„No slak joe anoe”
1 Den wortoe disi di e sori tapoe wan tranga fanowdoe den Gibeonietsma ben seni go na Jozua di den féfi féjanti kownoe ben opo kon ini feti tége den. Jozua nanga den Israëlsma ben sa meki den anoe slak now bikasi den ben wini stré no so langa psa kaba èn no piki tapoe na bari foe jepi foe den Gibeonietsma? A bijbel e ferteri wi taki Jozua nanga en dek’ati tranga man makandra nanga ala na fetilegre waka tranga na heri neti foe val den aan sondro den ben ferwakti èn jagi den gwe. Jehovah ben gi en loyaal èn en sondro foe kon weri dienstknegti wan volledige wini èn den Gibeonietsma ben kisi jepi. — Joz. 10:6-27.
2 Jehovah grontapoe dienstknegti moe teki moro langa prati na ini libisma oorlokoe. Wi feti, leki kristensma, de wan jeje wan. Ma, ini wi jeje feti wi kan teki na eksempre foe faja nanga loyaalfasi foe Jozua nanga en dek’ati, tranga man. Foe troe Jehovah ben blesi wi wroko na a sé foe meki discipel, èn a ben waka boen troetroe. Ma a de now na ten foe slak wi anoe foe di a ben waka boen te so fara? Kwetkweti. Now a de na ten foe de neleki Jozua nanga den man foe en èn no stop nanga wi fajafaja préki èn meki discipel. — Matt. 28:19, 20; 2 Kor. 10:4, 5.
3 Miljoenmiljoen sma ben sori belangstelling ini na kownoekondre njoensoe foe di den ben teki boekoe soleki Tégo libi èn Bijbel-tori-boekoe. Den abi wi jepi fanowdoe. Èn foe di na pristeri foe oktober de wan foe den toe boekoe disi foe wan bijdrage foe Sf 5,00 dan wan moi okasi de na ini disi foe opo foeroe bijbelstudie.
SAN WI KAN DOE?
4 Na a fosi presi, wi moesoe loekoe ibri wan sma aparti pe wi libi wan boekoe leki wan sma di warti foe kisi wan gobaka. Foe dat’ede a de wan sani di wi kan rikomanderi foe doe taki na oso foe oso-rapport moesoe gebroiki heri boen, sodati den fisiti disi kan meki. Te wi e meki na gobaka, dan wi moesoe abi leki wi marki foe bigin wan oso bijbelstudie. Srefi te wi e go oso foe so, foe san-ede dan wi no sa demonstreer gi na ososma fa wi e hori wan osobijbelstudie? Foeroe sma di de now wi brada nanga sisa na a fasi disi den ben kon leri sabi na bijbelstudieregeling.
5 Nownow joe e lei wan bijbelstudie nanga wan sma di abi belangstelling? Efoe dati de so, dan joe sabi troetroe sortoe prisiri joe e kisi te joe e leri wan sma na waarheid. Joe ben kan sreka joe afersi na so wan fasi dati joe ben sa kan hori ete wan bijbelstudie? A ben sa de boen efoe joe kan loekoe joe égi schema foe si efoe na na kontren disi joe ben sa kan jepi moro sma na a fasi disi. Joe prisiri nanga satisfaksi kan kon moro bigi te joe e jepi wan tra prékiman foe opo èn hori wan bijbel-studie.
6 Efoe nownow joe no e hori wan bijbelstudie, ma joe ben sa wani dati troetroe, dan son positief stap de di joe kan doe. Na a fosi presi tjari na afersi kon ini begi na Jehovah. Aksi na dienstopziener foe gi joe rai. Joe gemeenteboekoestudieleider noso wan tra prékiman di abi ondrofeni kan jepi toe. Son prékiman a ben waka boen gi den toe foe di den soso ben pristeri na ososma foe lési makandra nanga den na Tégo libi-boekoe èn Bijbeltori-boekoe. Foe kisi moro bodoi fa foe bigin wan osobijbelstudie na ini na boekoe Libi foe tégo, loekoe dan Wi Kownoekondre Dienst foe april 1983.
7 Discipel e meki, den no e gebore. Soboen wan sma no o go troetroe na fesi na jejesé solanga wan oso bijbelstudie no e hori nanga en na na anoe foe wan boekoe foe na Genootschap. Foe di wi e warderi den jeje waarde foe na Tégo libi-boekoe nanga na Bijbeltori-boekoe meki wi e prati den foeroe. Te wi e doe so meki wi tan hori na prakseri na faja sondro foe weri foe Jozua èn sosrefi toe den wortoe di e gi dek’ati foe na koni man: „No meki joe anoe bro; bikasi joe no sabi pe disi sa abi winimarki, a kande dja noso jana, noso a kande taki ala toe sa kan de boen a srefi.” — Prék. 11:6.