovah Gado nanga Jezus Kristus foe préki na ondro ferfolgoe ofoe tra kefarlek omstandigheden. Now di a groepoe foe foeroe-ten-prékiman e gro dé foe dé, dan den pionier de den sma di de a fesi. Den e ondrofeni wan prisiri ini Jehovah dienst! — Odo 10:22.

¹⁷ Na prisiri pionierprakseri ben gi den gemeente alape dek’ati foe meki a prati foe den na a laatste tjari konmakandrawroko „doe es’esi”. Aladi na bigi gro de tokoe wi kan taki, dati ’na kotiwroko bigi, ma pikinso wrokoman de’. Na ini a disiten grontapoe sondro howpoe wi kan abi sari nanga sma, netleki fa Jezus di a ben de a grontapoe, bikasi foe troe den „de leki sma di den piri den boeba poeroe èn di den trowe go kon leki skapoe sondro herder”. Foe dat’ede „[wi e begi] na Masra foe na kotiwroko, dati a seni wrokoman go ini en kotiwroko”. Èn wi e prisiri, dati Gado ben jere den begi foe wi tapoe sowan wondroefasi. — Matt. 9:35-38.

18, 19. San de wantoe bericht di e sori dati na grontapoe veld ’kon weti foe koti’?

¹⁸ Meki wi go loekoe soso wan foe den foeroe eksempre di e gi wi dek’ati: Ini april 1984 Ecuador ben abi 1048 jepi-pionier ini a veld, 106 procent moro leki april foe a jari a fesi. Ini juni a kondre disi ben gi rapport foe 12.238 osobijbelstudie, wan gro foe 24 procent foe a jari dati èn 8044 prékiman. wan gro foe 17 procent. A nomroe foe sma na tapoe na Memrefesa ben djompo go na loktoe go miti 40.728, ofoe tapoe ibri prékiman féfi ben de moro. Ini na heri grontapoe den sortoe bericht disi e kon, èn na nomroe foe sma na a heri grontapoe foe 7.416.974 di ben de tapoe na Memrefesa tapoe 15 april 1984 e sori, taki den gron „weti” foe ’koti’ den sma di „e tjari kon makandra foe kisi tégo libi”. — Joh. 4:35, 36.

¹⁹ Nofotron Jehovah e meki a wroko „kon moro es’esi” tapoe wan aparti fasi. Wan reizende opziener e skrifi toe den tropise boesi foe Noord Papoea Nieuw Guinea: „Wan man di ben abi kontakti nanga wan speciale pionier ben drai go baka na en dorp tapoe wan bergi. Difrenti jari a baka a ben kon wantronso tapoe wan kringkomakandra — nanga wan aksi. Na man disi di no ben dopoe ete ben gi sowan boen kotoigi na den sma foe en dorp èn na den „werdri sma” ini na kontren, dati den owroe sma foe na dorp ben wani now sote dati Jehovah Kotoigi ben kon foe den jeje belang na ini a heri gebied.” Te na siri prani kaba, dan a de Gado di ’e tan meki a gro’. — 1 Kor. 3:6.

20. Fa den bijkantoro foe na Wachttorengenootschap kon moro bigi foe fanga na gro?

²⁰ Jehovah ben sreka en pipel tapoe foeroe fasi tapoe na bigi gro di e sori ensrefi. Wi e prisiri dati Jehovah na ini den jari di psa na tapoe sowan wondroefasi ben sorgoe dati den bijkantoro faciliteit foe na Wachttorengenootschap ben kon moro bigi. Nownow den bijkantoro disi de srekasreka foe jepi boen bigi groepoe „doifi”.

21. Fa wi kan tan gi wan prati foe wi foe meki a wroko go „moro esi”?

²¹ Meki foe dat’ede wi alamala abi wan prati foe meki na leti foe na boen njoensoe foe na kownoekondre skijn gi moro miljoenmiljoen sma ete! Meki wi sori na pasi foe „ferloesoe” na den „doifi” disi di e fré go na oso a baka den skotoe foe Jehovah organisaatsi di e gi kibri èn meki Jehovah prijse kon moro bigi na ini den doro foe en organisaatsi. Meki na Soeverein masra Jehovah èn na ede foe na kristen gemeente, wi lobi Kownoe Jezus Kristus tan meki „a wroko go moro esi” now di na Kownoekondre prékiwroko doro en hémarki”!

Overzicht foe na studie:

◻ Sortoe aparti kontroe foe Jes. 60:17 ben feni presi na ini 1938?

◻ Na ini san wi e sori belangstelling ini akroederi nanga Jesaja 60:18?

◻ Fa den bericht foe na veld e gi grani na Jehovah?

◻ Fa na pramisi disi di de ini dri pisi na ini Jesaja 60:22, e doro en hémarki?

[Prenki na tapoe bladzijde 6]

Tapoe na fesisé blad foe Na Wachttoren na ini den jari ’30 a visioen foe Ezechiel foe Jehovah dynamis organisaatsi ben de foe si