Meki a prijse di wi e prijse Jehovah kon moro tranga
1 Jehovah ferdini en foe kisi grani èn foe prijse en! A de en warti foe kisi a grani, foe di na en meki ala sani, nanga oenoe toe (Openb. 4:11). Wi abi foe gi en tangi foe oen libi. Wi de grantangi foe disi èn wi e firi wisrefi ferprekti foe prijse Jehovah so boen leki wi kan.
2 Fa joe kan meki a prijse foe Jehovah kon moro tranga na ini maart? Wán moi fasi de foe gi joesrefi krinkrin foe pristeri na Tégo libi-boekoe. Disi e aksi kande foe plan nanga sorgoe èn kande foe tjari wantoe kenki kon na ini joe aladé schema. Prakseri toe foe kari trawan foe kon wroko nanga joe na ini a velddienst. Proberi spesroetoe foe jepi prékiman di kande abi moeiti nanga en foe go geregeld na ini a oso na oso-wroko.
OPO BIJBELSTUDI
3 Ete wan fasi fa wi kan prijse Jehovah, de foe tjari nanga faja go-baka te wi feni na ini a veld sma di abi belangstelling. Pristeri boekoe de pas a bigin. A troetroe marki de, foe meki discipel di, kan prijse oen Gado makandra nanga oenoe. (Teki gersi Tori foe den Apostel 2:42, 46, 47). Doe moeiti foe opo studi. A Tégo libi-boekoe di wi e pristeri a moen disi, e meki en moro makriki foe ori studi, sodati njoen prékiman srefi kan abi prati na a prenspari wroko disi. Wan prékiman di no ben e ori studi bifo a boekoe ben kon na doro, ben ferteri bakaten: „Mi abi dri studi èn mi de tapoe a punt foe opo a di foe fo . . . Mi no man foe taki nofotron ’Grantangi foe oenoe’, foe di oen meki en makriki foe ori bijbelstudi.” Joe ben proberi opregti foe opo wan studi nanga jepi foe a boekoe disi? Joe ben tjari a tori disi go ini begi? Efoe joe abi na méne dati joe abi jepi fanowdoe, joe aksi jepi dan na joe gemeente boekoestudileider ofoe wan tra prékiman di abi ondrofeni? Trawan wani foe gi joe jepi èn tapoe a fasi disi a prijse foe Jehovah kan kon moro tranga.
STUDERI NANGA SOEMA?
4 Na soema oen kan opo studi? Boiti na den sma di abi belangstelling, èn di wi feni na ini a oso na oso-wroko, kande oen kan opo studi ooktoe na famiriman. Loekoe san ben psa di Andréas ben go enthousiast nanga a boen njoensoe na en brada na skinfasi, Simon Petrus (Joh. 1:40-42). Ofoe joe taki nanga joe birti ofoe nanga soema foe joe wrokope ofoe skoromati foe pristeri den wan bijbelstudi? Foe di joe sabi makandra boen, dan wan gron de kaba tapoe san joe bow go moro fara. Loekoe den mogelekheid disi ini begi èn handri ini akroederi nanga dati. — Matt. 7:7.
5 Jehovah troetroe ferdini en foe kisi grani èn prijse. Soekoe aladé ibri okasi foe prijse en èn meki gebroiki foe dati (Ps. 145:2). Dati sa meki oen firi na ini a ten disi bigi satisfaksi. Èn na ini a ten di e kon? Meki a de so dati wi nanga den sma di wi e jepi foe kon ini teri foe kisi libi, leki nanga wan mofo prijse Jehovah te ten di na abi marki. Doe ini maart soboen tranga moeiti foe pristeri na Tégo-libi-boekoe èn foe opo bijbelstudi.