Joe e pristeri bijbelstudie?
1 Foeroe sma abi boen bakapisi nanga na opo foe bijbelstudie foe di den e gebroiki a wantewante fasi foe pristeri den sma na okasi foe studeri bijbel. Wan man di ben weigri someni leisi foe teki boekoe di e taki foe bijbel ben doe boen na tapoe disi, di den ben pristeri en wan bijbelstudie. A ben piki: „Someni langa mi ben wani studeri a bijbel.” Den ben bigin wan bijbelstudie èn na heri famiri ben go boen na fesi esi-esi.
2 Wi alamala moesoe de na ai foe bigin studie. Efoe a de so taki sma moesoe go na fesi foe tron disipel foe Krestes, dan den moesoe kisi leri (Mat. 28:19, 20). Foe den kisi leri dan wan bijbelstudie moesoe hori nanga den. Nofotron studie kan opo foe di den e pristeri na ososma nomo foe sori en fa a kan leri moro foe bijbel èn den pramisi foe Gado. Wan brada ben man foe bigin feifi studie ini traktaat Libi ini wan njoen grontapoe foe vrede. Foe di a no ben man hori someni bijbelstudie doronomo, a ben gi den bijbelstudie abra na tra preikiman.
3 Efoe wi feni en koemakriki foe bigin studie, wi kan teki tra preikiman nanga wi èn jepi den foe kisi studie toe. Noso wi kan gi wan toe studie di wi bigin abra na tra sma ini a gemeente. Efoe joe ben sa wani so te foe hori wan bijbelstudie na den sma di joe e miti te joe e go ini a oso-foe-oso diniwroko? Na wan kefal wan preikiman meki wan gobaka na wan tini oemapikin di no ben sori foeroe belangstelling. Tokoe a preikiman pristeri en wan bijbelstudie, èn a teki en. Now a dopoe, èn en sisa nanga a masra foe en sisa e fisiti den konmakandra toe. — Gal. 6:6.
4 A no ala sma nanga soema wi bigin wan bijbelstudie, sa go doro foe studeri. A no ala sma di e studeri o kon ini waarheid. Ma wantoe foe den sa kon. Omoro studie wi e bigin, omoro bigi a sori taki na okasi de foe wi sa man jepi tra sma foe kon tron sma di e prèise Jehovah.